إسماعيلي إس سي - i s m a i l y S C - المراكز اللى يحتاجها الأسماعيلى ليكون متكامل

المراكز اللى يحتاجها الأسماعيلى ليكون متكامل

حجم الخط Decrease font Enlarge font
image

بقلم خالد دونافان ... بعد لعب ثمانية مباريات خمسة فى أفريقيا و تلاتة فى الدورى

 ظهر عندنا ضعف فى مراكز محتاجه دعم فى يناير و دلوقتى هنتكلم عليهم مركز مركز
1 حراسة المرمى عندنا محمد صبحى ربنا يحميه بس مين البديل فتحى و كبر و عواد و شكرى لسه صغيرين انا بقول محتاجين دعم فى المركز ده بحارس أحتياطى و أنا برشح محمود الغرباوى حارس دمنهور حارس جيد و صغير السن و متميز
2 الدفاع أم المشاكل اللى عندنا محتاجين ليبرو و مساك بسرعة بالنسبة لخط الدفاع عندنا شادى و المعتصم و ابراهيم يحيي و حجازى و على جبر ناشىء و مودى لايصلح و عبدالحميد سامى فى حكم الماشى و خيرى لم ينجح فى مركز اليبيرو و مع تعذر المساكين اللى على مستوى عالى او لوجودهم فى أندية لا تبيع لاعيبيها زى الشرطة عندها احسن أتنين مساكين فى مصر من وجهة نظرى محمد نجيب و دويدار و لقلة ذات اليد و الفقر المزمن اللى عندنا و بعد تدقيق فى قوائم الأندية و و المساكين المميزين تم التوصل أتنين ليبيرو و مساك ممتازين و كمان ببلاش من يناير
1 هانى سعيد بتاع الزمالك اللى هو بتاعنا فى الأصل ليبيرو ممتاز و نجح معانا نجاح باهر و فوتا كان طالبه قبل بداية الموسم بالأسم
2 حازم فتحى مساك الأنتاج الحربى ببلاش من يناير مدافع قوى يمتاز بطول القامة و أجادته للكور العالية و العرضيات بيلعب براسه ممتاز و كمان بيجيب أهداف
وبكده يبقى دعمنا الفريق فى المركزين و ظبطنا الدفاع على الأخر
3 الباك الشمال عندنا الشحات و سمير فرج فى الناشئين أحمد عبد الواحد و مصطفى جلال ياريت نشوف حد من الناشئيين عشان ياخد خبرة و أنا برشح لدعم هذا المركز فرج شلبى لأن بتروجيت كان هيمشيه بداية الموسم ده و قيده فى القائمة الأولى فى أخر لحظة عشان مكنش عندهم غير اسامة محمد بعد ما جدده ليه لكن بعد كده جاه الساعى و أصبح فرج شلبى ملوش مكان أو أحيانا بلعيه وسط الواد فرج شلبى بجد لاعب سوبر من وجهة نظرى لنه جوكر بيلعب باك شمال و ممكن هاف شمال و صانع ألغاب و تحت المهاجمين و يتميز بالمهارة العالية و التسديد القوى يعنى بالبلدى رجليه جامدة على الجون و بيشوط فاولات كويس فياريت نفتح معاه خط و نحاول نجيبه فى يناير الموسم القادم يبقى فل جدا و ياريت الموقع يوصل كلامى و الأدارة تحاول تجيبه زى ما قولت على عمرو الحزانى و كان ببلاش و عملت توبك و قلت عليه أنه هيبقى أحمد سمير فرج الجديد و الناس كلها شافت مستوى الواد الرهيب
4 الباك اليمين محتاجين دعم فيه لأن معندناش غير أحمد صديق و فى ناس مش عاجبها أدائه و الجمل اللى نسى الكورة تقريبا و الشحات الراجل بيعمل اللى عليه فيه لما يكلف فى اللعب فيه كتر خيره المميزيين رضا العزب مستحيل يجيي الشرط لايفرط فى لاعيبيه حد فيه أتنين أحمد فوزى بتاع المصرى و مستواه نزل و كامل أبو على مش هيسيبه اللى أنا برشحه لاعب مهارى جدا موهوب ممتاز سريع و بيلعب فى نادى شكله الموسم ده الأخير ليه فى الممتاز باسم على لاعبا لمقاولون العرب لاعب جيد جدا صغير السن تقريبا 22 سنة و ممكن نستفيد من القيادة الأسمعلاوية للمقالون العرب المتمثلة فى حمزة الجمل و بعيدين الاعب أساسا من اسماعيلية
دول من وجهة نظرى اماكن الخلل و النقص انما الوسط المدافع تمام و المهاجم تمام و الهجوم تمام بعد كمان صفقة أبو الحسن اويرى بكده تمام
منتظر ردودكم و ارجو توصيل التوبك للأدارة بخصوص اسماء الاعيبه دى و بالذات هانى سعيد نلحقه قبل ما الزماك يجدد ليه و حازم فتحى قبل ما بيتسرق لأننا محتاجين بشدة الدعم فى اليبيرو و المساك بشدة
و لازم ناخد بالنا من أنتهاء عقد حسنى عبد ربه الموسم الحالى لازم نجدد ليه و يكمل معانا و لازم ناخد بالنا برده ان الموسم القادم هينتهى عقود المعتصم سالم و أحمد سمير فرج و أحمد صديق و تقريبا عبدالله السعيد يعنى لازم يجرى التجديد للرباعى الأساسى اللى عندنا عشان يبقى حافظنا على نجومنا و دعمنا صح

 

جديد إس سي
image

ذكري الكونت دي شحته - رحمة الله عليه

تعود الينا ذكري الكابتن شحته رحمة الله عليه و نتذكره كأحد الرجال المحترمين في تاريخ النادي الاسماعيلي و هي ذكري تعطي لنا الفارق بين الغث و السمين ... الكونت دي شحته لقب اطلقه شيخ النقاد الراحل علي الكابتن شحته – رحمة الله عليه نسبة الي دي ستيفانو نجم ريال مدريد في عصره الذهبي
image

باهر يغيب عن بداية فترة الاعداد

كتب ميدو حسين ... من المقرر ان يغيب باهر المحمدى، كابتن النادى الإسماعيلى، عن المشاركة فى التدريبات الجماعية للدراويش والتى ستنطلق غداً السبت استعداداً لعودة الدورى،
image

هؤلاء أبطال فيلم الأوفياء فى الإسماعيلى رغم ملايين الأهلى

.. حسنى عبد ربه: رفضت عرض الخطيب لأن الدراويش "جوه قلبى".. أبو جريشة:هربت من صالح سليم للنمسا حباً في الأصفر.. وحمص يسطر سيمفونية الإخلاص لبرازيل
image

انفراد.. جلسة بين نجوم الإسماعيلي القدامي وبعض قيادات المحافظة

يعقد نجوم الفريق الأول لكرة القدم بالنادي الإسماعيلي القدامي اجتماعاً الأسبوع القادم مع بعض القيادات الكبري بمحافظة الإسماعيلية . ويكون أبرز نجوم الدوايش في الإجتماع حسني
image

... استئناف الدوري 7 أغسطس رسميا

حدد الاتحاد المصري لكرة القدم يوم 7 أغسطس المقبل موعدا لاستئناف مسابقة الدوري الممتاز لموسم 19-2020 . وأكد حسام الزناتي مدير المسابقات بالاتحاد أن استئناف المسابقة
image

الدولي : أوزان لاعبي الإسماعيلي زائدة

ونحتاج عدد من المباريات الودية أكد سعفان الصغير مدرب حراس مرمى النادي الإسماعيلي، أن أوزان لاعبي الدورايش زائدة بنسبة كبيرة بسبب فترة التوقف، مشيرًا إلى أن
image

سعفان: إجراء المسحة الثانية للاعبي الإسماعيلي الإثنين المقبل

.. وطلبنا شهرين قبل عودة الدوري كشف سعفان الصغير مدرب حراس مرمى فريق الإسماعيلي، حقيقة الأوزان الزائدة للاعبي الفريق خلال فترة توقف النشاط بسبب تفشي فيروس
Powered by Vivvo CMS v4.1.5.1