جربنا نبدل الكراسي؟؟

بقلم م. محمد صابر ... أيوة يا جماعة احنا عمّالين نتكلم ونقول لا ولن واحنا ضد ومع.....طيب لو جبونا كلنا كدا

 وقالولنا تعالوا امسكوا النادي بكره مكان الكومي او عبد العظيم او نصر ابو الحسن....
هنعمل ايه؟؟؟
دا السبب اللي مخلي العثمانيين وحماد موسي مستخبيين
عشان مفيش حل غير البيييييييييييييييييع او التبرع
مين بقي اللي هيتبرع بالملايين ديه عشان خاطري عيون الجمهور بس مش عشان سبب تاني....
عارفين الاسباب التانية زي ايه؟؟
دعاية انتخابية؟؟؟ خلاص...بح.... الشعب بقي يريد
ظهور اعلامي وتلميع؟؟ برضو معدش بينفع....اي حد يطلع يشتم في السلفيين وفي شرع الله بيطلع في التلفزيون من غير ما يدفع مليم
يبقي لو حد من المحترمين جه النادي هيبيع والجمهور هيزعل ...والالترس هينزل يعمل وقفة احتجاجية
واللي مسك النادي هيبقي في موقف محرج....ويقدم استقالته او المحافظ يقيله بعد سيل الهتافات ضده وتكسير وتحطيم زجاج منزله من بعض الجمهور المأجور بعد ما (خرب النادي) وباع اللعيبة
ويجي البطل المنتظر الذي لم تتشوه صورته لإستلام الدفة بعد انتعاش الخزينة من بيع اللعيبة الحزينة
ونعمل فريق محصلش بعد تصعيد كام ناشئ ورور كدا زي حسني ايام زمان ونطلع تاني الدوري بعد ماتش فاصل مع الاهلي ونقول السنة اللي جاية نفوق ونكسب الدوري بقي تكون اللعيبة قليلة الخبرة استوت وبقلظت وبقوا بيعرفوا يرموا الفنلة في الارض بالجامد....
وتدور عجلة الحياة ويبقي الاسماعيلي كما هو من سنة 1924 الي ماشاء الله
يبقي لازم المنظومة تتفرتك وتتبني من أول وجديد....
وأول السطر هو تربية جيل يعرف معني الادب والانتماء وحجم النادي اللي اتشرف ودخله ولعب فيه
ثانياً : توفير موارد ثابتة اعرف اصرف بيها علي الجيل المؤدب بدل ما يفتح عينه علي قلة الادب الاهلوية
ثالثاً : تكاتف كل القوي الاسمعلاوية والصبر علي الفريق والنادي ودعمه بكل وسيلة ممكنة
رابعاً : محاولة مرور عنق الزجاجة في هذه الفترة دون لوم او تشكيك في نية احد
لأنه عملياً ونظرياً لا مفر من السناريو المنتظر
ازمة مالية وديون + لاعب ينوي الرحيل + تخبط إداري وجماهيري+عدم موجود موارد = بيع لاعبين

ياريت اكون عرفت اخفف الصدمات المتوقعة بتاعت (عاجل...) اللي هتظهر الساعات المقبلة علي المواقع الاسمعلاوية