إسماعيلي إس سي - i s m a i l y S C - رسالة الى اي اسماعلاوى زعلان على بيع السعيد

رسالة الى اي اسماعلاوى زعلان على بيع السعيد

حجم الخط Decrease font Enlarge font
image

بقلم ا. عمرو سيف .. نه الاحتراف ياسادة قصدى الانحراف .. هو الاحتراف المزور

 اللى أدخله مصر الكابتن محمود الجوهرى الله يسامحه
الاحتراف المزور اللى يخلى نادى ياخد 140 مليون جنيه حق رعاية والنوادى المنافسة له تاخد 3 مليون جنيه و5 مليون جنيه
تفتكر ياعنى د / رافت عبد العظيم لو كان هو اللى جه النادى الاسماعيلى بدلا من المهندس نصر ابو الحسن فى الانتخابات الاخيرة ووجد خزينة النادى بها 20 مليون جنيه (13 مليون من اعارة حسنى لاهلى دبى و 7 مليون من بيع هانى سعيد للزمالك) كان ممكن يبيع السعيد او اى نجم اخر للاهلى
ياعنى هو الدكتور رافت غاوى مشاكل ووجع دماغ مع جماهير الاسماعيلى علشان يبيع لاعب مباشرة للاهلى
مسالتش نفسك ايه اسباب البيع
الدكتور رافت باع عبد الله السعيد للاهلى لعدة اسباب انا عن نفسى مقتنع بها جدا
اولا الراجل دخل النادى ولم يتبقى على نهاية فترة القيد الثانية الا 5 ايام فقط وكل اللعيبة لم تحصل على نصف مستحقاتها من الموسم المنتهى بالاضافة لحسنى عبد ربه اللى اصلا عقده منتهى ووقع عقد جديد مع الكومى النصاب مشروط بحصوله على مستحقاته المتاخرة مما يهدد بهروب معظم هؤلاء اللعيبة
ثانيا الراجل كتر خيره كانه داخل على بيت كبير مولع من كل حتة ومش عارف يطفى النار من فين ولا من فين وعاوز ينقذ الناس دول اللى جوه البيت علشان النار ماتمسكش فيهم كمان
ثالثا الراجل كلم عبد الله السعيد اكلر من مرة وطلب منه عن طريق ابراهيم حسن مدير الكرة تجديد عقده مع الاسماعيلى لمدة 4 سنوات ب اتنين ونصف مليون فى السنة واللاعب رفض رفضا تاما وخصوصا انه كما يقال كان واخد فلوس مقدم من الاهلى من عدة شهور مضت
رابعا حط نفسك مكان رئيس نادى يعمل ايه ياعنى مع لاعب باقى له 3 اشهر مع الفريق وبعدها ممكن يوقع مجانا مع اى فريق دون الرجوع للاسماعيلى ودون ان يستفاد الاسماعيلى باى مليم واللاعب يرفض الاستمرار مع الفريق باى شكل بل يرفض العودة للاسماعيلية من الاساس هل حتتركه كده ولا تحاول تستفاد منه باى طريقة بالبيع لاى فريق لاعلى سعر
خامسا بينى وبينك انا كنت متوقع ان بيع لاعب زى عبد الله السعيد وباق له 3 اشهر ويصبح حرا للاهلى او لاى فريق اخر مش حيجيب اكتر من 5 مليون جنيه لان الكل عارف ان الاسماعيلى محناج جدا لاى فلوس علشان بسدد مستحقات باقى اللعيبة وعبشان يقعد واحد متمسك بالنادى زى الكابتن المحترم حسنى عبد ربه وبيعه يمبلغ 6 مليون و750 الف جنيه ده يعنبر انجاز والله لان انت موقفك ضعيف ومحتاج فلوس على وجه السرعة وماحدش يقولى اننا نستنى فلوس الرعاية ولا البث الفضائى لان لو انتظرنا قدوم الفلوس دى حتكون اللعيبة كلها طفشت
سادسا انا وانت وهو وهى وكلنا مسئولين مسئولية كاملة عن بيع عبد الله السعيد للاهلى لاننا جماهير مننديات فقط وجماهير فيس بوك فقط
ولو كانت الناس سمعت كلامى الموسم اللى فات وكان استاد الاسماعيلى فيه فى كل مباراة 30الف متفرج بيحبوا الاسماعيلى فعلا مش مجرد شعارات وبيدفعوا ثمن تذكرة الدخول مش نصفهم بيخشوا بلوشى مكانش يبقى ده حالنا ابدا
وبحسبة بسيطة جدا
غدد مباريات الاسماعيلى اللى على ارضه الموسم اللى فات 15 مباراة
وثمن تذكرة الدرجة الثالثة 5 جنيه للفرد ودى تعتبر اقل سعر للدرجة الثالثة فى جميع استادات اندية الممتاز
وثمن تذكرة لمقصورة العلوية 10 جنيه للفرد
وثمن تذكرة المقصورة الامامية يمين وشمال ووسط 20 جنيه للفرد
وثمن تذكرة المقصورة الرئيسة بتاعت كبار القوم 100 جنيه للفرد (وللاسف الكل بيدخل فيها بلوشى) الا عدد فليل جدا لايتعدى اصابع اليد الواحدة
نيجى بقة نحسب ايراد كل مباراة
الدرجة الثالثة يمين وشمال ووسط تشيل حوالى 8000 مشجع ياعنى 8000 فى 5 جنيه يساوى 40000 جنيه
المقصورة العلوية نقول تشيل حوالى 3000 مشجع ياعنى 3000 فى 10 جنيه يساوى 30000جنيه
المقصورة الامامية يمين وشمال ووسط تشيل حوالى نقول 5000 فى 20 جنيه يساوى 100000 جنيه
والبهوات بتوع المقصورة الرئبسبة اللى ممكن تشيل حوالى 100 واحد ياعنى 100فى 100 يساوى 10000 جنيه
نجمع بقة 40000 + 30000+100000+10000 يساوى 180000 جنيه (فقط مائة وثمانون الف جنيه لاغير )
ده ايراد المباراة الواحدة
انا مش عاوز 180000 جنيه للمباراة الواحدة
انا عاوز ياعنى 120000 جنيه للمباراة الواحدة
بلاش حتى 120000 جنيه للمباراة الواحدة نخليها 100000 جنيه للمباراة الواحدة
والاسماعيلى له 16 مباراة فى الموسم على ارضه
يبقى 100000 فى 16 مباراة يبقى اجمالى دخل المباريات فى الموسم مليون وستمائة الف جنيه
تصوروا جماهير الاسماعيلى اللى بتحب الاسماعيلى اللى مش عاوزة نجومها تروح الاهلى اللى عاوزة تاخد بطولات وهى جالسة القرفصاء فى البيت وقدامها كوباية الشاى ممكن جدا تكون هى نفسها حل من حلول الازمة المالية للنادى
ونفس الكلام ده ينطبق على تجديد عضوية النادى الاسماعيلى اللى تعنبر اقل سعر لتجديد عضوية نادى او مركز شباب فى كل مصر
35 جنيه فى السنة
تصوروا 35 جنيه فى السنة
والناس نايمة فى بيوتها وبتتكلم فى الموبايل فى الشهر الواحد باكتر من 35 جنيه
ومشتركة فى خطوط الانترنت فى الشهر الواحد باكتر من 35 جنيه
ياعنى بتدفعوا فى الشهر لفودافون او لموبينيل او لاتصالات كروت شحن باكتر من 35 جنيه
وبتدفعوا لشركات الانترنت فى الشهر اكتر من 35 جنيه
ولما يكون الدفع متعلق بالاسماعيلى النادى الغلبان الناس كلها تعمل نفسها هبلة وكان الامر لايعنيها
ويجب على اى رئيس نادى يجى يمسك الاسماعيلى اول مايدخل من باب النادى يضرب الارض بعصاه السحرية تطلع بطيخ قصدى تطلع دولارات ويورو وجنيه مصرى
لما تبقوا تحبوا النادى بجد
يبقى لكم حق انكم تحاسبوا اى رئيس نادى على بيع اى لاعب
غير كده سيبوا اولى الامر يشتغلوا

جديد إس سي
image

ناصر خالد مستشار فني لحراس المرمى لبورتو للتسويق الرياضي

بعد نجاحاته المستمرة داخل النادي الاسماعيلي في قطاع الناشئين ومدرسة الكرة التي استمرت ١٥ عام عمل خلالها مع جميع الفرق وكان مثال يحتذا به في
image

الإسماعيلى يرد على قرار نقل قمة الإسماعيلى مع الأهلى لملعب برج العرب

صرح الاعلامي علاء وحيد المتحدث الرسمي للنادي الإسماعيلي ان اتحاد الكره أخطر اليوم الإسماعيلي بتغير ملعب مباراته مع الاهلي من استاد الاسكندريه الي استاد برج العرب
image

تأهيل ثنائى الفريق واستشفاء الأساسيين

بدأ فريق الكرة الأول بالإسماعيلى الاستعداد لقمة الأهلى يوم الأربعاء المقبل باستاد برج العرب بالإسكندرية ، ضمن مؤجلات الأسبوع الــ12 من عمر مسابقة الدورى المحلى.
image

أبو جريشة: واجهنا ظروفا لم تحدث فى انجلترا و لا افكر في الرئاسة

أكد على أبو جريشة، نجم الإسماعيلى السابق ورئيس اللجنة الفنية بقلعة الدراويش، أنه لا يفكر حالياً فى رئاسة النادى، وقال أبو جريشة فى تصريحات لبرنامج "بى أون تايم"، لا أفكر مطلقاً فى رئاسة الاسماعيلى فى الوقت الحالي، ولا يمكننى التفكير فى هذا الأمر حالياً لست أنانياً.
image

الفريق يعود للمران اليوم و بعد راحة 24 ساعة

 من االمقرر ان يعود الفريق الأول بالاسماعيلي للمران اليوم وبعد راحة 24 ساعة حصل عليها اللاعبون  و يقام المران في الساعة الثالثة عصر اليوم استعدادًا لمواجهة
image

سيبكم من ابراهيم عثمان و هو الباقي مفيش إحساس خالص

اتصور انه لم يوجد مجلس ادارة للنادي الاسماعيلي ( منتخب او معين ) , الا و إستقال عدد من اعضاءه اعتراضا علي سوء ادارة رئيس النادي
image

الذكري السنوية الخامسة لرحيل ساحر الثلاث خشبات حسن مختار

تمر علينا الذكري السنوية الخامسة لرحيل نجم الاسماعيلي السابق وحارس مرماه فى السبعينيات حسن مختار ساحر الثلاث خشبات الذى وافته المنيه في 5 مارس 2016 ,, داعين الله أن يدخله فسيح جناته
image

حمص : الإسماعيلي لن يهبط.. ويجب وضع لائحة لتحفيز اللاعبين

يثق محمد حمص نجم الإسماعيلي السابق أن الدراويش لن يهبطوا للدرجة الثانية مشيرا إلى أن الفريق سيخرج من أزمته الحالية.
image

جماهير الإسماعيلي :هبطنا اكلينيكيا والجميع مسئولون

سيطرت حالة من الحزن و الإستياء بين جماهير ومحبي ومشجعي فريق النادي الإسماعيلي عقب تعادل فريقهم مع فريق وادي دجلة بدون أهداف في مباراة قمة
Powered by Vivvo CMS v4.1.5.1