التواضع حبتين حلو يا ... حسنى

6695عدد القرآءات 31/07/2010 07:41:00 Darwishing

حجم الخط

بقلم د. جمال ثروت ... مافيش لاعب بيقول على نفسه ( أنا رمز ) وماتجيش منك

وتقول ( أنا إديت للإسماعيلى كتير تقصد إنك إديته بطوله مثلاً )
وإتنازلت عن حاجات كتير( تقصد إنك ماروحتش الأهلى ) ودى تضحيه برضو ؟
وتقول النادى إستفاد من ورايا (إستفاد من وراك ومن ورى غيرك مش حسنى وبس)
ولكن لو حسبتها صح ها تلاقيه لاشىء مما أعاطاه الإسماعيلى لك أو لغيرك
هو ده رد الجميل للإسماعيلى ولجماهيرك يا حسنى
لولا الإسماعيلى وجماهيرك ما كان فيه حسنى
إنت نفسك إعترفت وقولت الإسماعيلى أكبر منك ومن غيرك
ياريت بلاش الكلام الكتير على نفسك
لأنه كلام محسوب عليك مش ليك
ومعناه إنه كان لازم الدنيا تقف على رجل علشان إصابتك
لايشكر فى نفسه إلا ..... ؟ كملها إنت

الإصابة قضاء وقدر وإختبار من ربك ليك يا حسنى فلا تغضبه
صحيح جمهورك زعلان عليك وبيحبك وها يفتقدك طوال فترة العلاج
ولكن هو إللى يحكم عليك ويقول عليك رمز مش إنت إللى تقول على نفسك
وبعدين الرمز ليه معايير كثيرة لم نراها كاملة منك
******
ولا كان له لازمه نشر إللى حصل بينك وبين رئيس ناديك بمكالمة مع سى شلبى
إللى ماسك الإسماعيلى على لسانه زى اللبانه ده
وإديته الفرصه يعمل لنا حواديت من تصريحاتك
وها يوزعها طبعاً على إللى يسوى وإللى مايسواش
ويبنوا عليها إختراعات وقصور
صحيح ليك حق تطالب بحقك ماشى
بس مالوش لازمه تنشر الغسيل ده والتفاصيل دى كلها على الدنيا كده
ده على كده كل لاعب يجيب جول أو ترك النادى ببساطه وإتباع بأى مبلغ
أو رئيس النادى عطس معاه ها يقول زيك هو رمز وعمل .. وعمل للإسماعيلى
الرمز من علاماته لازم يكون قدوة ومتواضع يا حسنى وما يتكلمش عن نفسه كتير
وعاوز الصراحة إنت لسه ما إديتش حاجه للجماهير يا حسنى
تفتكرك بيها فى الملاعب مش كل حاجه فلوس
حب جماهيرك بيكون وإنت بتساعد فى فرحتهم ببطولة
إنت طلعت إعاره إستفدت أكتر ما إستفاد النادى من بيعك
بس الجماهير لا تنظر للكلام ده وتحتاج لبطولة وهى الباقية مش الفلوس
نرجو منك ومن كل لاعب فى الإسماعيلى يهدى شويه
ويركز فى إحراز بطولات للإسماعيلى ويعطيه قبل ما يستفاد هو منه
وربنا يهديك يا حسنى وتخلى الجمهور دايماً يحبك
مع وافر تحياتى

جديد إس سي