إسماعيلي إس سي - i s m a i l y S C - جرجير وكرات وفجلة ,, قبل لقاء وادي دجلة

جرجير وكرات وفجلة ,, قبل لقاء وادي دجلة

حجم الخط Decrease font Enlarge font
image

كلنا نعلم ان هناك جبهتين داخل النادي الاسماعيلي – جبهة الدمار وهي رئيس

 النادي الاسماعيلي وسلاحفه ودلاديله وطراطيره .. والجبهة الثانية هي جبهة التعمير وهي اللجنة الفنية والجهاز الفني واللاعبين

من الطبيعي ان تكون جبهة الدمار علي نار وغيره وسبرتو وبنزين ونابالم ممكن يولع في كل شئ وكل يوم يمر بيخلصوا انبوبة بوتجاز ..بيفتحوها ويقعدوا يتنفسوا .. شهيق وزفير وعسران وداوود وهولاكو وجانكيز خان .. وكل شوية يطلع مستر جرجير ...بتصريح ويسخن الدنيا ولا وابور بوري اجدع سباك
وهات يا رص وضرس وطلع من مناخيرك .. واتفرج علي الولعة وهات القيثارة وغني .. احنا حنولع روما ولا اجدعها نيرون
 لكن- بقي - مش من الطبيعي ان لجنة التعمير .. تزود القلق والتوتر بالنادي وما نصدق نلاقي ساعة تعدي هدوء .. بعديها تلاقي 1000 ساعة توتر وقلق وخبط ورزع .. وبوستات تودي في داهية - بل 60 داهية
ليه لان الكابتن فجلة .. مش عارف يخيط شفايفه .. ويسكت ويعدي اليومين دول علي خير وبعدها نشوف ايه اللي حيحصل .. وساعتها لكل حادث حديث
 لكن ليه .. لازم يعمل فيها عبد المهم هو وكابتنه وان الخطاب واقفين سنتين علي الباب وما رضش ابويا .. واصل الحكاية عارفينها كلها موسم واحد وهات الفريق اللي بعده وبعدين اللي بعديه واللي بعديه
واقعد يا عم فجلة في مكان ناشف وابلع ريقك وخليك عاقل وانت كده بتخفض في اسهمك واسهم زعيمك – لو كان لك اسهم اصلا ... من الاصل
وتبطل تدوير في اللاعبين والا ليلتك وليلة زعيمك حتدخلنا في حسبة بيرما لاخر مباراة
 وكمان الكابتن كرات . ما يسكتش لازم يطلع ويسخن و يعمل لنا انتفاخ ..وهو موبايل يرد عليه بالصدفة .. وهات يا كلام  كلام و كلام .. و بيتصور انه لو ماتكلمشي .. حيقولوا عليه اللي الراجل اللي ما تكلمشي اهو .. احنا ماشيين اخر بعد سيراميكا .. يا عم اتبلط  قيشاني و اسكت
تسيب النادي لمين يا كابتن كرات .. تسيبه لمين .. اتقي الله واسكت ..مش ناقصاك
وبين كل الكلام والتصريحات والاشاعات والخناقات والترشيحات من مستر جرجير وكابتن كرات وكابتن فجلة ... نسينا اننا حنلاعب وادي دجلة
ولو تتصور اننا ضامنين الثلاث نقاط تبقي غلطان  و ميت غلطان .. لان فريق وادي دجلة في خطر و الف خطر و في المركز الاخير و عنده 25 نقطة و الفريق بينه وبين اول الناجيين من الصراع علي الهبوط  7 نقاط – يعني لسه عنده امل و نهي و ميرفت ... و كمان حيحاول اللاعبين يسوقوا نفسهم و يقدموا افضل ما عندهم
ومسئولي دجلة تقدموا باحتجاج على نتيجة مباراته مع طلائع الجيش وخسرها دجلة 
بدعوي ان محمد ناصف لاعب الطلائع شارك فى المباراه وهو موقوف
 بسبب حصوله على ثلاث انذارات والحكم بعد نهاية الدورى يوم 27 الحالى
وأذا حكم لصالح دجله اصبح لدى دجله 28 نقطه ويحتاج الفوز علي الاسماعيلي ليقفوز 31 نقطة
يعني مباراة صعبة ومش سهلة وممكن لا قدر الله لو خسرتها ... حيبقي رجلينا فوق ورأسنا تحت وحنغني كلنا ظلموه ..النادي الخالي ظلموه
اما الاسماعيلي .. يا عيني علي الاسماعيلي
 في المركز ال 13 و عنده 37 نقطة  و عادت الاهداف الي ناقص واحد .. يعني بالسالب يا كباتن فجلة و كرات ... عيب عليكم
يعني محتاج تفوز و تغمض و تنام .. عين مغمضة والتانية مفتحة 
 ليه
 لان الاوراق بتقول خصم 3 نقاط لا رجعة فيه
احنا كبار و فاهمين و بنتعامل بالاوراق فقط . و لا نصدق كلام نصر عزام و لا جدول الفيفا او الليفا
و طالما فيه ورقة قالت خصم  3 نقاط – يبقي خصم 3 نقاط نهائي مش اي كلام
 هاتوا لي ورقة تقول رفع خصم الثلاث نقاط .. ساعتها يبقي الكلام حلمي رسمي فهمي
وعايزين المشكلة الاوضح ان قرار الخصم الثاني في الطريق  بوقف القيد و خصم علي البيعة قبل نهاية شهر اغسطس الجاري
 يعني لازم تفوز علي وادي دجلة ... وبعدين نتكلم علي نور و واقع 
الاسماعيلي حيلعب علي ارضه  يوم الجمعة مع وادي دجلة في الساعة السابعة
ومفيش وقت لاعلان اسماء اللاعبين و قائمة الفريق ..اللعب كل 72 ساعة و علي ودنه
وعلشان كده عم ايهاب جلال جاب تقريبا 40 لاعب وضم اللاعبين الشباب المميزين فى إطار سياسة الجهاز الفنى لمنح الفرصة للجميع من أجل تجهيزهم استعدادا للموسم الجديد.
القائمة ضمت كل من ..
حارس مرمى ..محمد صبحى ،محمد مجدى ، عبد الرحمن صلاح
خط الدفاع .. باهر المحمدى ، مروان الصحراوى ، محمد هاشم ، حسين السيد ، محمد نصر ، مصطفى الزنارى ، محمد إيهاب .
خط الوسط .. عماد حمدى ، محمد حسن ،عمر الوحش ،أحمد مصطفى ، أحمد مدبولى ، محمد الشامى ، محمد عادل ، مصطفى فارس ، بابل ، محمد بيومى ، محمد الضرف ، محمود دونجا ، محمد سليمان ، محمد عبد السميع ، محمد صادق ، زياد طارق .
خط الهجوم .. شكرى نجيب ، فخر الدين بن يوسف ، مروان شوقى ، شيلونجو.
والتاريخ في صفنا .. لاننا لاعبنا وادي دجلة 17 مرة في الدوري وفزنا 7 مرات واتغلبنا 3 و اتعادلنا 7 مرات
ان شاء نكسب ويبقي الفوز الثامن و نهدي شوية
ويا جرجير ويا كرات يا فجلة .. ويا سلام .. لو تبطلوا كلام

جديد إس سي

فريق الصالات ينظم وديتين استعدادا لمواجهة الدرب الاحمر بالدورى

كتب مؤمن مجدي .. اتفق الجهاز الفنى لكرة الصالات بالنادى الاسماعيلى على مباراتين وديتين  استعدادا لبداية دورى الصالات مع فريق الدرب الاحمر يوم التاسع عشر
image

مجدي الباز رئيس الجهاز الطبي بالإسماعيلي

تقرر عودة  الدكتور مجدي الباز لرئاسة الجهاز الطبي بالنادي الاسماعيلي بالتنسيق مع الكابتن طلعت يوسف المدير الفنى للفريق . و تولي مجدي الباز  العمل و رئاسة
image

باب الترشح يغلق غدا و المفاجأت واردة خلال 24 ساعة

من المقرر أن يغلق غدا في الخامسة من مساء الاربعاء, باب التقدم بالأوراق للترشح عي مقاعد مجلس ادارة النادي الاسماعيلي

مصيلحي نجم الإسماعيلي ينضم للمريخ البورسعيدي في صفقة انتقال حر

انتقل نجم النادي الإسماعيلي وفريق 99 اللاعب محمد مصيلحي لصفوف  نادي المريخ البورسعيدي في صفقة انتقال حر مدتها  3سنوات جاء ذلك بعد تخلي مجلس ادارة
image

"لا نية للتأجيل".. وزارة الرياضة تؤكد إجراء الانتخابات في مواعيدها

أعلنت وزارة الشباب والرياضة، أنها ستجري مجموعة من التعديلات اللائحية بشأن انعقاد الجمعيات العمومية للهيئات الرياضية لإجراء انتخابات مجالس إداراتها، مشيرة إلى أن انتخابات الهيئات
image

وحيد يكشف حقيقة الخلافات بين طلعت يوسف واللجنة الفنية

أكد علاء وحيد المتحدث الإعلامي للنادي الإسماعيلي، أن طلعت يوسف المدير الفني للفريق الأول لكرة القدم، يعلم جيدًا الظروف التي يمر بها النادي. وقال علاء وحيد
image

ملايين اضاعتهم الشاورما ... ابو اليزيد يرحل مجانا للقناة

نجح نادي القناة في التعاقد مع إبراهيم أبو اليزيد لاعب النادي الإسماعيلي، في صفقة انتقال حر لتدعيم صفوفه مع المدرب الجديد له علاء عبد العال. وكانت
image

الإسماعيلي يفحص ملف الأجانب

 كلف مجلس إدارة النادي الإسماعيلي اللجنة الفنية برئاسة علي أبو جريشة وبالتنسيق مع المدرب طلعت يوسف بفحص ملفات المحترفين التونسي مروان الصحراوي والأنجولي آري بابل
image

اليوم الكامل في الدراويش

طلعت يختبر الشباب في ودية حطين.. والإعارة مرفوضة  قرر الجهاز الفني للإسماعيلي تطبيق نظام اليوم الكامل في الوحدات التدريبية للوصول لأفضل فورمة بدنية وفنية تؤهل لاعبي
Powered by Vivvo CMS v4.1.5.1