إسماعيلي إس سي - i s m a i l y S C - يا ووتا .. ناقص عقدة الجونة

يا ووتا .. ناقص عقدة الجونة

حجم الخط Decrease font Enlarge font
image

الاسماعيلي بطل مصر و بطل افريقيا .. واجه فريق الجونة ... في مبارتين فقط

 

.. تعادل واحدة 2-2  و اتغلب 2-1 .. ( يا ادي الفضائح ) .. لا تقولي عقدة أنبي و لا عقدة بتروجيت .. شد حيلك قوي قوي يا مارك ووتا ... ده لسان حال جماهير الدرايش قبل مواجهة فريق الجونة المرعب الرهيب الصاعد لاول مرة في التاريخ  الموسم الماضي .. لكن قدر الدراويش انه يكون مصدر فرح و هناء و سعادة لكل الفرق الصاعدة حديثا للاضواء ....  او حتي الهابطة الي الظلام

 

و لعل الاسماعيلي .. طوال تاريخه كان (  ابو الكرم )   مع فرق غير ذات تاريخ ابدا  مثل دمنهور و اسكو و استيا و  تليفونات بني سويف و مصنع 36 و  الالمونيوم .. و غيرها  .. و اكثر ما يكون الكرم ... في رمضان و ربنا يستر

 

فمازالت الجماهير تتذكر جيدا  يوم 26 مارس 2010 ...  الجو جميل و المدرجات يشعلها شباب الالتراس بكل  همة و نشاط و الدراويش  ... ولعة و نار  و في الاخر انهزموا  من فريق ( الحونة ) و فضحونا ... بهدفين مقابل هدف ... حتي حكم اللقاء محمد عباس  .. صعب هليه حال الدراويش  و كابتنهم من ذل الايطالي بوفون من اسابيع قليلة ... و ارادت الجماهير الفتك بفريقهم بعد اللقاء  .. و لكت ربنا ستر

احرز هدف الاسماعيلي  النجم الايطالي ( سابقا ) محمد حمص  بالشوط الثاني  و احرز للجونة نور السيد وسعد حسن ( مين دول ) و كانوا متقدمين بالشوط الاول  وكمان  احمد  صديق اضاع ضربة جزاء

 

شاهد الاهداف

هنا

 

اما عن مباراة التعادل في الدور الاول 24 – 10 – 2009  .. كانت درامية ملوخية مهلبية و لكن ليست علي استاد الاسماعيلية ..كانت في الجونة ( فين دي ) و اتعادلنا 2-2  و في مباراة سرية لاحد شافها و لا حد كان  عايز يشوفها .. بعد ما فضحونا قدام الجونة و بصراحة كانت اول مرة ... ما نشتكيش من الحكام ... بنشتكي من نفسنا  اننا مش عارفين نكسب فريق لسه متأسس 2003  و احنا اصحاب التاريخ و الحضارة  لاعبين و اداريين  ..كل ده راح فين

 

شاهد الاهداف

هنا

 

الفرق اللي اسمه الجونة ( محدش عارف اصلا يعني ايه الجونة ) – سجل جولين  في الشوط الاول  و لولا قلة الخبرة لاعبي الجونة ... كانوا ضاعفوا الاهداف و لولا  حمص .. احرز هدف يكسر الحماس الجوني  و البديل – المظلوم  مهاب سعيد .. رجع لنا الامل و الفريق جاب لنا نقطة

شباب زي الفل .. 300 راجل الترساوي راح الي اخر الغردقة و سافروا من الصبح .. و اشتبكوا مع شوية حمر مأجورين .. و في الاخر خذلهم اصحاب السيارات الموديل 2010  و 2011  و اصحاب الملايين و الجيل و العقود و التجديدات اللغزية

خصموا الفين من كل لاعب مفيش فايدة .. اخصموا منهم قيمة السفر – ( و قال كانوا عايزين يسافروا في الطائرة )  .. كانت فضائح – الله لا يعودها

 

المهم ان الجونةانهي الموسم الماضي ( الأول له )  في المركز  و هرب من الهبوط بمعجزة – و الاسماعيلي أنهي الموسم  في المركز الثالث بفارق سبع نقاط عن الزمالك ( منهم خمسة نقاط كاملة بسبب الجونة ) .. عرفنا ليه ... احنا مربوطين علي المركز الثالث

 

المهم خلينا مع بعضنا في النهاردة – بمناسبة لقاء الاسماعيلي و الجونة يوم الاثنين المقبل الموافق 23 اغسطس  و علي ملعب  استاد الاسماعيلية

 

الأول نتحدث  فريقنا – بسم الله ما شاء الله .. لعب مباراتين ... في مواجهة عقدتين بتروليتين هزمنا بتروجيت 1-0  بهدف للمتألق النيجيري جودين بالاسبوع الاول  و هزمنا أنبي 2-1 بهدفين و لا اروع للمدفعجي احمد سمير فرج

 

اما عن فريق الجونة فقد  خسر  من انبي بهدف دون رد  ( و احنا هزمنا  أنبي ) و في الاسبوع الثاني حقق الجونة فوزا كبيرا علي المصري 2-1 ( انتهبوا جيدا )  لجمال حمزة  و احمد حسن فرج ( اللي كان دروجبا )  و الجونة في المركز التاسع بعد اسبوعين من الدوري الممتاز و يدرب الفريق الكابتن اسماعيل يوسف   

 

بمعني ليس هناك اي حجة للسيد ووتا عبد الباسط ... دكة البدلاء عامرة بالخيرات و ليس هو ( عماد سليمان اللي اشتكي و بكي من دكة البدلاء تحديدا )  و جماهير تنتظر ان تطمئن علي فريقها جيدا قبل السفر الي نيجيريا يوم 26 اغسطس  لمواجهة فريق هارتلاند النيجيري في الجولة الرابعة لبطولة دوري رابطة أبطال افريقيا و ايضا المباراة علي أرضنا  و وسط جماهيرنا الوفية و لكنها مستعدة للنشيد القومي و لو بالهولندي في حالة عدم احراز الفوز ( لا قدر الله )  و الفوز فقط

 

مع كل التمنيات الطيبة للدراويش بالفوز لأول مرة علي  الجونة ....  في المباراة التي تحمل رقم ( ثلاثة ) في تاريخ لقاءات الفريقين !!!!!

 

جديد إس سي
image

الاتحاد الأفريقي يهنئ محترف الاسماعيلي السابق بعد تحقيقه أرقامًا قياسية

قامت صفحة الاتحاد الأفريقي لكرة القدم "كاف" بتهنئة الغاني جون أنطوي مهاجم بيرامديز بعد تحقيقه لرقم قياسي، وهو تخطي الـ100 هدف في جميع المسابقات المحلية
image

ريكاردو يدرس بيراميدز بالفيديو وعودة الشامي

كتب ميدو حسين .. حرص البرازيلي هيرون ريكاردو علي طلب تسجيل لمباراة فريق بيراميدز وفريق حرس الحدود , لمراقبة الفريق الذي يواجه الاسماعيلي في الاسبوع 29 من الدوري الممتاز
image

الاسماعيلي يفوز 2-1 وديا علي بور فؤاد

 فاز فريق الإسماعيلى على فريق بورفؤاد بهدفين مقابل هدف فى المباراة التى أقيمت بينهما عصر اليوم فى ملعب ستاد الإسماعيلية ، و ضمن استعدادات الدراويش لمباراة
image

كتاب جديد للعوضي : كلمات ملهمة تصنع الانجاز

كتب ناصر خالد ... في إطار التطوير المستمر لمنظومة حراسة المرمي في مصر والوطن العربي والحرص الشديد على اللحاق بالمستوى العالمي لهذا المركز والمستويات المتقدمة يعكف
image

في دائرة السنتر .. قبلة الحياة وعودة البرازيلي

دائما ما يكون لقاء القمه بين الاسماعيلي والاهلي له جوانب ايجابيه واخري سلبيه تظل عالقه في اذهان الجماهير فلم يفكر احد ان الدراويش لعبواشوطا اول
image

العجوز : نشعر بالقلق ولكن لسنا خائفين

قال أحمد العجوز المدرب العام للإسماعيلي إن فريقه كان الأفضل خلال لقاء إنبي رغم الهزيمة التي تلقاها. وهُزم الإسماعيلي اليوم الإثنين أمام إنبي بهدف دون رد
image

سيهبط .. أم لن يهبط .. هذا هو السؤال

قبل ان تعقد حاجبيك و تغضب من السؤال الافتراضي .. يجب ان تعلم اني اسأل السؤال و انا - ربما - أكثر حزنا منك و توترا , الله اعلم بي ... و اقول لك ... ان لا أحد يدري الاجابة علي هذا السؤال .. الا الله سبحانه و تعالي ,, لانه هو وحده تعالي هو علام الغيوب
image

دستة هزائم يا معلم سلاحف السبوبة و المصلحة

برضه مش حنوجه اللوم الي اي لاعب في فريقنا .. ولا حتي للجهاز الفني بقيادة البرازيلي ريكاردو الي كان فاكر نفسه بيلعب مباراة ودية ... دول امكانياتهم سواء لاعبين او مدربين
image

فتح باب القيد 1 اكتوبر و خلف ما يعرفشي و لو عرف ايه يعني

قرر الاتحاد المصري لكرة القدم فتح باب القيد الصيفي في الاول من اكتوبر القادم وقبل اربعة اسابيع من نهاية الموسم الحالي
Powered by Vivvo CMS v4.1.5.1