إسماعيلي إس سي - i s m a i l y S C - ولسه ياما فى الجراب يا حاوى

ولسه ياما فى الجراب يا حاوى

حجم الخط Decrease font Enlarge font
image


الكابتن سيد بيه عبد الرازق ـــ والمحترم محمد شيحه ـــ وصاحب الخلق الرفيع كما يطلق عليه محمد فضل باشا ، ولسه ياما فى الجراب يا حاوى !!!! كله مديها هجوم وثرثرة فى الكلام الفاضى إللى لا بيودى ولا بيجيب على الفضائيات ، وفرصه جميله ويا فرحة كل من يريد الكثير من هذه التصريحات والثرثرة والشوشرة فى أى برنامج فضائى أحمر على الإسماعيلى .

بالزمه ده كلام يعنى كان الكابتن بازوكا زمان كان كلامه زى العسل على الإدارات كلها لما كان فيه سبوبه ، وبعد ما إنتهت السبوبه وخرج من النادى بشكل هو إللى وضع نفسه فيه بنفسه ، الحال ينقلب بسرعه كده من النقيض للنقيض وشرحه محمد بيه شيحة والكابتن الخلوق الشيخ محمد فضل ، ونسيوا جميعاً أن خير الإسماعيلى عليهم وعلى أمثالهم ولحم كتافهم من خيره ، يا ساتر إستر يا ستار ، ونسيو حال الإسماعيلى إللى محتاج جهود كل من يدعى بإسماعيلاويته لما كانوا عايشين عليه وبداخله .

يا سبحان الله نسيوا هؤلاء ومن لا يزالوا فى الجراب وها يجيلهم يوم ويبانوا ، أن من عملهم جميعاً هو النادى الإسماعيلى ؟؟؟ للأسف العيب اليومين دول أصبح هو الأصول ، يعنى بالبلدى القوالب نامت والإنصاص قامت ، أو القطط أكلت ولادها يارجاله ، وأتزاحت كل الأقنعة المزيفه وظهر كل من ظهر على حقيقته وبكل بجاحة ، مش هما دول إللى قالوا الغزل فى حبهم وإنتمائهم وعشقهم للنادى الإسماعيلى وكلام كتير من الكلام المبعجر والمجعلص عن حبهم المتيم للنادى الإسماعيلى ، لما كانوا بيقبضوا من وراه ؟؟؟ ( يعنى الحب بقى بفلوس ) وكمان فين مع شوبير ؟ .

وبرغم كل ذلك سيظل الإسماعيلى شامخاً غصب عنكم وعن كل ماتتفوهون به ، وأكبر من كل المغنيين والمطربين المزيفين والذين ينسجون الشعر له سواء من ظهروا أو لم يظهروا ولا زالوا فى جيب الحاوى ، وكله للأسف الشديد من أجل المصالح والمال ، يا للطيف .. يا للطيف .. ألطف يا للطيف .. ولازلت أتوقع خروج أكثر من جراب الحاوى الأيام دى بس كله ياخد باله .

ولك الله يا إسماعيلى نازلين سلخ فيك من كل ناحية ومش لاقى إللى يقف لك ويتصدر لهم سواء من دول ولا من دول ، وفين رد فعل الإداره من الكلام الفاضى ده كله ؟؟؟ هل ستتركه يمر مرور الكرام ؟؟؟ وأظن أول الغيث يبدأ بقطرة وبعدها ممكن نفاجأ بغيره وغيره ماهو كل النوعيات دى بتحب التصريحات الفضائية الفضفاضة ومش مهم الإسماعيلى ، يارب ينضف الإسماعيلى من هذه العناصر والبؤر الفاسده ، ويارب تتشال كل الأقنعة عن كل ما يساعد فى هدم ولو جزء بسيط من النادى الإسماعيلى ، مع وافر تحياتى وتقديرى لكل متألم مثلى من هؤلاء العجب

 

بقلم الدكتور جمال ثروت

جديد إس سي
image

الثلاثة شين ... شًركٌونا قدام دجلة

هذا ليس تقليل من الثلاثي ( شين ) , شكري و الشامي و شيلونجو , لان هذا مستواهم و تلك قدراتهم و إمكانياتهم و لا لوم عليهم علي الاطلاق ... و لكن لا يمكن لفريق ان يفوز بدون ان يحرز أهداف و لا يمكن أن يفوز فريق ما و فيه ثلاث ( عَلل ) تجيب الضغط و الإسهال
image

الاسماعيلي يحافظ علي الـ 17 بجدارة و إستحقاق و أصرار

انتهت مباراة الاسماعيلي و وادي دجلة بالتعادل السسلبي بدون اهداف وحافظ الاسماعيلي علي بقاءه بالمركز 17 و وادي دجلة علي المركز 18 ... و إلي حين
image

فخر الدين و أوسا متعادلين و درجات اللاعبين

بقلم د. اكرام نسيم ... مباراة لا تستحق المشاهدة ولا لاعبي الاسماعيلي موجودين ولا اصلا فيه لعيبه بني أدميين .. و تعالوا نشوف درجات اللاعبين
image

وصول لاعبى الإسماعيلى إلي ملعب السلام

كتب ميدو حسين .. وصل منذ قليل لاعبو الفريق الأول لكرة القدم بالنادي الإسماعيلي الي ملعب ستاد السلام ، ولذلك إستعداداً لخوض مباراة وادي دجلة بعد قليل في الدوري
image

تشكيل الاسماعيلي في مواجهة وادي دجلة

كتب مؤمن مجدي ...اعلن البوسني دراجان يوفيتش عن تشكيل الفريق الذي سيبدأ به مباراة وادي دجلة
image

سيحه: حزين على الإسماعيلي وشيلونجو مينفعش رأس حربة

أكد محسن عبد المسيح نجم النادى الإسماعيلى السابق أن الجهاز الفنى أجبر على الدفع بـ شيلونجو فى مركز رأس الحربة، موضحا أن مخطط الأحمال مسئول
image

الإسماعيلي يغادر إلي القاهرة إستعدادا لمواجهة وادي دجلة

كتب :ميدو حسين.. غادر لاعبو الفريق الأول لكرة القدم بالنادي الإسماعيلي إلي القاهرة ، ضمن برنامج الاعداد لملاقاة وادي دجلة بمسابقة الدوري المحلي
image

وادي دجلة والاسماعيلي و ماتش نااااار النار

يمكن اطلاق العديد من العناوين الرنانة علي لقاء فريق الاسماعيلي في ضيافة
Powered by Vivvo CMS v4.1.5.1