إسماعيلي إس سي - i s m a i l y S C - أيوة عندهم حق ..يلبسوا المحمدي أحمر ..و حكاية الحبل

أيوة عندهم حق ..يلبسوا المحمدي أحمر ..و حكاية الحبل

حجم الخط Decrease font Enlarge font
image

العديد ( خلي بالك من كلمة العديد دي ) من جماهير الاسماعيلي في منتهي الغضب من موقع فلجول ... لانه قام بعمل صورة يرتدي فيها باهر المحمدي فانلة النادي الاهلي و ذلك في اطار البحث عن بديل اللاعب احمد فتحي

 وبصراحة هي سقطة من موقع في الجول بلا ادني فلسفة او تبرير ... لكن اللون الاحمر اكتر من اي لون تاني .. في البنكنوت .. و اذا عرف السبب ..بطل العجب

وطبعا انا قلت ( العديد ) من الجماهير زعلان من الصورة ولهم حق و احنا معاهم .... لكن هناك ( العضيض ) من الجماهير بتبارك و تصقف و ترقص في ليلة الحنة لزفاف عروسة جديدة الي البيت الاحمر وبتبريرات - تغم النفس - و تقرف الليمون نفسه ..و عادي جدا بس يجيبوا لنا ... و ..... و .... و احمد الشيخ  و طبعا هناك من ( العضيض ) او هم  الشخاشيخ و يقولوا - باهر يعمل قرشين في الخليج   و يرجع الاسماعيلي ...زي حسني و نسي اولئك الشخاشيخ ان حسني كان بيطلع احترافاته- الخليجية - بعدما حصل علي لقب افضل لاعب في افريقيا ولعب كام سنة في الفريق الاول

 طيب عرفنا حكاية الفانلة الحمراء و ما ورائها من خطط بنكنوتية ... طيب ايه حكاية الحبل

 قصة الحبل هي : اللي يربط حبل في رقبته .... 1000  مين يسحبه

وفي قول اخر .. اللي يوطي ظهره ... 1000 مين يركبه

لكن خلينا مع حكاية الحبل ... لانه يظهر انه عهده عند رئيس الاسماعيلي ... لازم يسلمه للرئيس اللي بعديه 

وما شاء الله ... مجالس ادارات الاسماعيلي - علي مدار تاريخها ... رابطة ( سلبة ) مش حبل بس في رقبتها   

عايزين امثلة ..حاضر

  الحارس محمد عواد ابن المنايف ..ظهر واتصور في الزمالك وكسر مناخير رئيس النادي الاسماعيلي ... ومن بعدها كسر ايد رئيس النادي وقفل عواد كل عيادات الكسور و العظام..من منطلق : جرحوني وقفلوا الاجزاخانات  

 عواد يظهر في الزمالك لحسم مصيره بجلسة مع أمير مرتضى | مصراوى

ايوة عواد ظهر في الزمالك و قعد مع امير مرتضي ليناقش تفاصيل تعاقده و في 22  يوليو 2019 و كان عواد لسه علي ( زمة ) الدكر رئيس الاسماعيلي والذي نفذ اوامر ( العمدة عتمان ) بعدها باسبوع ... وطلق فاطمة ..يعني طلق فاطمة   

بلاش عواد ..فاكرين شريف عبد الفضيل لما مضي في الزمالك و في يوليو ايضا ..لكن في 2009 وراح مجلس ادارة البطاطس يخلصوا الصفقة في ميت عقبة ... وبعدين مجلس البطاطس طلب من عبد الفضيل انه يوقع علي ورقة رغبة للعب في الاهلي ... ليه .... لانهم كاوا منتظرين الملايين في الجزيرة  و كان معاهم ماكينة عد الفلوس لان البنك كان يومها .. قافل

 بلاش عواد وعبد الفضيل ... فاكرين جملة ( فين شريط الفيديو ) اللي خنقوا بيها محمد مظهر عن زيارة عضو مجلس الادارة و ابن رئيس مجلس الادارة لصرافة الاصدقاء في مصر الجديدة ... علشان يبيعوا عمرو السولية و الا نسينا

اخونا ابراهيم عثمان اللي كتبوا عنه في مجلة حكومية ( هذا الرجل بيكره الاهلي ) وبالبنط العريض .. ابراهيم عثمان  قالوا عنه انه كان ( بيهرش ) لما كان بيسمع اسم الاهلي.... ابراهيم عثمان بقي - ساق الحنطور بنفسه و كان راكب الحنطور محمود متولي  و وصله الي باب النادي الاهلي  - بمجرد اتصال من محمود الخطيب و ابراهيم عثمان قال له : حاضر يا استاذي - بصوت جمالات كفتة - و انت تؤمر وتقشر .... وعثمان ينفذ و يلم القشر 

عايزين الاقدم من سنة 1962 ... و الا انتوا عارفين القصة و اكيد انتوا عارفينها و حافظينها

 لكن يبقي السؤال هل يجرؤ موقع في الجول .. علي نشر صورة لاعب باقي في تعاقده 3 سنوات  مع النادي المصري او الاتحاد السكندري - مثلا - و يلبسه فانلة الاحمر- كان رئيس المصري  طلع كل المستخبي  من ايام ابو العربي .. و الا رئيس الاتحاد كان رجع لهم من ايام كرموز و الحضرة

طبعا لا .. لكن الاسماعيلي مستباح بسبب الحبل المربوط في رقبة كل رئيس مجلس ادارة للاسماعيلي   

الخلاصة انه لم يجرؤ  موقع في الجول او غيره ..علي كيان الاسماعيلي.. الا لانه يعلم ان رئيس النادي لن يفكر حتي في الرد علي موقع في الجول  و المركز الاعلامي عامل من بنها .. و لو رد رئيس الاسماعيلي ... حيقولوا له : طيب حنشوف 

ساعتها لون وش رئيس الاسماعيلي حيتقلب ميت لون ... و بعد كده قال : الطناش احسن و بلاش نورط نفسنا في رد .. احنا مش قده

و اللي يعيش ياما يشوف ... و مع مجلس السلاحف ... يشوف اكتر واكتر      

جديد إس سي
image

صالات الدراويش تتفوق على ميت عقبة برباعية و تصعد للمجمعة

كتب مؤمن مجدي ..فاز فريق صالات الاسماعيلى على فريق ميت عقبة باربع اهداف مقابل هدفين فى المباراة التى جمعت الفريقين عصر اليوم على صالة مركز شباب الشيخ زايد بالاسماعيلية
image

موعد مباراتي الشباب و الاتحاد بنصف نهائي البطولة العربية

حدد الاتحاد العربي لكرة القدم يحدد موعد نصف نهائي بطولة كأس محمد السادس للأندية الأبطال بين الشباب و الاتحاد السعوديين
image

وحيد يكشف تغيير ميزانية الإسماعيلى لحسم صفقات الصيف

لكشف علاء وحيد المتحدث الاعلامى للاسماعيلى أن المهندس إبراهيم عثمان رئيس النادي رصد مبالغ مناسبة لسوق الصفقات الصيفية تمهيداً لتدعيم صفوف الدراويش بعيداً عن سقف الصفقات المتعارف عليه فى القلعة الصفراء ،
image

صالات الدراويش تختتم استعدادتها لمواجهة ميت عقبة غدا

كتب مؤمن مجدي ... انهى فريق صالات الاسماعيلى استعداته لمواجهة ميت عقبة غدا على صالة مركز شباب الشيخ زايد بالاسماعيلية فى تمام الساعة الرابعة عصرا
image

المقاصة يكشف حقيقة انتقال حارسه للإسماعيلي

كشف مسئولو نادي مصر المقاصة، برئاسة اللواء محمد عبد السلام، حقيقةرحيل أحمد عادل عبد المنعم، حارس مرمي الفريق الاول لكرة القدم بالنادي، خلال فترة الانتقالات
image

الصالات .. الإسماعيلى يفوز على الدرب الأحمر ويصعد للمربع الذهبى

فاز فريق الإسماعيلى على الدرب الأحمر بهدفين مقابل هدف ، فى المباراة التى جمعتهما اليوم ، ضمن منافسات دورى كرة الصالات. أحرز هدفا الإسماعيلى رحيم إبراهيم
image

نادر رمضان يكشف سبب تألقه مع الإسماعيلي أمام أسوان

عبر نادر رمضان لاعب وسط الإسماعيلى عن سعادته بالمساهمة فى انتصار فريقه على أسوان بنتيجة أربعة أهداف مقابل هدفين خلال المواجهة التى جمعتهما أمس لحساب
image

بنتابول الدراويش تسحق سيجر بخماسية و تعبر لنهائى كاس مصر

كتب مؤمن مجدي ... فاز فريق بنتابول الاسماعيلى على فريق سيجر بخمس اهداف مقابل هدف فى المباراة التى جمعت الفريقين عصر اليوم على ملعب رواد العاشر بالقاهرة
Powered by Vivvo CMS v4.1.5.1