إسماعيلي إس سي - i s m a i l y S C - جمهور الدراويش و الصفقات و خد هات و صراع السماسرة

جمهور الدراويش و الصفقات و خد هات و صراع السماسرة

حجم الخط Decrease font Enlarge font
image

كل سنة ..يظهر العارض المَرضي ( بفتح الميم ) مرتين عند جماهير الدراويش – صيفا و شتاءا .. هو هوه نفس الكلام و نفس التقارير و نفس البوستات عن بوابة الكارتة

و لا تكون البوستات عن اللاعبين و الصفقات الجديدة قد  ( عدت الكارتة ) .. إنما نفس بوستات ( التقطيع ) من نفس ( السماسرة ) .. و سمسار عايز يجيب لاعب ..لم يستطيع ... يبدأ في بوستات تقطيع في اللاعبين ..حتي اللي ما جوش من الأصل
و بمجرد ان يكون هناك بوست ( إفتراضي ) عن اللاعب فلان بن ترتان
ستجد الردود ..كالتالي
- لاعب مخلص
- لاعب تعبان و كسر
- الله يخرب بيتك يا عوض يا بخيل
- ايه يا عم أي لاعب في الناشئين أحسن منه
- هو مش عارف ان البطولة العربي 6 مليون دولار .. يخرب بيت ام دي دماغ

....
هي هيه ..نفس البوستات  هي هيه نفس الردود.. و كلما كان اللاعب غير معروف او حتي معروف ... كان الردود اكتر و اكتر  اسخن و اشد ضراوة
و لو كتبت تقرير عن استعادة الاسماعيلي النادي الاجتماعي في النخيل و افتتاحه غدا .. ستجد الردود ثلاثة  او اربعة علي استحياء .. لكن لو كتبت تقرير عن اللاعب : الأعرج  ابو رجل مسلوخة
ستجد الردود بالعشرات و المئات و خاصة السماسرة اللي كانوا جايبين اللاعب: مقعد ابن أبي مشلول ... الهيجان زايد عندهم قوي قوي قوي
المحصلة ايه
المحصلة سودة بعيد عنك
لان جماهير الدراويش بعد تسعة مواسم و من 2012 و هي عندها نفس العارض المتشكك
سماسرة بره ... و سماسرة جوه
و اللي كانوا بره ... بقوا جوه ... و اللي كانوا جوه... بقوا بره
و اللي كانوا سخنانيين في عهد 2012: 2016 .. بقوا بردانيين في عهد 2016: 2020
و العكس صحيح
و القصة كلها تتحسب مين بره و مين جوه
طيب ايه الحل
الحل اننا نعين ..متحدث رسمي خبير و عتيد زي ا.علاء وحيد
علاء وحيد .. يقعد يحضر تصريح ..طول الليل و يطلع الفجر و العصفور صوصو  ... و يكتب وحيد و يقول لا مساس لا مساس
تطلع البوستات تقول :
- يا عم بتقول ايه ..باهر متباع و واخد فلوس كمان
- عبد الرحمن مجدي  قابض و معربن
- هو اصلا عندنا لاعيبة اساسيين يا عم علاء
- و انا اراهنك ان عوض البخيل متفق و مرتب مع الاهلي
طيب و بعدين .. في لجنة فنية حتختار اللاعبين الجدد
- ابو طالب بيسرب الاخبار لزميله علشان يعمل حصريات
- اللاعب فلان اتسرب التعاقد معاه و انبي عارض + 50 الف دولار
- نهار اسود علي دي لجنة تعاقدات ... طالما فيها العصفورة مفيش فايدة
- اصلا اصلا ابو طالب  جاي يطفش ريكاردو ..علشان يركب هوه

- ايه يا عم علاء وحيد انت ما سمعتش بازوكا قال ايه  
.............
بجد ..لو عندك وقت يا عزيزي القارئ الهمام ... ارجع الي  كل شهور الصيف و الشتاء  من 2012 ... هي هيه نفس البوستات و التقارير لوز اللوز ... و كوبي اند بيست
ايه الي اتغير ... علشان يكون فيه تغيير مستقبلي  او محلي او مستورد
هما نفس الاسماء و نفس الوشوش و نفس الكلمات
الجديد فقط ان فيه انتخابات المجلس ..جاية بعد شوية
و الاخ الاصغر طلب من الاخ الاكبر ان يمسك علي ايدين الاخ الاوسط
علشان ما يبيعشي لاعبين
ليه
علشان الاصوات الانتخابية و كرسي الكرسي

هو ده الجديد في خد و هات... و اوعي يا ابراهيم تضيع كرسي المعلم 
و الجماهير هات و خد.. و سلامات سلامات  يا واحشنا يا بلديات
و الحمد لله ما كانش فيه 80% من سماسرة البلد في الاسماعيلية و لا فيه فيس بوك زمان  .. و الا كنا لا شوفنا اوتاكا و لا النحاس و لا بركات
كلهم كانوا جايين من ورا ... البقرة .. و الاسماعيلي عملهم نجوم النجوم .. و بتوع حركات
طيب أيه الحل
عايزني اقول لك ايه الحل من وجهة نظري المتشائل
لن ينصلح الاحوال
الا لو رحل الناظر ... و السكرتير و البواب و ضارب الجرس
ليه
لان الناظر هو اللي غرقنا و غرق معانا .. و عمرك شفت غرقان بينقذ واحد حيغرق
ساعتها .. لابد ان ندعو من الله سبحانه و تعالي
أن يرزق الاسماعيلي ... رئيس نادي عنده فكر و ادارة و محترم ... و لا يكون مشرف علي كرة القدم
في الدنيا المحترمة هناك تخصص و تحصص التخصص و اللي يقول مونولوج  ما يرقصشي و اللي يرقص ما يقولش مونولوج علي رأي طنط أوسه بنت عزيزة اللذيذة ... الله يرحمك يا شويكار يا فنانة

 
عندنا بقي في الاسماعيلي مش تخصص ..ده تلصص و تجسس 

و  بيبيعوا الفجل و البصل و الجرجير و الجعضيد ... بجانب السويس رول و الساليزون و السبلية كلوب ساندوتش و البروفواز و الكشون
كله علي فرشة واحدة .. و كله بسعر واحد يا باطسطا
.................
هو مش اكتوبر حيخلص و يبان البيان و حيبقي في خبر كان و كان 
ساعتها حتعرفوا ..ان كله كوبي وبيست بجد و جد

الجمعية العمومية كمان اسبوع ... يا عم جمعية ايه .. ..يخبط علي ودانه و بقول :  نفض .. حيوافقوا علي شركة استثمارية تبيع النادي  مختوم بعلم الوصول .... يا عم نفض قلت لك نفض نفض 


اللهم استرها معانا في الصيف و في الشتاء بعد الانتخابات

موقع اسماعيلي اس سي ... فهم اللعبة صح من زمااااان .. و لا يشارك في الهيصة دي ..بموضوع الكارتة و انه يقترب يقترب يقترب

و لاعندنا شره و لا طمع قراءة التوبكات و التقارير باخبار لا بناخدها من ابو طالب او مش من ابو مش طالب

كلها فسافيس و فقاقيع و صابون زحاليق ..عارفين بدايتها و عارفين نهايتها

طالما اللي بيبيع جعضيد ..هو نفسه بياع الساليزون

و الكلام ده مش السنة دي ... لكن من سنين و سنين
ربنا يجعلنا من المتفائلين و  من غير المتشائمين
قولوا أمين أمين أمين

جديد إس سي
image

اسماعيلى ٢٠٠١ يختم تدربياته لمواجهة بيراميدز غدا ويعلن قائمته

كتب مؤمن مجدي ... أعلن الجهاز الفنى لفريق الاسماعيلى مواليد ٢٠٠١ قائمة الفريق لمواجهة بيراميدز غدا على ملعب الاخير بالقاهرة فى تمام الساعه الثانية ونصف عصرا
image

الاسماعيلي يستغني عن بكيتي سيلفا

انفق مسئولي النادي الاسماعيلي مع وكيل  اللاعب   بيكيتي سيلفا بانهاء التعاقد بين النادي و اللاعب الدولي الغيني ، و حصل اللاعب سيلفا  علي مبلغ 35
image

الإنتاج الحربى يسلم الإسماعيلى الاستغناء الخاص بمحمد عادل

نجح مجلس إدارة الإسماعيلى برئاسة المهندس إبراهيم عثمان فى التعاقد بصفة رسمية مع محمد عادل لاعب خط وسط الإنتاج الحربى خلال فترة الإنتقالات الجارية وأوصت
image

المحكمة الرياضية ترفض طعن الإسماعيلى على غرامة الـ20 مليون جنيه

تلقى اتحاد الكرة والنادى الإسماعيلى إخطاراً من المحكمة الرياضية الدولية، يفيد برفض الطعن المقدم من الإسماعيلى ضد نادى نجوم المستقبل، بعد تغريم الدراويش 20 مليون جنيه فى أزمة إبراهيم حسن لاعب بيراميدز الحالى والإسماعيلى والزمالك السابق.
image

الاسماعيلي يتعاقد مع محمد عادل لاعب وسط الإنتاج الحربي

انهي مسئولي النادي الاسماعيلي التعاقد مع لاعب وسط المدافع محمد عادل و قادما من نادي الانتاج الحربي
image

تأكد غياب حازم مرسى افتتاحية الدوري

تأكد غياب حازم مرسى مهاجم الإسماعيلى الشاب عن مباراة الدراويش فى إفتتاحية بطولة الدوري مع المصرى البورسعيدى بسبب الاصابة ، حيث وضع حازم مرسى قدمه
image

يونس: صبحي يقترب من الإسماعيلي..

كشف أيمن يونس رئيس لجنة الكرة في الزمالك عن اقتراب محمد صبحي حارس مرمى الفريق من الانضمام للإسماعيلي في الموسم المقبل. وقال أيمن يونس عبر قناة
image

٢٠ لاعبا فى قائمة الاسماعيلى ٢٠٠٦ لمواجهة ذئاب الجبل غدا

كتب مؤمن مجدي ... اعلن الجهاز الفنى لفريق الاسماعيلى ٢٠٠٦ قائمة الفريق لمواجهة المقاولون العرب غدا على ملعب جامعة قناة السويس بالاسماعيلية فى تمام الساعه الثانية ونص عصرا
Powered by Vivvo CMS v4.1.5.1