إسماعيلي إس سي - i s m a i l y S C - 104 دقيقة مع السكر والضغط مع إيهاب جلال

104 دقيقة مع السكر والضغط مع إيهاب جلال

حجم الخط Decrease font Enlarge font
image

يبدو ان فانلة البحارة التي يرتديها الكابتن إيهاب جلال مع التكشيرة - طوال 104 دقيقة ,,, قد أصابت جماهير الاسماعيلي بالسكر والضغط والإستبحس والسيمابول .. علي رأي الفنان يوسف وهبي

 طبعا حتقولوا لي انت تاني مرة – تشد علي ايهال جلال.. المرة الاولي ماتش الاتحاد السكندري اللي خسرناه بسبب الافتكاسات الجلالية .. و قلنا ان :  إيهاب جلال ..سبب الهزيمة مش الغندور
وقلنا بلا دبلوماسية انحيازية مهلبية
ولو عايز تراجع ما قلناه .اتفضل عزيزي القارئ الرابط
هنا

والعملية ليست تقليل من الكابتن ايهاب جلال علي الاطلاق .. لكننا في موقع اسماعيلي اس سي لا نقول الا الحقيقة ولا ننقد علي طول ولا نصفق علي طول ... كله في وقته .. وعلي ما نراه نكتب بكل امانة وصدق

ارجع ببساطة الي القسم الخاص بذلك 

هنا

 لكن النهاردة ... تشكيل الكابتن ايهاب جلال .. غريب وعجيب وشاي الشيخ الشريب
ممكن نتفق او نختلف علي التشكيل
 ده عادي و شئ جميل و مطلوب 
  يب ..  الشوط الاول لا دفاع ولا هجوم وصناعة لعب ولا تنظيم خط الوسط وظلم للناشئ محمد عبد السميع في غير وقته ولا مكانه واستحواذ 51% والعودة للخلف ثم الخلف ثم الخلف
 يبقي كنا قاعدين في اسكندرية بنتدرب علي حكشة وبنبلبط وخلاص وساعتها بقي سامحني
ده مش شكل فريق لعب 4 او خمس مباريات ودية
 لكن ان يقف الكابتن بوباي .. قصدي الكابتن ايهاب جلال... وهو يتفرج – زينا
علي الشارع اللي كان مفتوح وسريع وبتجري فيه عربية اريك تراوري علي سرعة 200 كيلومتر في الثانية
  فعلا الباك شمال حسين السيد فتح شارع ولا شارع مصطفي النحاس بمدينة نصر بعد عمل الكباري الجديدة فيه 
مش كان يتحرك الكابتن ايهاب جلال ويقول لحسين السيد
 عيب يا حسين ... التزم يا حسين ..ما يصحش كده يا حسين
تراوري بهدل وبيهد جبهتك يا حسين
واتطردت بسببه يا حسين ولو انت حيبقي الصحراوي يا حسين
مش مصدقين
 تعالوا نشوف
الدقيقة 34 انفراد من شارع تراوري – ينقذها فوزي
انفراد من شارع تراوري – و د  60
دول الانفرادات و غيرها كتير من تحرك تراوري  مصطفي النحاس علي الفاضي و المليان

حتي الهدف الثاني لبيراميدز من السيمافور علي جبر .. واضح انها لعبة متمرنين عليها .. انا سبت علي جبر يتحرك بحرية والكرة في الهواء و سجل الهدف الثاني زي السكينة في الحلاوة ودفاعنا في الكنافة والبقلاة .. فين بقي التدريب علي الكرات الثابتة للخصم ..مفيش

نرجع للتشكيل تاني

الواضح ان الجهاز الفني لم يركز علي خطوط دفاع بيراميدز من قبل وضع التشكيل وراجعوا الهدفين للاسماعيلي .. خطأ من علي جبر استغله احمد مدبولي افضل استغلال .. حتي ضربة الجزاء بسبب الضغط الهجومي ..ده غير الهدف الملغي لمحمد الشامي د 85 .. غير كده مفيش و لا فرصة تهديف نهائي الا تسيدة من شكري نجيب د 71 - لكن تواجد صادق ومدبولي وعبد السميع والقاء الحمل كله علي محمد عادل وعلي دونجا اللي مش مفهوم بيلعب علي عماد حمدي ليه؟؟؟ .. وحتي في اللحظات الحرجة ,,  بعد هدف التعادل د 98 .. هناك فرصتين لفريق بيراميدز .. واحدة انقذها باهر المحمدي بفدائية د 101 .. والثانية انقذها الفار بالغاء هدف جون انطواي

 نيجي لاخونا الحكم نهاد جريشة - جريشة في عينه - اللي واقف علي بعد 3 متر من عمر جابر والكرة في ايده .. ولم يحسب ضربة الجزاء

وال ايه رايح يشوفها في الفار ..كمان

وكمان ركبة شريف اكرامي في الضلع العايم لباهر المحمدي .. ضربة جزاء زي بتاعة مروان كنفاني حارس الاهلي في السبغينات  

 خسارة اسم جريشة فيك .. وسبحان الله العظيم

مش غريبة اللي خلي المدونديالي جريشة يطرد الصحراوي وبعدين يطرد حسين السيد في لعبة لا تستحق الا انذار بالعافية- ما هو لا هوه أحول والا الفار أحول .. والا احنا اللي ما بنعرفشي نركب  

 هو ايه فيه ايه

 لكن يحسب للاعبين اللعب لاخر دقيقة وروح عالية من اجل تحسين النتيجة ولو حتي كنا بنلعب بعشرة لاعبين لكن كرة ضربة الجزاء من شكري نجيب في العارضة في العارضة قبل ما تدخل ..كانت صعبة وصعبة جدا   

كلمة اخيرة ... هما ليه بعض الاسماعلاوية ما بيتعملوش ابدا

 فعلا بعض جماهير الاسماعيلي زي البط الخضير ... الشكاري يصفر .. البط يزعق .. يصطادوه 

عجايب !!!!! والله عجايب  

 شايفين فريق بيراميدز نصه من الاسماعيلي - علي جبر وجون انطواي واحمد فتحي وابراهيم حسن وعبد الله السعيد 

وواحد جاي في نص الماتش ..يقول : هو مش الاهلي مش عايز باهر المحمدي .. ما ياخده 

 طيب ايه رائيك يا عم الأمور .. ان باهر المحمدي شال هدف اكيد بالدقيقة 101 ..وكانت حتضيع منك كمان النقطة

والا اخونا - ليل نهار - اللي بيحلم بـ 30 مليون جنيه من بيرلميدز وعايز يشتري بيهم احمد الشيخ ومحمود ياسين ورفعت الفناجيلي كمان

 الهر الساحر علي ابو جريشة صحيح قال : الاسماعيلي أمن قومي .. وعجبتنا كلنا 

 لكن الهر قال ايضا : اتقوا الله في الاسماعيلي .. فعلا اتقوا الله في الاسماعيلي

وبطلوا ... هري    

 وانتهي الكلام خارج المقرر 

جديد إس سي
image

يوسف يطالب بضم مهاجم أفريقي قبل نهاية الانتقالات

طلب طلعت يوسف المدير الفني للنادي الإسماعيلي، من اللجنة الفنية للدراويش برئاسة علي أبو جريشة وعضوية عماد سليمان ضرورة التعاقد مع مهاجم أفريقي مميز قبل
image

بعد اغراق النادي في المشاكل والديون ... لن يترشح مرة اخري

أكد سيد عبدالرازق بازوكا نجم النادي الإسماعيلي السابق أن رئيس النادي الحالي لن يخوض انتخابات الدراويش. وقال بازوكا في تصريحات اعلامية: سحب أوراق الترشح لانتخابات
image

طلعت يوسف يحسم تعاقد الإسماعيلي مع عمرو الحلواني

يحسم طلعت يوسف، المدير الفني للفريق الأول لكرة القدم بالنادي الإسماعيلي، أمر تعاقد النادي مع عمرو الحلواني، ظهير أيسر نادي أسوان، خلال فترة الانتقالات الصيفية
image

التصويت السري مرفوض في الإسماعيلي

تعديلات مرتقبة في الجمعية العمومية.. وطلعت يرفض التفريط في الشامي الإسماعيلية ــ خالد لطفي: تفجرت أزمة مفاجأة لدى المسئولين بالإسماعيلي تمثلت اعتراض الكثير من الأعضاء على
image

راحة 24 ساعة في الدراويش .. وميزانية للمعسكر السكندري

قرر الجهاز الفني للإسماعيلي منح جميع لاعبي الفريق الأول لكرة القدم راحة سلبية لمدة 24 ساعة لالتقاط الأنفاس والعودة للانتظام في التدريبات اليومية استعداد لانطلاق
image

أبو الحسن يعلن الترشح لرئاسة الإسماعيلي ويستقر على القائمة

أعلن نصر أبو الحسن رئيس مجلس إدارة نادي الإسماعيلي السابق، الترشح على مقعد رئيس مجلس إدارة نادي الإسماعيلي، في الانتخابات المقرر إجراؤها في 31 أكتوبر المقبل.
image

البقاء لله , وفاة حرم الكابتن أسامة خليل

ينعي موقع إسماعيلي اس سي وفاة السيدة حرم أسامة خليل كابتن فريق النادي الاسماعيلي و منتخب مصر في السبعينات.
image

اليوم الاول للترشح .. لم يتقدم أحد

كتب ميدو حسين .. مر اليوم الاول لفتح باب قبول اوراق المرشحين لانتخابات مجلس ادارة النادي الاسماعيلي2021/2025 , دون ان يتقدم احد بالاوراق اللازمة
image

الفريق في راحة مسائية و غدا و السبت طلعت يقود المران

حصل الفريق الاول لكرة القدم بالنادي الاسماعيلي علي راحة من مران اليوم الخميس المسائي و ايضا راحة من المران غدا الجمعة .
image

بالفيديو : الزئبقي بركات يتحدث عن الاسماعيلي ومشواره الكروي

حاول محمد بركات، مدير منتخب مصر، الهروب مما وصفه بـ”الورطة” من جانب أحمد حسام (ميدو) مقدم برنامج “أوضة اللبس” عبر قناة “النهار”. وطلب ميدو من بركات
Powered by Vivvo CMS v4.1.5.1