إسماعيلي إس سي - i s m a i l y S C - فوزي الأجمل و الأروع .. يحقق التعادل للمتراجعين

فوزي الأجمل و الأروع .. يحقق التعادل للمتراجعين

حجم الخط Decrease font Enlarge font
image

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا

ده اللي حصل يا حضرات .. من الالف الي الياء مع الحارس المحترم الجميل ابو قلب أبيض زي القطن المصري طويل النيلة .. محمد بك فوزي ... ربنا يحميه و يخليه .. و يصلح اخطاء تشكيل الكابتن ايهاب جلال كمان و كمان
محمد فوزي يا جماعة الخير... شال جولين في اخر خمس دقائق ... ما يشلهمش الشن الشناوي نفسه ..  و الجولين من مكان واحد .. جهازنا الفني مش عايز يقفلهم من بداية الماتش ... ليه ما نعرفشي
و مش بس اخر خمس دقائق في الدقيقة 91 و 94  .. فوزي كان حاضر و محترم و متين .. و لا عنب زيه
 فوزي شال كرة لا يمكن تتشال د 74 و بالدقيقة 70 و بالدقيقة 88  و ما ننساش باهر المحمدي كمان شال هدف د 45 و كمان الزناري بالدقيقة 76
يعني كان فرص الاهلي بالكوم و الشوال كمان ... واحد ... اتنين ... جهازنا الفني فين
الله يرحمك بقي يا دولي .. لما قلت ان الحارس محمد فوزي ارتيفيشيل .. و مصنوع  من بقايا مصنع بلاستيك عبده صنوع
حاجة كده .. تقدر تقول كده ..  فوزي ريسيكل .. و راح الدولي و بقي فوزي .. حارس  فل و ياسمين .. ربنا يحميه
و قبل ماننسي .. طالما صلينا العشا ... و لسه علي الوضوء
 نسال سؤال .. نفسي اعرف اجابته قبل ما يرحل ابراهيم عثمان عن قريب .. قولوا امين
 السؤال هو

  هو مش فيه عدد ثواني محدد .. لكي يتراجع الحكم عن قرار استمرار اللعب بعد الفاول .. و ها التراجع عن الفاول يلغي ما بعده.. حتي لو كان هدف مثلا 

 اللي اعرفه ان الفار طلب من الحكم ... او الحكم طلب من الفار .. ان يراجع ضربة الجزاء التي كانت لصالح الاسماعيلي لعرقلة احمد مدبولي بالدقيقة  د 55 من اللعب علي معلول بالشد و الزحلقة يعني ضربة جزء و طرد معلول ... و راح محمد الحنفي .. يتشاور و يتباحث و يناقش .. و رجع احتسب الفاول عند نص الارض علي محمد حسن  ضد دياديانج .... ده ما يحصلشي في بلاد الواق الواق

 May be an image of one or more people, people playing sport and text

  لكن يحصل مع محمد الحنفي عادي جدا جدا ... لان قبلها ... عمرو السولية في الشوط الاول - قتل المحنكش محمد صادق - قتلا - د 36 علي خط المرمي ... و فاول 100% .. الاهلي زعقوا له .. لا حسب فازل محمد صادق و لا فاول قفشة ... حاجة كده المساواة في الظلم مش عدل  و تنزل المرة .. دي يا  ريس حنفييييي ...   

 مع حكام مصر .. كل شئ ممكن ... فار مش فار .. كل شئ ممكن لصالح النادي الننوس

 نرجع تاني للحارس المحترم محمد فوزي .. نقدر نقول انه هو سبب التعادل .. لان التشكيل الغريب و العجيب . بالشوط الاول .. خلي فريقنا دائما متراجعين و ادائهم زي الطين و طوال 48 دقيقة . لم يصوب علي الشن الشناوي الا كرة واحدة من احمد مصطفي د 16 .. فريقنا كله متراجع تراجع السنين

 تحرك بطئ في الاستحواز و التمرير الخاطي... و لكن عندما يمسك الاهلي الكرة .. يصنع فرصة وتمرير في العمق و الطوالي و العرضي.. لكن الاسماعيلي المتراجع .. يستلم الكرة .. ممكن سيادتك تروح تعمل شاي او حتي تدخل الحمام او المطبخ تسلق بيضتين للعشا  .. و مازال اللي معاه الكرة من الاسماعيلي يفكر ثم يفكر و يفكر وبعد كده يمررها مقطوعة

 الله يرحم ايامك يا حازم و يا عجوز و يا حمص ....  الكرة بصناعة فرص .. مش صناعة حرق دم  

طيب جهازنا الفني ..ما شافشي محمد صادق ان اليوم مش يومه و من الهدف بتاع محمد شريف قناوي .. د 22 و السبب فيها تمريرة محمد صادق الساذجة الي فخر الدين .. تتقطع و الاهلي يستغلها  و يجيب جول و المذيع يرقص و يغني و يقول : الافندي و الرهيب و المستشار و راسبوتين و لا كأن المذيع ساكن واكل شارب في الجزيرة او فرع مدينة نصر علي النوتة  

 محمد صادق بعدها د 33 .. عمل غلطة  مميتة و كارثة د 33 و يفقد الكرة امام منطقة جزاء الاسماعيلي- بسبب الحنكشة -  و كانت حتكون سبب فيجول لكن ربنا مع المنكسرين جابر و كفاية علينا كده و النبي مش ناقصين

و نقدر نشكر عمرو السولية .. لانه تقريبا سبب اصابة لمحمد صادق .. و قال اتعرض لشد في عضله صباع الخنصر و خرج صادق اللي محتاج ياخد كولوسيز مجدي عبد الغني .. سبع مرات ف اليوم .. قبل النوم و بعده ...  ونزل احمد مدبولي الفنان الجميل و عمل اوفر من بتوع سيد بازوكا او هندي .... الي فخر الدين ابو جريشة د 65 .. و جاب جول جميل من اجوال الهر الساحر الفاكهة .. الكرة من اعلي نقطة الي اوطي نقطة للتغلب علي لياقة حراس المرمي طويلي القامة .. دي كانت اجوال الهر الساحر ربنا يعطيه الصحة و طولة العمر

May be an image of 1 person, playing a sport, standing and outdoors

 نرجع و نقول الف الف شكر للحارس محمد فوزي الرائع الجميل ... و التعادل كويس في الظروف دي .. و ربنا يخلص الايام الجاية علي خير 

و يرحل مجلس السلاحف و رئيسه .. و نبدأ نقول الدراويش ..راجع تاني   

و انتهي الكلام خارج المقرر

جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1