إسماعيلي إس سي - i s m a i l y S C - بقلم أمجد مرعي

بقلم أمجد مرعي

حجم الخط Decrease font Enlarge font
image

أستك بن المرن ، أنا وأعوذ بالله من كلمة أنا ، أستك أفندي المرن ، أمي اسمها رايجه وأبويا

 إسمه مرن ، ساعات تلاقيني في توكة بنوته لمت شعرها ونزلت تهتف في الميدان

وساعات بأكون في نبلة عيل رخم نشين في عين كل جبان

وأوقات في دكة لباس سعادته ، أتبادل أطراف الحديث مع برغوت في جسم سعادته

في الليمان ، وباكون في شراب عسكري ضابط الأيش وبينخع من قلبه - مخالي شيل

بس من كتر اللي حصل مخالي إتشل

 

أنا كنت بهزر أصل خفة دمي دي وارثها عن امي الحاجة رايجه ، ربنا يطول في عمرها

ست فلاحه بس بتفهم في العلاقات العامة ، فشر خريجين الجامعة السيس اللي خلعوا الرئيس

قدرة في فترة قصيرة تكسب ثقة حريم كل كبارات البلد ، مرات العمدة والبيه المأمور والباش مهندس

الزراعي ودكتور الوحدة الصحية ، وعملت بينهم دايرة إتصال أجدع من ميت موبايل

بس كانت دائما في كل اتصال تحط حباشتاكناتها الخاصة ، وعن دون قصد وقع النسوان في

بعض ، فأحتارت - يا تري ولائها يكون لمين ! وإختارت في الاخر

عب مرات العمدة ، ماهي إللي باقية والتانيين ما شيين ما شيين ، شفتوا بعد كده ذكاء

 

أبويا بقي الحاج مرن ، الله يرحمه كان عنده بالصلاه علي النبي ، قهوة في

قلب البلد ، يتجمع فيها كل فئات البلد وطبقاتها ، وكلهم كان سرهم معاه وفي القهوة

تسمع فشر التوك شو إللي علي أصله ، تقوليشي برلمان شعبي كله هتيفه وصاحبه غايب

 وكانت القهوة دي حلقة الوصل بين العمدة والنخبة الحاكمة من ناحية وبقية الرعاع من الناحية التانية

وكان أبويا الحاج مرن هو جسر التواصل بينهم وبرضه عن دون قصد وبسبب

غلاء المعيشه كان بيستنفع من الطرفين ، فالنخبة كانت تطلب منه تثبيت الرعاع بكلمتين

حلوتين عنهم ، النخبه إللي نايمه قايمه علي مصلحة البلد ، والرعاع كانت جيوبهم مفضفاضين

ما كانوش يملكوا إلا الحلم بس في السر ، أصل ساعات الحلم بيحتاج فلتر علشان

يوصل للعمدة وبطانته ، أو حتي مقص الرقيب ، مش المقص اللي بيقص لإيناس الدغيدي ده

مقص تاني اكبر وما بيرحمشي

 

ومن هنا جه المكون الثقافي الاول للعبد لله ، إرضاء جميع الأطراف بس ساعات بتبقي

فيه أطراف أقوي من غيرها ، والغاية تبرر الوسيلة علي رأي ميكافيللي

وأنا بعون الله ، أخذت جينات من الطرفين ، أصل لما مرن يتجوز رايجه لازم يعملوا مكس

ماحصلشي ، منقح وزي الزيبق ، باين قدام عينك بس ما تعرفش تمسكه، ومن كتر

ما أنا حبوب وطيوب ولهلوب ، تلاقيني كل يوم بشكل جديد ولووك جديد ، يناسب الجو

إللي أنا رايحه ، ماتفهمونيش غلط ده أنا قلبي أبيض رغم إني أهلاوي ، ده انا كمان بحب

الحيوانات جدا ، ومن حبي فيهم إشتريت حيوان أليف ، هو مش أليف بس ظريف

إشتريت حربايه بس مجنناني ، كل دقيقة بلون جديد ، شفتوا أجمل من كده ، مش عارف

بتفكرني بمين ؟ - قوليلي إيه يامرايتي - كمان بحب النبات ، وفي كل حته في فيللتي تلاقي لبلاب

بالنسبة للأكل ، بأموت في القرع بكل أنواعه ، وأغنيتي المفضلة ، الاماكن هي هي والوشوش إتغيرت

كمان أغنية : يومينهم وها يجي غيرهم

خرجت في كل المظاهرات ، الشعب يريد ، ويسقط حكم العسكر ، والجيش والشعب إيد واحدة، ومرة واحدة

خرجت في أسفين يا ريس ، بس أنا زييي زيكو كنت مخدوع في الراجل ده ، ياما حذرته وعنفته

ده حتي في الصورة إللي جايبني بابوس فيها إيده ، كنت بعضه علشان يفوق، مأنا اصلي

ديناميك ، ومابونيش ، وموسوعة تبريرات ، وأنا اتعرض عليا أقدم أكثر من برنامج

لكن فضلت أكون خفيف خفيف في كل القنوات ، تحت شعار : سايرهم لحد مايروح زمانهم

 

لبست الهلال والصليب ، وطلعت في قناة اون تي في أطلب حق ألأقباط ، وأشجب أحداث ماسبيرو

ولبست العباية وأطلقت اللحية ، وعينيه في الأرض ، أعلن مصر دولة إسلامية للمسلمين

ولبست كوول ، وسخنت حنجرتي وحضرت مع هالة سرحان ، مسابقة ردح من اللي تعجبكو

ومع حبيبي توفيق عكاشه ، أهتف الجيش خط أحمر ، بس جاتللي رسالة تقوللي

إنه فيه حاجة تانيه هي اللي ( حمراء ) مش فاهم لسه معني الرسالة

المهم ما انا معجبيني كتير ومريديني أكتر ، وفي يوم جاتللي حساسية في عينيه ، فضلت تدمع

فجريت علي دينا عبد الرحمن قبل ما اخف ، ألحق أعيطللي شويه علي شهداء الثورة المجيدة

بس فيه حاجة بتحصللي كل يوم ، بعد ما أخلص كل مواعيدي ، آجي أبص في المرايه

ما بشوفشي حد ( هي المرايه قرفانه ) تجيب صورتي ولا إيه ؟! مع إني لما بخرج مع أصحابي

بشوف في وشوشهم كلهم مرايات ، ولما بطلع مع الاعلاميين الكبار ما بشوفشي غير ملامحي

الظاهر كلهم عملوا نيولوك ، وإتحولوا للعبد لله ، ولا هما أصلا مرايات

يا مثبت العقل والدين يارب


وموعدنا في الحلقة القادمة

مع كلمتي المأثورة

الشجاعة بأثر رجعي خيبه

 

للمتابعة والتعليق هنا  

جديد إس سي
image

: استفدنا من معسكر السخنة.. ونقبل سياسة الدور في حالة واحدة

أعرب أحمد الدهراوي مدرب حراس المرمى بالإسماعيلي عن سعادته بمعسكر الفريق المغلق في العين السخنة. وقال الدهراوي: "المعسكر ساهم في زيادة الوحدات التدريبية واستطاع اللاعبين التعرف
image

جدول مواعيد دورى الجمهورية للناشئين

كتب مؤمن مجدي ... أعلن الاتحاد المصرى لكرة القدم مواعيد دورى الجمهورية مواليد ٩٩ و ٢٠٠١ و ٢٠٠٣ و ٢٠٠٦ بعد ان توقف الدورى بسبب جائحة كورونا
image

تكريم النائب احمد عثمان من الاتحاد المصري لكرة القدم

تكريم النائب احمد عثمان من اتحاد الكره باهدائه درع الاتحاد كممثل للكره المصريه في البرلمان ولمجمل عطائه للكره المصرية حيث تولي المهندس احمد عثمان عدد
image

عمل المسحة الطبية للاعبي الفريق

تفيذا للاحترازات الطبيه لمواجهة كورونا وكدور من النادي تجاه لاعبيه ولانجاح المسابقه لحين توافق الانديه واتحاد الكره حول أليه اجراء المسحات  ونفقاتها لان اي اجراء احترازي او
image

إنتظرونا مع التمثيلية الدرامية : و هوي جبل الصمت

بإذن الله تعالي,, تواصل مكتبة موقع اسماعيلي اس سي , الكشف عن أحد الكنوز الذهبية النادرة لتاريخ النادي الاسماعيلي
image

التسديد ومشاركة حارس شاب وتعليمات خاصة أبرز لقطات المران

استأنف فريق الكرة الأول بالإسماعيلى تدريباته صباح اليوم ، ضمن برنامج الاعداد لمواجهة مضيفه وادي دجلة يوم الجمعة المقبل بإستاد السلام، لحساب الأسبوع الخامس عشر بمسابقة الدورى المصرى.
image

نجوم الإسماعيلي يكشفون أسباب انتكاسة برازيل الكرةالمصرية

مع تراجع مستوى الفريق الأول لكرة القدم بالنادى الإسماعيلي هذا الموسم واحتلاله مركزًا متأخرًا لا يليق بتاريخ الدراويش وبرازيل مصر والوطن العربي، إلا أن هناك
image

تجدد إصابة احمد مصطفي و غيابه اسبوعين

شهدت تدريبات الفريق الأول بالنادي الاسماعيلي الأخيرة تجدد إصابة أحمد مصطفى جناح الفريق أثناء عمليات التأهيل استعدادًا للعودة للملاعب من جديد . و كان اللاعب قد
image

احصائية لقاءات الاسماعيلى ووادى دجلة بمسابقة الدورى

مواجهة مرتقبة ستجمع الإسماعيلى أمام وادى دجلة فى المهمة المحدد لها فى تمام الساعة الثالثة من عصر الجمعة  5 مارس 2021 ضمن منافسات الاسبوع الخامس عشرفى الدورى الممتاز
image

الفريق يعود للإسماعيلية بعد انتهاء معسكر العين السخنة

عادت بعثة فريق الكرة الأول بالإسماعيلى إلى المحافظة بعد خوض معسكر مغلق بالعين السخنة ضمن برنامج الاعداد لأستئناف المشوار بمسابقة الدوري الممتاز.
Powered by Vivvo CMS v4.1.5.1