إسماعيلي إس سي - i s m a i l y S C - مقابلة الإسماعيلى فى السيرك

مقابلة الإسماعيلى فى السيرك

حجم الخط Decrease font Enlarge font
image

بقلم د.جمال ثروت ...من كثرة التوتر والقلق فى دوامة أحداث إنتخابات الرئاسة وما قبلها والتى أثرت على أعصاب الكل

 ، فكرت أغير هذا الجو المشحون بالذهاب للسيرك القومى بجانب مسرح البالون بالمهندسين دخلت السيرك وجلست ومع الوقت شدتنى فقرة مهرج السيرك حين يفتعل حركات تضك وتخرج الواحد من الجو المشحون خارج السيرك ، وبعد عدة دقائق وجدت شخصية تجلس بكرسى كان فارغاً بجانبى وحين جاء أمام الكرسى ظل واقفاً للحظات ليرى المهرج فى موقف مضحك وبعد إنتهاء هذا الجزء من المشهد جلس وحين نظرت إليه فوجدته الإسماعيلى فقال لى أهلاً يا صديقى إزيك فينك من زمان فرديت أهلاً بالغالى واحشنى كتير وسبب البعد هو حال الإنتخابات والفزاعات وحركاتها المزعجة وأكيد يا غالى إنشغلت زى حلاتى بالتوتر ده ، رد الإسماعيلى طبعاً وعلشان كده قلت آجى السيرك وأغير جو علشان الواحد يتنفس ، قلت له والله وما ليك عليا حلفان أنا زيك وزى ما تقول كده توارد خواطر .

وكملنا مشاهدة فقرة المهرج بالكامل وضحكنا بما فيه الكفاية وأثناء تغيير الفقرة لفقرة أخرى ، سألت الإسماعيلى ما آخر أخبار سيرك الدراويش ، ضحك وقهقه كتير وقال سيرك مين يا صديقى ما الفريق كله إتبعتر وجابوا بدالهم شوية أشبال على كام واحد مبتدىء على كام واحد مغمور وبعدها يجهزوا سيرك جديد وشوف بقى ها ياخدوا وقت أد إيه لما يقدروا ينصبوا سيرك الدراويش من جديد وأنا وحظى ، يا إما نشوف سيرك يا إما نشوف فريق مركز شباب كفر أبو طشطوش .. وربنا يكرم ، قلت له طب والمدير الفنى الجديد ده يقدر يطلع من الجداد دول حاجة ترجع السيرك من تانى ؟؟ رد وقال هه والله هما إتبعوا المثل اللى بيقول ( على قد لحافك مد رجليك ) وواحد وطنى أحسن من الأجنبى واللى نعرفه أحسن من اللى ما نعرفوش والأجنبى ما نقدرش على مصاريفة ، وكله ماسك فى حكاية الفقر وإنه السبب فى بعترة الفريق .

بدأ مشهد الأسود مع آل الحلو بطرقعة الكرباج ودخول الأسود وبدأ المشاهدين فى الإنبهار بالفقرة لأن مجرد مشاهدة الأسود مع المروضين فى حد ذاته له تأثير كبير على المشاهدين ، وبعد الإنتهاء من الفقرة والفاصل بين الفقرتين سألت الإسماعيلى متى نرى نجوم الدراويش كالأسود فى الملعب ومطيعين للمروضين فى النادى والجماهير تنبهر بمشاهدتهم ؟ رد وقال لما الأشبال الجداد يكبروا والمغمورين يتدربوا على المهارات والإنسجام مع الفريق ككل ونعودهم على أعمال السيرك الدراويشى المعروف نشوف النتيجة ، كملت معاه الحوار وقولت له : والله يا غالى نفسى زى كل اللى بيحبوا الإسماعيلى إنك ترجع بسرعة لوضعك الطبيعى لأنه كل العناتيل اللى قادوك عمالين يلخبطوا فى السيرك بتاعك لدرجة إنه السنه دى إتبعتر الفريق بطريقة تخوف ، رد عليا بثقة ما تخافش عليا جتتى نحست وخدت على الموال ده من سنوات فاتت ولكن دايماً أكون أعلى من كل واحد فاكر إنه هو الإسماعيلى مع إنى رغم كل ده أنا قاعد جنبك أهو فى السيرك ومبسوط وعارف إنى أكبر من كل دول بدليل إن كل لاعبى مصر يتمنوا يلعبوا عندى وكمان المدربين والمديرين الفنيين ، والتاريخ شاهد كل من جاء عندى صيته على وبقى مطلوب فى مصر وبره مصر ومشهور كمان حتى لو مش لاعب كرة فى الفريق ، ده أنا مشهور بصانع النجوم ، وسأظل غصب عن أتخن تخين دخل عندى وبكره تشوف .

بجد كلام الإسماعيلى ريحنى وحسيت بالأمل والثقة دى تريح كل الإسماعيلاوية ، وبعدها أكملنا فقرات السيرك وخرجنا ليذهب كل منا لبيته ، وقولت للإسماعيلى يارب نرى سيرك الدراويش زى ما فكرنا السيرك القومى بيه النهارده ، رد عليا وقال ما تغيبش عليا يا صاحبى ونشوفك فى مكان جديد ونكون سعداء بفريق جديد وسيرك دراويشى جديد ونتكلم عن إنجازات نصب سيرك الدراويش من جديد ، قلت له مع السلامه يا غالى ونتقابل على خير وسلم لى على كل أحبابك فى الإسماعيلية ، فى رعاية الله .

هذه إحدى المقابلات الخيالية مع الإسماعيلى والتى قد تحمل بين سطورها واقعاً فى قصتها له مدلولات معينة لعلها تصل لللأعضاء والقراء المحترمين ، مع وافر تحياتى وتقديرى للجميع .
جديد إس سي
image

الحقيقة و الأفورة .. في موضوعي ملكية الاستاد و غرامة ابراهيم حسن

لابد ان تكون جماهير الاسماعيلي , ذات تفكير موضوعي كما كان حالها تماما و لابد ان نعلم حقيقة ما يجري حول النادي .. حتي لا نظهر بصورة المبالغين في تقدير الاحداث التي تمر بالنادي .. و اهم موضوعين بالوقت الحالي هما
image

اسماعيلى ٩٩ يواصل تالقه بالفوز على الانتاج الحربى بثلاثية

كتب مؤمن مجدي ... فاز فريق الاسماعيلى مواليد ٩٩ على فريق الانتاج الحربى بثلاث اهداف مقابل هدف فى المباراة التى جمعت الفريقين عصر اليوم على ملعب هيئة قناة السويس بالاسماعيلية
image

مواجهة اسوان و الانتاج الحربي ... وديا

من المقرر اقامة  مباراتين وديتين  لفريق الدراويش مع اسوان  يوم 28 من شهر فبراير الجاري  و المباراة الاخري  مع نادي  فريق الإنتاج الحربي يوم 2
image

اسماعيلي 2003 يتفوق على الجونة بثنائية

كتبمؤمن مجدي ... حقق فريق الاسماعيلى مواليد ٢٠٠٣ فوزا غاليا على فريق الجونة فى الدقيقة الاخيرة بهدفين مقابل هدف فى المباراة التى جمعت الفريقين عصر
image

تغريم الإسماعيلي 20 مليون جنيه .. والفريق مهدد بخصم 6 نقاط

تلقى مجلس إدارة النادي الإسماعيلي، برئاسة المهندس ابراهيم عثمان، صدمة جديد خلال الساعات الماضية، والمتمثلة في سداد ما يقرب من 20 مليون جنيه مصري، لصالح إدارة نادي النجوم.
image

لجنة ( الكاس) تؤيد عقوبة الاسماعيلي لصالح نادي المستقبل

اخبار تؤكد ان المحكمة الرياضية الدولية( الكاس ) قد ايدت قرار الاتحاد المصرى لكرة القدم ولجنة التظلمات ولجنة شئون اللاعبين بأحقية نادى النجوم فى الحصول على ٥٠٠ ألف دولار نظير انتقال ابراهيم حسن لاعب الإسماعيلى إلى نادى الزمالك
image

وبرضه عايز تغلب بيراميدز .. بأمارة ايه

الاول أعتذر عن تأخر تقرير ( كلام خارج المقرر ) لظروف صحية .. و الله يعطينا و يعطيكم الصحة و الصبر ..طالما بنشجع الاسماعيلي
image

مدرب بيراميدز: الإسماعيلي لا يستحق الخسارة

اعترف الكرواتى أنتى تشاتشيتش، المدير الفني لفريق بيراميدز، أن الإسماعيلي قدم أداءً مميزًا خلال المباراة التي جمعت الفريقين مساء اليوم الجمعة، على ستاد الإسكندرية، وانتهى
Powered by Vivvo CMS v4.1.5.1