حالنا اليوم 3 يونيو 2013

5957عدد القرآءات 03/06/2013 10:25:00 Writer

حجم الخط

بقلم ا. السيد الصغير .. كل شيء راح وانقضى وجمهور نادى الاسماعيلى بالمهانة ارتضى وسوء نية الادارة لم نجد له هدى

طول ما عندنا ادارة حربية وفقرية مش شغالين غير اعلامجية

وجهاز فنى عقيم بليد لا يصلح حتى لادارة محل فول وطعمية

وجمهور كان عنتيل و زى الغول اصبح خمول مليون فى المية

يبقى عليه العوض فى الدراويش والعيب عليكم يا اسماعيلاوية

مش عاوز مبررات وشغل المبرراتية ما خلاص خلصت التكية

الفقر ادمناه وبيع النجوم توأم معاه والحزن سكن الاسماعيلية

طبعا اكيد فقر النفوس وادارة المنحوس تحول الذهب ملوخية

نادى الاسماعيلى بح خلاص اصبح مطمع لكل الفرق المحلية

فما بالك انت به يا ولداه فى محفل البطولات الصعبة الدولية

مغارة على بابا اصبحت بدون بوابة وده من عيوب الاحترافية

ولا نملك مال ولا رجال اعمال ولا حتى ادارة نفوسها مرضية

يبقى طبيعى ما نحن فيه ووقوع الفريق والنادى حتما يا افندية

حتى الكنز الاستراتيجى للناشئين لم ينجو من عمل الطرشجية

نادى الاسماعيلى خلاص لم يعد يغرد ويعزف على السمسمية

لا تقول لى الفقر وسنينه ده على قديمه وهات لى حلول فورية

يا اما ترحل بعيدا عنا لنكتب نهاية المسرحية الطولية الهزلية

ما نادى الاسماعيلى خلاص يا رجاله بقى للكل وسيه ومطية

نجحت يا ابو الوعود فيما عجز فيه الاخرون وجعلتنا سكلية

لا نملك غير الاسى والدموع والباشا بقى جربوع ياااه عمومية

كانوا ثلاثة وخسرنا اثنين وفضلت واحدة ولكنها محلية وغبية

وكالعادة اقولها بلاها البطولة دية ونركز فى البطولات الجاية

وتمر الايام تلو الشهور ويفوت الامل والمحصلة تبقى صفرية

جديد إس سي