إسماعيلي إس سي - i s m a i l y S C - صافيناز .... مطلوبة لظبط ( وسط ) الدراويش

صافيناز .... مطلوبة لظبط ( وسط ) الدراويش

حجم الخط Decrease font Enlarge font
image

عندما يستمع الفرد الي تصريحات رئيس الاسماعيلي عن كيفية الاستعانة بالكابتن احمد حسن ... يضرب كف علي كف

و يتعجب عن  قدرة رئيس النادي علي الابداع الذي يصل الي الاختراع لادارة شئون الكرة في النادي الاسماعيلي  و السر كله في حب الظهور اعلاميا و لو عن طريق  مكالمة هاتفية من دبي

 نراجع ولا ما قاله رئيس النادي مع الكابتن  مجدي عبد الغني

قال : ان الاتفاق منتهي مع الصقر احمد حسن  للعمل في النادي الاسماعيلي بمجرد انتهاء عمله مع منتخب مصر و انه سياتي للاسماعيلي ليكون بجانب ريكاردو لفترة .. و اننا نرغب في تكرر تجربة ميدو و لكن بطريقةحضارية  مثل ريال مدريد ... و لكنه  نسي ان يقول زي زين الدين زيدان  

يعني بالعربي .. ان احمد حسن  سيجلس بجوار ريكاردو من اجل ان يشرب منه ( الصنعة ) و يصبح  مديرا فنيا  للاسماعيلي  و ريكاردو يقبل ان يحضر ( الرضعة ) لاحمد حسن و يعلمه التدريب و الكتشنة ... ( كان ريكاردو نفع نفسه ) ... و من بعدها نقول باي باي لريكاردو و يصبح احمد حسن زي  احمد حسام ميدو في الزمالك و لكن بطريقة حضارية ( زي ما قال الريس ) و نجرب تجربة ريال مدريد .. الايطالي !!!!!! 

يعني - ايضا - احمد حسن  يجيي زي ما هو عايز( مدير كرة و الا مدرب او مساعد مدرب او مساعد الكابتن جمال الطلي )  و بكده  الواد ( بلية ) يشرب الصنعة من المعلم ريكاردو و بعد كده ( نقلب ) ريكاردو ليكون بلياكاردو 128

 ده ايه الحلاوة دي !!!!!

 الكابتن احمد حسن  ارسل رسالة الي رئيس النادي : لا ... شكرا .. ما يلزمنيش

مع شوية كلام ( أونظة) من عينة فضل الاسماعيلي و انه  جاء الي الاسماعيلي و اتعرف عن طريق الاسماعيلي و احترف عن طريق الاسماعيلي و كان نائب رئيس النادي في وقتها - هو رئيس النادي الحالي

 و علي فكرة هناك اربعة اشخاص منهم رئيس النادي الحالي بيحلفوا بالله ان هم اللي اكتشفوا احمد حسن و ذهب كل واحد منهم منفصلا ..  بالقطار الي اسوان لاحضاره للتوقيع في الاسماعيلي

 احمد حسن اللي لف الدنيا و رجع  الي الاهلي و من بعده الزمالك - و لم ينظر ناحية الاسماعيلي و الاسماعيلية نهائيا  عند انهاء مشوار احترافه - مسئول الاسماعيلي الاول بيتمسح فيه  بشكل مهين تماما  و بيتذلل له بشكل سئ للغاية 

ليه .. محدش عارف .. غير الفرقعة الاعلامية   

المهم الكابتن احمد حسن ... انهي الامر  بشكل واضح و اظهر رئيس النادي الاسماعيلي و هو مش عارف هو بيقول ايه

و السر كله في الموبيل و المحمول و الجوال ... و حب الظهور في الاعلام و التفكير بلا رؤية او فكر في ادارة شئون الكرة و نجل رئيس النادي اتكلم مع احمد حسن  كمان و الدنيا هيصة

لا فكر و لا منهج و تخطيط ... المهم الفرقعة و الحديث اعلاميا و ..... انا باصرف من جيبي

 بس هناك فكرة افضل  من الناحية الاعلامية و  فكرة ( هتهز ) الوسط الرياضي  هزا عنيفا و ستصيب الوسط الرياضي ( بالرعشة )  .. و هي الاستعانة بالراقصة الارمنية اللولبية صافيناز  لتدريب خط ( وسط ) الدراويش  من اجل استعادة ( الست نقطة ) من الفيفا ( عبده ) و عند سؤال الست صافيناز عن منهجها التدريبي ستقول : اتفقت مع  السادة مسئولي النادي علي تطبيق نظرية ( بعد العشا يحلي الهزار و الفرفشة ) و خلاويص

و علي الاقل التعاقد مع الست صافي .. حتخلي ( سيرتنا علي كل لسان ) و الاتصالات الهاتفية حتبقي للركب و قنوات الافلام الفضائية شغالة شغالة  

 غريب جدا و الله و حاجة تحير المشجع الاسماعلاوي  و تجعله يسأل : هو فيه ايه

ديون ( متلتة ) علي النادي للاعبين برة و جوه  و مستحقات متأخرة و لاعيبة عشرة علي الخط  لا لهم فايدة و لا عايدة و طقم برازيلي من أشمون  بيقبض حوالي 28 الف دولار شهريا .. من غير فايدة و النتيجة 6 تعادلات من 9 مباريات  

و النادي و الموظفين ( بيكملوا عشاهم نوم ) و في الاخر يتم التفكير في اللاعب احمد حسن .. علشان بعد شوية يسيبنا .. و يهرب بجلده زي ما عمل  الكابتن علي غيط و الكابتن خالد بيومي  .. من ديكتاتورية من يدفع من جيبه   

بصراحة .. الكابتن احمد حسن لا بيعرف يتكلم من الاصل و ظهر علي قده تماما في عمله مع المنتخب القومي.. رئيس النادي عايز يجيب احمد حسن و يشرب الصنعة البرازيلي  و يكرر تجربة حسام ميدو ( بس بطريقة حضارية ) !!!!!  .. طيب ما نشوف  تجربة شوقي غريب مع  الاسماعيلي و الذي  جهزه للمنتخب عن طريق  الاتصالات و مسح الجوخ مع المهندس هاني ابو ريدة ( نصير الاسماعيلي في الفيفا ) بخصوص خصم الستة نقاط ... و بعدها حصل ايه 

بصراحة - صافيناز احسن من احمد حسن و  اهو ( الكيت ) حينزل يرف عليها .. و علينا  

      

   

جديد إس سي
image

المران تحت قيادة العجوز

شهد المران الرئيسي للنادي الاسماعيلي استعدادًا لملاقاة غزل المحلة عودة عمر الوحش لاعب وسط الفريق بعد غياب دام طوال الاسبوعين الماضيين بسبب إصابته بڤيروس كورونا.
image

الكورونا تضرب الجهاز الفني للإسماعيلي مجددًا

أظهرت المسحة الطبية التي خضع لها كل من أحمد العجوز المدير الفني للإسماعيلي و احمد فوزي المدرب العام عن إصابة أحمد فوزي بڤيروس كورونا ليخضع مباشرةً الى العزل المنزلي.
image

العجوز يقود فريق الاسماعيلي امام المحلة

اسندت مهمة ادارة مباراة الاسماعيلي امام غزل المحلة الي الكابتن احمد العحوز و مساعده الكابتن احمد فوزي من قطاع الناشئين    و بعد تاكد اصابة الكابتن
image

اسماعيلي 99 يتعادل مع الاهلى فى افتتاحية الدورة المجمعة

كتب مؤمن مجدي ... تعادل فريق الاسماعيلى مواليد ٩٩ مع فريق الاهلى بهدف لكل فريق فى المباراة التى جمعت الفريقين عصر اليوم على ملعب هيئة قناة السويس بالاسماعيلية
image

ايجابية مسحةالقماش و عطية صابر

أكدت  المسحة الطبية التي اجريت للفريق الأول للكشف عن ڤيروس كورونا استعدادًا لمواجهة غزل المحلة بعد غد السبت علي استاد غزل المحلة  و جاءت نتيجة المسحة
image

القماش يقود مران الدراويش

قاد الكابتن خالد القماش المدير الفنى المؤقت مران الفريق، و ذلك استعدادًا لمباراة الاسماعبلي و  فريق غزل المحلة يوم السبت المقبل ضمن منافسات الدوري العام
image

ابو طالب يعتذر والقماش يقود الفريق امام المحلة

تقدم الكابتن أبو طالب العيسوي  بإعتذار للمهندس إبراهيم عثمان رئيس النادى الإسماعيلى المشرف العام على الفريق الاول عن عدم قدرته على استكمال مهمته مع الفريق
image

محمود عثمان: لن نتخلى عن الدراويش

نفى محمود عثمان، الرئيس الشرفى للنادى الإسماعيلي، والشقيق الأكبر لرئيس مجلس إدارة القلعة الصفراء إبراهيم عثمان، وجود أي نية لدى المجلس الحالي، للرحيل عن النادي. وقال
image

تشكيل لجنة فنية من كبار رموز الدراويش وجهاز فنى جديد

كشف علاء وحيد المتحدث الاعلامى للنادى الاسماعيلى أن ناديه بصدد الاعلان عن تشكيل لجنة فنية وجهاز فنى جديد خلال فترة وجيزة ، وقال علاء وحيد
image

احصائية لقاءات الاسماعيلي و غزل المحلة بالدوري الممتاز

بمناسبة لقاء النادي الاسماعيلي و غزل المحلة في الدوري الممتاز ’ يقدم موقع اسماعيلي اس سي احصائية لقاءات الفريقين في مسابقة الدوري الممتاز
Powered by Vivvo CMS v4.1.5.1