إسماعيلي إس سي - i s m a i l y S C - بقلم أمجد مرعي

بقلم أمجد مرعي

حجم الخط Decrease font Enlarge font
image

اخر حلقات شوبير جيت ونتيجتها ، خلاص ... خلص الموال والمولد إنفض ، لموا الكراريس ياولاد ، وقيام جلوس ، وطلع العفريت المحبوس من

جوه الجسم الممسوس ، واللي ركب الموجه ركب ، فيه اللي كمل المشوار وفيه اللي وقع ورجله إنكسرت ، وعكاز التهدئة لكن أعرج ، جملة واحدة ( دي مش إسرائيل دي دولة عربية شكيكه ، وصاحبي وحبيبي وكفاءة ).
هي ليه إسرائيل طرف ثالث في أي خلاف عربي . عربي ، دي الست في حالها شغالة في الأهم ، بتطرد الفلسطيين من بيوتهم وتستوطنها ، بتحفر تحت المسجد الأقصي ، بتدهس الفلسطينين بالسيارات بدم بارد ، يعني عندها الأهم ، وعيب نضعها طرف ثالث ونعلي من شأنها

وجرس الفسحة ضرب ضرب ، والوش اللي مليان غش رجع إنقلب ، واللي يمس الجزائر بكلمة ها أعلمه الأدب ، ضحكني وبكاني ، بس الضحك المرة دي ، مش من غير سبب ، وبكايا مش حزن ده عجب

يا تجار الكلمة والفكر والمبدأ ، يا أبواق فضائيات منكوسة ، الكلمة نور وبعض الكلمات قبور ، المبدأ مش عجلة تأجرها ساعة وترجعها لصاحبها ، وياريتك بترجعها سليمة ، ياللا جت سليمة ولا مش سليمة مبقتش تفرق ، بقول إيه ، انت نصيبك في عهد نكسة الرياضة الفضائية خلاص إنتهي ، اعتزل – روح – كفاية تدهور ، محتاجين ثورة تصحيح جديدة

كان يوم 18 نوفمبر والمزاج عال العال
قلت لابني 90 دقيقة ويبدأ الاحتفال
سألني هو يا بابا لو كسبنا ها يبقي إيه الحال
قلت له ها نلعب في كأس العالم يا غزال
قاللي هو إحنا يا بابا ما لعبناش قبل كده في المونديال
قلت هما مرتين بس كنا فيها أبطال
قاللي ليه ... وصلنا للفينال
قلت له من الاخر عشان تبطل لماضه
إحنا خرجنا من اول الأدوار بس بتمثيل مشرف وآخر جمال
قاللي إديني مثال
حاولت أهرب من السؤال
قلت هس ، الماتش بدأ سيبني أتفرج علي الجمال
وبدأ النشيد الوطني لبلدي وحيوا العلم يارجال
قاللي إلحق يا بابا الفريق المنافس ، إدي ظهره للعلم
قلت له ده مش تصرف رجال ، دي حركات عيال
نسيوا التاريخ والعطاء وركزوا في الاستهزاء والاستهبال
قاللي يا بابا إلحق الولد في المدرج ومعاه مطوه قرن غزال
قلت دي عندهم حته إكسسوار بيشيلها في بعض الاحوال
ون ..تو .. مرر .. سلم .. دخل فينا جون مش علي البال
قاللي يا بابا انا مش مستريح دي مش كورة دي مطارده في الادغال
خلص الماتش وإتلغي الاحتفال
فضلت في مكاني مبلم .. مسهم .. مش مصدق اللي حصل في ام درمان
حولت القناة
سمعت صريخ صويت استغاثة ويا مبدل حال
هوب هيب طاخ طوخ جه في الارسال
ناس رايحه تشجع بلدها رجعت مجروجه
مكسورة مضروبة والقومية العربية إنضربت بالنعال
ابني قاللي هم ضربوهم ليه يا بابا ؟ مش هم اللي كسبوا وانتهي الموال
قلت له إسكت شويه بدل ما اطلع اللي فيه فيك يامزعج يا هرتال
بكي وقاللي يا بابا انا زعلان منك
انت بقيت زي الجزائر بتضرب وتشتم من غير عدل ولا إعتدال
اذا كان ده احساس ابني قدام التلفاز، طيب احساس الطفل
اللي كان مع ابوه هناك ازاي ، وانت كنت هناك ، مجاش علي البال

وطلع علينا مستر بلاتر بوش هادئ بشوش ، خلاص يا ولاد إلعبوا سوا ، اللي فات عدي وولي ، واللي جاي أهم وأولي ، حسيت إنه بيقولنا عقبال العلقة التانية ، وكل إهانة وإنتوا مهديين وكوول وتأخدوا القفاء تقولوا : آمين ، ده قانون بلاتر له خط مرسوم ، عرفه ورواره وبه مسنود

القانون لا يحمي المغفلين
القانون يحمي المفتحين الجاهزين الجزائريين
القانون لا يحمي المسالمين
القانون يحمي المتفوتنين
القانون لا يحمي الصادقين
زي هنري عند الفرنسيين
القانون يحمي الغشاشين المنافقين
القانون يحمي البرازيلين لما مصر دخلت فيهم
جون ولجؤا للشاشة ببجاحة عين

***
آسفين
نحن لا نعرف القوانين
في بلد العشم والعيش والملح واخلاق المسلمين
القانون كل حين ومين
علي مايقول انتوا فين يامصريين
فوت .. طنش.. وغمض العنيين
دول ناس طيبين ، يناموا زعلانين
ويصبحوا ناسيين
يا للا ... تصبحوا علي خير يا مصريين
وكتر خير القوانين

***
فيفا إيه وبلاتر مين
ورور مورور يا فجل أخضر اللي ياكلوه متسممين
أخضر يا بللومي يا فاقع عين المصريين
واللي بطل يكره المصريين
يروح يشحن عند ورواره وأتباعه معروفين
هنيلكوا المونديال يا أقزام بين العمالقة
دول بيكوا ولا حاسيين
دول أبطال العالم اللي يحرجهم ويهزمهم
بس المصريين

ورواره وضع الأجندة اللي نمشي عليها من زمان ، وبدأ تنفيذها ، وعلامتها ظهرت للعامة مع التكريمات والاحتفالات ، وطبعا هناك من مستمر في السير عليها الي الان ، ولا يستطيع ان يفتح فمه بأي تعليق ، وغيره بعد فترة ركب الموجه ونزل تاني ، ما هو المسار مرسوم ، ولابد من التنفيذ

وللاسف جرف معه الكابتن سمير زاهر والاستاذ هاني ابو ريدة ، ليثبت لنا ، ليس فقط انهم قادة في الوصول الي الصفر الاكبر في المونديال ، ومع ذلك استمروا ، ولكن ايضا فشلوا في ادارة الازمة ، ولا يملكوا من حنكة او خبرة في التعامل السريع ، وان اتحاد الكرة ، اتحاد هش ، ليس به كوادر ولا خبراء ، ويملئه السوس والخور ، ولا يملك لجان متكاملة لإدارة اي حدث ، وبالتالي نصل الي نتيجة سهلة ، ان يجب هنا ايضا ثورة تصحيحة ، تبدأ مع نهاية بطولة افريقيا بأنجولا ، وتعقد الجمعية العمومية بأمر سيادي ، ويتم تقديم مرشحيين مما يملكون حنكة الادارة والازمات ، لان النتيجة التي ستنتج عن الفيفا ، اي كانت بالسلب او الايجاب ، لا تعطي حق تأجيل ثورة التصحيح من خلال الطرق الشريعية للجميعة العمومية ، ونقول لهم شكرا

وبالنسبة لسفير مصر في السودان ، الحق يعود للخارجية في محاسبته ، ولنا فقط ان تسأل اين مسؤله الاعلامي ؟ وماذا يعمل ؟ اين باقي اجهزته ؟ وهل تعامله مع الحدث كان ناحج؟

حسن شحاته واجهزته ، عدوا بعملكم الي ما سبق ولا داعي للتوازنات ، فعندما تعملوا بفكر البطولتين السابقتين ، تنجحوا . ولكن بفكر الخوف علي المكان والمحسوبيات ، كانت هذه هي النتيجة . التقييم الفني يؤجل الآن ، لإشعار اخر ، بعد الاختيارات القادمة.

لابد وان نبدأ من الأن لثورة تصحيح كروية ، فكما عاد مونديال ايطاليا علينا بنظرية الاحتراف المنحرف ، لابد وان يكون مونديال جنوب افريقيا ، هو بداية الطريق الي وضع الاسس السليمة للاحتراف وتعديل كل الاخطاء من جذورها ، لان مصلحة الكرة المصرية تحتاج الي ثورة تصحيح كروية شاملة وهذا هو وقتها

للمتابعة والتعليق 

جديد إس سي
image

ابو جريشة : التفريط في النجوم بلا خطة سيجعل الفريق اضحوكة

انتقد النجم محمد صلاح ابو جريشة ,,طريقة ادارة شئون كرة القدم في النادي الاسماعيلي و ان التفريط في النجوم و عدم وجود خطة لتعويضهم سيحعل الفريق اضحوكة بالموسم الحالي
image

خدت بالك .... يا حضرة الناظر

بقلم د. جمال ثروت ... الف باء , بناء فريق جديد لا يجوز مع توقيت الدخول في بطولتين محليتين وبطولتين خارجيتين لموسم جديد أبداً ، وكذلك الهزيمة من الاتحاد السكندري
image

الاسماعيلى 97 يواجة المصرى غدا

كتب مؤمن مجدي ... اتفق الجهاز الفنى للفريق الاسماعيلى مواليد 97 على ملاقاة المصرى البورسعيدى غدا على ملعب الاخير ببورسعيد
image

هزيمة منطقية...من نتاج العشوائية

لا يمكن ان تفوز او نحقق نتيجة ايجابية من دون ادوات تمكنك من صنع فرص تهديفية و تهدف منها .... لكن كل شئ داخل الفريق الاسماعلاوي هي شكل مجسد لكل شئ ... من العشوائية
image

عاشور الادهم يثير الجماهير للاعتداء علي عبد ربه

كتب ميدو حسين ... بالرغم من اعتذار الكابتن محمد عمر المدير الفني بين شوطي المباراة عن ما بدر من لاعب الاتحاد عاشور الادهم في الخروج عن الاداب تجاه قائد الدراويش حسني عبد ربه
image

الاسماعيلي يبدء النزيف بلا طبيب ... و درجات اللاعبين

بقلم د.اكرام نسيم .... لاعبين و جهاز فني دماغهم خارج الملعب و واحد اتنين و مجلس السلاحف فين ,,تعالوا نشوف درجات اللاعبين
image

أرقام الاسماعيلى بعد الهزيمة الحزينة من الاتحاد

كتب : محمد حنيدق .. بعد هزيمة الاسماعيلى من الاتحاد السكندرى اليوم بهدف مقابل لاشئ نستعرض مع حضراتكم أرقام ما بعد المباراة
image

الاتحاد بالروح والرجولة يفوز على اشباح الدراويش

بقلم د.اكرام نسيم .... بالمختصر المفيد عجز الجهاز الفني و انعدام مهارة التهديف و خلق الفرص ... لا يمكن يؤدي الا الي الهزيمة امام فريق يمتلك روح عالية ويقوده كوتش يجيد قراءة الملعب و توظيف لاعبيه امام اشباح ترتدي الفانلة الصفراء
image

اجراءات امنية مشددة في الاسكندرية و راحة 48 ساعة للفريق

كتب ميدو حسين ... شهدت المنظقة المحيطة باستاد الاسكندرية في منطقة محرم بك ..اجراءات امنية مشددة و هناك حالة من التعنت ضد الصحفيين و الاعلاميين من خارج الاسكندرية
image

تشكيل الدراويش في مواجهة الاتحاد

كتب ميدو حسين .. اعلن الجزائري خير الدين مضوي المدير الفني للنادي الاسماعيلي عن تشكيل الفريق لمواجهة فريق الاتحاد السكندري
Powered by Vivvo CMS v4.1.5.1