إسماعيلي إس سي - i s m a i l y S C - الست ام رفاعي و مقام سيدي النادي الاجتماعي

الست ام رفاعي و مقام سيدي النادي الاجتماعي

حجم الخط Decrease font Enlarge font
image

الست أم رفاعي – اسماعلاوية شديدة و عتيقة و مثقفة كرويا و سياسيا , علشان كده مش عاجبها اللي بيحصل في النادي ...

و منتظرة علي أحر من النار تنفيذ النادي الاجتماعي – غير انه ارتجال في اورتجال

و من فترة طويلة و هي بتتصل بيه و عايزة تطلع في الصفحة الرئيسية تقول ايه اللي بيحصل .. هو كل شوية ينيمونا و يخدرونا .. خلال الايام القديمة المقبلة و خلال الاسبوع القادم و خلال ساعات قادمة.. و مش سمعين غير خبط و رزع و مفيش عجين
 
و مدد يا سيدي النادي الاجتماعي.. مدد
 
روحت للست ام رفاعي .. حسب ميعاد مسبق .. بقيتها قاعدة – مستنظراني علي الكنبة الاستامبولي المعتبرة و معاها ( كوبي ) من كل اخبار النادي الاجتماعي من شهر اغسطس 2008 و من يوم وضع حجر الاثاث ( هي قالتها كده ) و قاعدين نسمع كلام في كلام و مفيش نتيجة .. بس كل يوم في الصفحة الرئيسية تأكيد في تأكيد ... ليه يعني هما بيبنوا ... برج القاهرة .. ده حتي الروس بنوا البرج في ستة اشهر ... ايه الحكاية
 
قلت لها ما تقوليش كده علشان ما تزعليش الادارة الموقرة
 
قالت لي : هيه اصلا ادارة غريبة - اما صحيح – اسمع كلامك اصدقك ... أشوف أمورك توجعني بطني
 
و الادارة تزعل ليه و الا هوه - خلاص
اللي يشتم في الاشتراكية ..... يبقي راسمالي برجوازي يميني متطرف
و اللي يشتم في الراسمالية ... يبقي يساري اشتراكي بروليتاري 
انا مع الحق و خلاص
قلت لها : كده حتزعلي الاستاذ هوشا منك
قالت لي : هو النظرية البولولومية القديمة بتاعة بتاعة هوشا – راحت فين .. ما هو البولولوم ورانا ورانا و لكن شكل جديد من البولولومية و المهلبية و الفاصوليا
 
لكنها في واقع الامر لها جذور و اصول في اي ادارة سابقة او سابقة السابقة و فيه علماء في الجيولوجيا
 
بيقولوا البولومية من حفريات متعاقبة و ان اصولها في ابو صوير
قلت لها : ما شاء الله علي الثقافة
 
قالت لي : مش محتاجة ثقافة خالص – دي محتاجة دراسة تسلسل احداث فقط - بس ما تقاطعنيش
 
قلت لها : مش حقاطعك خالص - اتفضلي
 
اتعدلت في جلستها و قالت : من يوم ما انت يادكتور كتبت في الرئيسية – وضع حجر الأثاث في موقع التنفبذ.. و احنا عايشين زي الفرخة الدايخة و منتظرين الفرج و علي رأي المثل : عشمتني بالحلق خرمت انا وداني و لا فيه غير شوية طوب .. اتصوروا المسئولين جنبه .. و لا ليه اي لزمة ..غير اننا نحوله الي مقام سيد النادي الاجتماعي
 
قلت لها : ما هو المحاسب حماد موسي نائب رئيس النادي قال امس انه خلال اسبوع حيبدأ الحفر في أساسات المشروع
و ضعت ام رفاعي صوابعها فوق حواجبها و قالت : ما هي تصريح من أسامي ..لا تعرف بارد من حامي 
يا دكتور خد عندك .... التصاريح دي
ده حتي الجماعة بتوع ( تلوث البيرة ) سكتوا و ربنا هداهم
يا دكتور خد عندك .... التصاريح دي
 
صقر والفخراني يضعان حجر الاساس للنادي الاجتماعي
13/08/2009
و من ثم تم اتجه الحضور لوضع حجر الأساس للنادي الاجتماعي بأرض الغابة بتمويل من المجلس القومي للرياضة بقيمة 7 مليون جنية كتقدير أولي و تم وضع حجر الإساس علي اللوحة التذكارية ايذانا ببدء تنفيذ النادي الاجتماعي للنادي ضمن خطة كاملة لتنفيذ انشاءات بارض الغابة قدرت ميزانيتها بقيمة 50 مليون جنية بمشيئة الله تعالي

ابو الحسن : النادي الاجتماعي سيتم تنفيذه خلال ست شهور
14/08/2009
صرح السيد المهندس نصر ابو الحسن رئيس النادي الاسماعيلي في حواره مع راديو اسماعيلي اس سي بأن المرحله الاولي من النادي الاجتماعي او الفرع الجديد للنادي الاسماعيلي خلال ست شهور من الان
وبسؤاله عما يقصد بالمرحله الاولي قال سيادته انه يقصد بناء ملعبين كبار للنادي الاسماعيلي وملحق بهم مبني كبير منظم وبأرتفاع ثلاثه طوابق الطابق الاول سيكون دورات مياه وغرف خلع ملابس ومخازن اما الطابق الثاني فسيكون مكاتب للاداريين والفنيين والطابق الثالث سيكون عباره عن فندق للاعبين يسع 30 غرفه
و ان وضع حجر الاساس للنادي الاجتماعي في ارض الغابة يعتبر نقله كبيرة في انشاءات النادي الاسماعيلي و ليست كما يطالب المعارضين بالخوف علي ارض الغابة حيث نسبة البناء اقل من 15% من مساحة الارض الاجمالية و سيتم مراعاة الاشجار ذات القيمة بالارض

الفخراني مستاء من حملة ايقاف بناء النادي الاجتماعي
20/08/2009
علي هامش تكريم الكابتن محمد صلاح ابو جريشة لرموز الاسماعيلي , عبر اللواء عبد الجليل الفخراني عن دهشته بخصوص الحملة التي يتبناها البعض ضد انشاء النادي الاجتماعي و نادي الاسماعيلي الجديد علي مساحة من أرض الغابة بحي السلام
و كان اللواء عبد الجليل الفخراني محافظ الاسماعيلي قد قام بوضع حجر الاساس للنادي الاسماعيلي الجديد بمعية المهندس حسن صقر رئيس المجلس القومي للرياضة و بحضور المهندس نصر ابو الحسن رئيس النادي الاسماعيلي يوم 13 اغسطس الماضي علي أرض الغابة بحي السلام

أين النادي الاجتماعي و نادي الاسماعيلي الجديد
29/09/2009
بالرغم عن الاعلان مسبقا ان البدء في تنفيذ النادي الاجتماعي بموقع أرض الغابة خلال اسابيع بعد الاحتفال بوضع حجر الاساس للمشروع ...
في 13 اغسطس الماضي حيث تم الاعلان وقتها انه سيتم طرح مناقصة المشروع علي المقاولين خلال اسبوعين من تاريخ حفلة الاحتفال و تم التاكيد علي تلك المعلومة خلال تصريح رسمي بعد الانتهاء من اعداد الرسومات التنفيذية للمشروع

أس سي يكشف خطة لإيقاف بناء النادي الاجتماعي
27/10/2009
مازالت التدبيرات الخفية تسير عكس التيار و من أجل إيقاف البدء في إنشاء النادي الاجتماعي للنادي الاسماعيلي في أرض الغابة في حي السلام

مشروع النادي الاجتماعي ... يريد حلا
28/11/2009

تعيش جماهير النادي الاسماعيلي حالة من الانتظار و القلق منذ منتصف شهر اغسطس الماضي و بالرغم من مرور كل تلك المدة علي وضع حجر الأساس للنادي الاجتماعي الجديد للنادي الاسماعيلي .... لكن ليس هناك بارقة أمل


الأشغال العسكرية تبدأ التنفيذ بالنادي الاجتماعي للنادي الاسماعيلي
08/12/2009
تبدأ إدارة الأشغال العسكرية التنفيذ الفعلي بالنادي الاجتماعي للنادي الاسماعيلي بأرض الغابة بحي السلام خلال الايام القليل القادمة بعد عمل بعض التعديلات في الرسومات التنفيذية للمشروع


العمل في إنشاء النادي الإسماعيلي الجديد أول يناير
01/12/2009
أكد الأستاذ / إبراهيم عباس رئيس اللجنة الرياضية بمجلس محلي محافظة الإسماعيلية أن العمل في إنشاء النادي الإسماعيلي الجديد بأرض الغابة سوف
يبدأ في أول يناير القادم وسوف تتولي القوات المسلحة عملية الإنشاء بتمويل من جهاز الرياضة التي رصدت مبلغ 7 مليون جنيه للبدء سريعا في عملية الإنشاء

حماد موسي: نتعامل مع الازمة المالية بشكل مرحلي سليم
30/01/2010
منها اعادة النظر في قيمة العضويات بعد انتهاء النادي الاجتماعي الي سيبدأ فيه اعمال الحفر الاسبوع القادم بإذن الله تعالي و سيكون ذات مردود جيد في تقييم الاشتراكات من ناحية القيمة و النظام نفسه و سيبدأ فتح العضويات بنظام جديد من خلال تحديد قيمتها بطريقة جيدة تفيد النادي ماليا
قلت لها : قصدك تلوث البيئة يا ست ام رفاعي

 

قالت لي : انا عارفه بقي ... اهو كله تلوث ... القصد انهم اتهدوا و خلاص .. لكن اداراتنا ما عندهاش نيه تعمل حاجة خالص ... شوية يقولوا ايه و شوية يقولوا ابصر ايه و في الاخر كله علي رأي المثل : كلام الليل زي الزبدة .. يطلع عليه النهار يسيح
و انا مش عارفه اساسا يدخلوا الجيش معانا في المشروع ليه و اللي يستند علي الحكومة بيضيع .. و دوب يومها بسنة و المشروع اللي بيتعمل في سنة بياخد 5 سنوات معاهم و ده غير التشطيب بيبقي زي الطين و اللي بيعتمد عليه بيبيع عياله

 

و علي رأي المثل : جبت الاقرع يونسني – خلع طاقيته و خوفني
قلت لها : بس الجيش اسعار التنفيذ بتاعته معقولة و مش مغلاونية
 
طوحت بالورق اللي في ايدها و قالت : ما هو كن زماننا خلصنا البنا من زمان .. استفدنا احنا ايه من التطويح اللي بيحصل ده

 

قلت لها : ما خلاص كمان اسبوع حيبداوا الحفر يا ست ام رفاعي

 

قالت : ابقي قابلني ده تصريح من ضمن التصاريح اياها و بقت من كترتها زي الهم علي القلب و من امتي الجيش بيعمل مشاريع للاسماعيلي
 
و علي رأي المثل : مرات ابوك بتحبك – قلت دي لازم اتجننت

و كان الصح ان م. ابو الحسن يبدأ في المشروع و هو مقاول من الاصل و علي رأي المثل :فرخة في حلتك تهزها – و لا وزة – الشيطان وزها

 

قلت لها : يا ام رفاعي الراجل مش ناقص اشاعات حتطلع عليه لو تصدي للموضوع بنفسه او عن طريق شركات تانية و بطريقتك علي رأي المثل
 
علي راي المثل : قالوا له نام علشان ندبحك – قال ده شئ يطير النوم

 

ام رفاعي بصت لي (شذرا ) لو مشي بلاصول ما حدش حيلوموه خالص و علي رأي المثل :و اللي يعوز – المية في الكوز

 

و صدقني الاعتماد علي الجيش بتنفيذ مشروه تبع هيئة شبه حكومية غلط : و عمرهم ما حيفضوا لنا وراهم حاجات أهم و احنا منتظرين و حاطين ايدينا علي خدنا و علي رأي المثل جابوا الاقرع - يسرح لبنت السلطان

 

و عموما و حياة مقاصيصي ما يحصل حاجة و بكرة افكرك يا دكتور و افتكر اهو كله كلام رايح ابن طايح

 

و علي رأي المثل



أفــــــــــــــــــــشر ... أفشــــــــــــــــــــــــر ... و العشا خبــــــــــــــــــيزة

و بكرة

 

نقعد علي الحيطة ... و نسمع الزيطة
جديد إس سي
image

تشكيل لجنة فنية من كبار رموز الدراويش وجهاز فنى جديد

كشف علاء وحيد المتحدث الاعلامى للنادى الاسماعيلى أن ناديه بصدد الاعلان عن تشكيل لجنة فنية وجهاز فنى جديد خلال فترة وجيزة ، وقال علاء وحيد
image

احصائية لقاءات الاسماعيلي و غزل المحلة بالدوري الممتاز

بمناسبة لقاء النادي الاسماعيلي و غزل المحلة في الدوري الممتاز ’ يقدم موقع اسماعيلي اس سي احصائية لقاءات الفريقين في مسابقة الدوري الممتاز
image

اسماعيلى ٢٠٠٠ يخسر بطولة المنطقة على حساب غريمه التقليدي القناة

كتب مؤمن مجدي .. خسر فريق الاسماعيلى مواليد ٢٠٠٠ من فريق القناة بهدفين مقابل هدف فى المباراة التى جمعت الفريقين عصر اليوم على ملعب مركز شباب الشيخ زايد بالإسماعيلية
image

لجنة الإنضباط و الاخلاق تمنح الاسماعيلي 30 يوم

نشر مسئولي نادي نجوم المتقبل خطاب موجه اليهم من المدير التنفيذي بالاتحاد المصري لكرة القدم . بالزام النادي الاسماعيلي بتنفيذ حكم المحكمة الرياضية ( الكاس ) و سداد مبلغ لصالح نجوم المستقبل خلال 30 يوم
image

دموع و لكمات وشلاليت وبهاليل .. الإسماعيلي ينهار

الموقف صعب و خطير بكل معني الكلمة و هناك أنفلات عام داخل الفريق و النادي و إنهيار نفسيات الجميع الي حضيض الحضيض
image

عيسوي باكيا: نفسي أسعد جمهور الإسماعيلي.. والتوفيق ليس بيدي

دخل أبو طالب العيسوي، المدير الفني للإسماعيلي، في نوبة بكاء هيستيرية على الهواء بعد سلسلة النتائج السلبية التي يمر بها الدراويش، والتي كان آخرها الخسارة أمام المقاولون العرب بهدف نظيف في بطولة الدوري المصري الممتاز مساء اليوم الإثنين.
image

مع إبراهيم عثمان .. الاسماعيلي سيهبط لا محالة

لا نتيجة للفشل و العشوائية و اليكتاتورية العمياء .. الا الإنهيار .. و كل ما يدور في النادي الاسماعيلي يؤكد انه هابط الي المظاليم لا محالة مع ابراهيم عثمان
image

الاسماعيلي راح فين في جيب العثمانيين و رجات اللاعبين

بقلم د. اكرام نسيم .. استمتعوا برؤية الفانلة الصفراء ..ما حدش عارف بكرة فيه ايه ... مع العثمانيين زي الطين .. و تعالوا نشوف درجات اللاعبين
image

المقاولين يفوز على أشباح الدراويش بالاسماعيلية بالعيسوي

بقلم د. اكرام نسيم .. بتشكيل جديد وفكر يتلخص فى تدوير اللاعبين بين الاساسين والبدلاء يبدء الكابتن العيسوى مواجهة المقاولون العرب .
image

تشكيل الاسماعيلي في مواجهة المقاولون العرب

أعلن الكابتن ابو طالب العيسوي عن تشكيل الفريق الذي سيدء به في مواجهة فريق المقاولون العرب و التشكيل مكون من
Powered by Vivvo CMS v4.1.5.1