إسماعيلي إس سي - i s m a i l y S C - كلام الناس دى عجب !!!

كلام الناس دى عجب !!!

حجم الخط Decrease font Enlarge font
image

بقلم د.جمال ثروت .. شىء غريب أول ما يخلص الموسم تسمع منهم كلام عجب

 

 ، وتقول يا سلام الدنيا هاتضحك لكم يا اسماعيلاوية ، وجملتين حلوين بنحلم بيها ونسمعها على كل مرة ونتمنى تتحقق وهما : ( لا لبيع نجوم الفريق ) والجملة التانية ( ها نجيب العيبة إللى محتاجها الفريق وعلى المستوى ) ورغم إننا كل فترة تعاقدات نسمعها وفيه ناس ممكن تصدقها ، لكن للأسف النتيجه واحده لدرجة إننا حفظناها وعرفنا إنه لما نسمع الجملتين دول نعرف على طول إنه فيه بيع جاى فى الطريق العكس هو الصحيح ونتأكد من بيع نجوم ولعيبة أساسية كمان فى الفريق .

 

هى دى سياسة وبرنامج وأهداف ووعود القيادة المنتخبة بالشرعية يا جماعه ؟؟؟ !!! دى مش مش تفكير شرعية دى ملوخية ، ومش عارف ليه الإصرار على نفس المنهج ده ؟؟؟ يعنى إدارة مفلسه مادياً وغير مادياً كمان ، والواحد مننا محتار حيرة عجب ومستغرب ويقول لنفسه ليه سايبينهم يهدوا فريق وكيان النادى ويجعلوه مع الجماهير نكتة تضحك عليها الدنيا كلها ؟؟؟

 

الإسماعيلى هان على الكل للدرجة دى يا جماعه ؟؟؟ بجد المؤشرات كلها بتقول الإنهيار قادم لا محالة ، ومعظم الإسماعيلاوية للأسف بتتفرج لا جمعية عمومية ولاجماهير بتحاسبهم ، ولا حد بيتحرك ولا بينطق ويقول لا للبيع فى وشهم ، ولا بيحاول حد بيحاول يشوف حل حاسم للعك ده ، وللأسف حاول البعض على قدر إستطاعته ولكن كله كان بيتفرج وبيسمع ومنتظر وبس لا مش كان الأفضل توحد الكل .

 

إنتم لسه عندكم أمل فى الناس دى يا جماعه ولسه ها تصبروا لحد ما الإسماعيلى يقع بسببهم ؟؟؟ بالعقل كده : لما يتباع الحضرى والمعتصم ونستغنى عن الجمل يبقى الدفاع خرب ولا لأ ؟؟؟ وهانشوف العجب الموسم القادم يعنى لا هجوم ولا دفاع كمان ، وحتى الدكة إتبعزقت ويقولك الفريق مكتمل !!! فين الفريق المكتمل ده ؟ ده كل إللى جابوهم شادى محمد والفيومى ، وهانشترى الباقى زى السمك فى المية ، من تعاقدات جديدة على قد لحافك عن طريق مارك فوتا أو لعيبه واقعه ، ونسمع كلام عن بيع أحمد على كمان !!! إللى كلموه وقال الأمر فى إيد الإدارة ، ما كملش سنه ويقول لك ( كلمونى ) ، وأحمد سمير فرج الجناح الشمال الوحيد أخباره إيه هو كمان ؟؟؟

 

ماهو شىء طبيعى خلاص وإتعرف إن الإسماعيلى سوق عكاظ لبيع لاعبيه ، وكل لاعب مالوش لازمه ولا حد يعرف عنه حاجه يقول لك أتعاقد مع الإسماعيلى ولو ببلاش وألعلع كده معاه لحد ما أروح المنتخب وبعدين يجى نادى الجهلى أو الزمالك يشترينى ، أو أشوف مستقبلى فى إحترف خارجى .. مش هو ده إللى بيحصل ؟؟؟ أما المنافسات والبطولات للإسماعيلى مش مهم .. المهم بس إن الإدارة تعيش وتكمل ويكون معاها فلوس تصرف وتتمنجه وتتمنظر وتعزم وتتعزم وتسيط وتتلمع ، أمال هى جايا ليه غير لكده أصلاً ، ماهو باين للكل وعينى عينك وإللى مايشترى يتفرج كمان ، وهى دى فوائد الإحتراف فى نظرهم كلهم ، وللأسف بيكرروها لحد ما نزهق ونسكت ونسلم ، وشكلهم ها ينجحوا فى كده .

 

طبعاً كلام التوبك ده كله على الجرح وعلى الحال العجب وممكن يتقال إنه مش مريح ولكن هو ده الواقع ، وعلشان حفظنا الناس دى صم عارفين إن النادى هو الباقى فى النهاية ، وبالتأكيد لسه فيه أمل فى رجالة الإسماعيلية والدنيا لسه فيها خير ومسير الرموز وأعضاء الجمعية العمومية والجمهور والمحافظة وكل متعلقاتها ومحبى الإسماعيلى يقفوا بجانب الإسماعيلى ، ولازم ينطرد كل من تسول له نفسه فى تخريب النادى الكيان لتطهيره ليرجع من جديد كما كان ، ماهو لازم الواحد بعد ما يسمع كلامهم إللى بيتكرر وكل مره يتلحس وهى هى .. نفس الإسطوانه المشروخه ، ولو سلمنا للكلام ده يبقى من دلوقتى النتيجة نقول عارفينها ، ولا لسه بعد ما يتكرر نفس الموال عندكم أمل ؟؟؟ مع وافر تحياتى .
جديد إس سي
image

أشبال الاسماعيلي يفوز 3-1 علي حطين السعودي

فاز فريق الشباب للإسماعيلي من مواليد ٢٠٠١ علي فريق حطين السعودي بثلاثة أهداف مقابل هدفين في المباراة الودية التي جمعتهما مساء اليوم علي ملعب أحد
image

في دائرة السنتر.. تسعة مدربين للدراويش

بقلم ا. محمد كمال حافظ .. حتي لا يحدث ما حدث في الموسم الماضي وشهدت فيه الاسماعيليه وجماهيرها وناديها وفريقها اكبر عدد من الاجهزه الفنيه في تاريخ الانديه في العالم لفريق واحد
image

مباراة ودية للبدلاء و الناشئين مع فريق سعودي

تقام مباراة ودية عصر اليوم بأحد الفنادق المطلة على بحيرة التمساح تجمع ناشئين الفريق أمام أحد الفرق السعودية.
image

طلعت يوسف يظهر العين الحمراء للاعبي الإسماعيلى

عقد طلعت يوسف، المدير الفنى للنادى الإسماعيلى، اجتماعاً مع لاعبى فريقه فى مستهل رحلته مع الدراويش، لشرح خطة المرحلة المقبلة والتأكيد على أهمية عدم التهاون
image

قرار الإسماعيلي النهائي بشأن انتقال شكري نجيب إلى بيراميدز

رفضت اللجنة الفنية بالنادي الإسماعيلي برئاسة على أبوجريشة، رحيل شكري نجيب، مهاجم الفريق الأول لكرة القدم، إلى نادي بيراميدز، خلال فترة الانتقالات الصيفية الجارية. وعلمت «المصري
image

عواد: الإسماعيلي قال لى "هنبطلك كورة" والثقة الزيادة سبب خسارتنا نهائى القرن

، مثل المبلغ الذى يدفعه النادى للحصول على خدماتهم، وقال عواد، في تصريحات لبرنامج "ملعب أون تايم": ليس لى ذنب في شراء الزمالك لى برقم
image

الاسماعيلي يفض الحصار

سداد الغرامة الدولية لنجوم المستقبل  خلال ساعات.. وتسديد مستحقات الجزيري ينوي مسئولو الإسماعيلي خلال الساعات القليلة القادمة سداد الغرامة المالية الصادرة من المحكمة الرياضية الدولية في
image

تحديد الوجوه الجديدة للدراويش

سليمان: عماد والصادق ونجيب مستمرون يعقد الجهاز الفنى للإسماعيلى بقيادة طلعت يوسف اليوم السبت اجتماعًا مهمًا قبل بدء المران المسائى استعدادًا لانطلاق الموسم المقبل لتحديد أسماء
image

المران الأول لــ”طلعت يوسف” .. محاضرة تحفيزية وتدريبات بدنية

خاض لاعبو الفريق الأول لكرة القدم بالإسماعيلى مرانهم الأول ، تحت قيادة طلعت يوسف المدير الفنى الجديد للدراويش .
image

الدكتور هشام عناني يقدم اوراق ترشحه علي منصب الرئيس

رسمياً الدكتور هشام عناني أول المترشحين لمنصب رئيس مجلس إدارة النادي الإسماعيلي
Powered by Vivvo CMS v4.1.5.1