إسماعيلي إس سي - i s m a i l y S C - كلام ماسخ وقرار سكسوني

كلام ماسخ وقرار سكسوني

حجم الخط Decrease font Enlarge font
image

بابا حسن لم يعطي الامر والقرار لسمير ..... اصله كان قاعد يلعب مع ميكي وسايب بندق هلكه علي التليفزيون وصاحبنا اللي معاه المناشه ....

 .... بتاع الهش ، ايمن افندي يونس قاعد يبتسم للكاميرات ، لكن مناقشة وقرار ، فينيتوا ، بح ، ماعندناش ، مش بتاعنا ، بابا حسن لازم نقابله في الاهرام في الاخبار في الجمهورية لازم يكون موجود ، ماهي المصيبة بيفكر يروح انجلترا قال ايه هيلعب فيها ، هناك ، هي ناقصة فضايح بجلاجل ولا جرسه بحناجل ، المهم ماعلينا .

بقي لهم اكتر من ثلاث ايام بيشوف الامن والبوسطجي رايح جاي ، اصل عسكري المراسلة بتاع الامن، كل ما ينزل القاهرة ، يروح علي الكورنيش ياكل دره ويركب حنطور مع خطيبته ، اسكتوا مش هي اهلاوية ، وهي من اهم الاسباب في التأخير ، ماهو بعد الدرة والحنطور ، بتشرب حاجة صقعانه علي رأي واحد صاحبي ملوش شعر ، وعلي ما يهضم والذي منه ، يروح الجبلاية يلاقيهم قفلوا وعلي ماينزل ينهد حيله ،و مايروحشي بنها ، يقعد لتاني يوم ، المهم عسكري المراسلة ، نسيبه ، طبعا مش نسيبه اخو مراته ،ولكن نسيبه ونمشي ، نروح نشوف سمير ولجنة المسابقات ، علي ما تنحصر وتجتمع ، ويقسموا الادوار ، ماهو كل واحد بياخد له شقة ، وبينادوا كل شويه علي شوبير علشان يرجع ياخد شقة ، مش يقعد فيها لا سمح الله ، لا دي شقة طعمية ، علشان يمخمخوا وبعد اكل الفول يقرروا ، امال ايه ؟

هو القرار سهل كده؟! ، ازاي ، الاهلي يقول انا بلاعب الترسانة في الاستاد اصل ملعب الترسانة صغير ، تلاقي الجمهور اللي في الماتش مايزيدوا عن خمسمائة واحد ، طبعا مش كلامي عن الماتش اللي جاي ، ولكن عن اللي فات وغيره ، والاسماعيلي ممنوع يلعب علي غير ملعب الترسانة ووقت الصيام في رمضان وفي عز الحر ، والقرار بيطلع في ثواني .

ونرجع للاتصالات معليش كان معي تعليقي خارجي ، طول الدوري ملهوش سنترال يلعب عليه ، ماهو في كل البلد ، ومع كده يا اخي مافي حتي منفلة من بتاع تليفون العمدة بيشجعه ، ولا حتي كارت من بتوع الموده ، بيرن وبيقول لهم الوووو ، انا معاكم ، عاوز ايه ، ازاي وليه ، لازم نلعب علي ملعبنا في بنها .

وهل الاسماعيلي بيقول لا : لا ، اذا بالقوة وبعد طول معانه جابوا له ملعب القناة ، اللي بيفكرني بالجرن اللي كنا بنلعب فيه ، وكمان محروم بطريقة غير مباشرة من جمهوره ، ولما يجي ماتش زي الاتحاد في الاسكندرية وجمهوره عاوز يروحوا وراه في مباراته مع الاتصالات ، يطلع واحد يقول لك علي سلكة رقبتي ونغمة روحي لو لعبنا بره ، وبعدين لو الاسماعيلي معاه اعلان فودافون المنافس كنا ممكن نوافق .

والاغرب بتوع الطوب والزلط طالعين بيقولوا ، لا ، بكده احنا هانهدم المرمه اللي فاتت ، ونعمل معجنه ونجيب تراب ونرش عليكم ، ونلعب ماتشنا اللي فات من تاني . شوفتوا العالم عامله ازاي ، وكل ده علشان اخونا الاحمر منهم كلهم في اللون طبعا ، انا ماقصدتش حاجة تانية علشان ماحدش يفهمني غلط ، خرج من فريق افريقي اعرج اول مرة في حياته لعب في مسابقة افريقية . بكره يطلعوا قرار داخلي يقولوا انضمام اشبال الاهلي للعب مع الفريق الكبير ، علشان يقليدوا الزمالك ومن قبله الاسماعيلي ، وناسين ان عندم افضل 30 نجم في مصر ، المهم كل ده كوم واللي جاي كوم تاني خالص . تعالوا معايا ...وخلي بالكم قوي ..

 

نركز بقي شويه مع بعض ونرجع لزمان ، علشان نشوف اللي جاي ، انا هقول كلمات وانتم تذكروا كويس قوي ، وبالتأكيد كلنا فاكرين ( معسكر ، حسن شحاته ، خليج ، عمان ، غياب ، إلغاء ) .

بالتأكيد الكل هيقول ان حسن حمدي يؤمر زاهر ، ان ينبه علي حسن شحاته ، بان يعلن انه تم الغاء المعسكر ، ويقول كمان ان من اهم الاسباب هي انفلونزا الخنازير ، امال ايه ، اصل فيه كمية كبيرة من الخنازير بتربي في جنوب شرق اسيا وبعدين عمان علي باب الخليج وجنب المحيط الهادي ، وبعدين فيه رياح شرقيه غربية حاملة للخنزير قادمة من جنوب شرق اسيا ، ودي سرعتها كبيرة ، مش المحيط هادي بقي ، وعلي حسب التنبؤات الجوية هتوصل قبل عشرين مايو لعمان ، ايه الكلام ده ؟؟ انتم بتهرجوا بصراحة ، مش كده . القصة الحقيقة حاجة تانية .

طبعا احنا كما عارفين ، كام مرة حسن شحاته ياخذ لعيبة من الاسماعيلي في المنتخب في المعسكرات التدريبية ، لاسباب احنا عارفين ، واول مايجي الجد ، كله يروح بيتك بيتك ، واللي في المنتخب معروفين ، نعم يمكن في المرة الاخيرة ضم بركات وغيره علشان خوفه من سواقين الكميونات ، يعني كده انتم طبعا قربتوا تبقوا معي علي اول الطريق ، وعلي العموم لو مش عارفين ، هقول انا .

 

طيب قول انت يا ابو العريف ، لو وصل الامر لتساوي نقاط بين الاسماعيلي والاهلي المباراة هتلعب يوم 25 مايو عادي جدا ، وبدون ادني مشكلة، بل بالعكس تماما ، وكمان المعسكر هيقام يوم 22 مايو في عمان ، وبدون ادني مشكلة ، ايه الكلام ده؟ ده الكلام اللي هو مربط الفرس وبالامر ينفذ .

 

بناءا علي المستوي الاخير للاعبي الاسماعيلي ، قرر حسن شحاته ضم 4/3 فريق الاسماعيلي للمنتخب المصري ، والكل فرحان ومبسوط ، وده حقهم ، وحلاوة ياحلاوة ، وعدم ضم اي لاعب من الاهلي فقط احمد فتحي ، ولكن علشان هو مصاب ويعالج سوف يترك بالقاهرة ،وبعد المباراة مع عمان ، الاسماعيلي يطالب بضم لاعيبه وبالعودة سريعا للاستعداد للمباراة الفاصلة مع فريق الاهلي المكتمل الصفوف ، يطلع علينا سواقين الكميونات بهذه الاخبار : احتمال لعب احمد فتحي اصله خف من الاصابة ( القصة دي حصلت قبل كده كتير) ، وهناك قرار من اتحاد الكرة بعد انضمام لاعبي الاسماعيلي في المنتخب لفريقهم بعدم لعب مباراتهم الفاصلة ، بسبب الاجهاد ومن اجل مصر ، وتقرر علي الاسماعيلي ان يلعب المباراة الفاصلة ، الاسماعيلي يبحث عن اشبال جدد لتصعيدهم ، واللعب بهم هذه المباراة ، حتي لو تطلب الامر ان محمد صبحي يلعب رأس حربه .

وسوف تنقل المباراة الفاصلة من علي ارض استاد القمر في واحة الاحلام ، فوقوا بقي وصحوا النوم ، وشوفوا الناس بتفكر ازاي.

 

ولو ده كله لم ينفع ، يصدر القرار ، تم إلغاء الدوري هذا العام ، لان الاهلي ليس لديه متسع من الوقت ، ومن اجل ان يلعب في الدورة الانجليزية ، ومن اجل ان يسقط حق نادي الترسانة في المادة 18 اصل علي ما فهموا ، طالبوا بها ، اصلها كانت منقوش برسوم فرعونية ، لا تقرأ.

 

سلام الله عليكم ورحمته وبركاته

سلسلة الأفاعي والرفاعي / (4) - ا. أمجد مرعي

جديد إس سي
image

احصائية لقاءات الاسماعيلي و طنطا بالدوري الممتاز

كتب : محمد حنيدق .. بمناسبة لقاء فريقى الاسماعيلى وطنطا والذى يقام فى تمام الساعة الخامسة مساء يوم السبت القادم الموافق 24 من فبراير2018
image

عودة الفريق للمران و عواد يغيب عن مواجهة طنطا

كتب محمد اسامة .. عاد الفريق الاول بالنادي الاسماعيلي الي المران اليوم الاربعاء تحت قيادة المدير الفني البرتغالي بيدرو بارني و جهازه المعاون
image

الاسماعيلى 97 يتعادل مع مصر المقاصة بدون اهداف

كتب مؤمن مجدي .. و ذلك فى المباراة التى جمعت الفريقين عصر اليوم على ملعب الجامعة القديمة بالاسماعيلية
image

ميمي درويش 66 و 14 عاما مع الدراويش

و تواصل مكتبة موقع اسماعيلي اس سي العامرة بفضل الله تعالي توفيقه .. و نقدم تقرير من عام 1966 مع كابتن كباتن الدراويش ميمي درويش - رحمة الله عليه
image

حكاية التذكرة بــــ 75 جنيه .. و هري بعض الاسماعلاوية

حدد مسئولي النادي الاسماعيلي مبلغ 75 جنيه قيمة بطاقة دخول المباريات المقامة علي استاد الاسماعيلية و لعدد مسموح به و هو 300 بطاقة حسب تعليمات اتحاد الجبلاية و الجهات الامنية
image

ثماني الدراويش ٩٩ في منتخب مصر

كتب مؤمن مجدي ... انتظم ثمانى ﻻعبى الاسماعيلى فى معسكر منتخب مصر لمواليد 99 المقام فى مشروع الهدف من فترة 20 الى 23 من الشهر الجاري
image

اراء الجماهير و الرياضيين و الاعلام في سبب تراجع الدراويش

تحقيق ميدو حسين ... بعد التراجع الغير مبرر في الفتره الاخيره للفريق الاول بالنادي الاسماعيلي والخسارة الاخيرة امام فريق انبي في الجولة رقم 25 من مسابقه الدوري الممتاز ليجعل الصراع شرس علي المركز الثاني
image

ماهي يا منافسة حقيقية يا بلاها منافسات

بقلم د.جمال ثروت .. إذا كانت الانتصارات والجلوس على القمة فى النصف الأول من الموسم تنسب لحسن إدارة النادى وحضرة ناظرها إذاً فالمنطق يقول تتحمل الإدارة وحضرة ناظرها أيضاً إنكسارات وهزائم الفريق في النصف الثاني من الموسم
image

هل يضيع المركز الثاني من الاسماعيلي

كان من المفترض ان يكون عنوان التقرير : هل يحافظ الاسماعيلي علي المركز الثاني.. لكن ان درسنا الامور الرقمية و الامور الفنية للفريق - سنجد ان عنوان المقال صحيح تماما
image

الإسماعيلى يعلن عن كيفية تنظيم دخول الجماهير فى المباريات

اعلن النادى الاسماعيلى عن كيفية تنظيم دخول الجماهير ( على ملعب ستاد الاسماعيلية ) بداية من مباراة طنطا القادمة المقرر إقامتها فى الرابع والعشرون من الشهر الجارى.
Powered by Vivvo CMS v4.1.5.1