حوار مصالح ... يا سي صالح
بقلم صبري ابو الوفا ... حوار الرئيس ونائبه اثناء الاجتماع الرسمي النظمي لحمي فهمي
الرئيس ...السوق السنادي الأهلي مولع فيه لأن طلباته كتير وراصد مبالغ كبيرة
النائب ... متودنيش في داهيه شيل الأفكار دي من دماغك
الرئيس.... آه ما انت ناويلي علي الفقر وبعد كده تخلع انته
النائب ... استحمل يا اخي بس اليومين دول عشان اللي بالي بالك عما ينتهي
الأعضاء الكرام ..... انتوا بتتكلموا في ايه علي المتغطي كده ..؟مش تفهمونا !!
الرئيس .. تحب ياسيادة النائب نتكلم علي المكشوف ،
النائب .... طيب تعالي نتكلم بره الاجتماع شويه علي انفراد
تغير المشهد الي منظر خارجي ... و لكن الملامح تظل مجهولة ... طلعوا بره الاتنين
النائب .. هو دا اتفاقنا ,؟ مش قولنا توقف البيع اليومين دول عشان نفوت ايام الانتخابات علي خير
الرئيس .. انت مبتحبش غير نفسك
النائب.... احترم نفسك كويس واعرف انت بتكلم مين ... لولا انا مكنش لسه زمانك هنا
الرئيس ... انت عشان معاك قرشين هتتنطط بهم علينا
النائب ...احترم نفسك بقولك احسن افضحك
الرئيس ... يا اخي روح اجري القرشين بتوعك انا اعمل ادهم في بعتين للأهلي
النائب ...ما انت تخصص بيع للأهلي .
الرئيس .... طيب انت اللي جيبته لنفسك انا هبيع في يناير جوز لعيبه وها اعلن من الواتي
النائب ... ما انت وشك مكشوف وتعملها
الرئيس .. ابقي افتح بقك لو تقدر
النائب ... كل الناس عارفه اننا اللي وقفت بيع المعتصم
الرئيس .. طيب ياخويا لو تقدر ابقي ادفع كمان لأحمد علي والمعتصم وسمير فرج
النائب ... هتبيع كل دول يابني آدم
الرئيس .. عشان فلوسك كتير .. ورينا يافالح
النائب .. حرام عليك انا ضحيت بكتير عشان المجلس
الرئيس ... وهو انا اللي هدخل المجلس أنا هموت علي الكرس ده أحسنلي من كل المجالس ..؟
النائب .. طب تعالي هنا الأعضاء بيسمعونا
الرئيس ... سيب الظاكته اوعي ايدك
النائب ... مش هسيبك انت ناوي علي خراب بيتي
الرئيس ... وانا كمان مش هسيبك
النائب ... كدا ملخت الكم ..ّ!
الرئيس ... ما انت كمان أريت الظاكته
حضر باقي الأعضاء ... المنظر يبدأ في الابتعاد مع استمرار الخناقة و تسريع الصوت و فجأة يتدخل الاعضاء
الأعضاء .. انتوا بتعملوا ايه ..؟ وايه اللي بهدلكوا كدا
الرئيس .. يا حاج انت بتقول ايه يا اخي .. انت بتوصيني ..!! لا يمكن البيع للأهلي
الأعضاء .. الله يبارك فيكوا ، ايون كده
النائب ... ياريس احنا نضحي بأي حاجه مش فلوس وبس .. من اجل الاسماعيلي والاسماعيلية
الأعضاء ... يحيا الحاج
الرئيس .. زغرلهم وبص بصه جامده
الأعضاء ... هو بيعمل حاجه من غيرك انت يا كبير
