إسماعيلي إس سي - i s m a i l y S C - سلسلة حلقات تنمية موارد النادى الأسماعيلى

سلسلة حلقات تنمية موارد النادى الأسماعيلى

حجم الخط Decrease font Enlarge font
image

بقلم ا. خالد دونفان .. لسلسلة حلقات تنمية موارد النادى الأسماعيلى الجزء الأول - كنز أستاد النادى الأسماعيلى المدفون

مقدمة

أكتب أليكم اليوم فى مقدمة موضوع حلقات أو سلسلة أفكار مع شرحها لتنمية موارد النادى الأسماعيلى المظلوم من كل الجهات النادى الأسماعيلى المفترى عليه دائما أكتب أليكم و أنا فى قمة حزنى على بيع لاعب من النادى من أجل الصرف على النادى فى سلسلة مملة كل مجالس أدارة النادى الأسماعيلى بل أستثناء ارتكبت تلك الجريمة الشنعاء بدم بارد دون مراعاة لمدى التأثير النفسى و التسويقى على النادى الأسماعيلى و على جماهيره الوفيه الصابرة كان البيع الحل السهل و لبعض العقول العقيمة التى أبتلينا بها فى أدارة أعظم نادى فى مصر تلك العقول التى أكلها الصدأ دون تفكير فى مصير النادى بعض ما يتم تجريفه من أصوله اللى هى الاعيبه بيع ورا بيع ونسمع كلمات تطييب الخواطر الأسماعيلى ولاد الأسماعيلى مش هيغلب الأسماعيلى منجم المواهب وكل هذا الكلام اللى فعلا حقيقة فالأسماعيلى منجم مواهب و ولاد لكن ولاد و منجم للأخرين يخذو ما يشتهون من ثماره الناضجة كل عام تنضج ثمرة أو أكثر يخذوها بتمن بخس وبطرق ملتوية و تحول المنجم بقدرة قادر ألى مخزن للأندية المنافسة و جماهير النادى الأسماعيلى تجلس تلعن أبو الفقر و نصبر و نحتسب فى وداع لاعب تلو الأخر و نجم تلو الأخر و تأتى مجالس أدارات فى تبجح يحسدون عليه يقولون النادى فقير و معندوش موارد نعمل ايه و نسمع وصلة معايرة فى فضائيات النادى شحات النادى مش لاقى ياكل و كل الكلام اللى يفور الدم ده ونصبر و نصنع جيلا جديدا بعد ما يتعلمه فينا و ننظر نرى جيل يذهب ألى نادى منافس فى عملية أستنزاف مقيتة النادى فعلا غنى أحنا ممكن باعتمادنا على الناشئيين والمواهب الصغيرة نكتفى و نشترى قليل جدا مع الحفاظ على نجومنا أحنا أقل نادى بيشترى و مع ذلك بنحقق نتائج جدية لكن أفة البيع هى اللى بتضيع كل ما نفعله فى سنين بقرار غبى ناتج فى النهاية عن ضحالة فكر من يجلس على كراسى الأدارة على مدار تاريخ الأسماعيلى ألا ماندر عشان ما طولش عليكو دى المقدمة و هنبدأ الحلقات واحدة تلو الأخرى

قبل بداية الحلقات نتفق على على عرض فكرة فكرة كل فكرة فى حلقة بعد ما تنتهى الحلقة من الكتابة عاوز مشاركات كبيرة جدا و تفاعل قوى جدا من الأعضاء بس ياريت تكون مشاركات أيجابية بلاش انت بتحلم و التريقة و الكلام ده ياريت يكون نقاش أخد و ورد لأن بجد النقاش معكم هيفيد الفكرة أكيد و فى مواضيع هطرحها فى أفكارى محتاجه مساعدة فأرجو التفاعل

بسم الله الرحمن الرحيم

الجزء الأول من سلسلة تنمية موارد النادى الأسماعيلى

كنز أستاد النادى الأسماعيلى المدفون


الحلقة الأولى
عنوان الحلقة

المقصورة الرئيسية كنز لكل الأسماعيلية

مقدمة

فى أوروبا والدول المتقدمة موارد الأندية من تلت حاجات رعاية و بث فضائى وتسويق الأستاد عن طريق بطاقات موسمية صحيح بيتم تسويق 70 % من الأستاد و الباقى بيتم طرحه كل مباراة عشان كده المدرجات مبتخلاش كله دافع منها مورد للنادى وشكل الأستاد يفرح و عشان مطولش عليكو واخش فى الفكرة على طول لازم قبل ما أبدأ فى شرح الفكرة يكون موجود فى الأستاد و عندنا فرصة قبل بداية الدورى اللى هو هيبدأ فى 14 أكتوبر و لازم عشان نجاح الفكرة يتم الأتى

* الأستاد يتحول لسينما ازاى ترقيم كل كراسى الأستاد و فى كل الدرجات المختلفة الكراسى تترقم زى السينما بالظبط و اللى يقطع تذكرة ينقى مكانه فى تصور للأستاد زى اللى موجود فى السينما بالظبط على سبيل المثال كل صف يبقى a b c d كل صف منهم مكون مثلا من 30 أو 40 كرسى يبقى a1 لحد a40 هكذا فى كل كراسى ودرجات الأستاد عشان نشتغل صح هتنقى مكانك من التصور اللى موجود عند اللى هيقطع التذكرة وهيدون خلفها زى السينما بالظبط رقم كرسيك اللى أنت أخترته مثلا d30 الموضوع سهل جدا شوية أستيكرات بحروف أنجليزية على شوية أرقام من أى مكتبة

الفكرة

أولا أحب أشكر الأستاذ جمال علام ربنا يخليه و يبارك فيه يارب و يبقى عون للنادى الأسماعيلى وأحب أشكر الأستاد طارق أبو الليل المدير الأدارى للنادى الأسماعيلى اللى أتصلت بيه والراجل رد عليا بمتنهى الذوق و الحميمية أكنه يعرفنى من سنين رغم أنى لم أتشرف بمقابلته قط لكن أعرفه شكلا فقط التصور اللى كان عندى كان عبارة على أن كراسى المقصورة يخدها رجال أعمال و كبار تجار الأسماعيلية و المقتدرين ب 20 ألف جنية الكرسى على حسب ما كنت متوقع أن كراسى المقصورة الرئيسية 500 أو 1000 كرسى يعنى يبقى دخلنا للنادى ميا 10 مليون يا 20 مليون مقابل كرسى و تسيط لرجل الأعمال لكن اراء حضراتكم اللى أستكترت المبلغ و الصدمة اللى أخذتها فى التيلفون من الكابتن طارق أبو الليل نزلت عليا مثل الصاعقة وشلت تفكيرى لمدة من الوقت أنى عرفت أن عدد كراسى المقصورة الرئيسية أو الشرفية 187 كرسى فقط الموضوع خلانى أعيد حسباتى تانى منها منيمنيش الليل لمدة خمس أيام تفكير فى الموضوع خصوصا أن المبلغ لو تم الموضوع هيبقى 3 مليون 800 ألف ده غير أن بعض الأراء ومنها الأستاذ جمال و عضو أخر يعذرنى مش فاكر اسمه قاله المبلغ كبير كان لازم أطور الفكرة و أجذب رجال الأعمال أكتر من ناحية ومن ناحية تانية أحاول أزود السعر عشان النادى يستفيد أكتر و كانت الفكرة اللى طلعت للنور دى

ان النادى هيعمل تعاقد مع صاحب الكرسى بمبلغ معين نسيبه لمنقاشاتنا بس أنا حاطت العسر من 50000 جنية ألى 100000 جنية و ده رايى شروط التعاقد أو مميزات التعاقد أو أتيازات صاحب الكرسى

1 مقعد vip فى القصورة الرئيسية عليه أسمه مع طبع كارنية فاخر له فى دخول جميع المباريات

2 أعلان لمنتجه على سور النادى الأسماعيلى

3 طبع أو وضع على تذكرة المبارة دعاية عن متنجه زى فواتير الغاز على سبيل المثال و هتتقسم عليهم بالتساوى أقصد بالتقسيم التذاكر على كل تذكرة أعلان لمنتج أو أتنين منتج أو شركة أو أى شىء هما يحطوه عشان الحق فى عضو محترم طرح الموضوع ده هنا فى المنتدى فى توبك مش فاكره يعنى الجزئية دى تتنسب ليه

4 هيتم تسويق منتجه أثناء المبارة عن طريق أعلانات توزع على الجماهير

5 عمل فترة أعلانية قبل بداية المباراة و أثناء الأستراحة على شاشة الأستاد زى مثلا مسلسلات رضان هذا المسلسل برعاية كذا وكذا و ينزله ورا بعض يعنى سور النادى الأسماعيلى برعاية كذا وكذا

6 عمل عضوية فى النادى لو مكنش عضو + عضوية فى النادى الأجتماعى المزمع أنشاءه

7 عمل فترة أعلانية فى أذاعة الأستاد مسجلة لجيمع الشركات اللى واخده سور النادى تذاع قبل بداية المباراة و أثناء الأستراحة عدة مرات عشان نسوق المنتج

8 لو تم عمل قناة تليفزيونية أثناء فترة التعاقد له الحق فى أمتياز أعلانى على شريط القناة كلنا عارفين أن أى قناة فضائية عاوزة تجيب فلوس بتعمل شريطين واحد شات و التانى أعلانى

9 معنويا الراجل فلان الفلانى دعم النادى و تسييط ليه فى البلد


فوائد التعاقد للنادى


1 دخل ثابت و كبير جدا للنادى

2 تسويق سور النادى


طريقة السداد

عشان متعبش رجل الأعمال لو تم التعاقد ب 100000 جنية يبقى على قسطين قسط قبل بداية الموسم التانى فى يناير يبقى ضمنت دخل فى بداية الموسم و التانى فى يناير و لو 50000جنية يقى نفس الموضوع ولو ممكن نعمل مكس يبقى ال180 كرسى نصفهم كدا و النصف التانى كدا أو الصف الأول كدا و الصفوف التانية كدا المهم التطبيق واحد يقولى على طريقة محمود بكر أنت قلت أن عدد كراسى المقصورة 187 كرسى فين السبع كراسى أقول ليه أنهم بتوع مجلس الأدارة

المشروع بتاعى ده على مرحلتين أول مرحلة دى بتاعت السنة تانى مرحلة هتبقى بعد أستئذان الجهة الأدارية أن أحنا نشيل كل الكراسى البلاستيك اللى موجود فى المقصورة وسط ويمين وشمال وعلوية و نعمل كراسى زى بتاعت السينما بالظبط مع رفع تمن الكرسى ل من 5000 جنية ألى 10000 جنية
بس دى مرحلة لاحقة واحد يقولى أنت ظالم فين حق مواطن الأسمعلاوى البسيط أنت هتقلبها رجال أعمال و مقتدرين اقوله أيه أحسن نعمل كدا ونجيب دخل للنادى ولا نبيع لاعيبته وبعدين عندك بقيت الأستاد اهلا وسهلا بيك فيه و فى التليفزيون موجود


كيفية تطبيق الفكرة


واحد يقولى طب خلاص المجلس وافق هيجيب الناس أو عدد 180 شخص دول منين أقولك عن طريق المحافظ المحافظ متحمس جدا لموارد مالية ثابته للنادى + مش هيدينا جينة غير كام مبلغ تعبان زى 800 ألف جنية أو مليون فى السنة بالكتير يبقى احسنله يدعم الفكرة ولا يبقوله بيع يا مجلس خصوصا أن أى بيعه تانية الله أعلم رد فعل الجماهير ايه و البلد مش ناقصة + أن الراجل أكيد عاوز يريح دماغه من النادى و يلتفت لمشاكل المحافظة الكتيرة يعنى ممكن سيادة المحافظ يجيب جميع أعضاء الغرف التجارية و مجموعة رجال أعمال من البلد و شوية عن طريق رئيس النادى هتقولى ده لما طلب عقد أجتماع عشان يلم فلوس الكل بلغ فرار هقولك الوضع مختلف فى أمتيازات للى هيحط جنية مش تبرع المبلغ اللى مطلوب مش كبير 100000 جنية على صفوة رجال أعمال ومقتدرى الأسماعيلية مش كتير الدفع بالتقسيط على دفعتين مفيش ابسط من كده + التسييط


المبلغ المنشود

لو تم بيع ال 180 كرسى ب 50000 جنية هنلم 9 مليون جنية فى الموسم
لو تم بيع ال 180 كرسى ب 100000 جنية هنلم 18 مليون جنية فى الموسم


و بكده الحقلة الأولى أنتهت مستنى ردود حضراتكم ومقتراحتكم أرجو المشاركة بفاعيلية كبيرة وتوصيل الفكرة للقائميين على النادى

ألى اللقاء فى الحلقة الثانية من الجزء الأول من سلسلة حلقات تنمية موارد النادى الأسماعيلى كنز أستاد الأسماعيلية المدفون

الحلقة الثانية

المقصورة و فلوس التانى المهدورة

مقدمة

كلنا شوفنا الأستاد أفى الماتش بتاع الكأس حاجه تفرح و أن كان ممكن يمتلىء أكتر من كده وشوفنا ان الموسم ده مختلف مختلف لسبب جديد هو العميد العميد هيجيب الجمهور الأستاد أكتر و لازم نستغل ده زى ما قولت الحلقة الماضية فى تسويق المقصورة الرئيسية أن كل الكراسى لازم تترقم و ده أمر مفروغ منه لنجاح الفكرة من الأساس

الفكرة

عدد كراسى المقصورة الأمامية وسط وبمين وشمال و علوية بالتفصيل

أماميية وسط 500 كرسى

أمامية يمين 500 كرسى

أمامية شمال 500 كرسى

علوية 1200 كرسى

الأجمالى 2700 كرسى تقريبا

ملحوظة المصدر الأستاذ طارق ابو الليل

الفكرة تتخلص أننا نبيع موسمى 2700 كرسى دول الكرسى ب 1000 جنية يعنى هنجيب دخل فى السنة 2 مليون و 700 ألف جنية الدفع هيبقى على قسطين و ممكن تلاتة و ممكن كاش زى ما يحب صاحب الكرسى و محدش يقولى أنا مفيش فى الأسماعيلية 2700 بنى أدم ميقدرش يدفع ألف جنية فى السنة للنادى منها تمن كرسيه لمشاهدة المباراة فى الأستاد و دعم للنادى

المميزات

1 دخل للنادى فى السنة 2مليون و700 ألف جنية

2 خدمة محترمة مش الهرجلة اللى بتحصل و اللى يجيي متأخر يقعد فى كرسى مش عاجبة كل واحد هينقى كرسيه اللى هو عاوزة و هيلتزم بي طول الموسم فى طريقة أدمية مش اللى بيحصل

3 القضاء على الشغب وتكسير كراسى الأستاد أزاى كل واحد واخد كرسيه ودافع تمنه مش هيكسره لو كسره هيتجاب لأن مقيد رقم الكرسى و صاحبه وبكده هيبقى حاجه معنوية وهنقضى على هذة الأفة و هنحافظ على النادى وأستاده

كل اللى عايزه 2700 شخص يدفعه 1000 جنية على حسب الطريقة اللى تناسبهم كاش قسط على قسطين على تلاتة بحد أقصى يعنى ممكن تدفع 500 جنية تشوف مباريات الدور الأول و 500 مباريات الدور التانى بشرط الدفع قبل 14 أكتوبر

ياجماعة ده دعم للنادى فى النهاية و دخل عشان منفرطش فى نجومنا ونلوم الفقر اللى هو فى النهاية فقر عقول ومحدش يقولى حرام عليك الناس تجيب ليك منين هقول الدورى مذاع على عشر قنوات و أنا مش بخترع ده اللى ماشى فى أوروبا و بعدين أعتبر انك بتشترى حاجه بالقسط و أنا مريحك جدا فى السداد و كل ده دعم للنادى و أنتهى عهد الفرجة ببلاش

الحلقة الثالثة

المدرجات وفلوس الماتشات

الفكرة

باقى درجات الأستاد ممكن يوصله ل 10 ألاف كرسى تقريبا أو أكثر بس هنقول 10 ألاف كرسى فى الفكرة دى هعرض عليكم حاجتين مهمين منها الأستاد هيبقى زى ما النس نفسها هيبقى كومبليه و منها دعم للنادى و فى حاجتين فى الموضوع

1 فى موسمى و هتكون كل مباريات النادى ب 400 جنية فى السنة وهيكون ليك كارنيه زى المقصورة بالظبط فى اسمك و رقم كرسيك و صورتك حاجه أدمية محترمة اعتقد كل مصر هتاخد الفكرة و هطبقها السداد على تلت أقساط طوال الموسم أو تشجيعا اربع أقساط كل قسط مائة جنية و دول ل 5 الأف كرسى فقط و تشجيعا للموسمى ماتشات أفريقيا و الكاس هدية

2 بالماتش هيطرح باقى الأستاد كله عشان كده لازم يكون فى أعلان من المتحدث الرسمى للنادى و مدير النادى فى كل الأسماعيلية و على الفضائيات أعلان يعنى هيطلع يقول مش أعلان تليفزيونى عشان محدش يقول أنت مقولتش ليه ال 5 ألف أو مايفوق دول ليهم طريقة أخرى فى البيع مختلفة خالص عن الطريقة البدائية اللى بتباع بيها تذاكر النادى دلوقتى أزاى

1 هنعمل لينا بعد أستئذان الجامعة كشك داخل الجامعة يكون هدية منها لينا و هنبيع تذاكر النادى داخل الجامعة يعنى هنذهب لتكتلات الجماهير داخل اماكنهم و ممكن نديهم مدرج خاص بيهم و نقسم التذاكر مجموعة معينة لحصة الجامعة نبيعها هناك زى تذاكر الحفلات بالظبط شوفو بقى عدد طلبة الجامعات كام

2 كشك أخر بالقرب من مجمع مدارس مثلا أو ننتشر فى التجمعات السكينة الكبيرة احب اقول لحضراتكم معلومة أن فى المرحلة الثانوية فيها فى الأسماعيلية كام طالب 58 ألف طالب شوفو بقى لما هنسوق أزاى

مميزات الفكرة

1 الأستاد مش هيخلى

2 ضمان عدم تكسير أى كرسى من البطاقات الموسمية أسمك عندى برقم كرسيك يعنى هقلل الشغب

3 دخل جامد للنادى

نسيت اقول لحضراتكم أنا جبت رقم 400 جنية ده منين تمن التذكرة تقرييا 10 جنية أنا ضاعفته ل 20 جنية فى المباراة فى 20 ب 400 جنية ده للموسمى أنما للعادى تمنها برضه 20 جنية ده هيجب دخل فى المباراة الواحدة كام 10 ألاف كرسى × 20 جنية جمعنا 200 ألف جنية فى المباراة يعنى فى 19 مانش كام 3 مليون و 800 الف جنية فى السنة

شوفته يا حضرات كم الملايين المهدرة فى النادى بسبب ضعف  العقول ده ملف واحد ملف الأستاد بس

جديد إس سي
image

ديسابر يستبعد عمر جمال من معسكر الاسكندرية

كتب : محمد حنيدق .. قرر الفرنسى سباستيان ديسابر المدير الفنى للإسماعيلى، إستبعاد عمر جمال صانع ألعاب الفريق عن معسكر الدراويش الحالى بالإسكندرية وبرر المدير الفنى
image

الاسماعيلي 2001 يسحق سموحة بثلاثية نظيف

كتب مؤمن مجدي ... فاز فريق الاسماعيلى 2001 سموحة بثلاثية مقابل لاشى فى المباراة التى جمعت الفريقين عصر اليوم على ملعب سموحة بالاسكندرية
image

Monsieur Disaber, s'il vous plaît, riez

بقلم ا.ايمن الاسماعلاوي ... هو مدرب قليل الضحك او مجرد الابتسام ... و لكنه مدرب من طراز رفيع استطاع ان بعمل من الفسيخ شربات وبنفس اللاعبين تقريبا الذين احتلوا المركز السادس ٣ سنوات استطاع ان يتصدر بهم الدورى المصرى حتى الاسبوع الحالى
image

بالفيديو الدولي : الاستديوهات حزينة لتصدر الاسماعيلي

كتب / تامر السيد ... في تصريحات قوية لمدرب حراس مرمي النادي الاسماعيلي
image

صراع اللاعبين بالاصفر والاحمر

كتب : محمد حنيدق .. على مدار التاريخ كان هناك صراع دائر بين القلعة الصفراء و القلعة الحمراء على ضم اللاعبين اسفر عن انضمام 53 لاعب بالتمام والكمال
image

الدراويش في العلالي

فاز علي طنطا بهدف نظيف
image

احصائيه بهدافى الدراويش في الشباك الأهلاوية

كتب : محمد حنيدق .. يقدم موقع اسماعيلى اس سى احصائيه بهدافى الدراويش في الشباك الأهلاوية في جميع المباريات الرسمية على مدار التاريخ
image

احصائية لقاءات الاسماعيلي مع الاهلي

كتب : محمد حنيدق .. بمناسبة أقامة لقاء الاسماعيلى والاهلى يوم الاثنين المقبل الموافق 20 نوفمبر2017 في المباراة الهامة والمؤجله من الاسبوع الرابع من مسابقة الدورى العام المصرى موسم 2017/2018
image

معسكر مغلق للاسماعيلي استعدادا للاهلي

كتب ... تامر السيد / من المقرر ان يدخل الفريق الاول لكرة القدم بالنادي الاسماعيلي في معسكر مغلق بدءا من اليوم الجمعة
image

عصام عبد الفتاح : حيرة في لجنة الحكام

كتب ... تامر السيد / اعلن الكابتن عصام عبد الفتاح رئيس لجنة الحكام في الاتحاد المصري لكرة القدم ان
Powered by Vivvo CMS v4.1.5.1