إسماعيلي إس سي - i s m a i l y S C - كده يا ريكاردو ... تعملها تاني فينا.. برضو

كده يا ريكاردو ... تعملها تاني فينا.. برضو

حجم الخط Decrease font Enlarge font
image

البرازيلي ريكاردو .. قلنا و فكرناه بماتش طلائع الجيش 2009 ... و لا فائدة و لا عايدة و لكن ريكاردو بعد الضنا و قدام الجيش ريش علي مفيش

 -  و لبسنا كلنا ..  خيش في خيش 

تعالوا الاول نتكلم عن التشكيل ... تشكيل  زحلاوي مش برازيلي - لا فيه صانع العاب  و لا  قاطع العاب.. بخصوص مفيش صانع العاب  - في مباراة وادي دجلة - الاعمي شاف و عرف  ان لما نزل زيكا في وسط الملعب و استغل خروج لاعبي اتكاز  وادي دجلة - جبنا جول و اتنين ... و  قلنا ...  فزنا بطريقة الكابتن فجلة علي  فريق وادي دجلة

 طيب ما هو زيكا موجود من اول الماتش و الطريق  مقفول من خلال الاختراق للدفاع الميري بتاع حلمي طولان.. و خط النص مهلل تماما و ارجعوا للثلاث اهداف -  حتي ضربة الجزاء - كرة 1-2-3  - هوب في الشبكة ... ثلاث فرص ( 1-2-3 هوب )   في الجول  من طلائع الجيش

بخصوص الاسماعيلي فين الفرص الضائعة - مفيش - في مباراة المصري  خمس انفرادات - النهاردة مفيش ... الفارق بينهما ان المصري  كان فاتحها علي البحري و الجيش قافلها  بالدبشك - و ريكاردو سونز  مش عارفين او ما بيعرفوش    

و بخصوص قاطع الالعاب  ...  هو سؤال اموت و أعرف جوابه  ... ليه  عمر الوحش قعد علي الدكة و هو قاطع الالعاب الوحيد  في الفريق  بامتياز خلال المباريات السابقة.. خط الوسط من حسني عبد ربه ( الشوط الاول مفيش خالص ) - محمود عبد العزيز ( بيضرب في الودع ) - محمود حمد  ( مش هنا خالص ) - ابراهيم حسن (  كان زعلان من ريكا ) .. خلوا 1-2-3 - حتي كان حيبقي جول رابع باك وورد -  لكن ربنا ستر

 أه صحيح افتكرت ...  هو عمر الوحش  غاب و اتركن و هو الافضل ... علشان يلعب عليه  ابراهيم حسن و هو  اللعيب اللي كان زعلان  من الركنة.. مين ... مين اللي وضع التشكيل .. تفتكروا فيه توصية و الا حاجة و التوصية جايه من بُعد  .. و الا ايه  

 كان فيه لعيبة زمان في الاسماعيلي - حتي من ثلاث او اربع موسم - لعيبة بجد -  ظهرمكانهم كائنات غريبة  تحت مسمي شوقي السعيد  ( انت عسل يا شوقي يا حلو يا شوقي - ارقص يا شوقي - انت حلو قوي يا شوقي  و خطير ) و كائن تاني اسمه صالح موسي  ( و المصيبة انه بيصرح و يقول انه أجل مفاوضات انبي و المصري و المقاولون - الي نهاية الموسم )  بالله عليك يا عم صالح لا تؤجل عمل اليوم الي الغد و روح الي أنبي  و القلب داعي لك .. بعد الفرد اليمين في الاسماعيلي - بقي عندنا صالح موسي  

الكائن شوقي السعيد - سيبك من حكاية ضربة الجزاء - جزاه الله كل خير -  في اخر خمس دقائق وقت ضائع -  أضاع لوحده اربعة دقائق - اصلها كورة و استغلال تمركز زيادة في دفاع الخصم -  مش عافية و لا فتونة و شعر عماد بعرور  بفيونكة - دي كورة  - ادخل و  راوغ في منطقة الجزاء و سدد و هات ضربة جزاء او ضربة حرة علي حدود المنطق و هات ضربة حرة و حسني جاب جول من واحدة - يمكن يجيب التانية- لكن مفيش فايدة    

نشوف الصورة تاني مع بعض

 

هنا الفارق بين الكتشنة اللي لم يعملها  ريكاردو في مواجهة التكتل العددي في وسط الملعب 3-2  .. و بين ما فعله خالد القماش  مع اتحاد الشرطة ضد بتروجيت  و فاز 3-2   

 فريق طلائع الجيش  احرز 11 هدف في 15 مباراة  !!!!!!   و احرز 3 اهداف بحالهم و دفعة واحدة ...  في ماتش واحد ضد الاسماعيلي -  ده يبقي اسمه ايه

طيب حاسال سؤال  يا قارئي العزيز : ما تعرفشي ليه قعد محمد عواد  ورجع  محمد صبحي يلعب اساسي .. لو عرفت الحل  و قولته لي ... مش حاقتنع بيه .. الا محايلة  لصبحي علشان يتنازل عن جزء من مستحقاته

طيب التكتل ده عايز كوفي ميشاك - و الا محمد حمص  يا عم ريكاردو ... بتقول ايه ما اخدتش بالك .. طيب

بالمناسبة .. شفتوا شوقي السعيد لما سبق الكرة في انفراد بالرأس في الوقت بدل الضائع  .. يا حلاوتك يا شوقي - عسل يا شوقي - ارقص يا شوقي 

بالمناسبة تغييرات الاخ ريكاردو كان من بينها النجم عمرو السولية العائد من الاصابة  - حد فينا سمع اسم عمرو السوليه  - و لما الكوتش  البرازيلي يدفع به و الفريق متأخر و هو العائد من الأصابة - يبقي اسمه ايه ده

دي كتشنة  - زحلاوي برضه - مش برازيلي خالص

 لكن الحق يقال ان الاخ ريكاردو ... طلع اسماعلاوي بحق و حقيق و خلي  طلائع الجيش  يفوز و هو المهدد للهبوط - اسماعلاوي اصيل و مقلب اسماعلاوي في منتهي الاصالة  

      

ريكاردو الوحيد الذي منح الزمالك 9 نقاط في مباراة واحدة 

عايزين تجددوا  له .. جددوا له

 اقول لكم حاجة  بس بيني و بينك ايها القارئ العزيو أقولها  سرا و حاوطي صوتي  علشان محدش يسمعها غيرك

اقول لك في السر : فيه حد في النادي نيته مش نظيفه

و علشان انا مؤدب مش حاقول  اكتر من كده...  و اترك ما اريد قوله الي ذكاءك ايها القارئ العزيز

 بتقول ايه يا عم ريكاردو ..مباراة الزمالك القادمة هي عنق الزجاجة.. فكرتني بكلام الزعيم السادات قبل  حرب اكتوبر

 ربنا ينفخ في صورتك و صورة زيكا و صورة إدارة المغارة .. علشان الجماهير الغلابة   

و ما نجيش لكم في حاجة وحشة   

   راجع الوصف التفصيلي

طلائع الجيش يهزم حلم الاسماعيلي 3- 

جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1