إسماعيلي إس سي - i s m a i l y S C - وعايز تغلب الزمالك ... بإمارة ايه

وعايز تغلب الزمالك ... بإمارة ايه

حجم الخط Decrease font Enlarge font
image

بالراحة شوية و بالعقل شويتين.. انت عايز تغلب الزمالك بأمارة ايه ...

فريق الزمالك عنده حلول  وانت فريقك عاجز تماما ومعاه جهاز فني علي ما تفرج 

بعيدا عن ضربتي الجزاء وصحتهما - و بعيدا عن الحكم محمود عاشور و قرارته في الشوط الثاني خصيصا ... هو سؤال واحد : كام واحد من جماهير الاسماعيلي كان عنده احساس انك تغلب الزمالك .. نسيبنا من اصحاب حللة التفاؤل العكسي و هم الذين يظنوا عكس اغلب التوقعات من باب التفاؤل و التحدي

و تعالوا نحسبها واحدة واحدة

 عندك لاعبين ذو قدرات و كفاءات مهارية و يعيبهم اللمسة الاخيرة او تطوير طريقتهم .. ماذا فعل الجهاز الفني  معهم .. لا شئ ... افتكروا كويس لما الهر الساحر علي ابو جريشة نزل الملعب مع عبد الرحمن مجدي ( خلال الشهر الذي اشرف فيه ابو جريشة علي الفريق ) ... عبد الرحمن مجدي كان ممتاز و دخل المنتخب ..لوتفتكروا ... و عندك محمد الشاني مجاديف ... بيعمل ايه .. بجد سؤال غريب .. و لو قعد 100 سنة حيفضل مجاديف  و يجري و ايديه تتحرك زي مساحات زجاج العربية .. و يضيع الفرصة وراء الاخري و خلاص مفيش شامي - مفيش حلول غير الشامي  

قبل المباراة - هل حد كان عارف مين حارس الاسماعيلي - بعد ما محمد مجدي طينها قبل كده و محمد فوزي زفتها امام اسوان.. و الاتنين اضعف من بعض .. و البركة في الكابتن سعفان الصغير  اللي قال مش محتاج حارس مرمي و كان عراب ضياع محمد عواد و زعلان قوي ان الجماهير زعلانه منه  و مع ان بعض الجماهير - مش كلهم - عرفوا الحقيقة و كذب مقولة : مدرب بعقلية مشجع !!!

 الجهاز الفني تبديلاته غريبة و عجيبة  و تنزل مستوي الفريق الي الاسفل .. عماد حمدي ( اللي كان حيمشي حيمشي بسبب  فلاسفة الغبراء من الجماهير ) اتصاب - تنزل محمد بيومي قليل الخبرة و البعيد عن المشاركة  و تترك  همام طارق اللي كان يعرف يتعامل مع خبرات وسط الزمالك و اصلا بيومي بيلعب ارتكاز مع دونجا 3.5 مليون جيجا اللي مالوش تلاتين لزمة من يوم ما جاء الاسماعيلي ... و الفريق محتاج دفعه الي الامام و خاصة بهد هدف التعادل  و جانبهم احمد مدبولي اللي فقد 3 كرات في اقل من دقيقيتين

 عايز تغلب الزمالك - بأمارة ايه ... اللاعبين نفسهم ما كانوش مصدقين انهم تقدموا علي الزمالك و لو بضربة جزاء د 33  و اخونا باهر المحمدي بعد ما احرز الهدف - رافع اصبع السبابة و بيحسبن علي مين - مش فاهم......  و قبل الهدف اللاعبين مش مصدقين نفسهم في ثلاث انفرادات  - الشامي د 18 و نكتة انفراد اسامة ابراهيم في انفراد و كسر كاميرا المصور الصحفي د 26 و يرجع الشامي يجدف و يضيع د 27 .. اللاعبين مش مصدقين نفسهم ومن الدقيقة 38 ..الزمالك ضاغط ضاغط لاجل التعادل .. و الجهاز الفني عامل من بنها

 الجهاز الفني  بقيادة جوميز عسل  شايف الفجوة الرهيبة ... بين خط  الدفاع و لاعبي الوسط و تسلل منها مصطفي محمد د 17 و يالق الحاج محمد فوزي و ينقذ كمان تسديدة خطيرة من اوناجم د 28 ... و من الفجوة دي احرز اوباما هدف التعادل 62 و اللعب من وراء محمود البدري واضح للجميع و الجهاز الفني بتاعنا من بنها و طنطا و المحلة كمان

 عايز واحد هندي او باكستاني او بنغالي - يشرح لي سبب نزول الرهيب والعتيد بيسون شيلونجو مكان عبد الرحمن مجدي  د 84 .. ايه الغرض منها  و ان يمكن تغييرات داخل الملعب من قبلها وخاصة ان الفريق غير قادر علي الاختراق من وسط الملعب من د  75  و ضاع الفريق بعد طرد محمد بيومي د 78  ..  علشان الخيبة تبقي دوبل الدوبل .. يقوم بقي الاخ جوميز و شركاه ينزلوا شيلونجو 

 لن نتكلم عن الزمالك .. مواقعهم وصفحاتهم تتكلم احسن من عندنا - لكننا نقدر نكرر و نقول انه فريق عنده حلول و احنا عندنا مجلس ادارة السلاحف ... عنده ام الخلول وباكلاويز كمان ... اليوم كان فخرالدين يوسف التونسي هو الوحيد المضاف الي الفريق .. والاوغندي باتريك كادو  خارج التشكيل لعدم الجاهزية .. صحيح ان الزمالك الا كاسونجو  لم يعمل اضافات لانه فريق جاهز  بالفعل ومتكامل والبديلين عملوا الفارق  جدا .. لكن احنا عندنا شي شيلونجو .. ولا حول و لاقوة الا بالله العلي العظيم

 الاسماعيلي مهزوم 8 مباريات من 17 مباراة ورقم قياسي يا ولاد الحلال

 والعداد بدأ يعد في المنطقة الحمراء ... يا عثمان           

وانتهي كلام خارج المقرر     

 

جديد إس سي
image

ذكري الكونت دي شحته - رحمة الله عليه

تعود الينا ذكري الكابتن شحته رحمة الله عليه و نتذكره كأحد الرجال المحترمين في تاريخ النادي الاسماعيلي و هي ذكري تعطي لنا الفارق بين الغث و السمين ... الكونت دي شحته لقب اطلقه شيخ النقاد الراحل علي الكابتن شحته – رحمة الله عليه نسبة الي دي ستيفانو نجم ريال مدريد في عصره الذهبي
image

باهر يغيب عن بداية فترة الاعداد

كتب ميدو حسين ... من المقرر ان يغيب باهر المحمدى، كابتن النادى الإسماعيلى، عن المشاركة فى التدريبات الجماعية للدراويش والتى ستنطلق غداً السبت استعداداً لعودة الدورى،
image

هؤلاء أبطال فيلم الأوفياء فى الإسماعيلى رغم ملايين الأهلى

.. حسنى عبد ربه: رفضت عرض الخطيب لأن الدراويش "جوه قلبى".. أبو جريشة:هربت من صالح سليم للنمسا حباً في الأصفر.. وحمص يسطر سيمفونية الإخلاص لبرازيل
image

انفراد.. جلسة بين نجوم الإسماعيلي القدامي وبعض قيادات المحافظة

يعقد نجوم الفريق الأول لكرة القدم بالنادي الإسماعيلي القدامي اجتماعاً الأسبوع القادم مع بعض القيادات الكبري بمحافظة الإسماعيلية . ويكون أبرز نجوم الدوايش في الإجتماع حسني
image

... استئناف الدوري 7 أغسطس رسميا

حدد الاتحاد المصري لكرة القدم يوم 7 أغسطس المقبل موعدا لاستئناف مسابقة الدوري الممتاز لموسم 19-2020 . وأكد حسام الزناتي مدير المسابقات بالاتحاد أن استئناف المسابقة
image

الدولي : أوزان لاعبي الإسماعيلي زائدة

ونحتاج عدد من المباريات الودية أكد سعفان الصغير مدرب حراس مرمى النادي الإسماعيلي، أن أوزان لاعبي الدورايش زائدة بنسبة كبيرة بسبب فترة التوقف، مشيرًا إلى أن
image

سعفان: إجراء المسحة الثانية للاعبي الإسماعيلي الإثنين المقبل

.. وطلبنا شهرين قبل عودة الدوري كشف سعفان الصغير مدرب حراس مرمى فريق الإسماعيلي، حقيقة الأوزان الزائدة للاعبي الفريق خلال فترة توقف النشاط بسبب تفشي فيروس
Powered by Vivvo CMS v4.1.5.1