إسماعيلي إس سي - i s m a i l y S C - أيوة عندهم حق ..يلبسوا المحمدي أحمر ..و حكاية الحبل

أيوة عندهم حق ..يلبسوا المحمدي أحمر ..و حكاية الحبل

حجم الخط Decrease font Enlarge font
image

العديد ( خلي بالك من كلمة العديد دي ) من جماهير الاسماعيلي في منتهي الغضب من موقع فلجول ... لانه قام بعمل صورة يرتدي فيها باهر المحمدي فانلة النادي الاهلي و ذلك في اطار البحث عن بديل اللاعب احمد فتحي

 وبصراحة هي سقطة من موقع في الجول بلا ادني فلسفة او تبرير ... لكن اللون الاحمر اكتر من اي لون تاني .. في البنكنوت .. و اذا عرف السبب ..بطل العجب

وطبعا انا قلت ( العديد ) من الجماهير زعلان من الصورة ولهم حق و احنا معاهم .... لكن هناك ( العضيض ) من الجماهير بتبارك و تصقف و ترقص في ليلة الحنة لزفاف عروسة جديدة الي البيت الاحمر وبتبريرات - تغم النفس - و تقرف الليمون نفسه ..و عادي جدا بس يجيبوا لنا ... و ..... و .... و احمد الشيخ  و طبعا هناك من ( العضيض ) او هم  الشخاشيخ و يقولوا - باهر يعمل قرشين في الخليج   و يرجع الاسماعيلي ...زي حسني و نسي اولئك الشخاشيخ ان حسني كان بيطلع احترافاته- الخليجية - بعدما حصل علي لقب افضل لاعب في افريقيا ولعب كام سنة في الفريق الاول

 طيب عرفنا حكاية الفانلة الحمراء و ما ورائها من خطط بنكنوتية ... طيب ايه حكاية الحبل

 قصة الحبل هي : اللي يربط حبل في رقبته .... 1000  مين يسحبه

وفي قول اخر .. اللي يوطي ظهره ... 1000 مين يركبه

لكن خلينا مع حكاية الحبل ... لانه يظهر انه عهده عند رئيس الاسماعيلي ... لازم يسلمه للرئيس اللي بعديه 

وما شاء الله ... مجالس ادارات الاسماعيلي - علي مدار تاريخها ... رابطة ( سلبة ) مش حبل بس في رقبتها   

عايزين امثلة ..حاضر

  الحارس محمد عواد ابن المنايف ..ظهر واتصور في الزمالك وكسر مناخير رئيس النادي الاسماعيلي ... ومن بعدها كسر ايد رئيس النادي وقفل عواد كل عيادات الكسور و العظام..من منطلق : جرحوني وقفلوا الاجزاخانات  

 عواد يظهر في الزمالك لحسم مصيره بجلسة مع أمير مرتضى | مصراوى

ايوة عواد ظهر في الزمالك و قعد مع امير مرتضي ليناقش تفاصيل تعاقده و في 22  يوليو 2019 و كان عواد لسه علي ( زمة ) الدكر رئيس الاسماعيلي والذي نفذ اوامر ( العمدة عتمان ) بعدها باسبوع ... وطلق فاطمة ..يعني طلق فاطمة   

بلاش عواد ..فاكرين شريف عبد الفضيل لما مضي في الزمالك و في يوليو ايضا ..لكن في 2009 وراح مجلس ادارة البطاطس يخلصوا الصفقة في ميت عقبة ... وبعدين مجلس البطاطس طلب من عبد الفضيل انه يوقع علي ورقة رغبة للعب في الاهلي ... ليه .... لانهم كاوا منتظرين الملايين في الجزيرة  و كان معاهم ماكينة عد الفلوس لان البنك كان يومها .. قافل

 بلاش عواد وعبد الفضيل ... فاكرين جملة ( فين شريط الفيديو ) اللي خنقوا بيها محمد مظهر عن زيارة عضو مجلس الادارة و ابن رئيس مجلس الادارة لصرافة الاصدقاء في مصر الجديدة ... علشان يبيعوا عمرو السولية و الا نسينا

اخونا ابراهيم عثمان اللي كتبوا عنه في مجلة حكومية ( هذا الرجل بيكره الاهلي ) وبالبنط العريض .. ابراهيم عثمان  قالوا عنه انه كان ( بيهرش ) لما كان بيسمع اسم الاهلي.... ابراهيم عثمان بقي - ساق الحنطور بنفسه و كان راكب الحنطور محمود متولي  و وصله الي باب النادي الاهلي  - بمجرد اتصال من محمود الخطيب و ابراهيم عثمان قال له : حاضر يا استاذي - بصوت جمالات كفتة - و انت تؤمر وتقشر .... وعثمان ينفذ و يلم القشر 

عايزين الاقدم من سنة 1962 ... و الا انتوا عارفين القصة و اكيد انتوا عارفينها و حافظينها

 لكن يبقي السؤال هل يجرؤ موقع في الجول .. علي نشر صورة لاعب باقي في تعاقده 3 سنوات  مع النادي المصري او الاتحاد السكندري - مثلا - و يلبسه فانلة الاحمر- كان رئيس المصري  طلع كل المستخبي  من ايام ابو العربي .. و الا رئيس الاتحاد كان رجع لهم من ايام كرموز و الحضرة

طبعا لا .. لكن الاسماعيلي مستباح بسبب الحبل المربوط في رقبة كل رئيس مجلس ادارة للاسماعيلي   

الخلاصة انه لم يجرؤ  موقع في الجول او غيره ..علي كيان الاسماعيلي.. الا لانه يعلم ان رئيس النادي لن يفكر حتي في الرد علي موقع في الجول  و المركز الاعلامي عامل من بنها .. و لو رد رئيس الاسماعيلي ... حيقولوا له : طيب حنشوف 

ساعتها لون وش رئيس الاسماعيلي حيتقلب ميت لون ... و بعد كده قال : الطناش احسن و بلاش نورط نفسنا في رد .. احنا مش قده

و اللي يعيش ياما يشوف ... و مع مجلس السلاحف ... يشوف اكتر واكتر      

جديد إس سي
image

ذكرى مرور 18 عاما على أخر بطولة للدراويش

كتب : محمد حنيدق .. يمر اليوم الثلاثاء الموافق الثانى من يونيه 2020 ذكرى مرور 18 عام على حصول النادى الاسماعيلى على بطولة الدورى العام الثالثه فى تاريخه
image

الاجنبي فى الإسماعيلى بعد الرحيل المنتظر للمدرب جوميز

كشف مصدر بمجلس إدارة النادى الإسماعيلى أن ناديه يرفض فكرة الاستعانة بمدرب مصرى لخلافة الفرنسى ديديه جوميز المدير الفنى الحالى للدراويش والذى تم الاستقرار على
image

عبد الحليم ينفي اي قرار بعودة النشاط الرياضي

كتب ميدو حسين .... في تصريح خاص لموقع اسماعيلي اس سي , من السيد سامي عبدالحليم مدير مديرة الشباب والرياضة ، قال فيه انه لايوجد قرار بإستئناف مسابقة الدوري في الوقت الحالي
image

من نوادر مكتبة موقع اسماعيلي اس سي

و تواصل مكتبة موقع اسماعيلي اس سي العامرة بفضل الله و توفيقه ..تقديم كنوز الدراويش الذهبية النادرة
image

قرار مجلس ادارة النادي بخصوص جوميز

كتب ميدو حسين ... صرح مصدر من النادي ان قرار إدارة النادى الإسماعيلى بشأن المدير الفني للف ريق الاول لكرة القدم .,الفرنسى ديديه جوميز  .. هو
image

ذكري الجنتلمــــــــان صلاح ابو جريشة

تمر علينا اليوم 30 مايو  ذكري رحيل الكابتن صلاح ابو جريشة   يا اسماعيلية يا سيرك الكورة - عبارة يرددها عشاق النادي الاسماعيلي العريق تترجم عشق
image

الاسماعيلي يطالب يطالب اتحاد الكرة بالإجتماع مع الأندية

طالب مسؤولي مجلس إدارة النادي الإسماعيلي الاتحاد المصري لكرة القدم برئاسة عمرو الجنايني بضرورة الإجتماع مع الأندية .وقال مصدر مسؤول في النادي الإسماعيلي  إنه من
image

مراقبة أسامة جلال ومهاجم أسوان تحسبا لرحيل فخر الدين

كشف مصدر مسؤول داخل نادي الإسماعيلي مراقبة ناديه لـ فادي فريد مهاجم نادي أسوان، تحسبا لرحيل فخر الدين بن يوسف، إلى جانب رغبة النادي في
image

شكوي النجوم لمركز التسوية والمنازعات بعد غرامة 20مليون جنيه

تقدم النادى الإسماعيلى، برئاسة إبراهيم عثمان، بشكوى رسمية لمركز التسوية والمنازعات الرياضية ضد نادى نجوم المستقبل، بعد تغريم الدراويش 20 مليون جنيه فى أزمة إبراهيم
image

ذكرى حصد أول بطولة كأس مصر فى تاريخ الدراويش

كتب : محمد حنيدق .. تحل غدا 30 مايو الذكرى الـ 23 لتتويج الإسماعيلى بطلا لكأس مصر لاول مرة فى تاريخه
Powered by Vivvo CMS v4.1.5.1