المساعد الشخصي الرقمي

مشاهدة النسخة كاملة : وأنا كمان بعتذر لكم جميعا وسامحوني ارجوكم الاهلوية قبل الاسماعيلاوية


ibnelnail
09-10-2009, 13:02
بما ان الاخ كريم ابدي اعتذاره علي ما حدث
وبما ان ده يعبر عن طيب اصله وكرم اخلاقه
فإسمحولي انا كمان اني اقدم اعتذارى للجميع سواء للادارة
أو للاشراف او للاخوة الاعضاء واسمحولي جميعا أن اخص
بالاعتذار الاخوة الكرام مشجعي النادى الاهلي الموجودين3
هنا علي المنتدى واعتذر لهم جميعا علي أي شئ صدر مني
تجاه أي شخص منهم بقصد أو بدون قصد . واعترف بأنهم
ناس علي اعلي مستوى من الخلق والاحترام وان وجودهم
بيننا ضرورى جدا لارساء مبدأ الحب والتسامح والإخاء
فيما بيننا جميعا وحتي لو اي واحد منهم كان اساءلي في
رده فأنا مسامحه طبعا ومش بس كدة لالالا انا بعتذرله
كمان وبعتذر للجميع اني للاسف مش هقدر استمر معاكم
نظرا لسفرى اليوم الي عملي بدولة نيجيريا فرع المقاولون
العرب هناك . وبإذن الله سأحاول المشاركة وانا هناك ان
سمحت ظروفي واعتذر لاخي الحبيب الاستاذ الفنان وشاعر
الاسماعيلية الكبير / ميمي عوض لانه بكل صراحة زعلان
مني بسبب اللي حصل وبشكركم جميعا واتمني ان الجميع.
يسامحني وتكون النفوس صافية بإذن الله . وصدقوني مهما
كنت متعصب للاسماعيلي فده غصب عني مش بإيدى ولكن
مش عايز اي حد يكون زعلان مني لان دي مش اخلاقي
ولا أخلاق أي مشجع اسماعيلاوى ابدا والحمد لله تعالي
شكرا لكم والقاكم علي خير ان شاء الله ولكم حبي واحترامي
أخوكم محاسب / عادل حسين بالمقاولون العرب

Elawny
09-10-2009, 13:13
راجل والله
وخلاص اعتبرنا اصحاب يا عم من دلوقتي
بس هو انت اللي عامل الموضوع ده
ولا واحد اداري عمله عن طريقك عشان ينشر روح المحبة
في الحالتين
اعتبرنا اصحاب من دلوقتي

ميمي عوض
09-10-2009, 13:16
بما ان الاخ كريم ابدي اعتذاره علي ما حدث
وبما ان ده يعبر عن طيب اصله وكرم اخلاقه
فإسمحولي انا كمان اني اقدم اعتذارى للجميع سواء للادارة
أو للاشراف او للاخوة الاعضاء واسمحولي جميعا أن اخص
بالاعتذار الاخوة الكرام مشجعي النادى الاهلي الموجودين3
هنا علي المنتدى واعتذر لهم جميعا علي أي شئ صدر مني
تجاه أي شخص منهم بقصد أو بدون قصد . واعترف بأنهم
ناس علي اعلي مستوى من الخلق والاحترام وان وجودهم
بيننا ضرورى جدا لارساء مبدأ الحب والتسامح والإخاء
فيما بيننا جميعا وحتي لو اي واحد منهم كان اساءلي في
رده فأنا مسامحه طبعا ومش بس كدة لالالا انا بعتذرله
كمان وبعتذر للجميع اني للاسف مش هقدر استمر معاكم
نظرا لسفرى اليوم الي عملي بدولة نيجيريا فرع المقاولون
العرب هناك . وبإذن الله سأحاول المشاركة وانا هناك ان
سمحت ظروفي واعتذر لاخي الحبيب الاستاذ الفنان وشاعر
الاسماعيلية الكبير / ميمي عوض لانه بكل صراحة زعلان
مني بسبب اللي حصل وبشكركم جميعا واتمني ان الجميع.
يسامحني وتكون النفوس صافية بإذن الله . وصدقوني مهما
كنت متعصب للاسماعيلي فده غصب عني مش بإيدى ولكن
مش عايز اي حد يكون زعلان مني لان دي مش اخلاقي
ولا أخلاق أي مشجع اسماعيلاوى ابدا والحمد لله تعالي
شكرا لكم والقاكم علي خير ان شاء الله ولكم حبي واحترامي
أخوكم محاسب / عادل حسين بالمقاولون العرب



أخي وصديقي العزيز عادل

اولا بشكرك علي شجاعتك الادبية واخلاقك اللي انا اعرفها عنك كويس

احنا هنا كلنا اهل واخوات ومافيش اي فرق بين مشجع للاهلي او مشجع

للاسماعيلي لان ده بيت العيلة اللي بيضمنا ويجمعنا كلنا . وأنا معاك كمان

بقدم كل حبي واحترامي واعتذارى لاخواننا المحترمين الاستاذ الفاضل

أبو مصطفي والاستاذ ضياء والدكتور احمد نوار والاستاذ احمد fd وايضا

اختنا الفاضلة مدام جيهان (( شيف المنتدى )) اللي زي القمر واللي دايما

مجوعانا وكذلك الاخوة كريم و علواني . وبقولهم كلنا هنا اهل وكلنا هنا

زي ما قلتلكم قبل ((( اسماهلاوية ))) == عاجباني قوى الكلمة دى ==

ويالة بقي عايزين الكل يشارك في المنتدى ونكسر الدنيا وننسي بقي

الخلافات دى . وصدقوني بحبكم كلكم لان فترة الغياب دى حسستني قد

ايه انا كنت مفتقدكم وكنتم واحشني كلكم يا (( اسماهلاوية ))

وإيه رأيكم بقي لو اكتب لكم شعر جديد عن الاهلي

ههههههههههههههههههههههههههههههههههههههه

حبايبي والله كلكم بجد مش كلام ولكم كل تحياتي

حبيبكم / ميمي عوض

ميمي عوض
09-10-2009, 13:19
راجل والله
وخلاص اعتبرنا اصحاب يا عم من دلوقتي
بس هو انت اللي عامل الموضوع ده
ولا واحد اداري عمله عن طريقك عشان ينشر روح المحبة
في الحالتين
اعتبرنا اصحاب من دلوقتي

لالالالالالالا يا علواني مش حد من الادارة والله ابدا

علي فكرة الاستاذ عادل قاعد جنبي اهو ولس مامشيش

وبيقولك انه يتشرف بصداقتك طبعا بس هو للاسف

حالته النفسية سيئة جدا لانه مسافر اليوم الي نيجيريا

وهيترك الاسماعيلية واهله واصدقاءه لمدة عام كامل

وانا كمان اسمحلي احييك انت وكل اخوانا واصدقائنا

هنا وماينفعش ادخل المنتدى ده ابدا من غير ما اشوفكم

كلكم هنا منورين الكون كله . وتقبل تحياتي وحبي واحترامي

ميمي عوض

N00R
09-10-2009, 13:22
احييك استاذ عادل على نبل اخلاقك

لكن مش نيجريا اللي هتبعدك مننا

فما اسهل و ابسط الوسائل التي اتيحت للقاء بالموقع

و انت ابن النيل و ابن اسماعيله و الاسماعيلي

يعني متحوط من جميع الجهات
:regular_smile:

اس سي بتحبكم و بتحب ارائكم و اعتراضتكم احيانا

مش تحرمنا منك اخي الفاضل و من تعصبك المقبول للاسماعيلي
:regular_smile:

.

أبو عماد
09-10-2009, 13:27
تصدق يا استاذ عادل انى كنت متأكد انك هتعمل كده
انت راجل محترم
وتمت مردتش ارد فى توبيك كريم لانك انت اللى كنت مقصود بالاعتزار فى التوبيك
ومردتش فيه
لكن دلوقتى اقدر اقولك اننا كلنا هنا اخوات واصدقاء سواء اسماعلاوية او اهلاويه
لان الاهلاوية اللى معانا هنا سواء رجال او نساء مش هما الاهلوية اللى احنا بنكرههم
لان الاهلوية اللى انت تقصدهم احنا بنصفيهم من الموقع بمجرد التسجيل لكن اللى بيفضل معانا هو الاهلاوى المحترم بس واكرر الاهلاوى المحترم بس علشان كده انا دايما والله مبحسش ان معانا فى المنتدى اهلاوية لانهم بيقدرو مشاعرنا وتعصبنا لنادينا ومش انت لوحدك اللى عصبى وبتحب النادى بجد لاؤ كلنا بنحب النادى وكلنا عصبيينى وبنحب البلد وبنغير على كل شيئ يحمل اسم الاسماعيلى والاسماعيلية
تحياتى لحضرتك ولحبيبى ميمى عوض انه عرفنا عليك

ميمي عوض
09-10-2009, 13:31
تصدق يا استاذ عادل انى كنت متأكد انك هتعمل كده
انت راجل محترم
وتمت مردتش ارد فى توبيك كريم لانك انت اللى كنت مقصود بالاعتزار فى التوبيك
ومردتش فيه
لكن دلوقتى اقدر اقولك اننا كلنا هنا اخوات واصدقاء سواء اسماعلاوية او اهلاويه
لان الاهلاوية اللى معانا هنا سواء رجال او نساء مش هما الاهلوية اللى احنا بنكرههم
لان الاهلوية اللى انت تقصدهم احنا بنصفيهم من الموقع بمجرد التسجيل لكن اللى بيفضل معانا هو الاهلاوى المحترم بس واكرر الاهلاوى المحترم بس علشان كده انا دايما والله مبحسش ان معانا فى المنتدى اهلاوية لانهم بيقدرو مشاعرنا وتعصبنا لنادينا ومش انت لوحدك اللى عصبى وبتحب النادى بجد لاؤ كلنا بنحب النادى وكلنا عصبيينى وبنحب البلد وبنغير على كل شيئ يحمل اسم الاسماعيلى والاسماعيلية
تحياتى لحضرتك ولحبيبى ميمى عوض انه عرفنا عليك


ماشي يا احمد يا حامد بس لما اشوفك

بتحلقلي يا بوعماد ؟؟؟

مايهونش عليك تتصل تسأل علية

ايوة ياعم مه انت اليومين دول بقيت مهم قوى

وياريت بس تاخدنا زرار في قميصك المنقط

ههههههههههههه

علي فكرة هفضل زعلان لغاية ما اسمع صوتك

Elawny
09-10-2009, 13:37
خلاص اوك
ولا يهمكم
واللي فات ولا اكنوا حصل

ميمي عوض
09-10-2009, 14:00
خلاص اوك
ولا يهمكم
واللي فات ولا اكنوا حصل


برافوا علواني اهي دى الشهامة والجدعنة

ورجولة شبابنا المحترمين طبعا ومن هنا

ورايح انصحك تكون (( إسماهــــــلاوى ))

Elawny
09-10-2009, 14:17
ههههههههه
انا بشجع دلوقتي
مصر

Mody
09-10-2009, 14:18
أخي وصديقي العزيز عادل


اولا بشكرك علي شجاعتك الادبية واخلاقك اللي انا اعرفها عنك كويس

احنا هنا كلنا اهل واخوات ومافيش اي فرق بين مشجع للاهلي او مشجع

للاسماعيلي لان ده بيت العيلة اللي بيضمنا ويجمعنا كلنا . وأنا معاك كمان

بقدم كل حبي واحترامي واعتذارى لاخواننا المحترمين الاستاذ الفاضل

أبو مصطفي والاستاذ ضياء والدكتور احمد نوار والاستاذ احمد fd وايضا

اختنا الفاضلة مدام جيهان (( شيف المنتدى )) اللي زي القمر واللي دايما

مجوعانا وكذلك الاخوة كريم و علواني . وبقولهم كلنا هنا اهل وكلنا هنا

زي ما قلتلكم قبل ((( اسماهلاوية ))) == عاجباني قوى الكلمة دى ==

ويالة بقي عايزين الكل يشارك في المنتدى ونكسر الدنيا وننسي بقي

الخلافات دى . وصدقوني بحبكم كلكم لان فترة الغياب دى حسستني قد

ايه انا كنت مفتقدكم وكنتم واحشني كلكم يا (( اسماهلاوية ))

وإيه رأيكم بقي لو اكتب لكم شعر جديد عن الاهلي

ههههههههههههههههههههههههههههههههههههههه

حبايبي والله كلكم بجد مش كلام ولكم كل تحياتي


حبيبكم / ميمي عوض


:omg_smile:

مش مصدق عينيا !!

shimo
09-10-2009, 14:22
ههههههههه
انا بشجع دلوقتي
مصر
:teeth_smile::teeth_smile::teeth_smile:
جامد انت ياعوني

dr/newton
09-10-2009, 14:28
سناتكم يوم ان نلقاه فانه ولى ذلك والقادر عليه وتقبلوا مرورى

DaraweeshMySoul
09-10-2009, 14:29
شكرا يا أستاذ عادل فالأعتذار من شيم الكبار و ان شاء الله رحلة موفقة الى نيجيريا و افضل متواصل معانا من هناك ... أعضاء كثير في المنتدى هنا من المغتربين وأنا منهم :regular_smile:

ميمي عوض
09-10-2009, 14:39
:omg_smile:

مش مصدق عينيا !!


ليه يا مودى مش مصدق عينيك

احنا معانا هنا اخوة اعضاء من مشجعي الاهلي

وناس علي أعلي مستوى من الخلق والاحترام

وانا شخصيا حريص جدا علي تواجدهم معانا

ومعظم الناس اللي علي الموقع عارفاهم جدا

وعارفة اخلاقهم وحريصين اكتر مني علي

تواجدهم معانا لانهم بكل صراحة اضافة

كبيرة جدا سواء للموقع او المنتدى او

علي المستوى الشخصي . يبقي من الواجب

إننا نحترم مشاعرهم ونراعي وجودهم وسطنا

ومش عيب قوى اننا ننشر الحب والتسامح

والاخوة بدل من الاحقاد والضغائن والفرقة

بين عامة الناس ابناء الوطن الواحد . لكن

كل واحد فينا من حقه يشجع ناديه بكل حرية

طبعا بدون أي قيود نهائيا . وياريت تكون

فهمت قصدى يا مودى . وانا بعلنها امامك

وأمام الجميع . الدراويش فوق الجميع

وماتخافش ماحدش هنا بيزعل لان الكل

مقدر ان ده موقع اسماعلاوي والمهم

إننا لا نسيئ الي اخواننا هنا وشكرا

dr/newton
09-10-2009, 14:41
اسال الله ان يجعل هذا فى ميزان حسناتكم يوم ان نلقاه فانه ولى ذلك والقادر عليه

الاستاذ هشام
09-10-2009, 14:49
استاذ عادل
استاذ عونى
الاخوة الكرام جميعا
احييكم على روحكم العالية جدا
والاستاذ ميمى عوض تحياتى لك يافنان
والف مليون حمدلله ع السلامة
واستاذ عادل تصل لمقر عملك بسلامة الله
وليتك تتفق مع لاعب همام كده من نجيريا
وبعدين انت اعارة ولا انتقال نهائى ؟:72_72:
وهنيئا لك يا فنان يا عمدتنا الراجل مسافر اهو
وهيسبلك وصلة النت لوحدك !!
حظوظ:shades_smile::77_77:

Mody
09-10-2009, 14:59
ليه يا مودى مش مصدق عينيك


احنا معانا هنا اخوة اعضاء من مشجعي الاهلي

وناس علي أعلي مستوى من الخلق والاحترام

وانا شخصيا حريص جدا علي تواجدهم معانا

ومعظم الناس اللي علي الموقع عارفاهم جدا

وعارفة اخلاقهم وحريصين اكتر مني علي

تواجدهم معانا لانهم بكل صراحة اضافة

كبيرة جدا سواء للموقع او المنتدى او

علي المستوى الشخصي . يبقي من الواجب

إننا نحترم مشاعرهم ونراعي وجودهم وسطنا

ومش عيب قوى اننا ننشر الحب والتسامح

والاخوة بدل من الاحقاد والضغائن والفرقة

بين عامة الناس ابناء الوطن الواحد . لكن

كل واحد فينا من حقه يشجع ناديه بكل حرية

طبعا بدون أي قيود نهائيا . وياريت تكون

فهمت قصدى يا مودى . وانا بعلنها امامك

وأمام الجميع . الدراويش فوق الجميع

وماتخافش ماحدش هنا بيزعل لان الكل

مقدر ان ده موقع اسماعلاوي والمهم


إننا لا نسيئ الي اخواننا هنا وشكرا


سؤال صغير يا استاذ ميمي
لو حضرك رحت اي موقع اهلاوي .. هتتعامل ازاي ؟
2- هل حضرتك مش متابع للي جمهور الاهلي بيعمه كل ماتش .. و احنا بعيد عنهم تماما من شتيمه للنادي و البلد .. و بعد كدا يبقوا اشقاء .. و نبقا اسمهلاويه ؟!

ميمي عوض
09-10-2009, 15:04
استاذ عادل
استاذ عونى
الاخوة الكرام جميعا
احييكم على روحكم العالية جدا
والاستاذ ميمى عوض تحياتى لك يافنان
والف مليون حمدلله ع السلامة
واستاذ عادل تصل لمقر عملك بسلامة الله
وليتك تتفق مع لاعب همام كده من نجيريا
وبعدين انت اعارة ولا انتقال نهائى ؟:72_72:
وهنيئا لك يا فنان يا عمدتنا الراجل مسافر اهو
وهيسبلك وصلة النت لوحدك !!
حظوظ:shades_smile::77_77:

استاذ هشام حبيبي . ازي حضرتك واخبارك ايه

يارب تكون بكل خير وبشكرك علي كلامك الجميل قوى قوى

ده وعلي فكرة عادل لسة نازل من 10 دقايق واتجه للمطار

عشان طيارته الساعة 6 ونص وهو تقريبا انتداب مش نقل

انما هو بنزل كل سنة . وبعدين وصلة النت موجودة عندهم

لان ماينفعش اني اطلبها طبعا . وبصراحة احنا ما اتكلمناش

في الموضوع ده وبعدين اولاده موجودين ياسيدى ربنا معاهم

احييك من كل قلبي علي مداخلتك الجميلة والعزيزة

ميمي عوض
09-10-2009, 15:11
سؤال صغير يا استاذ ميمي
لو حضرك رحت اي موقع اهلاوي .. هتتعامل ازاي ؟
2- هل حضرتك مش متابع للي جمهور الاهلي بيعمه كل ماتش .. و احنا بعيد عنهم تماما من شتيمه للنادي و البلد .. و بعد كدا يبقوا اشقاء .. و نبقا اسمهلاويه ؟!

يا مودى خليك انت احسن وكل واحد هيتحاسب علي عمله

لما الرسول صلي الله عليه وسلم . كان فيه راجل كافر كل

يوم يرمي الاوساخ والقاذورات قدام باب بيته وفي طريقه

كان سيدنا محمد علي الصلاة والسلام ممكن يضربه مثلا

أو يدعي عليه بأي دعوة وكانت هتجوز ان شاء الله صح ؟

لكن لمجرد ان الراجل غاب يوم واحد وماعملش عملته

السودة دى قام الرسول صلي الله عليه وسلم . سأل عليه

وراح زاره في بيته لما عرف ان الراجل مريض .

شوفت بقي اخلاق حبيبك المصطفي صلي الله عليه

وسلم ؟؟؟ ايه رأيك تحب تبقي زيه ولا زى الناس اللي

بتشتم وتسب وتلعن من غير سبب وكل مكتوب في

إمام مبين . وسيعرض علي الله سبحانه وتعالي في

يوم لا ينفع فيه مال ولا بنون إلا من أتي الله بقلب

سليم . . بص ياميدو خلي اللي يشتم يشتم واللي

يسب يسب واللي يلعن يلعن . وكما قال الله تعالي

بسم الله الرحمن الرحيم (( وما يلفظ من قول إلا

لديه رقيب عتيد )) صدق الله العظيم .

قولت ايه يا مودى . اكيد موافقني طبعا لاني

عارف انك انسان محترم ومن اصل طيب

وبرده في النهاية بقولك الدراويش فوق الجميع

amroseif62
09-10-2009, 15:19
[quote=Mody;169793]سؤال صغير يا استاذ ميمي
لو حضرك رحت اي موقع اهلاوي .. هتتعامل ازاي ؟




الله ينور عليك

هو ده الكلام اللى باقوله من زمان

اى واحد اسماعيلاوى يروح يسجل فى اى موقع من المواقع الاهلوية او حتى فى المواقع المفروض انها مواقع حيادية وتخص كل اندية مصر
تلاقى الاسماعيلاوى بيتهزء وبيتمسح بكرامته الارض واى واحد يفكر يفتح توبك علشان ينتقد اى حاجة شايفها غلط تلاقى التوبك اتقفل وصاحبة اتطرد واتلغت عضويته

اما هنا فموقع اسماعيلى اس سى يرحب بالاهلوية والزملكاوية وكل واحد بيقول اللى عاوزه وكل واحد بيفتح توبك على مزاجه

اين العدل ؟؟؟؟؟؟؟؟؟؟؟؟

والى متى حتتهان كرامتنا فى المواقع الاخرى ونرحب احنا بهم هنا


حاجة غريبة





عمرو سيف
ote]

dr/newton
09-10-2009, 15:23
اخوانى افعلوا الخير لاهله وغير اهله فان انت اصبت اهله فهو اهله وان انت لم تصب اهله فانت اهله

Mody
09-10-2009, 15:24
و الله يا استاذ ميمي انا بتكلم في نقطه معينه
صباح الخير يا جاري .. انت في حالك و انا في حالي
و مفيش صباح الخير !!
هل الاهلي ملوش مواقع و منتديات مثلا ؟؟
هل منتديات الاسماعيلي هي المكان الامثل لجمهور الاهلي ؟؟
هل من الطبيعي اني - بتكلم عن نفسي - اتكلم مع واحد اهلاوي هنا في المنتدى و اتناقش .. و في المدرج اشتمه هو و اهله و كل اللي بيشجعوا الاهلي زيه .. انا كدا ابقا منافق وش .. بتكلم عن نفسي !!!!
انا شخصيا بردو .. مش هح في يوم من الايام في منتدى ليهم .. حتى لو قفلوا كل مواقع الدنيا

يا استاذ ميمي بتكلم عن نفسي عشان متفهمنيش غلط .. كل واحد و له وجهه نظر !

ميمي عوض
09-10-2009, 15:35
[quote=Mody;169793]سؤال صغير يا استاذ ميمي
لو حضرك رحت اي موقع اهلاوي .. هتتعامل ازاي ؟




الله ينور عليك

هو ده الكلام اللى باقوله من زمان

اى واحد اسماعيلاوى يروح يسجل فى اى موقع من المواقع الاهلوية او حتى فى المواقع المفروض انها مواقع حيادية وتخص كل اندية مصر
تلاقى الاسماعيلاوى بيتهزء وبيتمسح بكرامته الارض واى واحد يفكر يفتح توبك علشان ينتقد اى حاجة شايفها غلط تلاقى التوبك اتقفل وصاحبة اتطرد واتلغت عضويته

اما هنا فموقع اسماعيلى اس سى يرحب بالاهلوية والزملكاوية وكل واحد بيقول اللى عاوزه وكل واحد بيفتح توبك على مزاجه

اين العدل ؟؟؟؟؟؟؟؟؟؟؟؟

والى متى حتتهان كرامتنا فى المواقع الاخرى ونرحب احنا بهم هنا


حاجة غريبة





عمرو سيف
ote]


اخي وحبيبي وصديقي الاسماعيلاوى العتيد والعظيم

ومفخرة شباب الاسماعيلية كلها وكل جماهير الدراويش

في كل مكان وزمان الاستاذ الفاضل / عمرو بيه سيف

الاول وقبل كل شيئ ازيك عامل ايه وواحشني جدا

بص يا استاذ عمرو

طبعا كل كلامك مظبوط جدا وماحدش يقدر ينكره ابدا

وطبعا انت عارف ميمي عوض وحماسه وعشقه

الجنوني للدراويش زى عمرو سيف بالظبط ومش

هقول اكتر منك لان انت بالذات مايصحش حد انه

يقارن نفسه بيك في وطنيتك وحماسك وغيرتك

الشديدة علي بلدك وناديك الحبيب. بس الموضوع

يا استاذ عمرو اننا لقينا مشاكل كتيرة قوى بين

المنتمي للاسماعيلي والمنتمي للاهلي علي صفحات

المنتدى ويمكن حصلت مشكلة كبيرة قوى وانا كنت

سبب غير مباشر فيها . لان الاخ عادل حسين (( ابن

النيل )) وده معروف عنه انه مجنون مجنون مجنون

بالاسماعيلي لدرجة تفوق اي خيال . وهو كانت له

بعض المشاركات اللي عملت مشاكل كتيرة قوى

مع بعض الناس المحترمين والحريصين جدا علي

تواجدهم معنا بكل ادب واحترام واخلاق . وطبعا

أنا بحمل نفسي المسئولية لاني انا اللي عملتله

العضوية وانا اللي مديله وصلة النت وانا اللي

معرفه بالموقع والناس اللي فيه . ولذلك قطعت

أجازتي وحبيت اني اهدى الامور وارجع المياه

الي مجاريها . وأعتقد اني ماعملتش حاجة غلط

وانا زيك معترف ان في المواقع الاهلاوية بيشتموا

ويسبوا ويلعنوا فينا ليل ونهار . بس بما اننا ناس

مثقفة ومتحضرة لازم اولا مانعملش زيهم مهما حصل

ثانيا نقتنع بإن ده سلاح الضعيف والعاجز . اما اللي

واثق من نفسه عمره ما ينجر ورا المهاترات والكلام

الفارغ ده . وبعدين احنا معروف عننا الجماهير الوحيدة

في مصر اللي بتفهم كورة وتقدر توضع خطة المباراة

وتقدر تدير اللقاء وتقراه كويس وتقدر تحط التشكيل

المناسب لكل مباراة . عشان كدة يا استاذ عمرو انا

شايف اننا لابد نكون دايما كبار ومافيش حد يصغرنا

ابدا وده مش ضعف والعياذ بالله انما دة قمة القوة

يارب تكون فهمت قصدى واقتنعت برأيي وبشكرك

جدا وتقبل مني كل الحب والتحية والاحترام ومنتظر

منك اتصال في اي وقت واكيد معاك تليفوناتي

أخوك / ميمي عوض

bebaaaa
09-10-2009, 15:43
هى دى الرجاله ولا بلاش

ميمي عوض
09-10-2009, 15:45
و الله يا استاذ ميمي انا بتكلم في نقطه معينه
صباح الخير يا جاري .. انت في حالك و انا في حالي
و مفيش صباح الخير !!
هل الاهلي ملوش مواقع و منتديات مثلا ؟؟
هل منتديات الاسماعيلي هي المكان الامثل لجمهور الاهلي ؟؟
هل من الطبيعي اني - بتكلم عن نفسي - اتكلم مع واحد اهلاوي هنا في المنتدى و اتناقش .. و في المدرج اشتمه هو و اهله و كل اللي بيشجعوا الاهلي زيه .. انا كدا ابقا منافق وش .. بتكلم عن نفسي !!!!
انا شخصيا بردو .. مش هح في يوم من الايام في منتدى ليهم .. حتى لو قفلوا كل مواقع الدنيا

يا استاذ ميمي بتكلم عن نفسي عشان متفهمنيش غلط .. كل واحد و له وجهه نظر !


يا مودى انا عمري ما افهمك غلط ابدا لاني واثق فيك

وفي تربيتك وفي اخلاقك . بس يا مودى انت شوفت

الاخوة اللي معانا هنا او تعاملت معاهم ؟؟ لالالا طبعا

لما تتعامل معاهم هتعرف ان كل قاعدة ليها شواذ يعني

المجموعة اللي معانا هنا من صفوة الناس في ادبهم

واخلاقياتهم . وعلي فكرة همة رغم اهلاويتهم لكن

بيحبوا الاسماعيلي جدا وبحترموه جدا عشان كدة

أنا قلت الاسماهلاوية . يعني مزيج بين الاتنين

حبيبي يا مودي يارب تكون فهمت قصدى

وتقبل حبي وتحياتي

esmaelawy awy
09-10-2009, 16:21
اولا انا بشكرك جدا جدا يا استاذ ميمي
علي رسالة السلام الجميلة دي
ودي بالتاكيد حاجة مش غريبة عليك
وانت فعلا مثال للاخلاق العالية بجد

اما المهندس عادل حسين بقي
فده حاجة تانية خالص
وانا بجد مش هقدر اوفيه حقه علي اعتذاره وخاصة لما يكون للاهلوية
وانا فعلا يا باشمهندس عادل بشكرك بجد علي اخلاقك العالية قوي قوي دي
واللي ممكن تمسح اي اساءة مهما كانت
وهو ده فعلا موقع اس سي ومنتدي اس سي

وبتمنالك يارب التوفيق في حياتك القادمة في نيجيريا
ولابد ان تتواصل معانا من هناك ان شاء الله
واحنا منقدرش نستغني عنك ابدا ابدا
والف الف شكر لك يا باشمهندس

اما الاخوة المعترضين وعلي راسهم حبيبي عمرو سيف
هسالك سؤال يا عمووور وجاوبني بالله عليك
لو جالك ضيف محترم في بيتك وعرفت انه اهلاوي
هتطرده من بيتك يا عمووووووووور

لو عملتها وطردته من بيتك يبقي ساعتها انت معاك حق
بس انا طبعا عارفك وعارف اخلاقك وكرم ضيافتك وانك مش ممكن تعمل كده

ميمي عوض
09-10-2009, 16:30
اما الاخوة المعترضين وعلي راسهم حبيبي عمرو سيف
هسالك سؤال يا عمووور وجاوبني بالله عليك
لو جالك ضيف محترم في بيتك وعرفت انه اهلاوي
هتطرده من بيتك يا عمووووووووور

لو عملتها وطردته من بيتك يبقي ساعتها انت معاك حق

بس انا طبعا عارفك وعارف اخلاقك وكرم ضيافتك وانك مش ممكن تعمل كده


تصدق بالله يا استاذ هشام

أنا كنت هضرب نفس المثل بس ماحبيتش اني اقوله

عشان احترام مشاعر الاخوة الاهلوية اللي معانا

ولكن احييك علي كلامك الرائع كعادتك والف شكر

amroseif62
09-10-2009, 16:30
[quote=amroseif62;169803]


اخي وحبيبي وصديقي الاسماعيلاوى العتيد والعظيم

ومفخرة شباب الاسماعيلية كلها وكل جماهير الدراويش

في كل مكان وزمان الاستاذ الفاضل / عمرو بيه سيف

الاول وقبل كل شيئ ازيك عامل ايه وواحشني جدا

بص يا استاذ عمرو

طبعا كل كلامك مظبوط جدا وماحدش يقدر ينكره ابدا

وطبعا انت عارف ميمي عوض وحماسه وعشقه

الجنوني للدراويش زى عمرو سيف بالظبط ومش

هقول اكتر منك لان انت بالذات مايصحش حد انه

يقارن نفسه بيك في وطنيتك وحماسك وغيرتك

الشديدة علي بلدك وناديك الحبيب. بس الموضوع

يا استاذ عمرو اننا لقينا مشاكل كتيرة قوى بين

المنتمي للاسماعيلي والمنتمي للاهلي علي صفحات

المنتدى ويمكن حصلت مشكلة كبيرة قوى وانا كنت

سبب غير مباشر فيها . لان الاخ عادل حسين (( ابن

النيل )) وده معروف عنه انه مجنون مجنون مجنون

بالاسماعيلي لدرجة تفوق اي خيال . وهو كانت له

بعض المشاركات اللي عملت مشاكل كتيرة قوى

مع بعض الناس المحترمين والحريصين جدا علي

تواجدهم معنا بكل ادب واحترام واخلاق . وطبعا

أنا بحمل نفسي المسئولية لاني انا اللي عملتله

العضوية وانا اللي مديله وصلة النت وانا اللي

معرفه بالموقع والناس اللي فيه . ولذلك قطعت

أجازتي وحبيت اني اهدى الامور وارجع المياه

الي مجاريها . وأعتقد اني ماعملتش حاجة غلط

وانا زيك معترف ان في المواقع الاهلاوية بيشتموا

ويسبوا ويلعنوا فينا ليل ونهار . بس بما اننا ناس

مثقفة ومتحضرة لازم اولا مانعملش زيهم مهما حصل

ثانيا نقتنع بإن ده سلاح الضعيف والعاجز . اما اللي

واثق من نفسه عمره ما ينجر ورا المهاترات والكلام

الفارغ ده . وبعدين احنا معروف عننا الجماهير الوحيدة

في مصر اللي بتفهم كورة وتقدر توضع خطة المباراة

وتقدر تدير اللقاء وتقراه كويس وتقدر تحط التشكيل

المناسب لكل مباراة . عشان كدة يا استاذ عمرو انا

شايف اننا لابد نكون دايما كبار ومافيش حد يصغرنا

ابدا وده مش ضعف والعياذ بالله انما دة قمة القوة

يارب تكون فهمت قصدى واقتنعت برأيي وبشكرك

جدا وتقبل مني كل الحب والتحية والاحترام ومنتظر

منك اتصال في اي وقت واكيد معاك تليفوناتي

أخوك / ميمي عوض



استاذ ميمى عوض
ازيك وايه اخبارك
اشكرك على كلامك الجميل علي شخصى
وعلى فكرة فيه ناس كتيرة بتحب الاسماعيلى اكتر منى زى الدكتور عاطف والاستاذ يسرى ابوشادى وابوعماد وسعيد الرودى
لان الحب مش بالكلام بس بل بالاعمال اللى بتفيد الاسماعيلى

اوافقك على كل كلامك يا استاذ ميمى
بس انا باطالب ان المعاملة تكون بالمثل معنا فى المواقع الاخرى




عمرو سيف

ميمي عوض
09-10-2009, 16:33
[quote=ميمي عوض;169819]


استاذ ميمى عوض
ازيك وايه اخبارك
اشكرك على كلامك الجميل علي شخصى
وعلى فكرة فيه ناس كتيرة بتحب الاسماعيلى اكتر منى زى الدكتور عاطف والاستاذ يسرى ابوشادى وابوعماد وسعيد الرودى
لان الحب مش بالكلام بس بل بالاعمال اللى بتفيد الاسماعيلى

اوافقك على كل كلامك يا استاذ ميمى
بس انا باطالب ان المعاملة تكون بالمثل معنا فى المواقع الاخرى




عمرو سيف


ليك حق طبعا يا استاذ عمرو في طلبك العادل جدا جدا ده

وده دور الاخوة المحترمين مشجعي الاهلي اللي معانا

هنا لانهم اكيد مشاركين في منتديات اهلوية آخرى وارجو

منهم التأكيد علي بث روح الألفة والاحترام فيما بيننا

amroseif62
09-10-2009, 16:36
اولا انا بشكرك جدا جدا يا استاذ ميمي
علي رسالة السلام الجميلة دي
ودي بالتاكيد حاجة مش غريبة عليك
وانت فعلا مثال للاخلاق العالية بجد

اما المهندس عادل حسين بقي
فده حاجة تانية خالص
وانا بجد مش هقدر اوفيه حقه علي اعتذاره وخاصة لما يكون للاهلوية
وانا فعلا يا باشمهندس عادل بشكرك بجد علي اخلاقك العالية قوي قوي دي
واللي ممكن تمسح اي اساءة مهما كانت
وهو ده فعلا موقع اس سي ومنتدي اس سي

وبتمنالك يارب التوفيق في حياتك القادمة في نيجيريا
ولابد ان تتواصل معانا من هناك ان شاء الله
واحنا منقدرش نستغني عنك ابدا ابدا
والف الف شكر لك يا باشمهندس

اما الاخوة المعترضين وعلي راسهم حبيبي عمرو سيف
هسالك سؤال يا عمووور وجاوبني بالله عليك
لو جالك ضيف محترم في بيتك وعرفت انه اهلاوي
هتطرده من بيتك يا عمووووووووور

لو عملتها وطردته من بيتك يبقي ساعتها انت معاك حق
بس انا طبعا عارفك وعارف اخلاقك وكرم ضيافتك وانك مش ممكن تعمل كده





ازيك ياهوشا

لا طبعا مش حتوصل للدرجة انى اطرد واحد من بيتى لو عرفت انه اهلاوى
http://www.ismailyonline.com/invision2/style_emoticons/default/biggrin.gif
بس حديله (لفت نظر) بس
http://www.ismailyonline.com/invision2/style_emoticons/default/biggrin.gifhttp://www.ismailyonline.com/invision2/style_emoticons/default/biggrin.gif




عمرو سيف

ميمي عوض
09-10-2009, 16:38
ازيك ياهوشا

لا طبعا مش حتوصل للدرجة انى اطرد واحد من بيتى لو عرفت انه اهلاوى
http://www.ismailyonline.com/invision2/style_emoticons/default/biggrin.gif
بس حديله (لفت نظر) بس
http://www.ismailyonline.com/invision2/style_emoticons/default/biggrin.gifhttp://www.ismailyonline.com/invision2/style_emoticons/default/biggrin.gif




عمرو سيف


يانهار ابيض يا استاذ عمرو

هتقدم للضيف لفت وجزر؟؟؟ طيب مه كدة غلط علي صحته

بس اكيد هتقدم معاه اي حاجة حلوة زى الطرشي مثلا

Elawny
09-10-2009, 16:47
بصوا يا جماعة
انا مشترك في موقع اهلاوي
واللهي لو دخلتوه مش زي ما انتوا فاكرين
مشترك فيه زملكوية
واسمعلوية
كلنا اصحاب وعادي
والكورة عاملنها مجال لضحك
مش متعصبين لدرجة دي

ميمي عوض
09-10-2009, 17:07
بصوا يا جماعة
انا مشترك في موقع اهلاوي
واللهي لو دخلتوه مش زي ما انتوا فاكرين
مشترك فيه زملكوية
واسمعلوية
كلنا اصحاب وعادي
والكورة عاملنها مجال لضحك
مش متعصبين لدرجة دي

ماشي يا علواني وهو ده اللي مفروض يكون في كل

المواقع والمنتديات لانها اصلا بيتم انشائها للتحاور

المثمر والبناء والتقارب والتعارف بين كل الاعضاء

darwishing
09-10-2009, 18:05
الاستاذ عادل

شخصية محترمة جدا و انا باشكره جدا جدا علي موقفه النبيل

احمدfd
09-10-2009, 18:18
شكرا ليك يا استاذ عادل على الاعتذار
و ان شاء الله الجو يهدى من تانى
وبشكر حضرتك جدا يا استاذ ميمى على كلامك علينا ويا ريت تكون جماهير الاهلى والاسماعيلى زى حضرتك كده
وربنا يدمها علينا نعمه فى اس سى

ميمي عوض
09-10-2009, 18:26
شكرا ليك يا استاذ عادل على الاعتذار
و ان شاء الله الجو يهدى من تانى
وبشكر حضرتك جدا يا استاذ ميمى على كلامك علينا ويا ريت تكون جماهير الاهلى والاسماعيلى زى حضرتك كده
وربنا يدمها علينا نعمه فى اس سى


يا استاذ أحمد احنا كلنا اهل واخوات واسرة

مافيش فرق بيننا ابدا ولازم الدنيا كلها تعرف

كدة انتم هنا اصحاب مكان واحنا ضيوف عليكم

ياسيدى انا شخصيا سعيد جدا بتواجدكم واثرائكم

المثمر للمنتدى . احييك واتمني لك كل التوفيق

Mody
09-10-2009, 18:50
يا مودى انا عمري ما افهمك غلط ابدا لاني واثق فيك


وفي تربيتك وفي اخلاقك . بس يا مودى انت شوفت

الاخوة اللي معانا هنا او تعاملت معاهم ؟؟ لالالا طبعا

لما تتعامل معاهم هتعرف ان كل قاعدة ليها شواذ يعني

المجموعة اللي معانا هنا من صفوة الناس في ادبهم

واخلاقياتهم . وعلي فكرة همة رغم اهلاويتهم لكن

بيحبوا الاسماعيلي جدا وبحترموه جدا عشان كدة

أنا قلت الاسماهلاوية . يعني مزيج بين الاتنين

حبيبي يا مودي يارب تكون فهمت قصدى


وتقبل حبي وتحياتي


اولا يا استاذنا انا فعلا متعاملتش مع الناس اللي هنا الاهلاويه .. بس انا لو قبل ما اتعامل معاه عرفت انه اهلاوي .. مش هتعامل معاه اصلا ..!
انا كان ليا اصدقء و صديقات اهلاويه و زمالكويه كمان .. و كانوا اصدقائي لمده فوق ال5 سنين !! .. و خدت القرار و سيبتهم كلهم .. !
انا مش قليل الاصل .. ولا خاين .. بس فعلا انا مش منافق .. و مش عارف كلمه ع الميل مثلا و انا من جوايا بكرهه و بشتمه في اي فرصه !
حاليا .. انا مليش غير الاسماعلاويه و بس .. حتى انا بتابع فرق بره مصر زي الارسنال مثلا .. و لو في واحد اهلاوي بيشجع الارسنال مبعرفوش بردو .. لاني بكرهه !! .. سواء محترم او غير محترم بكرهه

و مثلا يا استاذ ميمي .. لو انت عرف واحد اسرائيلي .. بس في حاله و بيكره الحرب و بيكره اللي اهله بيعملوه في الفلسطينين .. هل هتحبه او هتتكلم معاه اصلا .. مجرد مهتعرف انه اسرائيلي مش هتكلمه اصلا !! على الرغم من انه محترم جدا ..!

ممكن يكون التشبيه كبير شويه .. بس بجد بالنسبه ليا .. الامر كدا !!!

و سعيد بالنقاش يا باشا

Mody
09-10-2009, 18:52
[quote=ميمي عوض;169819]


استاذ ميمى عوض
ازيك وايه اخبارك
اشكرك على كلامك الجميل علي شخصى
وعلى فكرة فيه ناس كتيرة بتحب الاسماعيلى اكتر منى زى الدكتور عاطف والاستاذ يسرى ابوشادى وابوعماد وسعيد الرودى
لان الحب مش بالكلام بس بل بالاعمال اللى بتفيد الاسماعيلى

اوافقك على كل كلامك يا استاذ ميمى
بس انا باطالب ان المعاملة تكون بالمثل معنا فى المواقع الاخرى




عمرو سيف


مع احترامي الكامل لحضرتك يا استاذ عمرو
و انا ايه يوديني المواقع الاخرى
ربنا يخليلنا مواقعنا !!!!

ميمي عوض
09-10-2009, 18:56
اولا يا استاذنا انا فعلا متعاملتش مع الناس اللي هنا الاهلاويه .. بس انا لو قبل ما اتعامل معاه عرفت انه اهلاوي .. مش هتعامل معاه اصلا ..!
انا كان ليا اصدقء و صديقات اهلاويه و زمالكويه كمان .. و كانوا اصدقائي لمده فوق ال5 سنين !! .. و خدت القرار و سيبتهم كلهم .. !
انا مش قليل الاصل .. ولا خاين .. بس فعلا انا مش منافق .. و مش عارف كلمه ع الميل مثلا و انا من جوايا بكرهه و بشتمه في اي فرصه !
حاليا .. انا مليش غير الاسماعلاويه و بس .. حتى انا بتابع فرق بره مصر زي الارسنال مثلا .. و لو في واحد اهلاوي بيشجع الارسنال مبعرفوش بردو .. لاني بكرهه !! .. سواء محترم او غير محترم بكرهه

و مثلا يا استاذ ميمي .. لو انت عرف واحد اسرائيلي .. بس في حاله و بيكره الحرب و بيكره اللي اهله بيعملوه في الفلسطينين .. هل هتحبه او هتتكلم معاه اصلا .. مجرد مهتعرف انه اسرائيلي مش هتكلمه اصلا !! على الرغم من انه محترم جدا ..!

ممكن يكون التشبيه كبير شويه .. بس بجد بالنسبه ليا .. الامر كدا !!!

و سعيد بالنقاش يا باشا


يا مودي التشبيه مش بس كبير لالالا هو غريب جدا كمان

ايش جاب اخ مسلم ليك بعدو صهيوني اسرائيلي قذر

ياريت يامودى تهدا عشان خاطرى لانك غالي عندى

Mero
09-10-2009, 19:06
انا مش هتكلم في الموضوع وملابساته .. انا هتكلم في منطق عام
مجرد التقدير المتبادل بين طرفين " أهلاوي و إسمعلاوي " ده شئ مرفوض من أساسه .. في كل ما يتعلق بشئون كرة القدم .. ودي أكيد مفيهاش تفكير !!
لأن الأهلي مش مجرد خصم او منافس .. ده نوع سيء من المنافسين بيحاول يدمرك بإستمرار عن طرق استغلال مصطلح هلامي .. " الإحتراف "
الإحتراف اللي ما نعرفش عنه اي حاجة في مصر .. سواء في شئون كرة القدم او حياتنا العامة .. لكن الكلمة دي مش بتظهر الا لتبرير نظرية الهدم المستمرة من الأهلي " او الزمالك " لفريقنا سنة بعد سنة !!
وبالتالي اني احترم او اتعامل مع اهلاوي بالنسبة لأي كلام له علاقة بكرة القدم مرفوووووووووووض !!
ده كلام العقل والمنطق ..
نيجي لموضوعنا بقى .. المفترض ان الموقع هنا او المنتدى هنا رياضي كروي 100% .. وكمان اسمعلاوي " ده اللي اعرفه و واضح من اسمه " .. يعني مجرد وجود اعضاء أهلاوية في المنتدى غلط !!
نعتبره امر واقع وتواجدوا في المنتدى " للأسف " .. يبقى مجرد كلامهم او نقاشهم في أي حاجة تتعلق بكرة القدم مرفوض تماماً .. ده الأفضل للجميع !!
وبما ان الموقع هو موقع رياضي اسمعلاوي .. يبقى تقريباً وجودهم ملوش داعي او لازمة .. ومش هيسبب غير المشاكل .. مشاكل او حتى اختلافات بين اسمعلاوية وبعضهم البعض ماينفعش تبقى موجوده تماماً !!

esmaelawy awy
09-10-2009, 19:19
ايها الشباب الثائر :teeth_smile:

اهدوا بس كده وربنا يكرمكم
واضح انكم لسة شباب صغير ومتحمس قوي

يا جماعة الحياة مش كرة قدم
ولا تتوقف علي كرة القدم
ودي اخر حاجة المفروض انها تعمل مشاكل بين البشر
بالعكس دي المفروض الهدف منها هو التقارب بين البشر

لكن يبدو وللاسف انتم هتعملوها عقيدة ودين كمان
والاهلاوي يبقي اسرائيلي وعدو وخاين وغدار
والزملكاوي هو حليف خان العهد ونقض المعاهدة

نفسي والله نشجع كرة القدم علي انها لعبة رياضية
والله يا شباب الحياة فيها حاجات كتير قوي اهم من كرة القدم
ولا يهم ابدا ان نهزم في مباراة او نخسر بطولة
ولكن بالتاكيد مايهم الا نخسر انفسنا ونخسر ديننا من اجل كرة القدم

ولا حول ولا قوة الا بالله العلي العظيم

samir
09-10-2009, 19:25
علي فكره أنا مصدوم من كميه الشطط والغلو والكره اللي موجود داخل صدور بعض شبابنا بالشكل ده

ده شيئ في منتهي الخطوره لأنه مش حيكون في الكوره بس

منك لله ياكومي

esmaelawy awy
09-10-2009, 19:42
علي فكره أنا مصدوم من كميه الشطط والغلو والكره اللي موجود داخل صدور بعض شبابنا بالشكل ده

ده شيئ في منتهي الخطوره لأنه مش حيكون في الكوره بس

منك لله ياكومي

معاك حق والله يا استاذ سمير

الموضوع اصبح فعلا في منتهي الخطورة

واصبح الغل والحقد الكامن داخل الصدور من جميع الانتماءات ضد بعضها يفجر مصر بحالها

ولا حول ولا قوة الا بالله العلي العظيم

جيهان
09-10-2009, 20:08
http://sor.w2hm.com/files/image/t/11.gif السلام عليكم يأهل بيتي الكبير طبعا مهما شكرنا مش هنقدر نوفي الناس اللي بتحاول تصلح في الموضوع ده وخصوصا استاذ ميمي واستاذ هشام اقسم بالله العظيم انا اهلاويه بس عمري مادخلت موقع اهلاوي ابدا ولا عملري كنت افكر اني ادخل اي موقع رياضي .انا لما دخلت الموقع ده كان في رمضان وكان عشان المسابقه بس لقيت نفسي بحبه جدا وبحب اعضاء كتير جدا فيه ومن ساعتها كل يوم لازم ادخل بحس ان في حاجه نقصاني لو مدخلتش .انا لما كانت دايما بتيجي لي مضايقات منكم كنت برد علي كلامكم اننا اخوات ومصريين وفي المنتخب كلنا بنجتمع مع بعض واي حد ممكن يجيب المواضيع القديمه ويراجع االردود احنا بنحبكم سيبوا الاهلي والاسماعيلي اتعاملوا معانا لقيتونا وحشين مش تتعامله الدين المعامله مش تحكموا علينا من غير تعامل وبلاش التعصب ده . انا طبيعي بكتب باللون الاحمر بس لما كنت برد علي اي موضوع لشخص اسماعيلي والشخص ده عزيز علي كنت بغير لون الخط عشان محسش اني ممكن اضايقه احنا اخوات وشكرا ليكم http://sor.w2hm.com/files/image/t/47.gif انا اتكلمت مره مع استاذ عادل في توبك الطبخ وهو شخصيه محترمه جدا وربنا يوفقه في عمله ويرجع لاهل بيته بالسلامه

DaraweeshMySoul
09-10-2009, 20:27
حصل خير يا جيهان ... سحابة صيف و عدت ... واحنا هنا كلنا أخوة

SHAFIK
09-10-2009, 20:48
شكرا يا اخ عادل على ما قمت به من اعتذار ودية هى رجولة الاسمعلاوية لما يحس فعلا انه غلط فى حد ان يعتذر وايضا يقبل اعتذار الاخرين وحب الاسماعيلى ومؤازرته وتعصبنا فى تشجيعه بعيدا عن الشغب والهمجية مش هيتأثر باى شيئ
اما بالنسبة للاهلاوية اللى معانا فى الموقع والمعروفين فانا بعد ساعات بنسى انهم اهلاوية وكمان هم متواجدون معانا اكثر من تواجدهم فى مواقعهم وبعض ساعات اشك انهم اهلاوية بل اسمعلاوية ومتنكرين
والله يذيد المحبة بين كل افراد الموقع اداريين ومشرفين واعضاء اسمعلاوية ام الوان اخرى

ميمي عوض
09-10-2009, 21:02
بعد إذن الادارة لو سمحتم

ياريت حضراتكم تحذفوا أي توبيك في أي نقاش غير

مجدى خصوصا بعد المداخلات الغير هادئة من بعض

الاعضاء اللي مصممين علي التفرقة والعنصرية

المرفوضة تماما واللي تتنافي مع قيمنا واخلاقياتنا

وديننا الحنيف تماما . ارجوكم احذفوا كل التوبيكات

دى عشان ننهي الجدل اللي دائر حاليا . والموضوع

منتهي من الاساس واحنا كلنا اسرة واحدة ومافيش

حاجة اسمها اهلاوى واسماعلاوى لان هنا كلنا واحد

والاخوة الاهلوية هنا في قمة الادب والاخلاق والاحترام

وفي منتهي الذوق ولو كل جماهير الاهلي بنفس القيم

والاخلاقيات . صدقوني ماكانش بقي فيه اي مشكلة

نهائيا بين جماهير الاسماعيلي وجماهير الاهلي .

متهيألي كدة كفاية قوى وعيب كل شوية واحد يدخل

ويتكلم كلام يهد بيه كل محاولاتنا للم الشمل بي الجميع

وشكرا للجميع وخالص تحياتي

ميمي عوض

جيهان
09-10-2009, 21:19
حصل خير يا جيهان ... سحابة صيف و عدت ... واحنا هنا كلنا أخوة


شكرا لحضرتك

د/فتحي نافع
09-10-2009, 21:29
أخي وصديقي العزيز عادل

اولا بشكرك علي شجاعتك الادبية واخلاقك اللي انا اعرفها عنك كويس

احنا هنا كلنا اهل واخوات ومافيش اي فرق بين مشجع للاهلي او مشجع

للاسماعيلي لان ده بيت العيلة اللي بيضمنا ويجمعنا كلنا . وأنا معاك كمان

بقدم كل حبي واحترامي واعتذارى لاخواننا المحترمين الاستاذ الفاضل

أبو مصطفي والاستاذ ضياء والدكتور احمد نوار والاستاذ احمد fd وايضا

اختنا الفاضلة مدام جيهان (( شيف المنتدى )) اللي زي القمر واللي دايما

مجوعانا وكذلك الاخوة كريم و علواني . وبقولهم كلنا هنا اهل وكلنا هنا

زي ما قلتلكم قبل ((( اسماهلاوية ))) == عاجباني قوى الكلمة دى ==

ويالة بقي عايزين الكل يشارك في المنتدى ونكسر الدنيا وننسي بقي

الخلافات دى . وصدقوني بحبكم كلكم لان فترة الغياب دى حسستني قد

ايه انا كنت مفتقدكم وكنتم واحشني كلكم يا (( اسماهلاوية ))

وإيه رأيكم بقي لو اكتب لكم شعر جديد عن الاهلي

ههههههههههههههههههههههههههههههههههههههه

حبايبي والله كلكم بجد مش كلام ولكم كل تحياتي

حبيبكم / ميمي عوض



ازيك يا استاذ ميمي


ازاي مفيش فرق ياراجل اكيد من ورا قلبك


مفيش فرق ازاي بأه

لما كل ظروف الفساد بالكرة المصرية تخلص يبقي مفيش فرق

ولما الاهلي يبطل سرقة ونصب واحتيال ساعتها يبقي مفيش فرق

ميمي عوض
09-10-2009, 21:47
ازيك يا استاذ ميمي


ازاي مفيش فرق ياراجل اكيد من ورا قلبك


مفيش فرق ازاي بأه

لما كل ظروف الفساد بالكرة المصرية تخلص يبقي مفيش فرق

ولما الاهلي يبطل سرقة ونصب واحتيال ساعتها يبقي مفيش فرق


حبيبي يادكتور فتحي

واحشني وازي حضرتك ويارب تكون بكل الخير ان شاء الله

انا يادكتور بتكلم عن جماهير الاهلي اللي موجودين هنا

علي المنتدى وهمة كلهم حوالي 10 أفراد وفي قمة

الذوق والاخلاق والعقلانية ويحترموا نادينا بشكل كبير

جدا وكذلك يحبوا كل الاعضاء هنا في الله بعيدا عن

أي تنافس . ولا اقصد كل جماهير الاهلي علي العموم

وإلا ابقي منافق والعياذ بالله . وطبعا ده مستحيل

واكيد حضرتك فاهم قصدى طبعا . لكن انا اقصد

ان مافيش فرق بالنسبة للاعضاء اللي علي المنتدى

هنا بس مش كل الجماهير . اتمني اكون وضحت

الصورة لحضرتك واشكرك جدا يادكتور علي سعة

صدرك وبارك الله فيك

talhawy
09-10-2009, 22:06
http://egkoora.com/upload//uploads/images/egkoora.com-56aeccc9cc.jpg

عصام رشوان
09-10-2009, 23:20
الموقع الكبير اسماعيلى اس سى
فى الاصل و الاساس هو موقع محبى و مشجعى الدراويش من كل مكان فى مصر
واذا كان هناك اخوة اهلوية دائمين بالموقع فلهم بالتاكيد حق الضيافة
وطالما الاخوة الافاضل من مشجعى الاهلى يحترمون كل ما يمت للاسماعيلى و جمهوره بصلة
فلهم علينا و اجب الاحترام
ولكن من حق كل اسمعلاوى متعصب لناديه و انا منهم بالتاكيد ان يكون له حرية التعبير عن ناديه
او عن الاهلى وجمهوره و اعلامه بصفة عامة
على ان لايكون الكلام بصفة شخصية او موجه لذات او شخص اى اهلاوى( محترم ) موجود بالموقع

DaraweeshMySoul
09-10-2009, 23:26
الموقع الكبير اسماعيلى اس سى
فى الاصل و الاساس هو موقع محبى و مشجعى الدراويش من كل مكان فى مصر
واذا كان هناك اخوة اهلوية دائمين بالموقع فلهم بالتاكيد حق الضيافة
وطالما الاخوة الافاضل من مشجعى الاهلى يحترمون كل ما يمت للاسماعيلى و جمهوره بصلة
فلهم علينا و اجب الاحترام
ولكن من حق كل اسمعلاوى متعصب لناديه و انا منهم بالتاكيد ان يكون له حرية التعبير عن ناديه
او عن الاهلى وجمهوره و اعلامه بصفة عامة
على ان لايكون الكلام بصفة شخصية او موجه لذات او شخص اى اهلاوى( محترم ) موجود بالموقع


الله ينور عليك يا أستاذ عصام .. دي خلاصة الكلام

darwishing
09-10-2009, 23:40
علي فكره أنا مصدوم من كميه الشطط والغلو والكره اللي موجود داخل صدور بعض شبابنا بالشكل ده

ده شيئ في منتهي الخطوره لأنه مش حيكون في الكوره بس

منك لله ياكومي


بصراحة الواحد بيتكسف من مراجعة بعض الاراء فعلا يا استاذ سمير

ازاي بس ارفض واحد علشان اهلاوي و الا ترسناوي و الا زملكاوي

اللي بيقول الاهلي بيدمرنا .. الاهلي بيدمر الاسماعيلي بس .. علشان احنا فقراء و مش نافعين

اشمعني ما بيدمرشي الاندية التانية .. حتي الفقيرة منها .. علشان كان رئيسنا الكومي و من بعده ابو الحسن .. بتوع الاهلي دوت كوم

الزمالك طردنا من معسكر التهجير - بعد ماتش حسن شحاتة السافر- و برضه حبيبنا و بنموت في دباديبه

و الترسانة هلي اللي مسحت بينا الارض و هبططتنا سنة 58

و القناة بيعطينا في المزاج طول عمره

نكره بقي كل الناس و نولع فيها

يا عالم دي كورة .. و اللاعيبة اللي بنموت فيها .. بيتبعنا عند اول ملف

منك لله ... يا كومي

amroseif62
10-10-2009, 00:26
ازيك يا استاذ ميمي


ازاي مفيش فرق ياراجل اكيد من ورا قلبك


مفيش فرق ازاي بأه

لما كل ظروف الفساد بالكرة المصرية تخلص يبقي مفيش فرق

ولما الاهلي يبطل سرقة ونصب واحتيال ساعتها يبقي مفيش فرق





ايوه كده

بالضبط كده

وعلشان تحبوهم لازم تقطعوهم









عمرو سيف

السيدالصغير
10-10-2009, 00:46
جماهير الاسماعيلى متسامحه وبتقول ما فيش فرق
يا ترى المقابل هناك فى الاهلى هو نفس التسامح
لا والف لا دول عاملين انهم من طبقة تانيه خالص
غير جماهير الاندية الفقيرة يعنى بمعنى ادق اذا كان عجبك
وبيخدوا حقهم فى اى مكان حتى لو منتدى اسمعلاوى

kano
10-10-2009, 00:52
اهلاوي اه يا عيني ----------- دايما كسبان بطولات
و السر بينك و بيني ----------- حكامنا دول شربات
بفلوسنا بندلعـــهم ----------- شقق و عربيـــــات
اوفسيد و بنلاتي و كارت احمر ----------- و البركه في الحركات
و الحظ مننساهوش ----------- ده حبيبنا و منسيبوش
نكسب بجول دربكه ----------- و نصد بالعارضات
عايزين بطوله ناخد ----------- بس بولادنا مفيش
خدنا نص المنتخب ----------- و الباقي من الدراويش
عبد الله و النحاس ----------- و الشاطر و بركات
و تريكه م الترسانه ----------- يخلص الماتشات
لا مؤاخذه متلومنيش ----------- و تفولي سرقت الدراويش
ده ياما نكدوا عليا ----------- 2 و 3 و اريعه
يعني اسيبهم يعقدوني ----------- و اقف ايدي مريعه ؟؟
الا العفريت شيكابالا ----------- رميت تحته الملايين
قرطسني و قال انا جاي ----------- و استني في التمرين
ضحك عليا و سابني ----------- قالك بيتي الزمالك
بقي هي كده يا شيكا ----------- طب خد عندك يا عم
هنشتم و نقل أدبنا ----------- و نقول لعيب يجيب الغم
بس اهو رفع الجزمه ----------- و قلبت بحرقه دم
خلاص هنجيب فتحي ----------- و نخطف عبد ربه
و العقد نشوفله ثغره ----------- و نقولك دي احترافات
اهلاوي اه يا عيني ----------- دايما كسبان بطولات
و السر بينك و بيني ----------- حكامنا دول شربات
------------------------------------------------------
وحياة بترول اسيوط وكبارى اينو
ودمكم الخفيف اللى احنا مش طايقينوا
تريقة وضحك فى وقت انتم من قريب عارفينوا
انا هقول راى فى كلام انتم قايلينوا
وعارف ان اغلبكم مش فهمينوا
*****
كفاية كلام بلاش ضحك على الناس
فريق ونادى مالوش اساس
بتقولوا غنى وتشجيع وجماهير
مش شايف غير بلياتشو وحبة طراطير
*****
كلامكم كتير و مالوش لازمة
كان لازم شيكا يرفع الجزمة
حسوا شوية ان الكرة فى ازمة
و الاتحاد واقف على الدنيا يتفرج
والاهلى ولاعيبته على الاخلاق بيتمرد
يا شيكا استلم عقاب تمام
ويا اهلى متزعلش يا حبيبى نام
يا شيكا غلطت اعتذر للناس
و الاهلى لا قيم ولا مبادئ ولا اساس
والله شيكا بشر من دم و احساس
مسكوا المظلوم وسابوا الظالم ما هى الدنيا خلاص
لا حد اتكلم ولا واحد قال من الدرس لازم نتعلم
*****
معروفة اللعبة من زمان
حكام وصحافة واعلام
الكل يطاطى كله جبان
التليفزيون بقى احمر و مفيش الوان
الابيض والاصفر دول كانوا زمان
العب يا احمر ضد اى حد وايا كان
اتعمل بالعافية بطل واللى مش عجبه يروح ينام
كذبوا وصدقوا الكذبة الاهلى فارس بنى خيبان
الكل يسكت الكذبة بتكبر يبقى كل تمام
حكم بيجامل واعلام بيطبل و بيغنى
والاهلاوى عايش يعينى مصدق وبيهنى
*****
لا بسال ازى ولا امتى ولا كام
ولعوا النار فى واحد وقالوا احنا ملوك الزمان
وقالوا اسمع مبادائنا وقيمنا واخلاقنا
تعيش اهلاوى تعيش فى امان
ولو شجعت حد تانى ملكش فى الدنيا مكان
الحضرى عملها وقال يلا سلام
قالوا فى مبادى والكل يصحى محدش ينام
اسحب جنسية ورافع قضية وظهرت تخاريف النيام
القيعى يشجب وشوبير يندد
والاتحاد عمال للحضرى بيهدد
و يرجع الحضرى الخاين الجبان
وكل الاعلام الاهلى نادى تمام
والكل فى لحظة غير الكلام
يا اهلى على الودن امسك واقرص
بس متنساش ان دة الحضرى اللى بيرقص
*****
وتبص على القيم وتتفرج
القيعى هناخد حسنى ومش بنهرج
اسماعيلية تقول دة حسنى ابننا
القيعى بكل برود الاعب دة حقنا
بيع ابنك يا كومى وهاتوا عندنا
هناخد حسنى انتو مش قدنا
ويظهر الخطيب ويتكلم
عامل قال يعنى للقيم بيعلم
يا حسنى شوف انت عايز ايه
رد حسنى كان سريع عليه
طبعا العب فى الاسماعيلى يا بيه
رد حسنى كان صريح وواضح
الاهلى لا وحياة اسماعيلية مش رايح
*****
هيفضل الاهلى لحد امتى فى الرياضة طايح
ياخد دة ويضرب دة ويعمل فضايح
من دراع جوزيه لشفايف احمد السيد
واتحاد الكرة معه وطبعا بيأيد
*****
طول ما الاهلى فى الرياضة موجود
وضع الرياضة مش هيكون مظبوط
احلم و اتمنى ان الاتحاد من النوم يفوق
طريق الرياضة اصبح نفق مسدود
-------------------------------------------

kano
10-10-2009, 00:56
انا والله كنت مجهز الشعر دي من زمان وانا عملو
ويارب ينال اعجابكم

AYMANDYAB
10-10-2009, 00:56
الواحد بقى بيشوف توبك اعتذار من هنا

والكهربا بتمسك في جسمي كله من هنا

bebaaaa
10-10-2009, 00:59
بجد بجد شعر جميل جدا
وكلامتو جميله جدا جدا جدا
تسلم ايدك ومستنين المزيد

السيدالصغير
10-10-2009, 01:00
جميل جدا ورائع وتسلم الايادى
بس ده ضد الساميه
ههههههههههههه

casper
10-10-2009, 01:02
شـكــ وبارك الله فيك ـــرا لك ... لك مني أجمل تحية .

Mero
10-10-2009, 01:06
ازيك يا استاذ ميمي


ازاي مفيش فرق ياراجل اكيد من ورا قلبك


مفيش فرق ازاي بأه

لما كل ظروف الفساد بالكرة المصرية تخلص يبقي مفيش فرق

ولما الاهلي يبطل سرقة ونصب واحتيال ساعتها يبقي مفيش فرق

و الله كنت متوقع و مستني رد حضرتك يا استاذ فتحي
+
عموما يا جماعه .. نا اسف لو انفعل
بس انا بجد مبعرفش اقول غير اللي في قلبي
و اتمنى حد من استاذتي "الاسمعلاويه بس" زي استاذ ميمي او استاذ عاطف او استاذ اسمعلاوي اوي يزعل مني .. في الاول و الاخر اختلاف الراي لا يفسد للود قضيه

أبو عماد
10-10-2009, 01:12
جماهير الاسماعيلى متسامحه وبتقول ما فيش فرق
يا ترى المقابل هناك فى الاهلى هو نفس التسامح
لا والف لا دول عاملين انهم من طبقة تانيه خالص
غير جماهير الاندية الفقيرة يعنى بمعنى ادق اذا كان عجبك
وبيخدوا حقهم فى اى مكان حتى لو منتدى اسمعلاوى
ما تقعد بقى يا عم
ما صدقنا لمناها

AYMANDYAB
10-10-2009, 01:20
كفاية كلام بلاش ضحك على الناس
فريق ونادى مالوش اساس
بتقولوا غنى وتشجيع وجماهير
مش شايف غير بلياتشو وحبة طراطير
كلامكم كتير و مالوش لازمة
كان لازم شيكا يرفع الجزمة

اصللللللللللللي يا محمد

الاشعار دي بتاعتك شخصيا ولا منقوله؟؟؟

السيدالصغير
10-10-2009, 01:39
اهلاوي اه يا عيني ----------- دايما كسبان بطولات
و السر بينك و بيني ----------- حكامنا دول شربات
بفلوسنا بندلعـــهم ----------- شقق و عربيـــــات
اوفسيد و بنلاتي و كارت احمر ----------- و البركه في الحركات
و الحظ مننساهوش ----------- ده حبيبنا و منسيبوش
نكسب بجول دربكه ----------- و نصد بالعارضات
عايزين بطوله ناخد ----------- بس بولادنا مفيش
خدنا نص المنتخب ----------- و الباقي من الدراويش
عبد الله و النحاس ----------- و الشاطر و بركات
و تريكه م الترسانه ----------- يخلص الماتشات
لا مؤاخذه متلومنيش ----------- و تفولي سرقت الدراويش
ده ياما نكدوا عليا ----------- 2 و 3 و اريعه
يعني اسيبهم يعقدوني ----------- و اقف ايدي مريعه ؟؟
الا العفريت شيكابالا ----------- رميت تحته الملايين
قرطسني و قال انا جاي ----------- و استني في التمرين
ضحك عليا و سابني ----------- قالك بيتي الزمالك
بقي هي كده يا شيكا ----------- طب خد عندك يا عم
هنشتم و نقل أدبنا ----------- و نقول لعيب يجيب الغم
بس اهو رفع الجزمه ----------- و قلبت بحرقه دم
خلاص هنجيب فتحي ----------- و نخطف عبد ربه
و العقد نشوفله ثغره ----------- و نقولك دي احترافات
اهلاوي اه يا عيني ----------- دايما كسبان بطولات
و السر بينك و بيني ----------- حكامنا دول شربات
------------------------------------------------------
وحياة بترول اسيوط وكبارى اينو
ودمكم الخفيف اللى احنا مش طايقينوا
تريقة وضحك فى وقت انتم من قريب عارفينوا
انا هقول راى فى كلام انتم قايلينوا
وعارف ان اغلبكم مش فهمينوا
*****
كفاية كلام بلاش ضحك على الناس
فريق ونادى مالوش اساس
بتقولوا غنى وتشجيع وجماهير
مش شايف غير بلياتشو وحبة طراطير
*****
كلامكم كتير و مالوش لازمة
كان لازم شيكا يرفع الجزمة
حسوا شوية ان الكرة فى ازمة
و الاتحاد واقف على الدنيا يتفرج
والاهلى ولاعيبته على الاخلاق بيتمرد
يا شيكا استلم عقاب تمام
ويا اهلى متزعلش يا حبيبى نام
يا شيكا غلطت اعتذر للناس
و الاهلى لا قيم ولا مبادئ ولا اساس
والله شيكا بشر من دم و احساس
مسكوا المظلوم وسابوا الظالم ما هى الدنيا خلاص
لا حد اتكلم ولا واحد قال من الدرس لازم نتعلم
*****
معروفة اللعبة من زمان
حكام وصحافة واعلام
الكل يطاطى كله جبان
التليفزيون بقى احمر و مفيش الوان
الابيض والاصفر دول كانوا زمان
العب يا احمر ضد اى حد وايا كان
اتعمل بالعافية بطل واللى مش عجبه يروح ينام
كذبوا وصدقوا الكذبة الاهلى فارس بنى خيبان
الكل يسكت الكذبة بتكبر يبقى كل تمام
حكم بيجامل واعلام بيطبل و بيغنى
والاهلاوى عايش يعينى مصدق وبيهنى
*****
لا بسال ازى ولا امتى ولا كام
ولعوا النار فى واحد وقالوا احنا ملوك الزمان
وقالوا اسمع مبادائنا وقيمنا واخلاقنا
تعيش اهلاوى تعيش فى امان
ولو شجعت حد تانى ملكش فى الدنيا مكان
الحضرى عملها وقال يلا سلام
قالوا فى مبادى والكل يصحى محدش ينام
اسحب جنسية ورافع قضية وظهرت تخاريف النيام
القيعى يشجب وشوبير يندد
والاتحاد عمال للحضرى بيهدد
و يرجع الحضرى الخاين الجبان
وكل الاعلام الاهلى نادى تمام
والكل فى لحظة غير الكلام
يا اهلى على الودن امسك واقرص
بس متنساش ان دة الحضرى اللى بيرقص
*****
وتبص على القيم وتتفرج
القيعى هناخد حسنى ومش بنهرج
اسماعيلية تقول دة حسنى ابننا
القيعى بكل برود الاعب دة حقنا
بيع ابنك يا كومى وهاتوا عندنا
هناخد حسنى انتو مش قدنا
ويظهر الخطيب ويتكلم
عامل قال يعنى للقيم بيعلم
يا حسنى شوف انت عايز ايه
رد حسنى كان سريع عليه
طبعا العب فى الاسماعيلى يا بيه
رد حسنى كان صريح وواضح
الاهلى لا وحياة اسماعيلية مش رايح
*****
هيفضل الاهلى لحد امتى فى الرياضة طايح
ياخد دة ويضرب دة ويعمل فضايح
من دراع جوزيه لشفايف احمد السيد
واتحاد الكرة معه وطبعا بيأيد
*****
طول ما الاهلى فى الرياضة موجود
وضع الرياضة مش هيكون مظبوط
احلم و اتمنى ان الاتحاد من النوم يفوق
طريق الرياضة اصبح نفق مسدود
-------------------------------------------


رائع

عصام رشوان
10-10-2009, 01:46
الاخ العزيز kano
شعر ممتاز برافو
بس المشكلة انهم kano حايسكتوا

amroseif62
10-10-2009, 01:54
الواحد بقى بيشوف توبك اعتذار من هنا

والكهربا بتمسك في جسمي كله من هنا







ضد المية ضد النار


ضد الاهلى ضد الفار








عمرو سيف

عصام رشوان
10-10-2009, 01:57
الله ينور عليك يا أستاذ عصام .. دي خلاصة الكلام
ربنا يخليك يا باشمهندس ومتشكر جدا يا باشا

esmaelawy awy
10-10-2009, 02:04
اعتقد يا جماعة
التوبك كان بغرض الاعتذار
واعتقد كده الاعتذار وصل والحمد لله
وكمان صاحب التوبك سافر الي نيجيريا ومش هيقدر يرد فيه

فاعتقد بدل ما تزيد التعليقات
وممكن الموضوع يقلب من اعتذار لخناقة :teeth_smile:
يبقي غلق التوبك في هذه الاحوال افضل كثيرا

والف شكر للجميع
وما نجيلكوش في اعتذار اخر :teeth_smile: