المساعد الشخصي الرقمي

مشاهدة النسخة كاملة : اهم مخططات النادى الجهلى للموسم الجديد


يونليفر
06-03-2009, 02:57
من ربيع الاول 1430 هـ الجمعة





القيعي يجهز أوراقه لدعم صفوف الأهلي في الموسم الجديد
كتب‏-‏رأفت الشيخ‏:‏

عدلى القعيى
رغم أن الأهلي لايزال الفريق الأقرب الي بطولة الدوري بحكم أنه لايزال يتمسك بقمته وهو مايعني أنه البطل المتوج‏,‏ إلا أنه من المؤكد أن يشهد الموسم الجديد تغييرات واسعة في الصفوف الحمراء‏.‏ عدلي القيعي مدير التسويق بالنادي الأهلي سيكون عليه أن يبذل جهدا كبيرا خلال الفترة القادمة لتنفيذ تعليمات الجهاز الفني بدعم الصفوف الحمراء الحمراء بعد أن أصابت الشيخوخة الفريق في أغلب مراكزه وأصبح في حاجة الي دماء جديدة من لاعبي الفرق الأخري حتي يظل الأهلي هو الأهلي‏.‏

والمؤكد أن رجل التسويق الأشهر في الكرة المصرية لن يكون فقط مسئولا عن شراء عدد كبير من اللاعبين للصفوف الحمراء بل سيكون عليه أيضا التخلص من عدد كبير من اللاعبين الذين ينوي الجهاز الفني بقيادة مانويل جوزيه الاستغناء عنهم‏..‏ سيكون علي القيعي البحث عن أندية لهم سواء خارج مصر أو داخلها سواء بالإعارة أو البيع النهائي أو‏'‏ المقايضة‏'‏ بما يضمن عدم رحليهم الي المنافسين الأقوياء سواء الإسماعيلي أو بتروجيت أو إنبي أو الزمالك وهو أمر يجيده رجل التسويق العبقري عدلي القيعي تماما‏.‏

ولعل الأسماء التي سترحل عن الأهلي سواء بموافقة جوزيه أو بسبب الرغبة في الرحيل لعدم الحصول علي الفرصة مع الفريق هي أسماء يعرفها الجميع وكلهم ضمهم الفريق في بداية الموسم الماضي ولم يستفد منهم جوزيه علي الإطلاق‏,‏ وهم حسين ياسر محمدي الغاضب دائما من عدم مشاركته بصفة أساسية وحسين علي القادم من بتروجيت والذي لم يلعب أبدا وهاني العجيزي وأحمد حسن دورجبا اللذان أصابهما الصدأ من البقاء علي الدكة في ظل طريقة جوزيه المفضلة بالاعتماد علي فلافيو وحده في المقدمة‏..‏ من الأسماء الغاضبة أيضا سيد معوض الذي عبر عن غضبه بسبب عدم مشاركته في مواجهة الإسماعيلي رغم نقص الصفوف وتم احتواؤه وكتمان الأمر‏..‏ أما من أبناء الأهلي فإن المهاجم أحمد بلال يصر هو الأخر علي الرحيل بسبب تجاهل جوزيه له تماما في ظل عدم قناعة المدير الفني بقدرات بلال الذي كان يوما هدافا لمصر كلها‏.‏

في المقابل فإن الخزائن الأهلاوية سيتم فتحها علي مصراعيها من أجل إقناع ادارات العديد من الأندية بالتخلي عن أفضل عناصرها للفريق الأحمر‏,‏ وهناك العديد من الأسماء المرشحة في الكواليس الحمراء والتي لن يتم الإعلان عنها الا مع نهاية الموسم‏,‏ هناك الهاني سليمان حارس الاتحاد وهو أبرز المرشحين لحماية عرين الجزيرة في ظل قناعة الجميع أن أمير عبد الحميد قد يكون حارسا جيدا لكن الأهلي يحتاج الي ماهو أفضل‏..‏ ولايزال نادر العشري لاعب المحلة يشغل رأس‏'‏ الفنيين‏'‏ في الأهلي كلاعب يحتاجه الفريق في الموسم الجديد اضافه الي البحث عن مهاجم جديد الي جانب محمد طلعت مهاجم منتخب الشباب الذي تم ضمه من اهلي دبي وقد سعي الأهلي بالفعل الي ضم بوجي مهاجم القناة الصاعد ولكن الإسماعيلي يبدو أقرب للاعب لكن أحمد رؤوف مهاجم إنبي قد يكون لفت الأنظار الحمراء خاصة وهو من أبزر المهاجمين وسجل في الأهلي مرتين‏..‏ قد تذهب العيون الحمراء أيضا الي بورسعيد من أجل البحث عن ظهير أيمن حيث يملك المصري اثنين من أفضل الظهراء هما أسامه العزب وأحمد فوزي‏..‏

أما وليد سليمان فتي بتروجيت الموهوب الذي انتقل لأهلي جدة علي سبيل الإعارة فمن المؤكد أنه سيرتدي الفانلة الحمراء في الموسم الجديد والمنطقي أن ناديا يعير لاعبا بموهبة وليد بينما كان ينافس علي البطولة هذا الموسم لن يمانع في انتقال اللاعب نهائيا في الموسم الجديد علما بأن الأهلي حسم بالفعل مسألة انتقال البلقاسي مدافع الأولمبي الي صفوفه بينما لا تزال هناك العديد من الأسماء المرشحة والتي سيتم الإفصاح عنها بعد نهاية الموسم‏.‏


---------------------------------------------------
من الخبرالسابق يوضح لنا 3 نقاط هامة1- الطريقة القزرة التى يتبعها النادى الاهلى فى خطف النجوم عن طريق راس الرجاء الصالح 0(اقصد انتقال اللاعبين لفرق خليجية ثم العودة للاهلى ) كما هو المعتاد مع لاعبى الاسماعيلى السابقين
2- التاكد من السفهة الواضح ومدى تدليل وتنفيز كل طلبات الطفل الصغير مانويل خوزية ويظهر انة استمع كثيرا لاغنية (انا عايزة من دة ياحزنفل انا عايزة من دة)3-محاولة تفريغ الاندية من نجومها لاضعافها وعدم قدرتها على المنافسة واتباع المقولة الشهيرة اتغدا بية قبل ميتعشى بيك
وعجبى على الكورة فى البلد دى

ابواسلام الدولى
06-03-2009, 03:02
ربنا يسترها على لاعبين الاسماعيلى من الافعى

misara_legend
06-03-2009, 03:20
ربنا يسترها على لاعبين الاسماعيلى من الافعى
ان شاء الله هنكسرراسها
ونجيبها الارض

darwishing
06-03-2009, 11:08
منك لله ... يا كومي

wahid aliii
06-03-2009, 13:12
واضح جدا إن المقال مجرد تخمين يعني ما أظنش إن السيد الصحفي قعد مع القيعي وعرف منه أسماء اللاعيبه المرشحه للإنضمام
ولا هو قعد مع الخطيب وعرف منه إن الخزائن هاتتفتح علي مصاريعها
وبعدين لو صح ماجاء في المقال فالراجل بيقول مخاطبه الأنديه يعني مش هيسقي اللاعيبه حاجه صفرا او حمرا يعني وياخدهم غصب عنهم
وتدعيم الفريق شئ مشروع وحق للأنديه كلها والإسماعيلي كمان بيعمل كده
فيه خبر تاني منشور في فالجول بيقول إن بتروجيت مرشح حسام البددري لقياده فريقه يا تري ممكن نعتبر إن ده مخطط بتروجاوي قذر للقضاء علي الأهلي

esmaelawy awy
06-03-2009, 15:02
واضح جدا إن المقال مجرد تخمين يعني ما أظنش إن السيد الصحفي قعد مع القيعي وعرف منه أسماء اللاعيبه المرشحه للإنضمام
ولا هو قعد مع الخطيب وعرف منه إن الخزائن هاتتفتح علي مصاريعها
وبعدين لو صح ماجاء في المقال فالراجل بيقول مخاطبه الأنديه يعني مش هيسقي اللاعيبه حاجه صفرا او حمرا يعني وياخدهم غصب عنهم
وتدعيم الفريق شئ مشروع وحق للأنديه كلها والإسماعيلي كمان بيعمل كده
فيه خبر تاني منشور في فالجول بيقول إن بتروجيت مرشح حسام البددري لقياده فريقه يا تري ممكن نعتبر إن ده مخطط بتروجاوي قذر للقضاء علي الأهلي

أيوة يا استاذ وحيد
هو الاهلي انا عارفه
يقعد الواد القذر ده اللي اسمع عدلي
مع الواد التاني ده الاقذر منه الخطيب
ويقعدوا يقذروا مع بعض ويسمعوا كلام القذر الكبير جوزيه
ويطلعوا كل يوم مخططين تلاتة كده قذرين عشان يخطفوا شوية لاعيبة قذرة :teeth_smile:


وكمان ادارة بتروجت كمان شوية اهلوية قذرين
وبيخططوا مخطط قذر لخطف حسام البدري القذر
عشان يمسك الفريق القذر بتاعهم

شفت بقي الاهلي و الكرة المصرية كلها قذارة ازاي :teeth_smile:

محمد الزملوط
06-03-2009, 15:30
هذا هو اللوبي الاحمر اي الهنود الحمر

كل هدفهم تحطيم من حولهم ليتميزو ولا حدا يزاحمهم فحصد البطولات..اسلوب سخيف وقذر يتبعونة من زمان

يستغلون المال فالاغراءات لللاعبين الباحثيون عن المال فقط..والدلائل كثيرة فكم من الللاعبين ذهبو لهم ونسيو الكورة او بطلو

لايصنعون نجم بل يذبحون نجوم..فهم اعداء النجاح للعديد من الاندية محدودة الدخل..هدفهم وشغلهم الشاغل تصفية الاسماعيلي من نجومة

والان دخل معنا بتروجت..واي لاعب يظهر بموهبة يلهثون وراءة بالمال..

حسبي الله ونعم الوكيل فيهم... بس يومهم جاي ان شاء الله..

تحياتي للجميع

ابو مصطفى
06-03-2009, 15:37
أيوة يا استاذ وحيد
هو الاهلي انا عارفه
يقعد الواد القذر ده اللي اسمع عدلي
مع الواد التاني ده الاقذر منه الخطيب
ويقعدوا يقذروا مع بعض ويسمعوا كلام القذر الكبير جوزيه
ويطلعوا كل يوم مخططين تلاتة كده قذرين عشان يخطفوا شوية لاعيبة قذرة :teeth_smile:


وكمان ادارة بتروجت كمان شوية اهلوية قذرين
وبيخططوا مخطط قذر لخطف حسام البدري القذر
عشان يمسك الفريق القذر بتاعهم

شفت بقي الاهلي و الكرة المصرية كلها قذارة ازاي :teeth_smile:

حضرتك يا استاذ هشام نسيت القذر حسن حمدى والقذر طارق سليم

مش لما تيجى تلم القذارة تفتكرهم كلهم

بعدين كده تزعل الناس منك لما تفتكر قذارة وتنسى قذارة

بس برضه ها ارجع اسالك سؤال مالوش لزمة وسفسطائى على راى دكتور عاطف

هل الفلوس ليها علاقة بالقذارة؟؟؟ ولا دى طبع متوارث

يعنى لو نادى مافيهوش فلوس وفجأة اتملى فلوس ها يبقى قذر ولا ها يحافظ على مبادئه؟؟؟

يعنى عدم القذارة من وجهة نظرك سببه النظافة ولا قلة الحيلة والفلوس؟؟؟؟

والله انا باسالك بجد مش هزار ولا تريقة

esmaelawy awy
06-03-2009, 17:18
حضرتك يا استاذ هشام نسيت القذر حسن حمدى والقذر طارق سليم

مش لما تيجى تلم القذارة تفتكرهم كلهم

بعدين كده تزعل الناس منك لما تفتكر قذارة وتنسى قذارة

بس برضه ها ارجع اسالك سؤال مالوش لزمة وسفسطائى على راى دكتور عاطف

هل الفلوس ليها علاقة بالقذارة؟؟؟ ولا دى طبع متوارث

يعنى لو نادى مافيهوش فلوس وفجأة اتملى فلوس ها يبقى قذر ولا ها يحافظ على مبادئه؟؟؟

يعنى عدم القذارة من وجهة نظرك سببه النظافة ولا قلة الحيلة والفلوس؟؟؟؟

والله انا باسالك بجد مش هزار ولا تريقة

تصدق يا ابراهيم وبجد مش هزار
ان اول حاجة بتعلمها كتر الفلوس
هي القذارة
والكلام ده مش في الكورة بس

يعني لو واحد مكانش لاقي ياكل
وفجاة كده ربنا اداله من عنده وفتح عليه
هتلاقيه بجد بلغة الاخلاق بقي انسان قذر
طبعا اكيد فيه استثناءات يعني ممكن تلاقي واحد ربنا اداله وبرضه لسة متواضع وكويس بس دي قلة
لكن بجد القاعدة ان كتر الفلوس بيعلم القذارة
والاهلي والناس بتوعه اصبحوا قذرين من كتر الفلوس اللي عندهم

انا بقي نفسي يبقي معانا الفلوس اللي عندكم ونبقي اكثر منكم قذارة ونخطف منكم كل اللاعبين النجوم اللي عندكم:teeth_smile:
عشان تعرفوا وتحسوا ساعتها بمعني القذارة
وانتم بقي تفتحوا موقع اهلي اس سي وتقعدوا تقولوا شوفوا قذارة الاسماعيلي بيخطف مننا اللاعيبة :tongue_smile:

محمد نافع
06-03-2009, 20:32
انا مع كلام الاخ الاهلاوى وحيد على الذى يكذب كلام هذا الصحفى

المؤكد ان هذا الكلام غير حقيقى ليييييييييييييييييه

لان الخبر لم يذكر شريف عبد الفضيل او عمر جمال او عبد الله السعيد

اذن هذا الصحفى تبع النادى القذر الاهلى ويحاول التمويه علينا باسماء من انديه اخرى ليعطى الفرصه لكوهين لسرقة لاعبينا

لكننا لن نسمح لهما بذلك ولن نسمح لابو الحسن بذلك

فالمؤمن لا يلدغ من جحر مرتين

darwishing
06-03-2009, 20:33
طيب انا بقي حأقول رايي و امري علي علي الله
ما يفعله البدري و الخطيب و عدلي ..انا شايفه شئ عادي جدا جدا .. في ظل حماية القوانين المحيطة باقعالهم
سواء اعتبرناها شئ لا يليق او شئ غير مستحب
لو استطاعت ادارة الاسماعيلي لفعلت مثلها لو توفرت لها الامكانيات .. احنا مش ملائكة
لكن خلينا نشوف احنا عملنا ايه في مواجهة هذا الشئ الطبيعي او حتي غير الطبيعي
اتحدي لو كانت ادارة النادي الموقرة قد تركت أثرا واحدا حتي 6\3\2009 - مثلما أتوا الي النادي في 4\8\2008
أثر واحد فقط .... يمكن من خلاله رؤية امل و لو بسيط للتوقف امام الرعب الاحمر
من ناحية تنظيم الموارد المالية الهاجمة في يوليو القادم بكل قسوة و ستطيح بالاخضر و اليابس
قذارة الاهلي او الزمالك او بتروجينت او حتي نادي ام الخلول .. عارفينها و مذاكرينها و عندنا منها كتب و ملفات تكفي عين الشمس
عملنا ايه .. و لا حاجة
ادارات النادي منذ عام 1988 عملت ايه و لا حاجة
كل ادارة نادي تيجي تقعد زي الطراطير و لا لهم لزمة .. لحد ما تعدي الايام و يطلعوا بفضيحة ماتش او بقرار محافظ
حاجة اتغيرت ... ابدا
و الادارة الحالية ماشية علي نفس الخطوات .. بكل دقة و همة و نشاط
ايان بيعديها المهندس نصر و رفاقة و كأنهم طالعين اعارة في الكويت و خلاص
عملوا حاجة ابدا .. حيعملوا حاجة ما اظنش
افضل ادارات النادي الاسماعيلي من الامكانبات الفكرية و الاقتصادية و المهلبية و الملوخية .. ما عملتشي حاجة اصلا
يبقي ادارة الخناقات و الاختلافات و الفضائيات .. حتعمل حاجة
فكروا يا جماعة الخير .... الاهلي من حقه يبحث عن تقوية فريقه حتي لو اضطر الي شق الحيوب و النط من فوق السطوح
طالما لا رادع و لا محاسب من الدولة و اتحاد الكرة و مجلس القلل المتحدة
و اللي يلاقي ميه ساقعة .... يشرب و يستحمي كمان
احنا بقي عملنا ايه
نازلين هيصة و رقص و زمبليطة علشان كسبنا الاهلي .. و الادارة خلاص حققت المراد من رب العباد
قصة مكررة و حكاية مكتوبة علينا
الاسماعيلية تقدر تمول فريقها علي احسن ما يكون برجالها المحترمين
بس هما فين .. فين الكبار اللي صنعوا تاريخهم و اموالهم و عائلاتهم من الاسماعيلي و خير الاسماعيلية و عندي وثائق تثبت ذلك
قاعدين في نعيم - الاصل كله من الاسماعيلي و شهرته العربية في الستينات
نفسي نحاسب نفسنا .. قبل ما نحاسب غيرنا

mohamed gamal ahmed
07-03-2009, 00:53
a 3+4=7a

misara_legend
07-03-2009, 01:20
a 3+4=7a
انت جيت
هيهىء
يا ابو صيام

rooodi10
07-03-2009, 01:55
انا مع كلام الاخ الاهلاوى وحيد على الذى يكذب كلام هذا الصحفى
المؤكد ان هذا الكلام غير حقيقى ليييييييييييييييييه
لان الخبر لم يذكر شريف عبد الفضيل او عمر جمال او عبد الله السعيد
اذن هذا الصحفى تبع النادى القذر الاهلى ويحاول التمويه علينا باسماء من انديه اخرى ليعطى الفرصه لكوهين لسرقة لاعبينا
لكننا لن نسمح لهما بذلك ولن نسمح لابو الحسن بذلك
فالمؤمن لا يلدغ من جحر مرتينعلي فكرة يا أبو نافع رأفت الشيخ اسمعلاوي حتي النخاع

اهلاوى يحب الاسماعيلى
07-03-2009, 02:04
تحياتى لكم
اولا رغم انى اهلاوى لكنى من المعجبين بالاسماعيلى
لكن اريد ان اقول ان الاهلى من حقه دعم صفوفه مثل غيره من الأندية
وامس فى مودرن سبورت مدحت شلبى اكد صحة المعلومات الواردة فى الخبر ده
كمان الصحفى ده اسمعلاوى معروف بدليل انه بيكتب مقال فى الموقع

talhawy
07-03-2009, 02:28
يعني لو واحد مكانش لاقي ياكل
وفجاة كده ربنا اداله من عنده وفتح عليه
هتلاقيه بجد بلغة الاخلاق بقي انسان قذر
طبعا اكيد فيه استثناءات يعني ممكن تلاقي واحد ربنا اداله وبرضه لسة متواضع وكويس بس دي قلة




انا كده والله يا استاذ هشام
كنت تلموذ ومش لاقى اكل بس متواضع قوى
ربنا فتح على وبقيت دكتور امتياز وباقبض 251 جنيه بحالهم
وبرده لسه متواضع قوى زى ما انا......بالاضافة الى انى لسه برده مش لاقى اكل
:tongue_smile::tongue_smile::tongue_smile:

mohamed gamal ahmed
07-03-2009, 03:27
تحياتى لكم
اولا رغم انى اهلاوى لكنى من المعجبين بالاسماعيلى
لكن اريد ان اقول ان الاهلى من حقه دعم صفوفه مثل غيره من الأندية
وامس فى مودرن سبورت مدحت شلبى اكد صحة المعلومات الواردة فى الخبر ده
كمان الصحفى ده اسمعلاوى معروف بدليل انه بيكتب مقال فى الموقع
اهلا بيك يا استاذ اهلاوى
ايه يا عم الكلام دة
يدعم صفوفه
يدعم امه يدعم اى حد بس يبعد عننا
والنبى حرااام
سيبونا فى اللى احنا فيه للاهلى

على عبد الدايم
07-03-2009, 07:29
ربنا يسترها

محسن مسعود
07-03-2009, 07:51
منك لله ... يا كومي

أى والله صدقت

wahid aliii
07-03-2009, 11:53
كعادتي مع الإخوه الإسمعلاويه ..خناقات وضرب وشوم وسنج ومطاوي ..وتيجي تدور علي السبب ؟ ما تلاقيش سبب
وطالما مافيش سبب للخناقه الحاليه يبقي مافيش مانع كل واحد يفتكر للتاني من عشرين سنه لما الواد إبنك اللي بقا مهندس دلوقتي وهو صغير فتح دماغ إبني اللي بقا محامي دلوقتي وأهو طول عمركم كده جيران عصبجيه وواخدينها عافيه
LaughLaugh
يا جماعه المواضيع دي قتلناها بحثا مع بعض من أيام أون لاين وما وصلناش لنتيجه
يبقي أقل شئ أقل شئ يعني نخللي الخناقات الجديده يكون لها سبب
لكن صحفي كتب كلمتين أي حد بيفهم يعرف إنهم تخمين مش أكتر ..نقعد نعمل خناقه عليهم ؟ مش هنخلص

sameh881
07-03-2009, 15:23
يا جماعه المواضيع دي قتلناها بحثا مع بعض من أيام أون لاين وما وصلناش لنتيجه
يبقي أقل شئ أقل شئ يعني نخللي الخناقات الجديده يكون لها سبب
لكن صحفي كتب كلمتين أي حد بيفهم يعرف إنهم تخمين مش أكتر ..نقعد نعمل خناقه عليهم ؟ مش هنخلص
معاك حق والله

ابواسلام الدولى
08-03-2009, 19:29
صراع القمة الرهيب يمتد إلي اللاعبين
حرب خطف النجوم تشتعل بين الأهلي والإسماعيلي
مصطفي كريم بالفانلة الحمراء الموسم القادم

إبراهيم داوود

يبدو أن الصراع بين الأهلي والإسماعيلي الذي وصل إلي ذروته في مسابقة الدوري العام لن يتوقف عند هذا الحد وإنما سيمتد كذلك إلي صراع خطف النجوم من كلا المعسكرين.
فبينما واصل نصر أبو الحسن رئيس النادي الإسماعيلي مخططه من أجل التعاقد مع حارس الأهلي الهارب عصام الحضري من نادي سيون السويسري في نهاية الموسم دخل في مفاوضات أخري مع مهاجم الأهلي أحمد بلال والذي بدأ يشعر بأن فرصه أصبحت معدومة في احتلال مكان دائم في التشكيل الأساسي للفريق ويتردد أن أصابع وكيل لاعبين مشهور بانتمائه للقلعة الصفراء امتدت كذلك لحسين علي لاعب خط الوسط مستغلاً خلافه الأخير مع مانويل جوزيه المدير الفني للأهلي.
علي الجانب الآخر دخل وكيل أعمال في مفاوضات مباشرة مع مهاجم الدراويش العراقي مصطفي كريم والذي ينتهي عقده مع الإسماعيلي نهاية الموسم الحالي ويرفض تجديد عقده هناك والأهلي لديه مكان شاغر للاعب أجنبي ثالث بعد رحيل التونسي أنيس بوجلبان وهو يحتاج لمهاجم سوبر بحجم مصطفي كريم الذي رفض مؤخراً عرضاً من نادي الزمالك للانتقال إلي صفوفه الموسم القادم بعد أن أقنعه مدير أعماله بذلك نظراً لحالة عدم الاستقرار التي تمر بها القلعة البيضاء حالياً.
سبب اتجاه الأهلي لمصطفي كريم أنه لن يكلف النادي سوي مستحقاته الشخصية باعتباره انتقال حر بعكس أي لاعب أجنبي آخر قادم من إفريقيا مصطفي كان قد قطع شوطاً من المفاوضات مع فريق الغرافة القطري لكن العرض الأهلاوي جعل اللاعب يعيد التفكير من جديد خاصة أنه يرغب في البقاء بمصر التي تعود علي الإقامة فيها.
الكورة والملاعب علمت أن الأهلي سيعرض علي هداف الدراويش مبلغ مليون دولار مقابل توقيعه لمدة ثلاث سنوات وبالتأكيد أنها ستكون ضربة قوية للإسماعيلي في حالة إتمام الصفقة التي ستكون السابعة التي يبرمها الأهلي مع لاعبين ينتمون للقلعة الصفراء بعد محمد بركات وعماد النحاس وإسلام الشاطر ومحمد عبدالله وأحمد حسن وأحمد فتحي.
الأهلي لم يكتف بذلك وإنما قام بفتح قناة اتصال مع عمر جمال مهاجم الدراويش أيضا عن طريق عضو بمجلس الإدارة نجح في تدبير فرصة عمل للاعب في أحد القطاعات البترولية العقبة الوحيدة التي تقف أمام استكمال المفاوضات هي ارتباط اللاعب بعقد مع ناديه يمتد حتي نهاية الموسم القادم.
أما علي صعيد صراع القمة الرهيب بين كلا الناديين فسيترقب الأهلي باهتمام بالغ لقاء الإسماعيلي مع بتروجيت والذي سيقام غداً بالسويس ومما لا شك أن أي تعثر للدراويش أمام النادي البترولي والذي يشهد هذه الأيام حالة من التخبط بعد استقالة مختار مختار المدير الفني ومع أن المؤشرات تؤكد أن الإسماعيلي سيحاول استغلال الظروف التي يمر بها بتروجيت لصالحه.. وإذا نجح الإسماعيلي في تحقيق الفوز سيواصل مطاردته القوية للأهلي أما في حالة تعادله أو هزيمته فسيعود الفارق للاتساع بين كلاً الفريقين لمصلحة الفريق الأحمر.
مسلسل النزيف مستمر
كان الأهلي قد واصل مسلسل نزيف النقاط بتعادله أول أمس أمام اتحاد الشرطة ليصل الفارق نظريا بين الأهلي والاسماعيلي إلي نقطة واحدة لكن مازال هناك لقاء مؤجل لكل فريق فالأهلي سيلعب أمام الأوليمبي بالاسكندرية والاسماعيلي لديه لقاء مماثل أمام المقاولون العرب وكما ذكرنا سيحدد إلي شكل كبير لقاء بتروجيت شكل الصراع في الأسابيع القادمة.
عموما الجهاز الفني للأهلي وأداء لاعبيه سهلا من مأمورية اتحاد الشرطة الذي يعد الفريق الوحيد في الدوري الذي استطاع الحصول علي 4 نقاط من الأهلي حتي الآن حيث لجأ جوزيه إلي اللعب برأس حربة وحيد طوال 65 دقيقة كاملة من عمر اللقاء كما تسبب محمد بركات في البقية الباقية من عزيمة اللاعبين بعد طرده في منتصف الشوط الثاني. الأهلي خسر 9 نقاط علي التوالي كما فشل في تحقيق الفوز في 4 مباريات متتالية وهو معدل لم يحدث منذ 5 سنوات.
كان طلعت يوسف قد نجح في خنق المباراة من خلال لجوئه إلي اللعب بطريقة الستار الحديدي والتي تمكن بها من عزل هجوم الأهلي طوال المباراة.. وفي المقابل كان أداء لاعبي الأهلي باهتا خاصة ظهيري الجنب اللذين لم ينجحا في تمويل الهجوم الأحمر طوال 90 دقيقة.
منقول من الكرة والملاعب

AH_ALGAMAL
08-03-2009, 20:16
لازم نغلق اى ثغرة ممكن تكون عندنا

AH_ALGAMAL
08-03-2009, 20:18
لازم نغلق اى ثغرة ممكن تكون عندنا



اه ونشغل الفير وول

fire wall is turned on

:75_75:

جرامشي
08-03-2009, 20:29
أعتقد أن مقال الاستاذ رأفت الشيخ يعتمد على رؤية شخصية نتيجة تجاربنا الكثيرة جداً مع إدارات الأهلي المختلفة .. كما أن المقال المنقول عن جريدة الكورة والملاعب لا يمكن وصفه بأقل من التأليف الذي يصل إلى درجة الكذب ويكفي أن كاتب المقال لا يعرف أن مختار مختار لم يستقل من تدريب بتروجيت ، كما أن عقد مصطفى كريم ينتهي الموسم القادم وليس هذا الموسم .
الأمور الآن مختلفة ... جوزيه حول الأهلي إلى نادي غير مرغوب فيه ، ومازال أمامه موسم آخر أو موسمين سوف يقوم فيهما بمسح تاريخه السابق تماماً قبل أن يرحل ، وبالتالي الأهلي لم يعد يمثل أي جاذبية للاعبين المصريين والأجانب الذين يلعبون في مصر وخاصة بالنسبة للاعب كمصطفى كريم الذي لن يقبل الجلوس كإحتياطي لا في الأهلي ولا في أي مكان وفي أسوأ الأحوال في حال رغب في مغادرة الاسماعيلي فلن يرفض عرض الغرافة القطري من أجل الانضمام للأهلي .

hanin
09-03-2009, 00:53
ربنا يهد الاهلي ويريحنا منه