منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   الحوار العام General Discussion (http://www.ismaily-sc.com/vb/forumdisplay.php?f=2)
-   -   عيادة المنتدى (http://www.ismaily-sc.com/vb/showthread.php?t=20)

talhawy 16-01-2009 16:14

عيادة المنتدى
 
بسم الله الرحمن الرحيم

"واذا مرضت فهو يشفين"
صدق الله العظيم

اخوانى الاعزاء اعضاء منتدانا الغالى
باذن الله نفتتح توبيك العيادة وهو خدمة مجانية لاعضاء المنتدى الكرام وليتفضل اى طبيب او صيدلى فى المنتدى بتقديم الاستشارات الطبية والمقالات الطبية المفيدة والتى تنفع الاخوه الاعضاء فى كل ما يخص المجال الطبى والدوائى

والله المستعان

elshatby 16-01-2009 16:48

اهلا وسهلا بحبيبنا

شوفت وراك وراك لحد ما تدينى العلاج

darwishing 16-01-2009 16:50

منور نا يا دكتور احمد و عايزين العيادة تلعلع كده و تديها كشف و دواء مجاني بلاش فيزيته قوية ..اعمل معروف

talhawy 16-01-2009 16:57

اقتباس:

المشاركة الأصلية كتبت بواسطة elshatby (المشاركة 131)
اهلا وسهلا بحبيبنا

شوفت وراك وراك لحد ما تدينى العلاج

انا تحت امرك يا عمنا
بس ما انا قولتلك....لازم تعمل اشعة على فقرات الظهر وعظام الحوض

ولو دكتور قالك غير كده يبقى بيضحك عليك

talhawy 16-01-2009 16:58

اقتباس:

المشاركة الأصلية كتبت بواسطة darwishing (المشاركة 133)
منور نا يا دكتور احمد و عايزين العيادة تلعلع كده و تديها كشف و دواء مجاني بلاش فيزيته قوية ..اعمل معروف

النور نور حضرتك يا دكتور

والفيزيتة.....ظبطونا انتم فى الايجار واحنا نخفف على الزباين....ولو ممكن تدوهالنا تمليك يبقى عملتوا فينا معروف


:d:d:d

aboshady 16-01-2009 17:02

الف مبروك يا دكتور احمد العياده الجديده والمستقله

الايجار سنوي وبسعر معقول وياريت تهتم بالغلابه وتعمل يوم في الاسبوع او نصف يوم للغلابه وجماهير الاهلي

اتمني لك بدايه موفقه وزباين كتير لاني جماهير الاسماعيلي دائما مصابه بالضغط وحرم الدم والتعنيه

esmaelawy awy 16-01-2009 17:02

اقتباس:

المشاركة الأصلية كتبت بواسطة talhawy (المشاركة 109)
بسم الله الرحمن الرحيم

"واذا مرضت فهو يشفين"
صدق الله العظيم

اخوانى الاعزاء اعضاء منتدانا الغالى
باذن الله نفتتح توبيك العيادة وهو خدمة مجانية لاعضاء المنتدى الكرام وليتفضل اى طبيب او صيدلى فى المنتدى بتقديم الاستشارات الطبية والمقالات الطبية المفيدة والتى تنفع الاخوه العضاء فى كل ما يخص المجال الطبى والدوائى

والله المستعان

والله العظيم منورنا يا دكتور احمد
وان شاء الله عيادة موفقة يارب
واستشارة مجانية كده علي الماشي
مفيش حاجة للحنجرة المقطوعة عندي كل شوية دي

shehataalmasry 16-01-2009 17:25

الاخ العزيز الدكتور\ احمد نوار


ان شاء الله بالتوفيق

ولا تنسي المرضي الغلابة ...

talhawy 16-01-2009 17:28

اقتباس:

المشاركة الأصلية كتبت بواسطة aboshady (المشاركة 150)
الف مبروك يا دكتور احمد العياده الجديده والمستقله

الايجار سنوي وبسعر معقول وياريت تهتم بالغلابه وتعمل يوم في الاسبوع او نصف يوم للغلابه وجماهير الاهلي

اتمني لك بدايه موفقه وزباين كتير لاني جماهير الاسماعيلي دائما مصابه بالضغط وحرم الدم والتعنيه


الله يبارك فيك يا استاذ يسرى وان شاء الله تكون العيادة قدم الخير علينا ونعرف نتعشى بقى بدل ماكل يوم بنقضى عشانا نوم

talhawy 16-01-2009 17:31

اقتباس:

المشاركة الأصلية كتبت بواسطة esmaelawy awy (المشاركة 151)
والله العظيم منورنا يا دكتور احمد
وان شاء الله عيادة موفقة يارب
واستشارة مجانية كده علي الماشي
مفيش حاجة للحنجرة المقطوعة عندي كل شوية دي

دى حاجة بسيطة يا استاذ هشام
حتاخد حبوب ميجاليز يوميا.....دى بتريح اى التهابات فى الاحبال الصوتية
وحتاخد برشام استحلاب زى مثلا ...برادورال.....ده تاخده قبل الطلوع على الهوا للندوه ان شاء الله

اما لو فى التهابات جامدة او بحة فى الصوت فحتاخد مضاد حيوى زى مثلا...هايبويتك ا جم

حضرتك بقى تقدر تقدر الحالة بالظبط وتاخد اللى قولته على حسب شدة الحالة بالظبط

talhawy 16-01-2009 17:33

اقتباس:

المشاركة الأصلية كتبت بواسطة shehataalmasry (المشاركة 170)
الاخ العزيز الدكتور\ احمد نوار


ان شاء الله بالتوفيق

ولا تنسي المرضي الغلابة ...

ربنا يخلى حضرتك يا استاذ لطفى وان شاء الله بالتوفيق لنا جميعا فى منتدانا الحبيب

esmaelawy awy 16-01-2009 17:52

اقتباس:

المشاركة الأصلية كتبت بواسطة talhawy (المشاركة 176)
دى حاجة بسيطة يا استاذ هشام
حتاخد حبوب ميجاليز يوميا.....دى بتريح اى التهابات فى الاحبال الصوتية
وحتاخد برشام استحلاب زى مثلا ...برادورال.....ده تاخده قبل الطلوع على الهوا للندوه ان شاء الله

اما لو فى التهابات جامدة او بحة فى الصوت فحتاخد مضاد حيوى زى مثلا...هايبويتك ا جم

حضرتك بقى تقدر تقدر الحالة بالظبط وتاخد اللى قولته على حسب شدة الحالة بالظبط

الف شكر يا دكترة
وهجرب ان شاء الله
بس انت محطتش الدال قبل اسمك ليه يا دكترة
ده انت بقيت دكتور رسمي خلاص

talhawy 16-01-2009 17:55

اقتباس:

المشاركة الأصلية كتبت بواسطة esmaelawy awy (المشاركة 196)
الف شكر يا دكترة
وهجرب ان شاء الله
بس انت محطتش الدال قبل اسمك ليه يا دكترة
ده انت بقيت دكتور رسمي خلاص

مش حتفرق كتير والله يا استاذ هشام
انا هنا اخوكم الصغير


:):)

DaraweeshMySoul 16-01-2009 18:20

مبروك العيادة يا أبو حميد ... بس عرفنا الله يكرمك الحقنة اللي أخدها ابوتريكة في اللا مؤاخذة كانت عبارة عن ايه :p:p

talhawy 16-01-2009 19:08

اقتباس:

المشاركة الأصلية كتبت بواسطة daraweeshmysoul (المشاركة 211)
مبروك العيادة يا أبو حميد ... بس عرفنا الله يكرمك الحقنة اللي أخدها ابوتريكة في اللا مؤاخذة كانت عبارة عن ايه :p:p

الله يبارك فيك يا هندسة

اما الحقنة كانت حقنة ماركة بركات


:d:d:d

DaraweeshMySoul 16-01-2009 19:18

اقتباس:

المشاركة الأصلية كتبت بواسطة talhawy (المشاركة 221)
الله يبارك فيك يا هندسة

اما الحقنة كانت حقنة ماركة بركات


:d:d:d

لا ملعوبة ... حقنة بتوجع الحقيقة ... و اسأل الحضري كان بياخد كورس كامل منها ده سموه الحضري بركات على غرار الزيني بركات

talhawy 16-01-2009 19:30

اقتباس:

المشاركة الأصلية كتبت بواسطة daraweeshmysoul (المشاركة 224)
لا ملعوبة ... حقنة بتوجع الحقيقة ... و اسأل الحضري كان بياخد كورس كامل منها ده سموه الحضري بركات على غرار الزيني بركات

ماهو احنا يا بشمهندس هانى لو قعدنا نعد الحقن من هنا ومن هنا حنخلص السرنجات اللى فى العيادة ومش حاعرف ادفع الايجار وحيطردونى
:):)

canadiandarweesh 16-01-2009 20:04

أنا صيدلي مقيم بكندا و مستعد للمساهمة بتقديم أي خدمة أو إستشارة في حدود دوري كصيدلي وأنا تحت أمر أعضاء المنتدى الكرام و لدينا خدمة توصيل الطلبات للمنازل

talhawy 16-01-2009 20:11

اقتباس:

المشاركة الأصلية كتبت بواسطة canadiandarweesh (المشاركة 240)
أنا صيدلي مقيم بكندا و مستعد للمساهمة بتقديم أي خدمة أو إستشارة في حدود دوري كصيدلي وأنا تحت أمر أعضاء المنتدى الكرام و لدينا خدمة توصيل الطلبات للمنازل

طبعا يا دكتور حضرتك تشرفنا وتنورنا
وياريت نعمل جاهدين على افادة جميع الاخوة الاعضاء
وطبعا منتظرين مشاركات حضرتك

talhawy 16-01-2009 20:12


بسم الله الرحمن الرحيم


هذه المقالة موجهة للمرضى و الأطباء على حد سواء، و هي تعتمد على أحدث الدراسات و التوصيات العالمية في مجال تشخيص وعلاج زيادة الوزن، مع تفادي كل المواضيع و الطروحات غير الثابتة علمياً و التي تكثر في المجلات الترفيهية وغير المتخصصة.



تقييم مريض زيادة الوزن:

يعتمد تقييم المريض على دراسة مشعر كتلة الجسم (Body Mass index = BMI) و محيط الخصر و تقييم عوامل الخطورة المرضية.

حساب مشعر كتلة الجسم (BMI)



يتم حساب هذا المشعر بتطبيق المعادلة التالية:

مشعر كتلة الجسم = الوزن(كغ) \ مربع الطول (م2)

تصنيف الوزن حسب رقم مشعر كتلة الجسم:



- نقص الوزن أقل من 18.5

- الوزن الطبيعي = 18.5 – 24.9

- زيادة الوزن = 25 – 29.9

- بدانة درجة أولى = 30 – 34.9

- بدانة درجة ثانية = 35 – 39.9

- بدانة شديدة = أو أكثر من 40



محيط الخصر:

إن تراكم الدهون في منطقة البطن هو عامل خطورة قائم بذاته لعدد من الأمراض. لذلك فإن الرجال الذين يكون محيط الخصر لديهم أكثر من 100 سم، و النساء اللواتي يكون لديهن أكثر من 90 سم معرضون أكثر من غيرهم للإصابة بالداء السكري و اضطرابات شحوم الدم و الأمراض القلبية الوعائية.

يعد الأشخاص الذين لديهم زيادة في محيط الخصر أكثر عرضة للأمراض حتى و إن كان مشعر كتلة الجسم لديهم طبيعي.

إذا، يمكن لشخص ما أن يكون طبيعياً من حيث مشعر الكتلة، لكن لديه تراكم دهون في البطن فقط، مع زيادة محيط الخصر. مثل هؤلاء الأشخاص هم بحاجة أيضاً للعلاج.



تقييم عوامل الخطورة المرضية:

إن وجود عوامل خطورة مرضية أخرى يزيد من احتمال الإصابة بالأمراض لدى الأشخاص ذوي الوزن الزائد، لذلك لا بد من معالجة هذه العوامل بشكل مواز لعلاج زيادة الوزن. أهم هذه العوامل:

- التدخين

- ارتفاع ضغط الدم

- اضطراب كولسترول الدم

- الداء السكري

- اضطراب تحمل السكر

- وجود إصابات قلبية أو شريانية مبكرة في العائلة.

- العمر فوق 45 سنة للرجال و 55 سنة للنساء



من يجب أن يُنقص وزنه؟

الأشخاص الذين لديهم أحد المعايير التالية، عليهم العمل على إنقاص وزنهم:

- مشعر كتلة الجسم أكثر أو يساوي 30

- مشعر كتلة الجسم بين 25 – 29.9 مع عاملين خطورة أو أكثر

- محيط الخصر أكثر من 88 سم للنساء و أكثر من 102 سم للرجال مع عاملين خطورة أو أكثر.

بالنسبة للأشخاص الذين لديهم مشعر كتلة الجسم بين 25 – 29.9 دون عوامل خطورة أخرى، يفضل تشجيعهم على إنقاص الوزن، دون أن يكون ذلك ضرورة طبية.



أهداف العلاج:

الهدف الرئيس من العلاج هو إنقاص الوزن و الوصول به إلى أفضل رقم ممكن و الحفاظ عليه دون عودة اكتساب زيادة جديدة.

يتم اتخاذ قرار إنقاص الوزن باتفاق مشترك بين الطبيب المعالج و المريض.

الهدف الأولي يجب أن يكون إنقاص الوزن بمعدل 10 % خلال الأشهر الستة الأولى. بعد تحقيق الهدف الأولي، و الحفاظ عليه لمدة ستة أشهر أخرى، يمكن تحديد أهداف جديدة.

يتألف العلاج من ثلاثة أركان هي : الحمية الغذائية، الرياضة، و المعالجة السلوكية. يتم إتباع هذه الأركان الثلاثة لمدة ستة أشهر على الأقل قبل التفكير بإضافة علاج دوائي.



سرعة إنقاص الوزن:

إنقاص الوزن بنسبة 10 % خلال الأشهر الستة الأولى هو أمر منطقي و مقبول. إنقاص الوزن بسرعة نصف إلى 1 كغ في الاسبوع هو أيضاً أمر مقبول و كاف.



مضادات استطباب إنقاص الوزن:

المرضى الذين يُمنعون من إنقاص وزنهم، هم:

- النساء الحوامل و المرضعات

- الأشخاص الذين لديهم أمراض نفسية حادة غير مسيطر عليها (مثل الاكتئاب الشديد)

- المرضى المصابين بأمراض حادة تحتاج إلى تغذية فعالة



الحمية الغذائية:

حجر الأساس في الحمية الغذائية هو تخفيف الحريرات الداخلة إلى الجسم. يجب تخفيف الحريرات المأكولة بمقدار 500 – 1000 حريرة عن المعدل الاعتيادي للمريض. بشكل عام يتم اختيار حمية تحتوي على 1000 – 1200 حريرة\يوم للنساء، و 1200 – 1600 حريرة\يوم للرجال.

يكون الاعتماد الأساسي في الحمية على الخضار و الفواكه و البروتينات، مع إنقاص كبير في كمية الدسم (الدهون و الزيوت) و السكريات المصنعة و النشويات.

و هناك عدد كبير من الأنظمة الغذائية المنشورة في مراجع عديدة، لكن المريض يمكنه أن يطبق الحمية التي يريدها على أساس التنوع و الحفاظ على التوصيات السابقة و ذلك بالتنسيق مع الطبيب المعالج.



الرياضة:

الرياضة جزء لا يتجزأ من برنامج إنقاص الوزن و الحفاظ عليه. في البدء، يمكن ممارسة رياضة متوسطة الشدة لمدة 30 – 45 دقيقة، 3 – 5 مرات أسبوعيا. لكن الهدف الحقيقي يجب أن يكون الوصول إلى 30 دقيقة على الأقل، من الجهد المتوسط أو العالي، يومياً.

و كما ذكرنا سابقاً، الرياضة جزء لا يمكن الاستغناء عنه، و إن كانت هي بذاتها لا تُنقص الوزن إلا بمرافقتها بالحمية الغذائية، لكنها تمنع ضمور النسيج العضلي، و تساهم في المحافظة على الوزن الذي تم الوصول إليه.

يجب أن تبدأ الرياضة بشكل بطيء و تدريجي، و يختار المريض الرياضة التي يسره ممارستها أكثر، بعد أخذ رئي الطبيب المعالج حول عدم وجود أمراض أخرى تمنع هذا النوع من الرياضة.



المعالجة السلوكية:

تتم بإشراف أطباء الأمراض النفسية، و هي تهدف إلى مساعدة المريض على تخطي الحواجز النفسية لمتابعة الحمية الغذائية أو ممارسة الرياض.

بعض النصائح البسيطة في هذا المجال يمكن أن تكون:

- عدم تناول أية أطعمة خارج أوقات الوجبات الرئيسية

- وضع برنامج توقيت واضح لوجبات الطعام

- تنظيف الأسنان بشكل جيد بعد كل وجبة طعام لأن هذا الأمر يساعد في الامتناع عن الأكل بين الوجبات

- عدم تناول الطعام أمام التلفاز



العلاج الدوائي:

يمكن استعمال الأدوية للمرضى الذين يكون مشعر كتلة الجسم لديهم أكثر من 30، و الذين ليست لديهم أمراض تمنع استعمال هذه الأدوية.كما يمكن استعمالها لدى المرضى الذين اتبعوا التوصيات السابقة بشكل جيد لمدة 6 أشهر على الأقل، دون الحصول على النقص المطلوب في الوزن. كما لا يجب استعمال الأدوية للتنحيف الجمالي فقط، بل لتخفيف الوزن الطبي.

الأدوية المستخدمة و المسموح بها حالياً هي:

-Sibutramine

- Orlistat

تشير الدراسات المجراة على هذه الأدوية، إلى أن المرضى الذين يستجيبون للعلاج الدوائي منذ البداية، يتابعون الاستجابة طوال مدة العلاج، أما الذين لا يبدون استجابة أولية فلن تحصل لديهم أية استجابة فيما بعد حتى لو تمت زيادة الجرعات.

إذاً، في حال حصول نقص وزن خلال الأشهر الستة الأولى نتيجة استعمال الدواء، يمكن متابعة استعماله، و إلا فلا فائدة من ذلك.

كما يجب لفت الانتباه إلى نقطة هامة، هي أن الدواء لا يغني عن الحمية الغذائية و الرياضة، بل هو مساعد لهما و مشارك.

يجب استعمال الدواء لفترات طويلة جداً، حتى الحصول على النتائج المطلوبة و الحفاظ عليها، علماً أن الأعراض الجانبية التي قد تنتج قليلة و عديمة الخطورة و قابلة للتراجع، و أن استعمال الدواء لفترات قصيرة أمر عديم الجدوى.

موانع استعمال Sibutramine هي:

- ارتفاع ضغط الدم

- أمراض القلب كافة

- الحوادث الوعائية الدماغية

أما أعراضه الجانبية فهي ارتفاع ضغط الدم فقط.

بالنسبة لدواء Orlistat فإن أعراضه الجانبية الأساسية هي نقص الفيتامينات و الإسهال. لذلك يستحسن استعمال الفيتامينات المتنوعة أثناء أخذ هذا الدواء.

العلاج الجراحي:

يعد العلاج الجراحي حلاً جيداً للمرضى الذين يكون مشعر كتلة الجسم لديهم أعلى أو يساوي 40، أو الذين لديهم مشعر أعلى من 35 مع أمراض أخرى مرافقة.

لا يتم اللجوء لهذا العلاج إلا بعد فشل كافة المعالجات السابقة.

هناك نوعان من الجراحة أثبتتا فعالية جيدة:

- جراحات تقليص حجم المعدة (مثل التطويق) و هي الأكثر استعمالاً. وأفضل طريقة لتصغير المعدة هي طريقة الحلقة القابلة للضبط من الخارج. هذه العملية هي بلا شك من العمليات الناجحة التي قدمت للمصابين بالبدانة المرضية حلاً رائعاً دون تعريضهم لعمل جراحي كبير. حيث أن هذه العملية تُجرى بالمنظار من خلال أربع أو خمس ثقوب في البطن. وهذه الحلقة توضع حول أعلى المعدة لتشكل جيباً صغيراً أعلى المعدة مجرد امتلائه بكمية قليلة جداً من الطعام يعطي للشخص شعوراً بالشبع يدوم فترة طويلة. وبذلك تساعد البدين على إنزال وزنه الزائد بشكل متوازن وثبات وزنه بعد ذلك بشكل دائم. وليس لهذه العملية أية آثار
سلبية فيما لو تم تركيب الحلقة بشكل جيد وبيد خبيرة واتبع المريض التعليمات المعطاة له بشكل دقيق خاصة في الأسابيع الأولى بعد التركيب.

- جراحة تخفيف امتصاص الطعام (مجازة المعدة على شكل Y) و هي أقل استعمالاً بسبب أعراضها الجانبية



نصائح لتلافي عودة زيادة الوزن:

بعد الحصول على وزن مثالي، يصبح الهدف الأساسي هو المحافظة عليه. لذلك لا بد للمريض من متابعة الحمية الغذائية و الرياضة بشكل دائم، و عدم التوقف عن ذلك مدى العمر، لأن العودة إلى العادات السابقة سوف يعرضه لاكتساب الوزن الزائد مجدداً. كما يمكن متابعة تناول الأدوية لمدة سنتين بعد الوصول إلى الوزن المطلوب، و ذلك لمساعدة المريض على الحفاظ عليه





canadiandarweesh 16-01-2009 20:31

اقتباس:

المشاركة الأصلية كتبت بواسطة talhawy (المشاركة 244)
طبعا يا دكتور حضرتك تشرفنا وتنورنا
وياريت نعمل جاهدين على افادة جميع الاخوة الاعضاء
وطبعا منتظرين مشاركات حضرتك

الله يخليك يا دكتور أحمد أنا أسمي جورج و طبعاً دة شيء يسعدني اني اشارك معكم و عموماً التشخيص عليك و line of treatments عليا أنا و كمان كل ال-OTC هتكون عليا و دة طبعاً علشان ما نتخنقش على الزباين

talhawy 16-01-2009 20:37

اقتباس:

المشاركة الأصلية كتبت بواسطة canadiandarweesh (المشاركة 255)
الله يخليك يا دكتور أحمد أنا أسمي جورج و طبعاً دة شيء يسعدني اني اشارك معكم و عموماً التشخيص عليك و line of treatments عليا أنا و كمان كل ال-otc هتكون عليا و دة طبعاً علشان ما نتخنقش على الزباين

اهلا بحضرتك يا دكتور جورج
وعموما مفيش خناقة ويجب ان نتعاون سويا لندفع الايجار والا حيحجزوا علينا ويشمعولنا العيادة بالشمع اللبنى الفاتح
:):)
وعموما يا دكتور جورج اى واحد فينا متواجد ولقى استشارة او استفسار من اى عضو يرد عليه مباشرة توفيرا للوقت وحرصا على سرعة الاستشارات

canadiandarweesh 16-01-2009 20:52

اقتباس:

المشاركة الأصلية كتبت بواسطة talhawy (المشاركة 257)
اهلا بحضرتك يا دكتور جورج
وعموما مفيش خناقة ويجب ان نتعاون سويا لندفع الايجار والا حيحجزوا علينا ويشمعولنا العيادة بالشمع اللبنى الفاتح
:):)
وعموما يا دكتور جورج اى واحد فينا متواجد ولقى استشارة او استفسار من اى عضو يرد عليه مباشرة توفيرا للوقت وحرصا على سرعة الاستشارات

خلاص يا دكتور اتفقنا و على فكرة أنا كنت متابع لمقالاتك في اونلاين و أحب أهنيك على غزاره معلوماتك و متابعتك لأحدث المقالات العلمية

talhawy 16-01-2009 20:58

ربنا يخليك يا دكتور جورج وانا كنت بانقل المقالات واراجعها وانزلها فى المنتدى وفى بعض الاحيان ايضا كنت انا اللى باكتب المقالات واتمنى برده ان حضرتك تجيبلنا مقالات كمان وكمان

بس رجاء خاص يا دكتور جورج
كبر الخط ياعمنا...انا مش عايز البس نضارة....انا لسه شباب
:p:p:p

Orange 16-01-2009 23:22

الف مبروك العيادة الجديدة

talhawy 17-01-2009 02:22

اقتباس:

المشاركة الأصلية كتبت بواسطة asem_alla (المشاركة 331)
الف مبروك العيادة الجديدة

الله يبارك فيك يا عاصم

:):)

Orange 17-01-2009 03:35

يا دكتور انا لقيت كتلة المشعر عندي 27.34375
و انا عايز اوصل للوزن المثالي
لان حاسس كدا ان حالتي هي اللي هتجيبلي اكتئاب
انا بعمل رياضة كل يوم 40 ضغط , بس عايز حاجة مثلاً تمنعني من الاكل في الاوقات ما بين الوجبات الأساسية
او تمنعني من الافراط في الاكل في الوجبات الاساسية , و اتمنى ان يكون في فاكهة او خضار بيسدوا النفس او اي حاجة تفيدني في حالتي دي .

talhawy 17-01-2009 04:06

اقتباس:

المشاركة الأصلية كتبت بواسطة asem_alla (المشاركة 386)
يا دكتور انا لقيت كتلة المشعر عندي 27.34375
و انا عايز اوصل للوزن المثالي
لان حاسس كدا ان حالتي هي اللي هتجيبلي اكتئاب
انا بعمل رياضة كل يوم 40 ضغط , بس عايز حاجة مثلاً تمنعني من الاكل في الاوقات ما بين الوجبات الأساسية
او تمنعني من الافراط في الاكل في الوجبات الاساسية , و اتمنى ان يكون في فاكهة او خضار بيسدوا النفس او اي حاجة تفيدني في حالتي دي .

طيب ياعم عاصم انت تقريبا فى نطاق الطبيعى...انا حسبتها لنفسى لقيتنى 18 وشوية
:confused::confused:

عموما افضل شئ علشان ماتفرطش فى الاكل بين الوجبات انك بعد كل وجبه تشرب ميه كتير وتعمل رياضة خفيفة قبل كل وجبه علشان تحس بالجوع فتاكل لحد الشبع وماتاكلش تانى بين الوجبات
اهم شئ زى ماقلتلك اشرب ميه كتير بعد كل وجبه

canadiandarweesh 17-01-2009 04:16

اقتباس:

المشاركة الأصلية كتبت بواسطة asem_alla (المشاركة 386)
يا دكتور انا لقيت كتلة المشعر عندي 27.34375
و انا عايز اوصل للوزن المثالي
لان حاسس كدا ان حالتي هي اللي هتجيبلي اكتئاب
انا بعمل رياضة كل يوم 40 ضغط , بس عايز حاجة مثلاً تمنعني من الاكل في الاوقات ما بين الوجبات الأساسية
او تمنعني من الافراط في الاكل في الوجبات الاساسية , و اتمنى ان يكون في فاكهة او خضار بيسدوا النفس او اي حاجة تفيدني في حالتي دي .

شوف يا أستاذ عاصم الخضروات المحتوية على الألياف هي التي سوف تقوم بهذا العمل لانها تمتص سوف تمتص المياه الموجودة في الأمعاء و بالبلدي هتنفش مما سوف يعطي لك شعور بالامتلاء وهو ما سيؤدي إلي الشبع و من أفضل هذه الخضروات الخس أو رده الخبز أما عن الأدوية فهناك ما يسمي بل metamucil و هو عبارة عن بودرة تذاب في الماء أو أقراص و هي تستخدم على نطاق واسع سي أمريكا و كندا لرخص ثمنها و عدم وجود أثار جانبية تقريباً مع خالص تحياتي

canadiandarweesh 17-01-2009 04:34

اقتباس:

المشاركة الأصلية كتبت بواسطة talhawy (المشاركة 276)
ربنا يخليك يا دكتور جورج وانا كنت بانقل المقالات واراجعها وانزلها فى المنتدى وفى بعض الاحيان ايضا كنت انا اللى باكتب المقالات واتمنى برده ان حضرتك تجيبلنا مقالات كمان وكمان

بس رجاء خاص يا دكتور جورج
كبر الخط ياعمنا...انا مش عايز البس نضارة....انا لسه شباب
:p:p:p

علشان خطرك بس يا دكتور أنا باحاول أكبر الخط أدينا بنكافح و يا عم إن كانوا ٦ سنين طب ما عرفتش تلبسك نضارة تفتكر مداخلاتي المتواضعة هتنجح في كدة و يا رب ما تنجح علشان إنت محتاج عنيك للكشوفات إلا إذا كنت ناوي تتخصص نساء :)

Orange 17-01-2009 04:35

الف شكر للدكتور جورج ... هو دا بالظبط اللي انا عايز اعرفه
احمد ... انت متأكد انك قسمت الوزن على مربع طولك ؟؟ اصل انا في الاول غلطت و قسمتها على مربع 2 زي ما هو مكتوب بين القوسين , المشكلة يا احمد مش في الشبع او الجوع , المشكلة في لذة الاكل نفسه وانت عارف الاكلات المصرية , يعني تلاقيني باكل وانا شبعان و بعد ما اخلص اكل اندم و بحس انني اول ما اصحى من النوم كرشي هيكبر مترين , يعني الخلاصة انا عايز حاجة تسد نفسي عن الاكل .


canadiandarweesh 17-01-2009 04:52

اقتباس:

المشاركة الأصلية كتبت بواسطة asem_alla (المشاركة 397)
الف شكر للدكتور جورج ... هو دا بالظبط اللي انا عايز اعرفه
احمد ... انت متأكد انك قسمت الوزن على مربع طولك ؟؟ اصل انا في الاول غلطت و قسمتها على مربع 2 زي ما هو مكتوب بين القوسين , المشكلة يا احمد مش في الشبع او الجوع , المشكلة في لذة الاكل نفسه وانت عارف الاكلات المصرية , يعني تلاقيني باكل وانا شبعان و بعد ما اخلص اكل اندم و بحس انني اول ما اصحى من النوم كرشي هيكبر مترين , يعني الخلاصة انا عايز حاجة تسد نفسي عن الاكل .


تحت أمرك يا أستاذ عاصم و أتمني أن تكون مداخلتي ذات فائدة فعلاً و اشوفك كمان أسبوع في الاستشارة بس أنا المرة د إلي محتاج إستشارة غير طبية أنا عايز أعرف ازاي أكبر الخط بتاعي و أغير اللون و شكراً مقدماً

Orange 17-01-2009 04:56

اقتباس:

المشاركة الأصلية كتبت بواسطة canadiandarweesh (المشاركة 398)
تحت أمرك يا أستاذ عاصم و أتمني أن تكون مداخلتي ذات فائدة فعلاً و اشوفك كمان أسبوع في الاستشارة بس أنا المرة د إلي محتاج إستشارة غير طبية أنا عايز أعرف ازاي أكبر الخط بتاعي و أغير اللون و شكراً مقدماً

الله يخليك يا دكتور
بالنسبة للخط يمكن عشان انت بتستعمل الرد السريع اللي بيكون جاهز تحت الصفحة
لكن لو عايز تنسق الخط هتلاقي مربع فوق الرد السريع اسمه post reply

canadiandarweesh 17-01-2009 05:00

اديني هجرب أهو يا أستاذ عاصم و شكراً مقدماً

talhawy 17-01-2009 13:04

اقتباس:

المشاركة الأصلية كتبت بواسطة asem_alla (المشاركة 397)
الف شكر للدكتور جورج ... هو دا بالظبط اللي انا عايز اعرفه
احمد ... انت متأكد انك قسمت الوزن على مربع طولك ؟؟ اصل انا في الاول غلطت و قسمتها على مربع 2 زي ما هو مكتوب بين القوسين , المشكلة يا احمد مش في الشبع او الجوع , المشكلة في لذة الاكل نفسه وانت عارف الاكلات المصرية , يعني تلاقيني باكل وانا شبعان و بعد ما اخلص اكل اندم و بحس انني اول ما اصحى من النوم كرشي هيكبر مترين , يعني الخلاصة انا عايز حاجة تسد نفسي عن الاكل .


ايوه ياعم انا الاول ضربت الطول فى نفسه وبعدين خدت وزنى قسمته على الناتج وطلع 18 وشوية
انا خسيت
انا باضييييييييييييييع يا ولاد

:(:(:(
لو عايز تسد نفسك عن الاكل يبقى تشرب ميه كتير وتاكل الياف وخضروات كتير

talhawy 17-01-2009 13:05

اقتباس:

المشاركة الأصلية كتبت بواسطة canadiandarweesh (المشاركة 396)

علشان خطرك بس يا دكتور أنا باحاول أكبر الخط أدينا بنكافح و يا عم إن كانوا ٦ سنين طب ما عرفتش تلبسك نضارة تفتكر مداخلاتي المتواضعة هتنجح في كدة و يا رب ما تنجح علشان إنت محتاج عنيك للكشوفات إلا إذا كنت ناوي تتخصص نساء :)

ده هو اكتر حاجة محتاجة عينين تخصص النسا ياعم جورج
ماتخليك محضر خير ياعم
:p:p

daraweeshy 17-01-2009 13:43

ربنا يجعل التوبيك دا في ميزان حسناتك يا دكتور طلحاوي

ولو في اي مشاكل صحية أكيد حاخد بالاسباب واجي لك

انا عندي مشكلة ولكنها "ليست صحية" .. وبالتالي ملوش لزوم اعرضه عليك ولو ان ممكن بردو تنصحني بعلاج :confused:

ناصر 17-01-2009 13:44

حلال عليك عياده اهه من بابها
ولوحدك بعد ماكنت فى عيادة شرك

AYMANDYAB 17-01-2009 16:06

اقتباس:

المشاركة الأصلية كتبت بواسطة talhawy (المشاركة 246)


أما أعراضه الجانبية فهي ارتفاع ضغط الدم فقط.


نفهم من كده ان تاثيره زي الفياجرا؟؟؟؟

AH_ALGAMAL 17-01-2009 20:35

الله دة الحبايب كلهم هنا

نوار وابو مصطى ودراويشينج وابو شادى واسماعيلاوى اوى
و ا/ سمير ود.اكرام وابو عماد

وغيرهم

حقيقى انا كنت اكر انى مش هشكم تانى

وبس بردو ان صعبان على اونلاين

يلا بقى مرحب ب sc

عقبال الصفحة الرئيسية

خلى بالكو الناس الى عاملة الموقع الصحة الرئيسية كدة مش كويسة عارضة كل الولدرات الى فى الموقع

كدة بتسهل اختراق الموقع يالا سلامى للاعضاء

معلش انا كتبت المشاركة هنا اى مدير يبقى ينلها المكان الى بيحبة عشان مستعجل


الساعة الآن: 11:33

Powered by vBulletin ®

Security byi.s.s.w