منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   الحوار العام General Discussion (http://www.ismaily-sc.com/vb/forumdisplay.php?f=2)
-   -   عيادة المنتدى (http://www.ismaily-sc.com/vb/showthread.php?t=20)

talhawy 10-02-2009 02:09

اقتباس:

المشاركة الأصلية كتبت بواسطة hossam (المشاركة 9782)
حليب الإبل بديل “الانسولين” لمرضى السكر

تشير العديد من الدراسات الى أن لحليب الإبل فوائد طبية وصحية كثيرة خصوصا عندما تتغذى الإبل على الأعشاب والنباتات الطبيعية بعد هطول الأمطار في المراعي البرية ومن أهم تلك الفوائد الصحية أنه يقي الإنسان من أمراض هشاشة وتآكل العظام لدى المسنين والكساح عند الأطفال وذلك لاحتوائه على نسبة كبيرة من أملاح الكالسيوم والفسفور فضلا عن أن سكر حليب الإبل يدخل في تركيب وبناء الخلايا العصبية وخلايا الدماغ. ويسهم حليب الإبل في تنظيم السكر حيث تم اكتشاف بروتين خاص في حليب الإبل ذي فاعلية مشابهة لعمل هرمون الأنسولين وبتركيز 40 وحدة لكل لتر من الحليب بالإضافة إلى أنه بطيء التجبن تحت تأثير حموضة المعدة أو إنزيم الرنين

الخبر ده نشر فى اكتر من جريده امس بس فيه مشكله واحده منين نجيب جمل اتغذى على أعشاب بريه بعد هطول المطر

يا اهلا يا باشا
الكبير وصل عيادته يا جدعان
كنت مستنيك من زمااااااااااااااااااان.....وكنت صابر صبر الجمال فى الصحرا
LaughLaugh

talhawy 10-02-2009 02:12

اقتباس:

المشاركة الأصلية كتبت بواسطة esmaelawy awy (المشاركة 9799)
احنا نعمل مزرعة برية
ونجيب جمل مولود
ونربيه في المزرعة
ولما ييجي الشتا نشرب اللبن


:teeth_smile: :teeth_smile: :teeth_smile: :teeth_smile:

عباس طلع على الحجاز
خد الناقة.......وشرخ
والناقة هى مدام الجمل...وام الجمل المولود

CoolLaugh

talhawy 10-02-2009 19:01

لوحظ فى الفترة الاخيرة ارتفاع ضغط الدم لدى الكثير من اعضاء المنتدى علشان كده احنا كطاقم العيادة نحاول انقاذ ما يمكن انقاذه قبل ما يحصل للناس حاجة وحشة لاقدر الله

من فوائد الشاي الأخضر.. تقليل الاصابة بضغط الدم والتوتر



أفادت دراسة تايوانية أن الأشخاص الذين يشربون الشاي الأخضر هم اقل عرضة للإصابة بضغط الدم من الأشخاص الذين لا يتناولون هذا النوع من الشاي.

فقد أشار البحث أن الأشخاص الذين يشربون الشاي الأخضر بكميات اكبر وبشكل يومي تنخفض لديهم علامات التوتر وهو العامل الأساسي الذي يؤدي إلى الإصابة بارتفاع ضغط الدم والجلطات.

إن بعض أنواع الشاي تحتوي على 4000 نوع من المركبات الكيماوية بما فيها مركب يسمى Flavonoids الذي يحمي من النوبات القلبية والجلطات بالإضافة إلى الفشل الكلوي.

لقد شمل البحث 1500 شخص ممن لم يكونوا يعانون من التوتر وبعد ذلك قامت مجموعة منهم بشرب الشاي بمعدل 4 إلى 20 اونصة يوميا وتبين بعد عام من المراقبة أن الأشخاص الذين تناولوا الشاي الأخضر كانوا اقل عرضة للإصابة بارتفاع ضغط الدم بنسبة 46%.



وقد أشارت الدراسة كذلك أن شرب 600 مل من الشاي الأخضر أو اكثر يخفض نسبة الإصابة بالتوتر بنسبة 65%. جدير بالذكر أن حوالي 40% ممن شملتهم الدراسة كانوا يشربون الشاي قبل إجراء الدراسة وانهم من الذكور الصغار بالسن الذين يدخنون ويشربون الكحول ولا يتبعون نظام غذائي صحي غني بالخضراوات.



هذا وحول المزيد من فوائد الشاي الأخضر الكثيرة فقد أكد العلماء في كلية هارفارد الطبية مؤخرا، أن تناول الفواكه والشاي الأخضر ضمن الوجبات الغذائية اليومية يعزز وسائل الدفاع في الجسم، وخصوصا في الجهاز الهضمي، ويمثل قوة فتاكة ضد السرطان.

وأوضح الخبراء في الدراسة ، أن المركبات الفينولية الطبيعية الموجودة في الشاي الأخضر وتعرف اختصارا باسم (EGCG )تتمتع بخصائص وقائية مضادة للأورام السرطانية التي تؤثر على عدد من أعضاء الجهاز الهضمي.

فقد استخدم الصينيون الشاي الأخضر قبل عدة آلاف من السنين واعتبروه مفيدا من الناحية الصحية، بما في ذلك معالجة الصداع، الغثيان والإسهال. وفي أيامنا هذه يتناول الناس خلاصة الشاي الأخضر كمكمل غذائي اعتقادا منهم أنه يمكن أن يساعدهم على الوقاية من السرطان وأمراض القلب.



ولكن!! هناك بعض المحاذير الخاصة بتناول الشاي الأخضر كمكمل غذائي بسبب احتوائه على 2-4 بالمائة من الكافيين أي أقل مما يحتويه كوب من القهوة بقليل. ومن الأعراض الجانبية للشاي الأخضر، الهياج، الأرق، تسارع نبضات القلب، وذلك بسبب احتوائه على الكافيين.

واستمر الباحثون بدراسة آثار الشاي الأخضر على سرطان البروستات والأشكال الأخرى منه وأظهرت دراساتهم أنه يمكن أن يساعد في خفض معدل الإصابة بمرض القلب والجلطة الدماغية وتخفيف الوزن ومنع تسوس الأسنان.

ومن الجدير بالذكر ما كشفه الباحثون في سويسرا عن إمكانية تخفيف الوزن بشكل فعال باستخدام الشاي الأخضر الذي يحتوي على مكونات طبيعية تساعد في زيادة حرق الدهون والسعرات الحرارية في الجسم.

وأوضح الباحثون في جامعة فرايبورج بسويسرا أن بعض المكونات النباتية الموجودة في الشاي الأخضر تساعد في تعديل النظام الكظري الودي في الجسم الذي ينظم السعرات الحرارية وعمليات حرق الدهون ومواد كيميائية عصبية معينة عبر الجهاز العصبي الودي (السيمبثاوي) والغدد الكظرية فوق الكلوية، مشيرين إلى أن الإشارات العصبية الكظرية الودية تغير معدل حرق الدهون لذلك فإن المركبات التي تؤثر على هذا النظام قد تغير بنية الجسم بشكل ملحوظ.

وهدف البحث السويسري هو التعرف على خصائص حرق الدهون التي يتمتع بها الشاي الأخضر من خلال اختبار آثاره على استهلاك الطاقة في 24 ساعة وأكسدة الدهون في البشر وبحث ما إذا كانت أثاره الأيضية أكبر من تلك التي تحدثها نفس الكمية من الكافيين الذي يعتبر عاملاً حرارياً خفيفاً.

وأشار الباحثون إلى عملية توليد السعرات الحرارية أو حرق السعرات الزائدة تنتج حرارة أكبر في علميات الأيض أثناء فترة الراحة لذلك فإن تناول مادة مولدة للحرارة يزيد استهلاك الجسم للطاقة الناتجة عن حرق الدهون، واستند الباحثون في دراستهم عل متابعة عشرة رجال أصحاء تلقوا ثلاث جرعات يومية إما من دواء عادي أو 50 ملليجراماً من الكافيين أو خلاصة الشاي الأخضر التي تحتوي على 50 ملليجرام كافيين و 90 ملليجراما من مادة "ايبيجاللوكاتيشين جاليت" أحد أهم مركبات الكاتيشين الموجودة في الشاي.



أن تناول خلاصة الشاي الأخضر سبب زيادة كبيرة في استهلاك طاقة الـ 24 ونسبة السعرات الدهنية المحروقة بصورة أكبر مما أحدثه الكافيين النقي والدواء العادي.

وخلص الباحثون إلى أن خلاصة الشاي الأخضر قد تلعب دورا في السيطرة على بنية الجسم من خلال التنشيط السيمبثاوي للتوليد الحراري أو عملية أكسدة الدهون أم كلتيهما معاً. أن حوالي 266 من السعرات الحرارية الزائدة تحرق يومياً عند تناول منتجات الشاي الأخضر.

ومن ضمن القائمة الطويلة لفوائد الشاي الأخضر العلاجية، خرج الباحثون بدراسة جديدة تؤكد أن تناول فنجان من هذا الشاي يحمي اللثة والأسنان ويقاوم البكتيريا الضارة التي تسبب رائحة النفس الكريه

hossam 10-02-2009 23:42

اقتباس:

المشاركة الأصلية كتبت بواسطة talhawy (المشاركة 9826)
يا اهلا يا باشا
الكبير وصل عيادته يا جدعان
كنت مستنيك من زمااااااااااااااااااان.....وكنت صابر صبر الجمال فى الصحرا
laughlaugh

خلاص يعنى عرفنا انا و استاذ هشام مين اللى هيجيب لينا حليب الابل

دينونا 11-02-2009 02:01

[QUOTE=talhawy;10032][FONT=Comic Sans MS][SIZE=5][COLOR=Blue][SIZE=6][COLOR=Red]لوحظ فى الفترة الاخيرة ارتفاع ضغط الدم لدى الكثير من اعضاء المنتدى علشان كده احنا كطاقم العيادة نحاول انقاذ ما يمكن انقاذه قبل ما يحصل للناس حاجة وحشة لاقدر الله



طب لو سمحت يا دكتور شوف حاجة ترفع ال Dopamine وتقلل ال Acetyl choline
عشان بس الحاله النفسوية وكده وفى ماتش جاى وفالنتين وحاجات كده!!!!
:cry_smile:

hossam 11-02-2009 02:18

[quote=دينونا;10183]
اقتباس:

المشاركة الأصلية كتبت بواسطة talhawy (المشاركة 10032)
[font=comic sans ms][size=5][color=blue][size=6][color=red]لوحظ فى الفترة الاخيرة ارتفاع ضغط الدم لدى الكثير من اعضاء المنتدى علشان كده احنا كطاقم العيادة نحاول انقاذ ما يمكن انقاذه قبل ما يحصل للناس حاجة وحشة لاقدر الله



طب لو سمحت يا دكتور شوف حاجة ترفع ال dopamine وتقلل ال acetyl choline
عشان بس الحاله النفسوية وكده وفى ماتش جاى وفالنتين وحاجات كده!!!!
:cry_smile:

طبعا انتى تقصدى السيروتنين او زى ما بيطلقوا عليه هرمون السعاده و اللى ناقص عندنا جدا بعد ماتش انبى و مرتفع جدا عند الاهلاوى الدكتور احمد طبعا بعيد عن الادويه فى اشياء ممكن ترفع مستوى السيروتونين لمستوى يشعرك بالاعتدال النفسي زى اكل الشيكولاته او المشى فى الشمس او عمل تمرينات ريااضيه بشكل يومى اما بالنسبه للادويه فطبعا مش هاقول فنبعد عنها احسن او هاتكلم عليها فى وقت تانى

talhawy 11-02-2009 02:27

[quote=دينونا;10183]
اقتباس:

المشاركة الأصلية كتبت بواسطة talhawy (المشاركة 10032)
[font=Comic Sans MS][size=5][color=Blue][size=6][color=Red]لوحظ فى الفترة الاخيرة ارتفاع ضغط الدم لدى الكثير من اعضاء المنتدى علشان كده احنا كطاقم العيادة نحاول انقاذ ما يمكن انقاذه قبل ما يحصل للناس حاجة وحشة لاقدر الله



طب لو سمحت يا دكتور شوف حاجة ترفع ال Dopamine وتقلل ال Acetyl choline
عشان بس الحاله النفسوية وكده وفى ماتش جاى وفالنتين وحاجات كده!!!!
:cry_smile:

استنى استنى
امسك عندك
انت فى كلية ايه يا دينونا ؟؟
البتاعين المنيلين دول مايعرفهمش غير حد فى طب او صيدلة او اسنان

talhawy 11-02-2009 02:30

[quote=hossam;10195]
اقتباس:

المشاركة الأصلية كتبت بواسطة دينونا (المشاركة 10183)

طبعا انتى تقصدى السيروتنين او زى ما بيطلقوا عليه هرمون السعاده و اللى ناقص عندنا جدا بعد ماتش انبى و مرتفع جدا عند الاهلاوى الدكتور احمد طبعا

يا سلام يا دكتور حسام
ده انا عندى اليومين دول سيروتينين يكفى بلد بحالها
اصلى خلاص بعد سنين من المعاناه بقيت صنايعى وكسيب وباقبض مرتب
:shades_smile::shades_smile::shades_smile:

hossam 11-02-2009 02:36

[QUOTE=talhawy;10199]
اقتباس:

المشاركة الأصلية كتبت بواسطة hossam (المشاركة 10195)

يا سلام يا دكتور حسام
ده انا عندى اليومين دول سيروتينين يكفى بلد بحالها
اصلى خلاص بعد سنين من المعاناه بقيت صنايعى وكسيب وباقبض مرتب
:shades_smile::shades_smile::shades_smile:

عايز اشوف نسبة السيرتونين و المرتب بعد الجواز يالا افرحلك يومين Cry

talhawy 11-02-2009 02:42

[quote=دينونا;10183]
اقتباس:

المشاركة الأصلية كتبت بواسطة talhawy (المشاركة 10032)
[font=Comic Sans MS][size=5][color=Blue][size=6][color=Red]لوحظ فى الفترة الاخيرة ارتفاع ضغط الدم لدى الكثير من اعضاء المنتدى علشان كده احنا كطاقم العيادة نحاول انقاذ ما يمكن انقاذه قبل ما يحصل للناس حاجة وحشة لاقدر الله



طب لو سمحت يا دكتور شوف حاجة ترفع ال Dopamine وتقلل ال Acetyl choline
عشان بس الحاله النفسوية وكده وفى ماتش جاى وفالنتين وحاجات كده!!!!
:cry_smile:

[quote=hossam;10195]
اقتباس:

المشاركة الأصلية كتبت بواسطة دينونا (المشاركة 10183)

طبعا انتى تقصدى السيروتنين او زى ما بيطلقوا عليه هرمون السعاده و اللى ناقص عندنا جدا بعد ماتش انبى و مرتفع جدا عند الاهلاوى الدكتور احمد طبعا بعيد عن الادويه فى اشياء ممكن ترفع مستوى السيروتونين لمستوى يشعرك بالاعتدال النفسي زى اكل الشيكولاته او المشى فى الشمس او عمل تمرينات ريااضيه بشكل يومى اما بالنسبه للادويه فطبعا مش هاقول فنبعد عنها احسن او هاتكلم عليها فى وقت تانى

بما ان السيرة جات يبقى نقول كلمتين
الاسيتايل كولين والسيروتينين والدوبامين
التلاتة عبارة عن نواقل عصبية تعمل على نقل الاثارة العصبية
ولكن لكل واحد منهم وظيفة هامة جدا

الاسيتايل كولين....يعمل على نقل الاشارات العصبية خاصة فى الجهاز الباراسيمبثاوى (انا كنت مسميه ايام الكلية جهاز دعونا نعمل فى هدوء وصمت :tongue_smile:)
الدوبامين.....يعمل على نقل الاشارات العصبية فى الجهاز السيمبثاوى (وده يعلى الضغط يا دينونا :49_49:)
السيروتينين .....يعمل على نقل الاشارات العصبية فى المخ ولكن عمله الرئيسى مثبط وليس محفز....علشان كده ممكن يستخدم فى تهدئة الاعصاب وهو يسمى هرمون السعادة وعلى فكره موجود بكثرة فى الموز
)

talhawy 11-02-2009 02:45

[quote=hossam;10204]
اقتباس:

المشاركة الأصلية كتبت بواسطة talhawy (المشاركة 10199)

عايز اشوف نسبة السيرتونين و المرتب بعد الجواز يالا افرحلك يومين Cry

جواز مين يا دكترة
انا كده رئيس جمهورية نفسى وماشى بدماغى
:49_49::49_49:

دينونا 11-02-2009 17:45

[QUOTE=talhawy;10210][quote=دينونا;10183]

اقتباس:

المشاركة الأصلية كتبت بواسطة hossam (المشاركة 10195)

بما ان السيرة جات يبقى نقول كلمتين
الاسيتايل كولين والسيروتينين والدوبامين
التلاتة عبارة عن نواقل عصبية تعمل على نقل الاثارة العصبية
ولكن لكل واحد منهم وظيفة هامة جدا

الاسيتايل كولين....يعمل على نقل الاشارات العصبية خاصة فى الجهاز الباراسيمبثاوى (انا كنت مسميه ايام الكلية جهاز دعونا نعمل فى هدوء وصمت :tongue_smile:)
الدوبامين.....يعمل على نقل الاشارات العصبية فى الجهاز السيمبثاوى (وده يعلى الضغط يا دينونا :49_49:)
السيروتينين .....يعمل على نقل الاشارات العصبية فى المخ ولكن عمله الرئيسى مثبط وليس محفز....علشان كده ممكن يستخدم فى تهدئة الاعصاب وهو يسمى هرمون السعادة وعلى فكره موجود بكثرة فى الموز
)




ميرسى جدا على المعلومات الغزيرة دى يا دكتور
الف شكر يا برنس
انا مبحبش الموزCry
بس جامد موضوع الشيكولاته انا بحبها جدا اوى خالص

دينونا 11-02-2009 17:48

[QUOTE=hossam;10195]
اقتباس:

المشاركة الأصلية كتبت بواسطة دينونا (المشاركة 10183)

طبعا انتى تقصدى السيروتنين او زى ما بيطلقوا عليه هرمون السعاده و اللى ناقص عندنا جدا بعد ماتش انبى و مرتفع جدا عند الاهلاوى الدكتور احمد طبعا بعيد عن الادويه فى اشياء ممكن ترفع مستوى السيروتونين لمستوى يشعرك بالاعتدال النفسي زى اكل الشيكولاته او المشى فى الشمس او عمل تمرينات ريااضيه بشكل يومى اما بالنسبه للادويه فطبعا مش هاقول فنبعد عنها احسن او هاتكلم عليها فى وقت تانى


ربنا يكرمك يا دكتور
ويزود الشيكولاته عندك
انا مليش فى الشمس بخاف اسمر بعيد عن السامعين
تشكر يا برنس

ismaili lover 30-03-2009 18:23


احمد ليك فى الجلد ؟

عندى قشره سمكيه
:52_52:

esmaelawy awy 30-03-2009 19:35

اقتباس:

المشاركة الأصلية كتبت بواسطة ismaili lover (المشاركة 49634)
احمد ليك فى الجلد ؟

عندى قشره سمكيه:52_52:



متاكلش سمك ولا بيض :teeth_smile:

ismaili lover 30-03-2009 19:53

:teeth_smile:
حلوه

بس بجد والله مش باهزر

3bdallah___elshaf3y 30-03-2009 20:23

اقتباس:

المشاركة الأصلية كتبت بواسطة ismaili lover (المشاركة 49651)
:teeth_smile:
حلوه
بس بجد والله مش باهزر

هسالك وارد عليك :regular_smile:

ismaili lover 31-03-2009 10:37

ربنا يخليك:regular_smile:

امل فين الباشا اللى عاملنا فيها مجدى يعقوب
:49_49:

talhawy 31-03-2009 11:53

اقتباس:

المشاركة الأصلية كتبت بواسطة ismaili lover (المشاركة 49634)

احمد ليك فى الجلد ؟
عندى قشره سمكيه
:52_52:

ولا مجدى يعقوب ولا بتاع ياعم :teeth_smile:
معلش على التاخير.....كنت بايت بره بيتنا يومين فى الشغل
بالنسبة لعين السمكة اللى بتظهر فى الجلد فاحسن حل ليها هو الكوى
لازم تتكوى لغاية ماتوصل للجلد الطبيعى وده بيتم فى عيادة جلدية

بس خد بالك من حاجة .....انا ما اعرفش احكم على امراض جلدية عن بعد
لازم اشوفها بعينى والمسها بايدى
يعنى لازم الاول تتاكد ان دى قشرة سمكية (عين سمكة )

ismaili lover 01-04-2009 10:16

ربنا يخليك ياحبى

المشكله انى قدامى كذا اختيار لاماكن عيادات بس المشكله انى محتار - عايز اللى اروحله ينجزنى

3bdallah___elshaf3y 01-04-2009 13:14

اقتباس:

المشاركة الأصلية كتبت بواسطة ismaili lover (المشاركة 50916)
ربنا يخليك ياحبى
المشكله انى قدامى كذا اختيار لاماكن عيادات بس المشكله انى محتار - عايز اللى اروحله ينجزنى



خلى بالك بقى لتروح لناس حمير ولا حاجه


يلا ابقى طمنا بقى ها

semsemsemsem 04-04-2009 17:44

بقولك يا دكتور احمد سوال عن الفلدين ايه هية المادة الفعالة بتاعته لانى هنا مش لاقيه على النت

canadiandarweesh 04-04-2009 18:39

اقتباس:

المشاركة الأصلية كتبت بواسطة semsemsemsem (المشاركة 53290)
بقولك يا دكتور احمد سوال عن الفلدين ايه هية المادة الفعالة بتاعته لانى هنا مش لاقيه على النت

it is piroxicam the active ingredient

talhawy 04-04-2009 20:35

اقتباس:

المشاركة الأصلية كتبت بواسطة canadiandarweesh (المشاركة 53383)
it is piroxicam the active ingredient

تمام كده يا دكتور جورج
مادة البيروكسيكام هى المادة الفعالة وهى مادة مسكنة ومضادة للالتهابات

semsemsemsem 05-04-2009 01:44

ايوه كده يا دكتور حضرتك ود كتور جورج كتر خيركم انا قلت على نفسى ما بفهمش ومش تخصصى قلت اسال اهل التخصص ايه رايك ان فيه دكتور كاتب الفلدين واللى بيؤثر على بطانة المعدة كعلاج لارتفاع سرعة الترسيب ومصر على انه علاج انا عارف ان الفلدين مضاد للالتهابات وبلغت الناس تقول للدكتور فتحولى السبيكر وسمعته عبر الماسنجر وهو بيؤكد انه كاتب الفلدين علشان ارتفاع سرعة الترسيب

talhawy 05-04-2009 02:09

اقتباس:

المشاركة الأصلية كتبت بواسطة semsemsemsem (المشاركة 53942)
ايوه كده يا دكتور حضرتك ود كتور جورج كتر خيركم انا قلت على نفسى ما بفهمش ومش تخصصى قلت اسال اهل التخصص ايه رايك ان فيه دكتور كاتب الفلدين واللى بيؤثر على بطانة المعدة كعلاج لارتفاع سرعة الترسيب ومصر على انه علاج انا عارف ان الفلدين مضاد للالتهابات وبلغت الناس تقول للدكتور فتحولى السبيكر وسمعته عبر الماسنجر وهو بيؤكد انه كاتب الفلدين علشان ارتفاع سرعة الترسيب

شفتوا بقى الظلم اللى بتظلموه للدكاترة
يا استاذ ضياء ....الدكتور اللى حضرتك بتتكلم عنه لم يخطئ بالعكس هو شغال صح
الفلدين او مادة البيروكسيكام صحيح هى مادة مسكنة و مضادة للالتهابات
ولكنها ايضا ككل عائلة(nsaid) تستخدم فى علاج سرعة الترسيب فهى تقلل من معدل ترسيب الصفائح الدموية وتزيد من سيولة الدم
هى طبعا من اعراضها الجانبية انها بتؤثر على بطانة جدار المعدة ولكن ده ممكن نمنعه عن طريق احتياطات معينة عند تناولها زى انها ماتتاخدش على معدة فاضية ودايما تؤخذ بعد الاكل....وممكن كمان نزود معاها اى حاجة من الادوية اللى بتحمى جدار المعدة زى الاوميبرازول او الكونترولوك

aboshady 05-04-2009 05:50

شوف لنا يابني اي حاجه عندك للضغط ولحرقه الدم والسكر والشاي وكل اللي بيجي علي بطاقه التموين

وياريت لو تقدر تشوف لنا مدرب واداره تانيه
مع انك اهلاوي بس انا عارف انك ممكن تكون ارحم عليا من نصر باشا بالوظا

أبو الوفا 05-04-2009 08:42

أنا شايف ان الناس معظمها بتتكلم عن الضغط والسكر والملح ، طيب ايه رأى حضراتكم نعالج الموضوع من جزوره ، يعنى مثلا تشوفولنا علاج للغباء والبلاده نبعته فى طرد مستعجل لمكتب البيه اللى جايبلنا كل المصايب دى ،
ويقى ارتاحنا تماما
وياسلام لو العلاج ده يكون فيه ثم فار ولآ تكسوفين ولآ حاجه زى كده ، تبقى خدمة العمر
تحياتى للجميع

talhawy 05-04-2009 11:30

اقتباس:

المشاركة الأصلية كتبت بواسطة aboshady (المشاركة 53962)
شوف لنا يابني اي حاجه عندك للضغط ولحرقه الدم والسكر والشاي وكل اللي بيجي علي بطاقه التموين

وياريت لو تقدر تشوف لنا مدرب واداره تانيه
مع انك اهلاوي بس انا عارف انك ممكن تكون ارحم عليا من نصر باشا بالوظا

يا اهلنين وسهلنين بابو عبد العزيز
ضغط ايه وسكر ايه يا باشا
صحتك بالدنيا
ده احنا دايما نقول ابو عبد العزيز اسد ..... جبل مايهزه ريح

:teeth_smile::teeth_smile::teeth_smile:

semsemsemsem 05-04-2009 11:38

ا
يوه كده صح انت عندك حق ان الفلدين هو العلاج المطلوب لان الدكتور كده راح يبص على اساس زيادة سرعة الترسيب وهو التهابات المفاصل وادى علاج لالتهابات بس انا بيتهيالى انها جت صدفة لانه مش من الصح انى ادى علاج اعراضه الجانبية انها تشفى المرض حضرتك عارف ان الاعراض الجانبية دية مش 100 فى ال 100 لكنها بنسب لانها معلومات احصائية سريريه فمثلا ايه رايك فى احد مشتقات الكورتيزون زى الهوستاكورتين انا مش متخصص بس بعافر علشان افهم وشكرا ليك

talhawy 05-04-2009 11:52

اقتباس:

المشاركة الأصلية كتبت بواسطة semsemsemsem (المشاركة 53991)
ا
يوه كده صح انت عندك حق ان الفلدين هو العلاج المطلوب لان الدكتور كده راح يبص على اساس زيادة سرعة الترسيب وهو التهابات المفاصل وادى علاج لالتهابات بس انا بيتهيالى انها جت صدفة لانه مش من الصح انى ادى علاج اعراضه الجانبية انها تشفى المرض حضرتك عارف ان الاعراض الجانبية دية مش 100 فى ال 100 لكنها بنسب لانها معلومات احصائية سريريه فمثلا ايه رايك فى احد مشتقات الكورتيزون زى الهوستاكورتين انا مش متخصص بس بعافر علشان افهم وشكرا ليك

انا حاشرح لحضرتك الموضوع بالراحة يا استاذ ضياء لانه ممكن فعلا يلخبط اى حد مش متخصص

فى عائلة اسمها
Non-steroidal anti inflamatory drugs
العيلة دى منها الاسبرين والفلدين وغيرهم
هذه العائلة الدوائية لها مميزات فريدة جدا ولكن يعيبها فقط انها تسبب التهابات فى جدار المعدة عند الافراط فى استعمالها
اما مميزاتها فتختلف باختلاف جرعتها
يعنى مثلا مع الجرعات الصغيرة تعطى مفعولا ضد سرعة الترسيب وتزيد من سيولة الدم

وعند زيادة الجرعة تعطى مفعول مضاد الالتهابات

وعند زيادة الجرعة اكثر تعطى مفعولا خافض للحرارة ومسكن للالم
يعنى الموضوع كله مرتبط بالجرعة اللى بيوصفها الطبيب وما يريده من الدواء وهذا كله يعتمد على تقدير الطبيب .... مش موضوع اعراض جانبية ولا حاجة

اما بالنسبة للهوستاكورتين فهو مش مشتق ولا حاجة .... هو فرد من افراد عائلة الكورتيزون زيه زى السوليو كورتيف والديكسا ميثازون والبريدينسيلون وغيرهم
كلهم اسمهم كورتيزون ولهم نفس الصفات والاستخدامات.....لكن طبعا مختلفين عن بعض فى القوة


semsemsemsem 05-04-2009 12:33

اقتباس:

المشاركة الأصلية كتبت بواسطة talhawy (المشاركة 50172)
ولا مجدى يعقوب ولا بتاع ياعم :teeth_smile:
معلش على التاخير.....كنت بايت بره بيتنا يومين فى الشغل
بالنسبة لعين السمكة اللى بتظهر فى الجلد فاحسن حل ليها هو الكوى
لازم تتكوى لغاية ماتوصل للجلد الطبيعى وده بيتم فى عيادة جلدية

بس خد بالك من حاجة .....انا ما اعرفش احكم على امراض جلدية عن بعد
لازم اشوفها بعينى والمسها بايدى
يعنى لازم الاول تتاكد ان دى قشرة سمكية (عين سمكة )

ا
نا بقى اقولك انا عملت ايه مع عين السمكه
رحت للدكاترة وكتبولى علاجات ونقط بالهبل اخر ما زهقت رحت جايب حمض نيتريك مركز على حمض كبريتيك 3 الى واحد وقمت منقط على عين السمكه كام نقطه لحد ماحسيت بالحرقان بتاع الحمض بس مش فى الاجناب فى العمق بتاع عين السمكة بقدها غسلت بميه كتير ونقطتين بيتادين وماشوفتهاش تانى لكن حل الكى ده حلو برده ممكن تجيب مسمار وتسخنه او كاوية قصدير وتدى نفسك لسعتين بس ايه تصبر لحد ماتخلص عليها فى العمق ودية محتاجة متخصص علشان ماتبهدلش صباعك وتقلب معاك بحاجة وحشة

semsemsemsem 05-04-2009 12:36

اقتباس:

المشاركة الأصلية كتبت بواسطة talhawy (المشاركة 53999)
انا حاشرح لحضرتك الموضوع بالراحة يا استاذ ضياء لانه ممكن فعلا يلخبط اى حد مش متخصص

فى عائلة اسمها
non-steroidal anti inflamatory drugs
العيلة دى منها الاسبرين والفلدين وغيرهم
هذه العائلة الدوائية لها مميزات فريدة جدا ولكن يعيبها فقط انها تسبب التهابات فى جدار المعدة عند الافراط فى استعمالها
اما مميزاتها فتختلف باختلاف جرعتها
يعنى مثلا مع الجرعات الصغيرة تعطى مفعولا ضد سرعة الترسيب وتزيد من سيولة الدم

وعند زيادة الجرعة تعطى مفعول مضاد الالتهابات

وعند زيادة الجرعة اكثر تعطى مفعولا خافض للحرارة ومسكن للالم
يعنى الموضوع كله مرتبط بالجرعة اللى بيوصفها الطبيب وما يريده من الدواء وهذا كله يعتمد على تقدير الطبيب .... مش موضوع اعراض جانبية ولا حاجة

اما بالنسبة للهوستاكورتين فهو مش مشتق ولا حاجة .... هو فرد من افراد عائلة الكورتيزون زيه زى السوليو كورتيف والديكسا ميثازون والبريدينسيلون وغيرهم
كلهم اسمهم كورتيزون ولهم نفس الصفات والاستخدامات.....لكن طبعا مختلفين عن بعض فى القوة


دية بقى اجابات الخبرة وده الفرق بين الناس اللى واخداها بالعافية زى حلاتى والناس اللى واخداها علم ودراسة زيك كده والف شكر ليك يادكترة

hanin 03-06-2009 19:36

انت قاعد كده فاضي يا دكتور
وانا عندي صداع فظيع من الصبح
واخدت مسكن ومعملش اي حاجة
افدني ارجوك

talhawy 03-06-2009 20:03

اقتباس:

المشاركة الأصلية كتبت بواسطة hanin (المشاركة 91479)
انت قاعد كده فاضي يا دكتور
وانا عندي صداع فظيع من الصبح
واخدت مسكن ومعملش اي حاجة
افدني ارجوك

الحمد لله....زبون ....علشان ابو عبد العزيز مايضحكش علينا ويقول علينا عيادة بتنش

شوفى يا حنين....الصداع له اسباب كتيرة جدا ولكنها خاصة جدا لدى الفتيات (الجنس اللطيف يعنى :teeth_smile:) غير اسبابه الشائعة عند الرجال

1-الارهاق البدنى ودى حلها الراحة وشرب سوائل دافية مع مسكن

2-انخفاض الضغط.....كثير من الفتيات يعانين من انخفاض الضغط وذلك لاسباب كيميائية وفسيولوجيه تميز جسد الفتاة عن الرجل ولذلك يجب قياس الضغط وفى حالة ثبوت انخفاضه يؤخذ علاج لهذه الحالة

3-القلق النفسى والتوترات العصبية....وطبعا كلنا عارفين ان النساء عندهم شوية حساسة زيادة شويتين وعلاجها زى النقطة الاولى

4-الانيميا ونقص الهيموجلوبين .... وهى شئ شائع جدا لدى السيدات بسبب فقدان دماء الحيض شهريا ويتم علاجها بتناول الاغذية المحتوية على الحديد(مثل الكبدة والتفاح والسبانخ) وايضا تناول بعض المقويات الدوائية المحتوية على فيتامينات وحديد

Ahmed88_7 03-06-2009 20:11

اقتباس:

المشاركة الأصلية كتبت بواسطة talhawy (المشاركة 91497)
4-الانيميا ونقص الهيموجلوبين .... وهى شئ شائع جدا لدى السيدات بسبب فقدان دماء الحيض شهريا ويتم علاجها بتناول الاغذية المحتوية على الحديد(مثل الكبدة والتفاح والسبانخ) وايضا تناول بعض المقويات الدوائية المحتوية على فيتامينات وحديد

سبانخ؟؟

ليه؟

بتعالج باباى!!

دينونا 03-06-2009 20:16

السلام عليكم
كويس يا طبيب انك افلابل ناو
عندى مشكلة مجننانى

شوف بقى سيادتك كف ايدى من جوه يعنى تقريبا اسمها راحة ايدى
من اول الصباع الصغنن (الخنصر) وكل المنطقة اللى تحته لحد اخر الكف
المكان ده ملمسه بقى خشن وبيقشر وبهرش فيه كتير
جرب ده ولا اية!!!!

كمان طلب بعد اذنك بس محتاجه صن بلوك طبى حاجة محترمة كده ومضمونة
انا خايفة استعمل اى كوزماتيكس لانى بقيت سودا كودا حق الهباب

افيدونا افادكم الله

talhawy 03-06-2009 20:17

اقتباس:

المشاركة الأصلية كتبت بواسطة ahmed88_7 (المشاركة 91505)
سبانخ؟؟

ليه؟

بتعالج باباى!!

اهو جالنا واحد من بتوع الهندسة
ورص الحيطة يا ولد
وطوبة على طوبة.....وسيخ حديد على سيخ حديد

Ahmed88_7 03-06-2009 20:23

اقتباس:

المشاركة الأصلية كتبت بواسطة talhawy (المشاركة 91514)
اهو جالنا واحد من بتوع الهندسة
ورص الحيطة يا ولد
وطوبة على طوبة.....وسيخ حديد على سيخ حديد

سياخك طولها كام .. سياخنا طولها صح

الربطة فيها كام .. فيها سيخ زيادة صح

صح صح صح صح

:teeth_smile::teeth_smile::teeth_smile:

talhawy 03-06-2009 20:28

اقتباس:

المشاركة الأصلية كتبت بواسطة دينونا (المشاركة 91512)
السلام عليكم
كويس يا طبيب انك افلابل ناو
عندى مشكلة مجننانى

شوف بقى سيادتك كف ايدى من جوه يعنى تقريبا اسمها راحة ايدى
من اول الصباع الصغنن (الخنصر) وكل المنطقة اللى تحته لحد اخر الكف
المكان ده ملمسه بقى خشن وبيقشر وبهرش فيه كتير
جرب ده ولا اية!!!!

كمان طلب بعد اذنك بس محتاجه صن بلوك طبى حاجة محترمة كده ومضمونة
انا خايفة استعمل اى كوزماتيكس لانى بقيت سودا كودا حق الهباب

افيدونا افادكم الله

ولو مش افيلابل يا دندن
ده احنا علشان خاطرك نبقى افيلابل غصب عن عينينا وبعدين ما انا حاطط نمرة تلفون العمده حدانا فى الكفر
يعنى اللى عايز حاجة يتصل على طول

بالنسبة لحكاية راحة ايدك اللى بقت خشنة وبتقشر دى منتشرة عند البنات علشان طول النهار حاطين ايديهم فى المياه علشان الطبيخ والتنضيف والغسيل والحاجات بتاعتكم دى
علشان كده انصحك تلبسى جوانتى اثناء شغل البيت
وسيبك من اى كريم اوماركة تجارية فى الهجايس .....روحى الصيدلية واشترى جلسرين طبى خالص....بيتباع فى ازازة صغيرة كده....عن تجربة شخصية ده افضل مستحضر لنعومة البشرة....تدهنى مننه مرتين يوميا صبح وليل وتدعيلى

بالنسبة للبتاع التانى اللى قلتى عليه بالعنجلزى ده اللى اسمه الصن بلوكر فيه كريم اسمه sunblock
ده من احسن المستحضرات اللى بتمنع اشعة الشمس الضارة وتستخدمى معاه لوسيون اسمه Spectraban Lotion

وسلامتك من الشمس يا جدتى دينا


الساعة الآن: 21:22

Powered by vBulletin ®

Security byi.s.s.w