منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   النادي الاسماعيلي Ismaily Club (http://www.ismaily-sc.com/vb/forumdisplay.php?f=3)
-   -   لا تقلقوا وراكم لحد باب الدار .. شبعنا (http://www.ismaily-sc.com/vb/showthread.php?t=35118)

أ. د. جمال 22-08-2019 09:47

لا تقلقوا وراكم لحد باب الدار .. شبعنا
.
كل ما يسمعه ويشاهده جمهور الاسماعيلي كلام جميل وكلام معسول ما يقدرش يقول حاجة عنه ولكن فريقه المجهول ما شاف حاجة منه .. وكله على لسان الطاقم التدريبي على الفضائيات ووسائل الاعلام وكل المنصات وعلى كل لون يا بطسته يدور الكلام عن صفقات ها تكسر البطولات وتطلع المنصات لدرجة أنهم جعلوا الجمهور بدأ في تخريم الودان والكل عشمان في الحلق وهذا الجمهور المتشعتف على فريقه من كام سنه وهو يسمع نفس الألحان على خدود الكلام من كام سنة .. وبعدها كالعادة يتفاجئ بسكة تبدل الألوان وتزود الأحزان من كام سنة .. ولم يتبقى سوى كلام أصحاب طقطقة الحنك من طلباتهم المستمرة بوقوف الجمهور وراء فريقة وهذه هي الطلبات من أجل صيد البطولات ويحلم الجمهور ويتمنى يرى الحلم على الواقع بدون صدمات ولا يردد مرة تانية التعلب فات فات وف ديله سبع لفات ويطلع في الآخر أحمد هو هو الحاج أحمد وزغردي ياللي إنتى مش غرمانا .
.
كفانا دور التجميل والتهليل ونكون مرة عمليين ونركز في بناء فريق بصفقات قوية بالفعل لأن الجميع شبع من نتائج البخل في التعاقدات ومعظمها بتكون وباستمرار مع رديف الأندية وانت وبختك يا أبو بخيت والواضح أن التكرار بيجمع الشطار لأنه للأسف الشديد مازالت شلة أهل الثقة أصحاب المشورة وأكلة الودان وشركاهم هم من يديرون النادي الإسماعيلي والفريق نيابة عن حضرة الناظر المشغول دائماً وإدارته التي لا حول لها ولا قوة وده كله مكمن الخطر المستمر ومش كل مرة تسلم الجرة .. وربنا بخلصنا من دي شلة قادر يا كريم ووراكم جميعاً لحد باب الدار و يا خبر النها رده بفلوس بكره يكون ببلاش ..
.
منتظرين المفاجأة الكبرى التي تتحدث عنها يا كابتن سعفان الصغير يمكن تكونوا تعاقدتم مع مو صلاح ولا حاجة ومفيش أسهل من الكلام وكل كلامكم وأفعالكم مفاجآت .. بس كفاية كده شبعنا وجالنا تخمة . مع وافر تحياتي وتقديري واحترامي لكل الاسماعيلاوية الأصلاء .


الساعة الآن: 03:14

Powered by vBulletin ®

Security byi.s.s.w