منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   الحوار العام General Discussion (http://www.ismaily-sc.com/vb/forumdisplay.php?f=2)
-   -   عيادة المنتدى (http://www.ismaily-sc.com/vb/showthread.php?t=20)

talhawy 05-06-2009 02:27

اقتباس:

المشاركة الأصلية كتبت بواسطة DaraweeshMySoul (المشاركة 92604)
بس التاني افتكر لونه أزرق مش أحمر :teeth_smile:

ما انا كمان ساكت ومش عايز اتكلم
:teeth_smile::teeth_smile::teeth_smile:

semsemsemsem 05-06-2009 10:26

اقتباس:

المشاركة الأصلية كتبت بواسطة talhawy (المشاركة 92602)
:teeth_smile::teeth_smile::teeth_smile:
يا استاذ ضياء حضرتك فعلا معلوماتك فى المجال الطبى وخصوصا فى مجال الكيماويات والادوية غزيرة ولا غبار عليها
وده انا عارفه من يوم ما سالتنى على الفلدين
بس المشكلة انى انا لى نظرية طبية فى الحالات تختلف تماما عن النظرة الكيميائية
يعنى انا باربط الجلدية بامراض الباطنة والظروف البيئية وعلم الجينات....كل ده باربطه فى دماغى وقبل ما اوصف الدواء باربط كمان بالموضوع سوق الدواء فى مصر وجرعاته

يعنى الموضوع بتاع دندن مش اّوت ولا حاجة يا استاذ ضياء :teeth_smile:
كل الموضوع ان حضرتك فهمت الموضوع غلط.....او بمعنى ادق فهمت كلام دينونا بطريقة معكوسة

الديتول اللى بتقول عليه دينا هو اسم لماركة صابون يدخل فى تركيبها مادة مرطبة ومادة مطهرة
وليس المادة اللى فيها كحول اللى حضرتك تقصدها
يعنى كلمة ديتول دى ماركة تجارية

اما بالنسبة لحكمى على اعراض دينا وربطها بحكاية التعرض للمياة وتقشير الجلد وانى ما فكرتش زى حضرتك فى قصة الديتول والصابون السائل فدى عايزانى اخدك شوية لعلم الخلايا علشان تعرف انا بنيت حكمى على اي اساس

خلايا راحة اليد هى خلايا خاصة وليست مثل اى خلايا جلد فهى قليلة الكيراتين وليس تحتها اى طبقة دهنية ولا تحتوى على بصيلات للشعر مما يجعل المسافات بين الخلايا صغيرة جدا مما لا يسمح بانتشار الماء الزائد عن الحد بين الخلايا
ولما تتعرض للمياه كتير بتمتص هذه المياه مما يؤدى الى انتفاخ الخلايا وبعيد تفرقع وتموت وتتحول الى قشور ناشفة زى ما دينا وصفت بالظبط
بعكس غالبية خلايا الجلد فى باقى انحاء الجسم....المسافات بينها واسعة علشان تسمح بتمدد خلايا الجلد فى ظروف معينة ولما بتمتص مياه كتيرة ... المياه الزائدة دى بتنتشر بين الخلايا ومنها الى الطبقة الدهنية تحت الجلد فما تفرقعش الخلايا ولا تعمل قشور

اقتباس:

المشاركة الأصلية كتبت بواسطة talhawy (المشاركة 92605)
واحب اضيف حاجة فى موضوع الكحول وامتصاصه للمياه
قد تكون دى حقيقة كيميائية متفقين عليها ولا خلاف
ولكن مش مع جلد الانسان
جلد الانسان محمى بطبقة كيراتين تمنع منعا تاما خروج مياه خلايا الجلد الا عن طريق القنوات الشرعية (زى ما بيقولوا بتوع السياسة :teeth_smile:) اللى هى قنوات خروج العرق
يعنى لا الكحول ولا غيره يقدر يخرج المياه اللى فى الجلد مادامت طبقة الكيرايتن موجوده وصحية وسليمه

والدليل على ذلك اننا نستخدم الكحول فى التطهير ومابيخرجش الميه من سطح الجلد ولا حاجة بل بالعكس الكحول نفسه لا يمتص اساسا الى الداخل ويبقى على السطح ولذلك فهو يطهر ويقتل البكتريا الضارة

كلام جميل وحكم اجمل على الحالة بس بقى لما يكون فيخه مجموعة oh فى المحلولو ومعاها كمان كلور فرى راديكال يبقى لازم نتأنى شوية ونفكر طيب اى خليه فى الجسم ازاى بتتعامل مع تبادل الانزيمات والبروتينات والحاجات دية زى الاكسجين وغيره علشان يتحول فى الميتوكوندريا الى طاقة بتحويل أيه تى بى الى ايه دى بى
او كمان ممكن ايه ام بى وماتقوليش ايه ام بى شطحه لانه من ضمن خليط الطاقة اللى بيستهلكه الريبوسوم لتكوين شرايط البروتين نرجع لموضوعنا وهو ازاى الجزيات دية بتدخل من جدار الخلية
تلاقى ان الخلية مش بلوك لاء فيها قنوات متعددة الاتساعات وعلشان كده غلاف الخليه بيشتغل زى مصفى بس باخرام مختلفه وكمان فيه حاجة مهم جدا لازم تاخد بالك منها وهى التوزيع الكهربى ودوره فى عملية النقل من خارج الى داخل الخلية كل ده بيقول ان ال او اتش بتاعة الكحول لما تبقى ايون وكمان الكلورين لما يبقى ايون ولاحظ صغر حجم ايون الكلور وقدرته على الارتباط بدل كتير من الفنكشنال جرووب اللى بتبقى موجوده فى شرايط البروتين يهى يربط فى اى ريسيديو ويدخل معاه بدون اخلال ملموس بالتوزيع الكهربى او بالقطر الهيدروديناميكى لشريط البروتين
اونت قلت بنفسك ان الخلايا بتمص جزيئات الميه تعرف بتمص الميه ازاى بتمتصها على شكل ايونى يعنى ممكن تاخد oh لو اتربطت بواحده تانيه برابطه فيزيائية مش رابطه كيميائية وجوه الخلية ظروف الph بتختلف فتتفك الرابطة دية وتمتص ذرة هيدروجين وتكمل الجزىء اللى تسميه انت اكسده الخلايا
وفى الاخر انا مش هاقدر اجادل قدامك لانى مش متخصص وفيه واحد برده اهلاوى معانا هنا فى المنتدى وهو متخصص فى موضوع الجزيئات ده يقدر يجاوبك


صححلى بقى يا دكتور مدحت ولا نقفل الباب
نداء الى الدكتور مدحت القاطن فى منطقة بدء الخليقة شارك معانا فى الموضوع ده

semsemsemsem 05-06-2009 10:42

اقتباس:

المشاركة الأصلية كتبت بواسطة daraweeshmysoul (المشاركة 92604)
بس التاني افتكر لونه أزرق مش أحمر :teeth_smile:

اقتباس:

المشاركة الأصلية كتبت بواسطة talhawy (المشاركة 92606)
ما انا كمان ساكت ومش عايز اتكلم
:teeth_smile::teeth_smile::teeth_smile:

لاء ياسيدى اتكلم بقى فى دى كمان لاء هو اخو الازرق بس الزرق لناس والروز للناس التانية ايه مش عارفينه ماتشوف فى الصورة مين بيقدمه لمين
ولعلمك العلبة منه فيها 20 قرص ب 56 دولار غير مصاريف الشحن

talhawy 05-06-2009 11:12

اقتباس:

المشاركة الأصلية كتبت بواسطة semsemsemsem (المشاركة 92636)


صححلى بقى يا دكتور مدحت ولا نقفل الباب
نداء الى الدكتور مدحت القاطن فى منطقة بدء الخليقة شارك معانا فى الموضوع ده

يا ضياء باشا انا ما اتناقشتش فى موضوع قدرات الكحول على امتصاص الميه
بالعكس انا موافق تماما
بس حيحصل ازاى اذا كنا موقفين غفير على باب سطح الجلد اسمه طبقة الكيراتين مانعه المياه انها تدخل او تطلع من الجلد
احنا لسه اصلا ما وصلناش للخلايا جوه علشان نقول كل اللى حضرتك قلته
فعلا الخلية مش بلوك مصمته مفيش حاجة بتدخلها او تخرج منها
بس زى ماقلتلك قبل كده وضحكت.....عن طريق القنوات الشرعية
مش عن طريق الكيراتين اللى على السطح
الموضوع عامل زى شارع فيه مجموعة بيوت لازقة فى بعضها(اللى هى خلايا طبقة الجلد)...والشارع متحوط بعساكر(اللى هى طبقة الكيراتين)
ممكن الناس تدخل وتخرج عادى بين البيوت(التبادل بين الخلايا للايونات والجزيئات اللى حضرتك تقصده لانها مش بلوك مصمته) انما لا يمكن حد من بره الشارع يدخل جواه او من الناس اللى جوه يطلع براه طول ما العساكر دول واقفين(يعنى طبقة الكيراتين بتمنع دخول وخروج المياه )الا لو جاب تصريح من العساكر(زى كده خروج المياه فى قنوات العرق او امتصاص الجلد للادوية الموضعية)

اتمنى مع الشرح ده ان وجهة نظرى وصلت حضرتك زى ما انا اقصدها بالظبط

Orange 05-06-2009 11:24

اقتباس:

المشاركة الأصلية كتبت بواسطة semsemsemsem (المشاركة 92639)
لاء ياسيدى اتكلم بقى فى دى كمان لاء هو اخو الازرق بس الزرق لناس والروز للناس التانية ايه مش عارفينه ماتشوف فى الصورة مين بيقدمه لمين
ولعلمك العلبة منه فيها 20 قرص ب 56 دولار غير مصاريف الشحن

معلومة جديدة دي
:regular_smile:

semsemsemsem 05-06-2009 12:19

اقتباس:

المشاركة الأصلية كتبت بواسطة asem_alla (المشاركة 92650)
معلومة جديدة دي
:regular_smile:

وانت مالك يا قاسم بالحاجات دية قدامك يابنى على الازرق يجى 30 سنه وعلى الروز انت وبختك بقى يا تجيبه من اول يوم يا تجيبه بعد عشر سنين
http://www.ismailyonline.com/invisio...ult/tongue.gif

semsemsemsem 05-06-2009 12:22

اقتباس:

المشاركة الأصلية كتبت بواسطة talhawy (المشاركة 92648)
يا ضياء باشا انا ما اتناقشتش فى موضوع قدرات الكحول على امتصاص الميه
بالعكس انا موافق تماما
بس حيحصل ازاى اذا كنا موقفين غفير على باب سطح الجلد اسمه طبقة الكيراتين مانعه المياه انها تدخل او تطلع من الجلد
احنا لسه اصلا ما وصلناش للخلايا جوه علشان نقول كل اللى حضرتك قلته
فعلا الخلية مش بلوك مصمته مفيش حاجة بتدخلها او تخرج منها
بس زى ماقلتلك قبل كده وضحكت.....عن طريق القنوات الشرعية
مش عن طريق الكيراتين اللى على السطح
الموضوع عامل زى شارع فيه مجموعة بيوت لازقة فى بعضها(اللى هى خلايا طبقة الجلد)...والشارع متحوط بعساكر(اللى هى طبقة الكيراتين)
ممكن الناس تدخل وتخرج عادى بين البيوت(التبادل بين الخلايا للايونات والجزيئات اللى حضرتك تقصده لانها مش بلوك مصمته) انما لا يمكن حد من بره الشارع يدخل جواه او من الناس اللى جوه يطلع براه طول ما العساكر دول واقفين(يعنى طبقة الكيراتين بتمنع دخول وخروج المياه )الا لو جاب تصريح من العساكر(زى كده خروج المياه فى قنوات العرق او امتصاص الجلد للادوية الموضعية)

اتمنى مع الشرح ده ان وجهة نظرى وصلت حضرتك زى ما انا اقصدها بالظبط

باااس لحد كده وكفايه ولما اخلص الللى معايه ابقى ارجع اخد تانى ده الطمع قل ما جمع هووب يارب
افتح يا سمسم
بس انت برده معرفتش البرشام بتاع ايه

talhawy 05-06-2009 14:17

اقتباس:

المشاركة الأصلية كتبت بواسطة semsemsemsem (المشاركة 92657)
باااس لحد كده وكفايه ولما اخلص الللى معايه ابقى ارجع اخد تانى ده الطمع قل ما جمع هووب يارب
افتح يا سمسم
بس انت برده معرفتش البرشام بتاع ايه

مصمم برده تحرجنى وتسالنى يا عمو ضياء على حاجات بتاعة كبار وبابا ممكن يضربنى وانا باتكسف
:teeth_smile::teeth_smile::teeth_smile:

ابو مصطفى 05-06-2009 14:33

اقتباس:

المشاركة الأصلية كتبت بواسطة talhawy (المشاركة 92691)
مصمم برده تحرجنى وتسالنى يا عمو ضياء على حاجات بتاعة كبار وبابا ممكن يضربنى وانا باتكسف
:teeth_smile::teeth_smile::teeth_smile:

انت جيت من مارينا امتى

talhawy 05-06-2009 15:07

اقتباس:

المشاركة الأصلية كتبت بواسطة ابو مصطفى (المشاركة 92697)
انت جيت من مارينا امتى

انا قعدت فى بورتو مارينا يوم واحد بس يا كبير ورجعت امبارح الساعة 1 بالليل
ما اقدرتش افضى نفسى اكتر من كده
الشغل بقى يا باشا
:wink_smile::wink_smile::wink_smile:

hanin 05-06-2009 15:18

يا دكتور احمد
انا عملت كل اللي انت قلت عليه
والصداع بيزيد يوم عن يوم
قيست الضغط النهاردة لقيته عالي شوية 140 / 95
بس الدكتور الصيدلي قالي انا الضغط مش سبب الصداع الفظيع ده
اعمل ايه بقى؟

talhawy 05-06-2009 15:23

اقتباس:

المشاركة الأصلية كتبت بواسطة hanin (المشاركة 92725)
يا دكتور احمد
انا عملت كل اللي انت قلت عليه
والصداع بيزيد يوم عن يوم
قيست الضغط النهاردة لقيته عالي شوية 140 / 95
بس الدكتور الصيدلي قالي انا الضغط مش سبب الصداع الفظيع ده
اعمل ايه بقى؟

لا طبعا
140على 95 عالى
وخصوصا من تحت....المفروض الطبيعى تحت يبقى 80
وده ممكن يكون سبب رئيسى للصداع....وانصحك علشان الضغط ينزل تشربى عناب ساقع(مش عايز اديكى ادوية)
وبعدين حللتى دم زى ماقلتلك علشان تشوفى الهيموجلوبين؟؟


الساعة الآن: 15:16

Powered by vBulletin ®

Security byi.s.s.w