منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   النادي الاسماعيلي Ismaily Club (http://www.ismaily-sc.com/vb/forumdisplay.php?f=3)
-   -   بيسيتش مع السلامة ولكن... (http://www.ismaily-sc.com/vb/showthread.php?t=35171)

ايمن الاسماعيلاوى 02-12-2019 13:18

بيسيتش مع السلامة ولكن...
 
قرر ناظر العزبه ومالك النادى الاسماعيلي إنهاء التعاقد مع بيسيتش ولكن
من المسؤول عن التعاقد معه منذ البدايه
هل سيظل محسن ابوجريشه مدربا عاما بعد تعيينه انتظارا لمدير فنى اخر من المتوقع ان يكون في مستوى بيسيتش لان ناظر العزبه بيحب المدرب رخيص السعر ومطيع
لماذا لا تنظر لمصلحه النادى وتتغاضى عن كبريائك وتعين صلاح ابوجريشه مديرا فنيا طالما بتحب تجرب فى المدربين

ايمن الاسماعيلاوى 02-12-2019 14:20

كارتيرون فاضى حاليا وهو مدرب ذو فكر عالى جدا

محمد احمد زيتون 02-12-2019 16:18

لو شخشخ جيبه جيجيب مدرب كبير

نصر ابراهيم يوسف 02-12-2019 16:23

اقتباس:

المشاركة الأصلية كتبت بواسطة ايمن الاسماعيلاوى (المشاركة 513326)
كارتيرون فاضى حاليا وهو مدرب ذو فكر عالى جدا

تحياتى لاستاذ أيمن الاسماعيلاوى
حضرتك متاكد من خبر إقالة يسيتش ؟؟ لان "الكلية" و " ابراهيم فارس " صرحوا امبارح ان لا نية مطلقا فى اقالة يسيتش و انه لا يمكن الحكم عليه الا بعد ان يلعب ستة مبارايات فى الدورى
.
.
على اى حال انا اوافقك بنسبة 100% على كارتيرون لانه ممدرب فكره عالى و من المدرسة الفرنسية و هى اكثر مدرسة بتنجح مع الاسماعيلى
.
اما محمد صلاح ابو جريشة فلا اظن ان هناك اى فرصة لهذا
لان محمد صلاح ابو جريشة رغم انه هداف كبير لكن ليس له اى تجربة كمدير فنى سواء فى الدرجة الرابعة او الثالثة او الثانية او الممتازة رغم انه عمل مدرب عام مع مصطفى يونس فى المصرى فترة قصيرة و مدرب عام مع حلمى طولان فى سموحة فترة قصيرة
و لكن الاهم ان محمد صلاح ابو جريشة بيطلع فى التليفزيون يشتم ابراهيم عثمان ؛ يعنى بيضرب فى الرأس الكبيرة بالطوب

اشرف عمران 02-12-2019 17:12

كارتيرون مين يااستاذ ايمن
دا ابراهيم عثمان لو سمع عن الراتب الشهرى لكارتيرون حيغمى عليه !!!!

ايمن الاسماعيلاوى 02-12-2019 17:47

اقتباس:

المشاركة الأصلية كتبت بواسطة اشرف عمران (المشاركة 513333)
كارتيرون مين يااستاذ ايمن
دا ابراهيم عثمان لو سمع عن الراتب الشهرى لكارتيرون حيغمى عليه !!!!

وهو ده المطلوب ونمضيه على قرار الاستقاله أثناء الإغماء

نصر ابراهيم يوسف 02-12-2019 17:48

هو ممكن يجيب هيرون ريكاردو لانه قاعد بدون شغل و له تصريح من اسبوعين قال انه يتمنى العودة للاسماعيلى لانه يعتبر الاسماعيلى بيته و هاجم يسيتش و قال عليه مدرب اقل من الاسماعيلى و مدرب مالهوش فكر واضح فى الملعب و مالهوش اسم فى السوق و عمره ما سمع عنه
و قال على نفسه انه يعشق الاسماعيلى و لا يهمه الفلوس و انه عندما يطلبه الاسماعيلى لا يفكر فى المال و انه فى كل مرة طلبه الاسماعيلى كان ماسك فريق و سابه علشان الاسماعيلى و اجره فى الاسماعيلية بيكون اقل من ربع اجره فى الفرقة اللى ماسكها و كلام من هذه النوعية يعنى الاسماعيلى فى القلب و الجو ده اللى يمشى مع ابراهيم عثمان حلو

ايمن الاسماعيلاوى 02-12-2019 18:16

هناك اخبار عن التفاوض مع مارك فوتا
عامه دى لعبه ابراهيم عثمان يطلع اخبار من هنا وهناك ثم نفاجأ بمدرب مجهول

نصر ابراهيم يوسف 02-12-2019 20:02

اقتباس:

المشاركة الأصلية كتبت بواسطة ايمن الاسماعيلاوى (المشاركة 513336)
هناك اخبار عن التفاوض مع مارك فوتا
عامه دى لعبه ابراهيم عثمان يطلع اخبار من هنا وهناك ثم نفاجأ بمدرب مجهول

تحياتى لاستاذ / ايمن الاسماعيلاوى
.
اظن هو فاوض مارك فوتا بعد انتهاء الموسم الماضى و فاوض رود كرول و الاثنين كل واحد فيهم طلب 50 ألف دولار فى الشهر و فوجئوا ابراهيم عثمان واضع سقف للتعاقد 20 ألف دولار فقط فرفضوا

ايمن الاسماعيلاوى 02-12-2019 20:55

محمد صلاح ترك منتخب السويس ليدرب الترسانه
ومن قبله احمد سارى ترك دمنهور ليدرب الرجاء
أين القانون هنا ام لا يسرى على الدرجه الثانيه

نصر ابراهيم يوسف 02-12-2019 21:57

اقتباس:

المشاركة الأصلية كتبت بواسطة ايمن الاسماعيلاوى (المشاركة 513339)
محمد صلاح ترك منتخب السويس ليدرب الترسانه
ومن قبله احمد سارى ترك دمنهور ليدرب الرجاء
أين القانون هنا ام لا يسرى على الدرجه الثانيه

الفيصل هو :- هل كتب المدرب استقالة مكتوبة ام قرر ادارة الفريق اقالته
لو المدرب كتب استقالة مكتوبة لا يحق له التدريب
مثلا احمد سارى لم يكتب استقالة مكتوبة من دمنهور
فمجلس ادارة دمنهور اجتمع به بعد هزيمة دمنهور من غزل المحلة و اقاله و هو قال انه اعتذر شفهيا عن الاستمرار و انتهى التعاقد بصورة ودية
.
اى مدرب كتب استقالة مكتوبة (مثل "على ماهر" فى انبى) فهذا لن يدرب فى مصر حتى نهاية الموسم ((وفقا لقرار اتحاد الكرة المصرى))
.
اما محمد صلاح فلم يستقيل من منتخب السويس لكن هو اعلن مرارا انه سيستقيل بسبب عدم انتظام ادارة السويس فى دفع راتبه و اعلن ان الترسانة و بلدية المحلة يفاوضونه
لكن سنرى لو كتب استقالة و درب فريق اخر
يبقى القانون حبر على ورق و "على ماهر" يحق له التدريب

نصر ابراهيم يوسف 03-12-2019 11:24

يسيتش بيفضح النادى فى كل مكان و بيقول
انه مظلوم و انه كفؤ و ان سبب فشله مع الاسماعيلى
1-عدم وجود معدات الكترونية للياقة البدنية و تلك المعدات مهمة جدا و بدونها مخطط الاحمال البدنية لا ينجح فى شيئ و لا يوجد نادى فى العالم ليس به تلك المعدات الا الاسماعيلى
2- عدم وجود ابسط الامكانات حتى الكور فلا يوجد كوّر فى التدريب (( هذه الملحوظة قالها فاروق جعفر ايضا عندما درب الاسماعيلى و قالها بعده طه بصرى و قال كنت كل تدريبة اخرّج ثلاثة آلاف جنيه من جيبى لاشترى بهم كرات للتدريب و فى التدريب اللى بعده لا اجد كرة منهم و اضطر لشراء كوّر على نفقتى الخاصة مرة اخرى؛ ايضا نفس الكلام قاله طارق يحى بعد نهاية تجربته مع الاسماعيلى))
3- اخبرت رئيس النادى ان الفريق بحاجة ماسة الى خمسة لاعبين اساسيين قبل اغلاق القيد و وهم قلبى دفاع اساسيين لان الموجودين لا يصلحون و حارس مرمى اساسى لان الموجودين لا يصلحون و ظهير أيسر اساسى لان الموجودين لا يصلحون و رأس حربة اساسى لان الموجودين لا يصلحون
لكن ابراهيم عثمان اخطره ان يكمل الدور الاول باللاعبين الموجودين و يتصرف
فقال له انه لن يكون مسئول على النتيجة ؛ فقال له ان يطمئن لن يحاسبه احد على النتيجة و فى فى يناير سيتم شراء لاعبان جديدان
4- شعرت ان الازدحام فى قائمة الفريق من لاعبين لن يكون لهم اى دور يؤثر بالسلب فى التركيز فى التدريب و أغلب الصفقات التى اشتراها ابراهيم عثمان قبل بداية الموسم صفقات سيئة و طلبت الاستغناء عنهم فقد طلبت الاستغناء عن بكيتى سيلفا و خليل نيمار ومحمد حمدى ذكى و محمد مخلوف و ابراهيم ابو اليزيد و محمد هاشم و لكن ابراهيم عثمان رفض الاستغناء عن اى لاعب منهم
5- تدخل الادارة لاشراك بعض اللاعبين دون رغبة منى مثل محمد حمدى ذكى و بيكيتا و محمد عبد الله و محمود عبد الله و كما طلبوا استبعاد بعض العناصر من التشكيل بسب وجود خلافات بينهم و بين مجلس الادارة و قد استجبت لطلبهم و هذا اثر بالسلب على المنظومة


الساعة الآن: 20:17

Powered by vBulletin ®

Security byi.s.s.w