|
شمع العيادة يامعلم
|
اقتباس:
وان شاء الله حانزل البرنامج يوم الاثنين او الثلاثاء بعد ما ارجع من الشغل |
اقتباس:
ولكن كنت اتمنى ان حضرتك تقرئى مداخلتى السابقة كويس انا قلت حباية واحده يوميا مع برنامج غذائى يعنى ماقلتش ده او ده لوحده الحالات اللى حضرتك بتوصفيها دى بتحصل فى حالات معينة ومع ادوية اخرى غير السيبوتريم بتتعمل تحت بير السلم وبيضحكوا بيها على الناس والاعراض دى بتحصل لما السيدات بتكسل تمشى على برنامج غذائى وتاخد الحبوب لوحدها ولما تلاقى مالهاش تاثير (لان مفيش برنامج غذائى) تبدا تزود فى الحبوب بمزاجها (املا فى الحصول على التاثير المطلوب ) بعيدا عن تعليمات الطبيب وساعتها تحصل الاعراض اللى حضرتك قولتى عليها ولو حضرتك مش واثقة فى كلامى مفيش مشكلة ممكن تسالى اى طبيب اخر او صيدلى ولك كامل الحرية فى اختيار ما يناسب مع كامل احترامى وتقديرى لحضرتك |
اقتباس:
اخوك جاهز دايما والعيادة مش حتتشمع مش حنسلم مش حنبيع .....مش حنوافق ع التظبيط :teeth_smile::teeth_smile::teeth_smile: |
حمدلله على السلامه يا دكتور ديما منور العياده يا رب فين البرنامج يا دوكتور وكمان عايزه حاجه للدوحه والصداع المستمر شكر لحضرتك |
اقتباس:
طيب بالله عليكي نمشي امتي بس ده انا من البيت للعربية ومن العربية للبيت لدرجة ان الواحد دلوقتي بيطلع السلم ينهج حاجة فضيحة والله الناس بتقول امشي وفاكرينها سهلة كده :teeth_smile: |
اقتباس:
امشى جوة الشقة وقضيها رايح جاى طريقة مجربة :teeth_smile: |
اقتباس:
بالنسبة للبرنامج الغذائى حانزله فى المداخلة الجاية وبالنسبة للدوخة....فانا انصحك بتناول قرص واحد يوميا من دواء يسمى أركاليون Arcalion ده منشط عام ويساعد فى سريان الدم للمخ والاطراف ويحتوى على مقويات عامة وليس له اعراض جانبية وينشط الذاكرة ويستخدم فى علاج حالات الدوخة والاجهاد وضعف الذاكرة وقلة التركيز بالنسبة للصداع انا ممكن بسهولة اديكى له علاج مسكنات بس انا مش عايز ده ....انا الاهم عندى اعالج السبب الاول واسباب الصداع عند غالبية الاناث تتمثل فى الضغط المنخفض او الانيميا (وبالمناسبة الانيميا ليس لها علاقة بالسمنه او النحافة كما يعتقد خطا البعض) علشان كده انا عايزك تقيسى الضغط لمدة 3 ايام متتالية فى موعد ثابت وتعملى تحليل هيموجلوبين فى الدم وبعدها حاقولك على علاج للصداع |
اقتباس:
احسن حاجه للدوحه هي المصر للطيران رخيصة وعلى قد الحال الف الف سلامه |
النهاده حاقدم نظام غذائى رياضى متكامل لانقاص الوزن وهو منقول عن نشرة طبية متخصص فى علم التغذية ويقدمه نخبه من اطباء واساتذة التغذية بالتعاون مع اخصائى لياقة بدنية قام بوضع البرنامج الرياضى المرفق
إن إتباع أنظمة غذائية عشوائية للتخسيس أمر يخطئ فيه الكثير، فيجب في البداية إجراء قياسات نسب الدهون والبروتينات والكتلة العضلية ونسبة المياه المختزنة بالجسم قبل الإقدام على أي نظام علاجي، حيث يجب إتباع النظام المناسب لإنقاص النسب غير الطبيعية وليس بشكل عشوائي. السمنة وتركز الشحوم مشكلة تعانى منها كثير من النساء لذلك فإنه يجب التركيز بشكل أساسى على تناول الخضراوات والفواكه بكمية كبيرة نظراً لاحتوائها على قدر كبير من الفيتامينات والأملاح المعدنية، التى تساعد على نضارة البشرة. ولاشك في ضرورة الابتعاد عن النشويات بشتى أنواعها وتناول السكريات بحذر، ومن الممكن استبدالها ببدائل السكر. أما عن البروتينات فيؤكد الأطباء على ضرورة الإكثار من تناول الأسماك بشكل كبير، فهى غنية بالفوسفور ومفيدة جداً، وفى المقابل يتم تقليل اللحوم المليئة بالدهون:مثل "اللحم الضانى"، والإكثار من الخضراوات والفواكه وفيما يلي نظاماً غذائياً خاصا يتم اتباعه مع ممارسة الرياضة بالطريقة الاتية ، - يجب ممارسة رياضة المشى يومياً لمدة ساعة بعد الغداء بساعتين. - يمكن عمل جلسات الأجهزة الموضعية فهى تساعد على مزيد من إنقاص الوزن والشحوم المتركزة فى منطقة معينة. - يجب عمل تمرينات البطن والأرداف يومياً لمدة نصف ساعة. بعد تحديد نظام غذائي منتظم يمكنك بالطبع ممارسة تمارين رياضية تساعد في تخسيس منطقة الأرداف، وهذه التمارين متاحة في أي وقت، ويمكنك السير عليها من الآن وهي كالتالي: - المشي لمدة زمنية تزيد عن 60 دقيقة 3 مرات أسبوعيا (يوما بعد يوم) أو 6 مرات أسبوعيا، على أن تبدئي بالسير لمدة 15 دقيقة في أول يوم، ونبدأ بزيادة دقيقة يوميا حتى يمكن الوصول لأكثر من 60 دقيقة دون مضاعفات الإجهاد العضلي المعروفة. تدريبات الأطراف السفلية (الساقين): - وتبدأ بالاستلقاء على الظهر مع رفع الساقين بالتبادل 10 مرات لكل ساق على حدة بحيث يكون مجموع الساقين 20. - ثم الاستلقاء على الجانب الأيمن ورفع الساق اليسرى 10 مرات والعكس (الاستلقاء على الجانب الأيسر ورفع الساق اليمنى 10 مرات). - الاستلقاء على الوجه ورفع الساقين لأعلى بالتبادل 10 مرات لكل ساق، مع ملاحظة أن تتم هذه التمارين والساق مفرودة تماما دون ثني الركبة. ويكرر التمرين يوميا لمدة 15 يوما. ثم تبدأ المرحلة الثانية: - وهي الاستلقاء الجانبي بالإتكاء على المرفق وسند الرأس على كف اليد بحيث يتم رفع الساقين معا، ويتم تدريب الساق السفلى فتحا وضما مع ثبات الطرف العلوي (الساق العلوية) مرفوعا بزاوية 45 درجة 10 عدات ثم يتم التغيير للوضع العكسي 10 عدات أيضا. قد يبدو هذا التمرين صعبا أو مستحيلا لكنه مع الوقت يمكنك أداؤه بسهولة إن شاء الله. ويمكنك الاستمرار على هذه التمارين يومياً، وستظهر نتائج واضحة خلال 3 أشهر من بداية التمارين بشرط عدم كسر النظام. - فى النهاية يمكنك بواسطة ممارسة هذا النظام الغذائى والانتظام فى ممارسة تمرينات البطن والأرداف إنقاص الوزن من 6 إلى 7 كيلوجرامات فى ثلاثة أسابيع. أما عن النظام الغذائي فهو كالآتي: الإفطار: - كوب عصير برتقال. - بيضة مسلوقة. - ربع رغيف عيش بلدى. - قطعة جبن قريش 50 جراماً. بين الإفطار والغداء: - نصف كوب لبن منزوع الدسم. الغداء - طبق شوربة كبير منزوع الدسم. - طبق سلطة خضراء متوسط. - طبق خضار باللحم المفروم. - أو 4 ملاعق كبيرة خضار مطبوخ. - قطعة لحم منزوعة الدهون. - أو نصف فرخة مشوية. - أو 3 قطع كبدة مشوية. - أو 4 سمكات مشوية. بين الغداء والعشاء: - ثمرة فاكهة. - أو كوب عصير برتقال. العشاء: -كوب لبن منزوع الدسم. - أو كوب زبادى منزوع الوجه |
اقتباس:
يا دكتور عندي حاله غريبة جدا موش عارف ليه حاسس إني حصاله وبقالي كام يوم باحلم اشوف تسع بقرات سمان يأكلهن تسع عجاف دايما تسعه في الخير يا دكتور الهي يخليك لينا يارب |
وده كمان مقال منقول يتحدث فى ذات الموضوع وبه الكثير من المعلومات القيمة
برنامج غذائي للتخسيس والرشاقة إليك طريقة تتيح التمتع بأطعمة الصيف الشهية وفي الوقت نفسه المحافظة على الصحة. بعض الناس يعتبر الصيف فرصة للتخلص من ملابسه الثقيلة، وبعضهم الآخر يستغله للتخلص من وزنه الزائد. ولكن ما رأيك أن تستمتع بالطعام، وفي الوقت نفسه تفقد من وزنك دون أن تضطر إلى التقيد بحمية صارمة. إليك الطريقة: الصيف، في كثير من بلدان العالم، هو وقت نضوج كثير من أنواع الفواكه التي يعتبرها بعضهم بمثابة "الطعام السري" لمن ينشدون التخسيس في الصيف، وغير الصيف بالطبع. وينصح الخبراء كل فرد بتناول 4 أكواب ونصف الكوب من الفواكه والخضراوات في اليوم. وهم يعللون ذلك بأن الألياف المنتشرة بوفرة في الفواكه والخضراوات تساعد في السيطرة على الوزن لأنها تعطي الإنسان شعوراً بالامتلاء والشبع. فتناول أطعمة كثيرة الألياف، وباستمرار، يحول بين المرء وتلك الحالة التي تنتاب الكثير منا، وهي الشعور بالشبع لحظة وفي الوقت نفسه البحث عن طعام بعد لحظات. ولأن معظم نعم الصيف فيها من الخيرات ما قد تكون غابت عنا فسوف نسعى في السطور التالية إلى تسليط الضوء على بعض هذه الفوائد: الطماطم: لمن يرغب في الحد من السعرات فإن حبة متوسطة الحجم من الطماطم لا تحتوي سوى 35 سعرا. ولكن لها فوائد عدة منها: توفر 40% مما يحتاج إليه الفرد يومياً من فيتامين ج، و 20% من فيتامين أ. وكلاهما من مضادات الأكسدة. تحوي اللايكويين، وهو من مضادات الأكسدة. تحوي الألياف بكميات لا بأس بها. تناول الطماطم بشكل دائم يقي -بإذن الله- من سرطان البروستاتة وبعض سرطانات القناة الهضمية. تناول الطماطم يحد من تحول الكولسترول السيئ إلى الهيئة المتأكسدة التي تتراكم في الأوعية الدموية. الفلفل الأخضر الكبير (المحشي): تناوله يساعد في الحد من السعرات. ذلك أن ?نصف كوب من الفلفل الأخضر لا يحوي سوى 20 سعرا. إضافة إلى فوائد أخرى منها: الأنواع الخضراء أو الصفراء أو الحمراء تحوي 23% مما يحتاج إليه الجسم في اليوم من فيتامين ج. تحوي البيتاكاروتين، وهو من مضادات الأكسدة وكميات لا بأس بها من الألياف. وقد ثبت أن مضادات الأكسدة عموماً تقوي الجهاز المناعي وتقي خلايا الجسم من الأضرار التي تخلفها الجذور الحرة سريعة التأكسد. وهي أضرار قد تؤدي إلى الإصابة بالسرطان أو أمراض القلب. التوت والفراولة من بينها الفراولة المحضة ، وتوت العليق، والتوت الأزرق، والتوت الأسود، كلها حلوة المذاق زاهية الألوان، إضافة إلى أن حصة واحدة منها لا يزيد عدد محتوياتها من السعرات عن 45 سعرا. إضافة إلى الفوائد التالية: غنية بفيتامين ج، خصوصاً الفراولة. تحوي حمض الإيلاجيك وهو من مضادات الأكسدة التي تعمل على تعطيل المواد المسرطنة وإبطاء نمو الخلايا السرطانية. التوت مصدر جيد من مصادر الألياف. بعض أنواع التوت تقي من التهابات القناة البولية. بعض أنواع التوت تحسن الذاكرة. الزبادي من الأغذية الصحية لذيذة الطعم خصوصاً إذا خلط ببعض الإضافات الطبيعية من الفواكه مثلا، ويفيد أصحاب الحميات حيث إن كمية السعرات فيه محدودة نسبيا. ولأنه يحوي كمية معقولة من البروتين والكربوهيدرات معاً، فإنه يؤدي إلى الشعور بالإشباع لفترة بعد تناوله. ويساعد تناول ثلاث حصص من الزبادي ) قليل الدسم في اليوم على تخفيف الوزن أضف إلى ذلك الفوائد التالية: يحوي حوالي 30% من الاحتياجات اليومية للفرد البالغ من الكالسيوم. يحوي كمية وفيرة من البكتيريا الصحية، وهي أحياء تقوي الجهاز المناعي وتحافظ على صحة القناة الهضمية. الفول والبقول: مثل البازلاء والعدس والفول والفاصوليا واللوبيا والحمص. وتتراوح كمية السعرات في 120 جراماً من هذه الأطعمة من 65 سعرا إلي 115 سعرا، وترتفع في أحيان قليلة إلى 160 سعرا. وقياساً على كمية الفول المتناولة فإنه يساعد على التخسيس على وجه العموم. المانجو تعتبر من الأطعمة اليومية الأساسية بين شعوب جنوب شرق آسيا منذ أكثر من 4 آلاف سنة. وتحوي حبة المانجو متوسطة الحجم 95 سعرا. وهناك فوائد في المانجو تميزها عن أية فاكهة أخرى، منها: تحوي كمية من الألياف لا يوازيها فيها أية فاكهة أخرى. مصدر للدهن، ولكنها ليست كمية مسمنة. لا تحتوي على الكولسترول. توفر ربع الاحتياجات اليومية من فيتامين أ. الماء هو الأهم لعل الماء أهم طعام يمكن أن يفيد في أية حمية غذائية. وقد لا تكون للماء قيمة غذائية محضة، ولكن لا غنى عنه في كل العمليات الحيوية الكبرى في الجسم بما فيها الهضم والتمثيل الغذائي ووظائف الخلايا. ويفيد الماء في التخسيس للأسباب التالية: يخفف من الجوع، خصوصاً إذا كان ضمن أطعمة مثل الفواكه أو الخضراوات. الأطعمة الحاوية على الماء مثل الفواكه والخضراوات والحساء، تساهم في الحد من الوزن. لأن الماء يزيد من حجم هذه الأطعمة ومن ثم الإحساس بالشبع |
اقتباس:
ودايما يجعل كلامك على ميه بيضا ماتشرب شاى من اللى انا باشربه ده :teeth_smile::teeth_smile::teeth_smile: |
اقتباس:
شكرا يا دكتور على البرنامج بالنسبه للحبوب ديه( sebotrim ) انا سالت الصيدلى عليها قاللى انها بتعمل على تقليل الشهيه وليس حرق الدهون ونصحنى انى اخد( كروماكس )لانه بيعمل على حرق الدهون على ان اخدها ثلاث مرات يوميا قبل كل وجبه بنصف ساعه او ساعه ارجو الافاده شكر لحضرتك |
اقتباس:
وبالنسبة للكروماكس هو فعلا بيحرق الدهون ولكن ده له عيب خطير محدش بيلتفت ليه على المدى البعيد لو استخدمنا دواء يحرق الدهون ممكن المريض يزيد فى الاستخدام مما ينتج عنه ليس فقط حرق الدهون الضارة او الزائدة وانما ايضا حرق الدهون المطلوبة فى الجسم زى طبقات الدهون اللى بتحمى الاعضاء الحيوية فى الجسم زى الكلى والمعده والامعاء وده بيكون خطر علشان كده احنا بنفضل حاجة تقلل الشهية مع نسبة بسيطة لحرق الدهون وبذلك انا انصح حضرتك بالسيبوتريم مع البرنامج الغذائى ولو اردتى تزودى الموضوع خدى واحده فقط كروماكس او 2 بالكتير قوى |
عيني بترف و قلبي بيدق و عقلي فآضله دقيقه و يخف أعمل إيه ..؟! :50_50: |
اقتباس:
|
اقتباس:
أكيد أنته عآرف :wink_smile: |
اقتباس:
اه .. قصدك السراية الحمرا قال حمرا قال |
اقتباس:
وبعدين كلى حاجة حادقة.....الضغط يعلى تانى وافضلى طلعى الضغط ونزليه زى الاسانسير وبعد كده كله حيبقى تمام ان شاء الله.....اللى بعدوووووووووووووو :teeth_smile::teeth_smile::teeth_smile: |
اقتباس:
إيه هموت ..؟!:47_47: |
اقتباس:
|
دفعت :(
|
اقتباس:
انت عايزاهم يقولوا المرضى بيموتوا فى عيادته وسمعتى تبقى ابيض واسود بعد ما كانت الوان و hd وسوبر فلات كمان |
أصلك بتكروتني:teeth_smile:
|
اقتباس:
انزل يا ابنى هنا باحلى جلدة جلوكوز 25 % (المخصوص بتاعنا) وعليه حبة محلول رينجر هدية |
اقتباس:
|
اقتباس:
سهلة قوي دي يا استاذ ايمن احساسك انك حصالة ده جاي نتيجة انك خلاص عجزت وبتشخشخ :teeth_smile: اما التسع بقرات سمان ياكلهن تسع عجاف ده هيكون بعد الملايين اللي عملتهم في الخليج في تسع سنين هتيجي بقي عشان تضيعهم في مصر في التسع سنين اللي بعدهم :teeth_smile: شفت سهلة ازاي |
اقتباس:
دايما تلاقيه يجدد شبابه على طول اسالنى انا :teeth_smile::teeth_smile::teeth_smile: |
يا دكتور كبريت
بجد كنت عاوز اسالك عن عمليات الليزك اصل انا بصراحة زهقت من النظارة عاوز اعمل عملية تصحيح ابصار واخلص طبعا انا عارفك دكتور تخصص فشة وطحال اسال لى بقى دكتور عيون زميلك ورد عليا |
اقتباس:
كبريت ؟؟؟......ماشى ياعمنا عموما برغم من انى بتاع جراحة بس الموضوع مش محتاج اسالك...لانى عملت عليه دراسة قبل كده وقدمت بيه بروجكت فى الكلية ايام ماكنت بادرس رمد عمليات تصحيح الابصار بالليزر بسيطة وسهلة وملهاش اى مضاعفات وفى ناس كتير بتعتقد غلط ان بعد فترة من العملية نظرها بيضعف اكتر وده طبعا ما بيحصلش هى عيبها الوحيد انها غالية بغباء.....يعنى الغلبان يلبس نضارة والغنى يعمل ليزك انت بقى غنى ولا غلبان ياعم الحاج ؟؟؟ |
اقتباس:
طيب لو نجحت معاك ابقي قولي عشان اعملها انا كمان اخلص |
اقتباس:
غالية بكام يعني يا دكتور مفيش حاجة تغلي علينا يا دكترة من جنيه لمية احنا جاهزين ان شالله ماحد حوش قال غالية قال |
اقتباس:
مابالك بقى الاتنين واحنا غلابه يا بيه.....مش زيكم من الاغنياء |
اقتباس:
يا بني والله انت فاهم غلط احنا مش من الاغنياء احنا من الإقطاعيين :teeth_smile: |
اقتباس:
استاذ هشام اتشاهد قبل ماتنزل فى اتوبيس سياحى فاخر انا عارفه جايلك بكرة مخصوص |
لا بس كلام جد يا احمد فيه واحد صاحبي عملها لمراته في الاسكندرية وكان نظرها ضعيف جد بتلات الاف جنيه للعينتين |
اقتباس:
يعنى مثلا عندنا فى دمنهور فى اماكن بتعملها بتلات الاف جنيه للعينين وفى اماكن تانية بتعملها بخمسه للعينين وبرده فى اسكندرية بتوصل لحد 10 الاف جنيه للعينين تقولش بيركبوا للواحد عين جديده :teeth_smile::teeth_smile: |
بسم الله ما شاء الله
هو الحساب بالعين ليه هو انا داخل مسمط |
اقتباس:
يعنى العمليات دى بتتم جراحة ولا بالليزر؟ وبمنتهى الامانة هل ممكن تؤدى لفقد البصر ؟ انا سمعت ان نسبة نجاحها فوق ال 99% هل فعلا بتخلى نظر الانسان طبيعى بينى وبينك يا دكتور احمد انا زهقت من النضارة وخصوصا ف الصيف وكمان ما ييجى ليش قلب اركب عدسات وكل يوم احط ايدى جوه عينى وكمان بصراحة بقى نفسى البس نظارة شمس وطبعا لان عين البنى ادم غالية يبقى الواحد مش ها يستخسر ممكن اعملها عند مغربى بس الاول رد عليا فى الاسئلة دى |
| الساعة الآن: 19:20 |
Powered by vBulletin ®