منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   النادي الاسماعيلي Ismaily Club (http://www.ismaily-sc.com/vb/forumdisplay.php?f=3)
-   -   حراسة مرمى الاسماعيلى ( منك لله يا سعفان ) (http://www.ismaily-sc.com/vb/showthread.php?t=35312)

محمد احمد زيتون 21-09-2020 17:19

حراسة مرمى الاسماعيلى ( منك لله يا سعفان )
 
حارس المرمرمى كما يقولون نصف الفريق بل أحيانا يكون الفريق كله فاليوم كان الاسماعيلى يلاعب إنبى و الكرتين الخطيرتين لفريق انبى جاء منهما هدفين أحدهما بداعى التسلل و الآخر سليم مائة فى المائة صحيح هو نتيجة فزلكة من المدافع الشاب الدولى محمد عمار الذى لا يجب أن نقسو عليه و لكن تخيل ان هذه الكرة جاءت لحازم مرسى و قد جاءه ثلاث فرص خطيرة جدا لكن ماذا حدث خرج محمود جاد حارس انبى من تحت الثلاث خشبات و قطع كل الطرق على حازم حتى لا يعيه الفرصة و أرى ان هدغ محمد شريف لو خرج محمد فوزى مبكرا من مرماه ما دخل هذا الهدف فهو دائما متأخر الخروج و لا يملك ملكة الفوقان من كتر الركنة و لا يسعنى إلا أن أقول منك لله يا سعفان

ايمن الاسماعيلاوى 21-09-2020 17:52

منك لله يا عثمان

darwishing 21-09-2020 17:53

تحليل محترم

نبيل الشربيني 21-09-2020 20:10

تحليل رائع أستاذ محمد أحمد زيتون
محمد فوزي تأخر في الخروج ويتفوق عليه في الخروج محمد مجدي في هذه الكور . لاكن نريد حارس خبرة قوي كم من المباريات كانت بسبب ضعف الحراس ومن الموسم الماضي والجميع يقول عاوزين حارس خبرة

Dark Angel 22-09-2020 09:19

إعملوا اللى عليكو كجماهير الأول وبعدين حاسبوا غيركم ...إنتوا مفصرين فى حق ناديكم زيكم زى إبراهيم عثمان الفاشل اللى المفروض يغور فى ستين داهية
اللى بيته من زجاج مايحدفش الناس بالطوب ، أسوء جمهور فى مصر للأسف هو جمهور الإسماعيلى ...قاعدين لغاية النهارده تندبوا وتولولوا والنادى بينهار وحينزل درجة تانية بسبب سياسة بيع اللاعبين بسبب الفقر ، وبرضو عايزين تشتركوا فى النادى بربع جنيه ، وللا جماهير الأهلى والزمالك والمصرى والإتحاد برقبتنا ، وعاملين زى عواجيز الفرح ....إنتقاد وبس ، وعارفين ....لحد ما الإسماعيلى ينزل درجة تانية ، ماحدش حيشترك فى النادى إلا إذا كان الإشتراك ب30 قرش ، واللى دماغه حتقولله إشترك ، حيرجع ويقول لنفسه ...طب ما أستنى شوية يمكن ماينزلش درجة تانية ، وكإن الهدف هو البقاء فى الدورى مش توفير موارد مالية للنادى أسوة بالأندية الأخرى وجماهيرها المحترمة.....أكتر جمهور للأسف خائن لناديه هو جمهور الإسماعيلى للأسف ، وأكتر جمهور لم يقف مع ناديه فى العالم للأسف برضو هو جمهور الإسماعيلى ، ثم تعالوا هنا
لماذا تريد جماهير الإسماعيلية الإشتراك فى المبنى الإجتماعى الجديد للنادى الإسماعيلى بمبلغ زهيد ك 240 جنيه أو 100 جنيه وتجديد إشتراك 35 جنيه !!! وأين مساعدة النادى الإسماعيلى فى تنمية موارده المالية !!! أين الحب والولاء والإنتماء للنادى !!!
هل تعلمون أن إشتراك نادى الزهور فى القاهرة ب 100 ألف جنيه ؟ وأن إشتراك نادى وادى دجلة 120 ألف جنيه وأن إشتراك النادى الأهلى وصل إلى 350 ألف جنيه.
الغرض من الإشتراك فى النادى الإسماعيلى هو أمرين وليس أمر واحد :
1- إختيار الأصلح فى قيادة النادى بعيدا عن تكتلات العثمانيين.
2- تنمية موارد النادى المالية لإبعاده تماما عن بيع اللاعبين للصرف على النادى.
وهذا لا يتأتى إلا من خلال الإشتراك فى النادى الإجتماعى الجديد بمبلغ 60 ألف جنيه ، وهو مبلغ زهيد جدا مقارنة بالأندية الأخرى ، ومعلش الإسماعيلى كبير أوى وأكبر من المصرى والإتحاد والزهور ووادى دجلة ...مع إحترامى ليهم . الإسماعيلى يضاهى الأهلى والزمالك فى الشعبية ويناطحهم ، ومبلغ ال60 ألف جنيه يوجد لسداده تسهيلات بنكية وقرض يسدد على فترات طويلة الأمد ...فى سبيل رفعة نادينا ، وسيتم إستفادة الأعضاء من مرافق النادى المتنوعة ، وهذه ال60 ألف جنيه لن تذهب لجيب المهندس إبراهيم عثمان ولكن ستذهب لخزينة النادى الإسماعيلى ، لكن إذا فكر كل الإسماعيلاوية بال 200 جنيه وال100 جنيه وال 35 جنيه بس ، فلا يوجد حب ولا إنتماء ...مش حنضحك على بعض ...أعضاء النادى الأهلى يدفعون مئات الآلاف للإشتراك فى النادى اللى هو مش ناقص فلوس أصلا ، ومتربص بلاعبينا وهناك نادى بيراميدز (العو الجديد) إنتوا يا جماعة مش عايشين فى الدنيا ، الكورة دلوقتى إحتراف وفلوس ، إنتوا لسه عايشين على ماضى الإعتماد على الناشئين والجو ده !!! يبقى مش عايزين بطولات وبلاش نناطح الأندية الكبيرة الأهلى والزمالك اللى بقى إشتراكه هو كمان 250 ألف جنيه ، ونركن على جنب بقى وخلينا نفرح بالفوز على الأهلى كل 20 سنة مرة ، زى المصرى والإتحاد ودجلة والجونة والأندية الصغيرة كلها.
إحسبوها كده معايا
شعب الإسماعيلية 1,400,000 فرد
لو إشترك 10,000 فرد بس * 60,000 جنيه رسم عضوية النادى الإجتماعى = 600,000,000 جنيه ، يعنى 600 مليون جنيه
ده صباح الخير يا مصر بس ....ولسه الإعلانات وإستغلال شعار وفانلة النادى وغيره وغيره ...
حنفرض إرادتنا على الكل ساعتها ونجيب أحسن لاعيبة وأحسن مدرب وأحسن مجلس إدارة يستغل الموارد دى ونحاسبه على المليم
إحنا لو جبنا أقوى مجلس إدارة واللى هو كالتالى :
أسامة خليل رئيس نادى
خالد بيومى نائب رئيس
على غيط أمين صندوق
على أبو جريشة رئيس قطاع الناشئين
حمزة الجمل مدير فنى
محمد حمص مدرب عام
حسنى عبد ربه مدير كورة
الناس دى يعنى حتجيب فلوس منين وحتى لو عندهم أفكار دعائية وإعلانية وإعلامية إحترافية زى أسامة خليل وخالد بيومى ، مش لازم يبقوا واقفين على أرض صلبة؟ .....فين دورنا؟!!! ...دورنا مش التشجيع ...دورنا الوقوف خلف النادى ، وهو ده وقتها ، لإثبات لمصر كلها وللعالم العربى والإفريقى إن الإسماعيلى وراه جماهير رجالة حتقوم بيه عشان يبقى فى مصاف الأندية المتقدمة لأنه بجد وبصراحة أحسن من الأهلى والزمالك وبيراميدز والمصرى والإتحاد والمقاولين
لك الله يا إسماعيلى من جماهير بتدعى الحب والعشق والهوى والهيام فى النادى ، وهيا أبخل وأسوء جمهور فى مصر.
واللى دمر النادى مش إبراهيم عثمان وبس ....لأ ......إبراهيم عثمان وجماهير الإسماعيلى ....حسبى الله ونعم الوكيل


الساعة الآن: 11:20

Powered by vBulletin ®

Security byi.s.s.w