منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   النادي الاسماعيلي Ismaily Club (http://www.ismaily-sc.com/vb/forumdisplay.php?f=3)
-   -   فال سىء (http://www.ismaily-sc.com/vb/showthread.php?t=35348)

محمد احمد زيتون 22-11-2020 00:43

فال سىء
 
انتهت مباراة الاسماعيلى و سيراميكا الصاعد الجديد للدورى الممتاز بهزيمة الدراويش 1 / 2 و هذا فال سىء لنا و فال حسن لسيراميكا لاننى تعودت او عهدت ان الفرق الصاعدة حديثا عندما نلعب معها قبل بداية الموسم الكروى لا ناخذ المباراة بجدية لانه فريق صاعد بينما يلعب الفريق الصاعد معنا بروح عالية ليثبت لنفسه انه يستحق الصعود للممتاز و عند لعب مباريات الدورى تلعب هذه الفرق بقوة لانها فازت فى مبارة ودية و لا تخشى فرقتنا بل يمكن ان تكون عقدة لنا كفرق كثيرة سبقتها و النتيجة احباط لاغلب لاعبينا بدلا من رفع روحهم المعنوية و يثبتوا ان الحال تغير و لكن للاسف مازال الاستهتار مستمرا حتى من المدير الفنى الذى لم يلعب باى من الصفقات الجديدة حتى ينسجموا مع الفريق و ينصهروا معه الرجاء من اللاعبين و الجهاز الفنى ان يلعبوا بجدبة لانفسهم اولا ثم لنا كجمهور فامامنا مباراة فى بطولة عربية امام منافس قوى فيجب ان تلعب المباريات الودية بجدية حتى لا نفاجأ بمستوى متدنى امام الرجاء المغربى فارحمونا رحمكم الله

ايمن الاسماعيلاوى 22-11-2020 08:37

استاذ احمد
لو فيه بطوله للمباريات الوديه فالاسماعيلى هو بطلها قبل بدايه الموسم وفى فتره التوقف ولكن فى المباريات الرسميه الاسماعيلى احتل المركز الحادى عشر
الهزيمه فى المباريات الوديه فرصه جيده لاكتشاف العيوب ومن يصلح من اللاعبين للبقاء ومن يرحل
الفوز فى الودى خادع

محمد احمد زيتون 22-11-2020 17:02

اقتباس:

المشاركة الأصلية كتبت بواسطة ايمن الاسماعيلاوى (المشاركة 514803)
استاذ احمد
لو فيه بطوله للمباريات الوديه فالاسماعيلى هو بطلها قبل بدايه الموسم وفى فتره التوقف ولكن فى المباريات الرسميه الاسماعيلى احتل المركز الحادى عشر
الهزيمه فى المباريات الوديه فرصه جيده لاكتشاف العيوب ومن يصلح من اللاعبين للبقاء ومن يرحل
الفوز فى الودى خادع

تمام انا معاك يا باشا بس الصفقات اللى اتعملت دى مش مفروض انها تلعب فى الودى علشان الانسجام و على رأى اسناذنا نصر يلعبوا تليين مفاصل حتى بس و الله يا أستاذ أيمن فرقة زى سيراميكا مع احترامى الشديد لها و لطموحاتها لما تفوز علينا فى الودى حتكبر فى دماغها و تعافر معانا فى الرسمى زى فرق بتروجيت و المقاصة و اف سى مصر اول ما ظهروا

اشرف عمران 22-11-2020 17:27

انا لست معك يااستاذ ايمن فى ان الفوز فى المباريات الوديه خادع وغير مهم ولست مع اى مدير فنى خيبان وجاهل بكورة القدم يقول انه لاتهمه نتائج المبارايات الوديه وانه كان بيجرب طرق لعب معينة او ان الفريق لم يصل بعد لمستوى اللياقه المطلوب .. وهو فريق سراميكا الصاعد من الدرجة التانيه من كام يوم مش برضه كان بيجرب طرق لعب وفاز .. وسراميكا مش برضه لسه لم يصل لمستوى اللياقه البدنيه المطلوب وفاز .. وسراميكا مش برضه كان بيجرب لاعبيه الجدد الذين لم ينسجموا مع بعد مع باقى الفريق وفـــــاز .. اشمعنى الاسماعيلى اللى حتى فى الودى مش بيفوز ؟؟
اعتقد ان الاسماعيلى لن يفوز ولا حتى فى الحكشة طالما بقى ابراهيم عثمان رئيسآ للنادى والمدعو ريكاردو مديرآ فنيآ وحسبنا الله ونعم الوكيل !!!

نصر ابراهيم يوسف 22-11-2020 19:27

احنا الحمد لله يا استاذتى الكرام طول الموسم الماضى بنتغلب ودى و رسمى
يعنى اللى مش عارف يكسب فى الودى اكيد فى الرسمى ح يتنيل اكثر و اكثر
كنا كل ما نتغلب ودى يطلع الاخ يسيتش و الشيخ صبرى و يقولوا انهم لا يهمهم النتئج فى الودى و ان الودى بيكشف لهم مشاكل الفريق لكن فى الحقيقة لا كان بيهمهم النتائج فى الودى و لا الرسمى و من بعده السلحدار كان بيتغلب ودى و يقول انه لا يهمه النتائج فى الودى و بعدها يتغلب فى الرسمى و نفس الامر هيرون ريكاردو لم يفز الا مباراتين و الباقى هزائم سواء ودى او رسمى
.
علشان كدة الواحد اتشائم لما وجد ان الاسماعيلى فى الموسم الجديد مثل الموسم الماضى بدأها بالهزائم الودى قبل ما يدخل على الهزائم الرسمى
انا اللى قالقنى هو الظهير الايسر الجزائرى الذى لا يمتلك مستوى يسمح باشراكه و لو خمس دقائق فى اى مباراة ودية
طيب آرى بابل لا يشارك فى الودى لانه مع منتخب بلاده و كذلك سيلفا و شيلونجو لا يشارك فى الودى لانه مغضوب عليه
و فخر لا يشاركط فى الودى لانه وصل للتو
طيب الظهير الايسر الجزائرى معقول رغم طول فترة تواجده مع الفريق لم يصل لمستوى يسمح باشراكه خمسة دقائق ودى؟؟؟ يبقى بالتأكيد سيكون فى الرسمى غائب على الدوام يعنى حتى لن يجلس على الدكة يعنى سيكون من نوعية اللاعبين الذين اتوا الاسماعيلى و لم يلمسوا كرة و يحصلوا على مئات الالاف من الدولارات عند التعاقد ثم يحصلوا على مئات الالاف من الدولارات تعويضات لفسخ التعاقد معهم فى اول فترة قيد بالتراضى

محمد احمد زيتون 25-11-2020 15:58

اقتباس:

المشاركة الأصلية كتبت بواسطة اشرف عمران (المشاركة 514809)
انا لست معك يااستاذ ايمن فى ان الفوز فى المباريات الوديه خادع وغير مهم ولست مع اى مدير فنى خيبان وجاهل بكورة القدم يقول انه لاتهمه نتائج المبارايات الوديه وانه كان بيجرب طرق لعب معينة او ان الفريق لم يصل بعد لمستوى اللياقه المطلوب .. وهو فريق سراميكا الصاعد من الدرجة التانيه من كام يوم مش برضه كان بيجرب طرق لعب وفاز .. وسراميكا مش برضه لسه لم يصل لمستوى اللياقه البدنيه المطلوب وفاز .. وسراميكا مش برضه كان بيجرب لاعبيه الجدد الذين لم ينسجموا مع بعد مع باقى الفريق وفـــــاز .. اشمعنى الاسماعيلى اللى حتى فى الودى مش بيفوز ؟؟
اعتقد ان الاسماعيلى لن يفوز ولا حتى فى الحكشة طالما بقى ابراهيم عثمان رئيسآ للنادى والمدعو ريكاردو مديرآ فنيآ وحسبنا الله ونعم الوكيل !!!

تمام يا أستاذ أشرف هذا ما قصدته تماما بل الأهم من كل ذلك أن سيراميكا مع إحترامى الشديد لهم فهم فريق صاعد و أول مرة يتواجد بالدورى فعندما يفوز على الاسماعيلى صاحب التاريخ و البطولات و إن كانت قليلة إلا أنه الضلع الثالث فى الكرة المصرية شاء خبراء الكرة المصرية أم لا و هزيمته من فريق صاعد فى لقاء ودى سترفع جدا من روحهم المعنوية و تهبط بروح لاعبينا المعنوية بل سيتجرأو علينا فى الدورى و لما لا و هم فازوا علينا فى أول لقاء بين الغريقين

محمد احمد زيتون 25-11-2020 16:03

اقتباس:

المشاركة الأصلية كتبت بواسطة نصر ابراهيم يوسف (المشاركة 514810)
.
علشان كدة الواحد اتشائم لما وجد ان الاسماعيلى فى الموسم الجديد مثل الموسم الماضى بدأها بالهزائم الودى قبل ما يدخل على الهزائم الرسمى
انا اللى قالقنى هو الظهير الايسر الجزائرى الذى لا يمتلك مستوى يسمح باشراكه و لو خمس دقائق فى اى مباراة ودية
طيب آرى بابل لا يشارك فى الودى لانه مع منتخب بلاده و كذلك سيلفا و شيلونجو لا يشارك فى الودى لانه مغضوب عليه
و فخر لا يشاركط فى الودى لانه وصل للتو
طيب الظهير الايسر الجزائرى معقول رغم طول فترة تواجده مع الفريق لم يصل لمستوى يسمح باشراكه خمسة دقائق ودى؟؟؟ يبقى بالتأكيد سيكون فى الرسمى غائب على الدوام يعنى حتى لن يجلس على الدكة يعنى سيكون من نوعية اللاعبين الذين اتوا الاسماعيلى و لم يلمسوا كرة و يحصلوا على مئات الالاف من الدولارات عند التعاقد ثم يحصلوا على مئات الالاف من الدولارات تعويضات لفسخ التعاقد معهم فى اول فترة قيد بالتراضى

كلام حضرتك صحيح مائة بالمائة فالمباريات الودية تعطى انطباع كبير عما هو قادم فهزيمة الفريق من سيراميكا اعتقد انها جعلت الكثير من محبى الدراويش يتشائمون و لكن الميزان اتعدا بالفوز على طلائع الجيش الفريق الاقوى و بعد اشراك بعض اللاعبين الجدد الذين ظهروا بمستوى لا بأس به خاصة احمد مصطفى صغير السن مع تمانيتنا ان يكون الجدد اضافة حقيقية للفريق لا عالة على الفريق

Dark Angel 29-11-2020 18:50

أخبار إبن كابتن سيد عبد الرازق بازوكا إيه ، هل ينفع نتعاقد معاه كهاف ديفندر مع (فقوسة وعماد حمدى) بضغط من والده.
وهل ينفع نتعاقد مع باتريك فييرا بدلا من بيكيتى سيلفا اللى الإدارة حتمشيه

محمد احمد زيتون 30-11-2020 03:02

اقتباس:

المشاركة الأصلية كتبت بواسطة dark angel (المشاركة 514831)
أخبار إبن كابتن سيد عبد الرازق بازوكا إيه ، هل ينفع نتعاقد معاه كهاف ديفندر مع (فقوسة وعماد حمدى) بضغط من والده.
وهل ينفع نتعاقد مع باتريك فييرا بدلا من بيكيتى سيلفا اللى الإدارة حتمشيه

أنا بجد من خارج الاسماعيلية و ما أعرفش إن كان سيد بازوكا له ابن بيلعب كورة و لا لا و بعدين هى جات على بازوكا ما هو مصطفى شوبير حارس مرمى مستقبل الاهلى رغم ان فى اجمد منه بكتير لكن السبوبة و المصلحة فوق الاندية خاصة فى العزبة بتاعتنا

Dark Angel 30-11-2020 10:24

اقتباس:

المشاركة الأصلية كتبت بواسطة محمد احمد زيتون (المشاركة 514844)
أنا بجد من خارج الاسماعيلية و ما أعرفش إن كان سيد بازوكا له ابن بيلعب كورة و لا لا و بعدين هى جات على بازوكا ما هو مصطفى شوبير حارس مرمى مستقبل الاهلى رغم ان فى اجمد منه بكتير لكن السبوبة و المصلحة فوق الاندية خاصة فى العزبة بتاعتنا

لأ يا فندم ، سيد بازوكا ليه إبن جامد جدا وبيلعب ديفندر ، والأندية كانت بتتخانق عليه ، وعلى فكرة أنا إسماعيلاوى من القاهرة :n (64):

محمد احمد زيتون 03-12-2020 02:53

اقتباس:

المشاركة الأصلية كتبت بواسطة dark angel (المشاركة 514846)
لأ يا فندم ، سيد بازوكا ليه إبن جامد جدا وبيلعب ديفندر ، والأندية كانت بتتخانق عليه ، وعلى فكرة أنا إسماعيلاوى من القاهرة :n (64):

شكرا لرد حضرتك بس يا ريت الحاشية تبعد عن النادى اعتقد انه حينصلح حاله

عبده صالح الوحش 19-12-2020 05:50

اخبار مصر | الاسماعيلي يخسر أحد أهم لاعبيه لمدة 15 يومًا

أعلن النادي الإسماعيلي المصري اليوم الجمعة غياب عبد الرحمن مجدي لاعب الفريق لمدة أسبوعين بسبب الإصابة.

وذكر الموقع الرسمي للنادي اليوم الجمعة:”أثبتت الأشعة التي خضع لها اللاعب عبد الرحمن مجدي، وظهرت نتيجتها اليوم، إصابته بتمزق في العضلة الضامة”.

وأضاف :”يحتاج عبد الرحمن مجدي لراحة لا تقل عن أسبوعين قبل العودة للتدريبات الجماعية

ومن المقرر أن يغيب اللاعب عن مباراة فريقه أمام الجونة المقرر إقامتها يوم الإثنين المقبل في الجولة الثالثة من منافسات مسابقة الدوري المصري.

وكان مجدي أصيب خلال المباراة التي تعادل فيها الإسماعيلى مع الإنتاج الحربي 3/3 أمس الخميس


الساعة الآن: 00:49

Powered by vBulletin ®

Security byi.s.s.w