منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   الثقافة و الفنون Culture&Art (http://www.ismaily-sc.com/vb/forumdisplay.php?f=71)
-   -   دستور يا اسيادنا (http://www.ismaily-sc.com/vb/showthread.php?t=4643)

عصام رشوان 14-08-2009 04:24

اقتباس:

المشاركة الأصلية كتبت بواسطة kasha (المشاركة 129172)
المادة (41) الحرية الشخصية حق طبيعي وهى مصونة لا تمس، وفيما عدا حالة التلبس لا يجوز القبض على أحد أو تفتيشه أو حبسه أو تقييد حريته بأي قيد أو منعه من التنقل إلا بأمر تستلزمه ضرورة التحقيق وصيانة أمن المجتمع، ويصدر هذا الأمر من القاضي المختص أو النيابة العامة، وذلك وفقا لأحكام القانون. ويحدد القانون مدة الحبس الاحتياطي.
المادة (42) كل مواطن يقبض عليه أو يحبس أو تقيد حريته بأي قيد تجب معاملته بما يحفظ عليه كرامة الإنسان، ولا يجوز إيذاؤه بدنياً أو معنوياً، كما لا يجوز حجزه أو حبسه في غير الأماكن الخاضعة للقوانين الصادرة بتنظيم السجون. وكل قول يثبت أنه صدر من مواطن تحت وطأة شئ مما تقدم أو التهديد بشئ منه يهدر ولا يعول عليه.
المادة (44) للمساكن حرمة فلا يجوز دخولها ولا تفتيشها إلا بأمر قضائي مسبب وفقا لأحكام القانون.
المادة (45) لحياة المواطنين الخاصة حرمة يحميها القانون. وللمراسلات البريدية والبرقية والمحادثات التليفونية وغيرها من وسائل الاتصال حرمة، وسريتها مكفولة، ولا تجوز مصادرتها أو الإطلاع عليها أو رقابتها إلا بأمر قضائي مسبب ولمدة محددة ووفقا لأحكام القانون.
المادة (47) حرية الرأي مكفولة، ولكل إنسان التعبير عن رأيه ونشره بالقول أو الكتابة أو التصوير أو غير ذلك من وسائل التعبير في حدود القانون، والنقد الذاتي والنقد البناء ضمان لسلامة البناء الوطني.
فين الكلام دا على ارض الواقع
وفين الحريه والحق اللي كفلهم لينا القانون
على كل حال اغلب مواد الدستور مواد نظريه لا يعترف بها الحاكم ولا يقرها الواقع
سيبها ماشيه بالبركه افضل

دستور يا اسيادنا

:75_75:

عصام رشوان 14-08-2009 04:25

اقتباس:

المشاركة الأصلية كتبت بواسطة AYMANDYAB (المشاركة 129026)
عايز حقي :angry_smile:

روح له

عصام رشوان 14-08-2009 04:26

اقتباس:

المشاركة الأصلية كتبت بواسطة esmaelawy awy (المشاركة 129219)
انا ماليش دعوة بيكم ياعم

ما اعتقدش

aboshady 14-08-2009 04:27

ايه الكلام الجامد ده يا استاذ عصام
توبك كبير وعظيم ومهم فعلا

سيتم تثبيته فورا ليكون مرجعا للجميع

عصام رشوان 14-08-2009 04:28

اقتباس:

المشاركة الأصلية كتبت بواسطة أبو الوفا (المشاركة 129028)
حيودوك العمبوكه يا صحبى
واحنا محتاجينك هنا ليبرو
سيبك من حقك وخليك معانا احسن

الليبرو بيدافع ...عن حقه

عصام رشوان 14-08-2009 04:30

اقتباس:

المشاركة الأصلية كتبت بواسطة aboshady (المشاركة 129719)
ايه الكلام الجامد ده يا استاذ عصام
توبك كبير وعظيم ومهم فعلا

سيتم تثبيته فورا ليكون مرجعا للجميع

شكرا للمهاجر الذى يحمل داخله هموم وطن

عصام رشوان 14-08-2009 04:34

اقتباس:

المشاركة الأصلية كتبت بواسطة ahmed88_7 (المشاركة 129198)
التوبك ده هيبقى جامد

املنا ان احنا اللى نبقى جامدين بحق و حقيق
يا أمل بكرة بحق و حقيق

عصام رشوان 14-08-2009 05:27

المادة 96 تعطينى الحق انى اقول ان كل معظم النواب بالسلامة برة المجلس.........ah_algamal
النواب بس ؟


عصام رشوان 14-08-2009 06:01


دستور يا أسيادنا
ـــــــــــــــــــــــــــــــ
دستور يا اخوانا يا بعدا
لأ .. سوري .. دستور م البعدا
محبوس حابس يا سيادنا
و بكاكي من فوق مدنا
و ورايا ديوك بيكاكو
حرصوا عالباقي معاكو
بركة مولانا هولاكو
حلت و علينا اللعنة
...
طرطور طرطر طراطير
بيغيروا فالدساتير
و لا عاد فالحتة كبير
و يا وارث تورث مين
ما الورث إتباع و إتبعنا
...
نرجع تاني لموضوعنا
و بيان لديار الإفتا
من جمهورية زفتا
لعبة و عملوها إستفتا
صوت ياللي انت سامعنا
و قول .. ملك ولا كتابة
أسد .. شبل ف الغابة
و احلف وحياة راس بابا
زفة فمولد كدابة
و الله يجازي اللي خدعنا
...
للجوكر ألف تحية
ملعون خاش الحرية
يحيا قانون العبودية
و القوانين الوضعية
و الحكومات الشمولية
لها مني ألف تحية
وحياة أمي دي رجعية
لو صوتنا على و جعجعنا
...
واحد ولافيش غير هوه
قاعد متربع جوة
و بكيفك .. أو بالقوة
لو عامل فيها فتوة
روح قله بقى يودعنا
...
عصابات شغل فتوات
و إستعباط على حركات
و السقا أبوه لو مات
حيقوم يسقي الشربات
و يكمل على مواجعنا
...
مزيكة و تراباتو
و نفديك بالدم ... إفدوه
بس إحنا و رحمة أبوه
مين ده اللي حيلوي دراعنا
...
روح هاتلي لمون بالصودا
انا حاسة بريحة شوطة
حيصعدوا فصل الروضة
و الورث حيصبح موضة
لم الجدعان و اتبعنا
على قهوة ساقية مكي
نصرخ نلطم و حنبكي
ده ناويها و بيتكتكلي
قبل ما حتى يودعنا
...
ظقططوا يا عيال قولوا هيه
الحكم صبح تيك أواي
لو عايز قول أوكيه
و لو رافض قول أوكيه
في كلا الحالتين نوو واي
غير كودية و زار ينفعنا
...
أنا عايزة بخور م الجاوي
و حمار أرمل و حصاوي
و دراع برغوت مش غاوي
تنطيط عفريت و مخاوي
شلة مقاطيع يقطعنا
...
حابس من شر الكرسي
من شر عزيزة و مرسي
من قرص النمل الفارسي
م الأحياء و الأموات
من كايرو إلى بغداد
أشتات أشتوت أشتات
حرصوا من لعب السيكا
م الحكشة و م البولوتيكا
و لا تشمت يوما فيكا
مارشيل بنت أم ماريكا
قول حاجة الله يهديكا
و ادعي معايا يخليكا
...
حلوا بقى عن أوجاعنا
و انصرفوا عليكوا اللعنة
و انصرفوا عليكوا اللعنة
انصرفوا عليكوا اللعنة !
...
الشاعرة : ايمان بكرى

AH_ALGAMAL 14-08-2009 20:48

اقتباس:

المشاركة الأصلية كتبت بواسطة عصام رشوان (المشاركة 129359)
المادة (53) تمنح الدولة حق الالتجاء السياسي لكل أجنبي اضطهد بسبب الدفاع عن مصالح الشعوب أو حقوق الإنسان أو السلام أو العدالة. وتسليم اللاجئين السياسيين محظور.

محتاج توضيح اكتر


مبدأ حق اللجوء السياسي للاجئين الأجانب والمضطهدين بسبب الدفاع عن مصالح الشعوب وحقوق الإنسان أو السلام أو العدالة وحظر تسـليم اللاجئ السياسي:
ورد هذا المبدأ فى المادة 53 من الدستور والتى تنص على أن:
" تمنح الدولة حق اللجوء السياسى لكل اجنبى اضطهد بسبب الدفاع عن مصالح الشعوب أو حقوق الإنسان أو السلام أو العدالة وتسليم اللاجئين السياسيين محظور "
وتقابل هذه المادة بالمواثيق الدولية لحقوق الإنسان المواد التالية:
أ - المادة 14 من الإعلان العالمي لحقوق الإنسان.
ب – المادة 12 فقرة 3 من الميثاق الافريقي لحقوق الإنسان.
ج ـ المادة 23 من الميثاق العربي لحقوق الإنسان.

ده يا سيدى زى اللجوء السياسى لشاه ايران الى مصرفى عهد السادات عندما لم يجد دولة تقبله على اراضيها
وبرضه لجوء جعفر نميرى رئيس السودان الى مصر

شكرااا ع التوضيح ...



AH_ALGAMAL 14-08-2009 20:49

اقتباس:

المشاركة الأصلية كتبت بواسطة عصام رشوان (المشاركة 129715)
العفو يا مواطن
بس للحق انت مواطن فاهم و واعى كفاية انك تعبت نفسك فى قراءة مواد الدستور اللى اغلس من مواد الثانوية العامة :teeth_smile:
تعليقاتك على المواد اياها اثرى التوبك باشكرك بجد على مرورك الواعى


اشكرك ..

جارى قراءة الباقى . . . . :teeth_smile:

AH_ALGAMAL 14-08-2009 20:50

اقتباس:

المشاركة الأصلية كتبت بواسطة aboshady (المشاركة 129719)
ايه الكلام الجامد ده يا استاذ عصام
توبك كبير وعظيم ومهم فعلا

سيتم تثبيته فورا ليكون مرجعا للجميع

اهو كدة الكلام

مش يروح يهرب ...

:teeth_smile:


الساعة الآن: 04:18

Powered by vBulletin ®

Security byi.s.s.w