منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   الثقافة و الفنون Culture&Art (http://www.ismaily-sc.com/vb/forumdisplay.php?f=71)
-   -   دستور يا اسيادنا (http://www.ismaily-sc.com/vb/showthread.php?t=4643)

أبو الوفا 15-03-2010 13:55

اقتباس:

المشاركة الأصلية كتبت بواسطة عصام رشوان (المشاركة 258402)
اشاركك تخوفك من اللى ممكن يحصل يا استاذ احمد و ربنا يسترها

و كنا هنبقى مطمئنين لو ان التعديل المطلوب فى الدستور حصل
لكن اسمح لى يا استاذنا
رايك فى الحكومة الحالية ممكن توضحه اكتر

و هل تقصد انها مختلفة و لا كلمة الحق هى اللى طلعت
:teeth_smile:

أكيد ياعمونا مختلللله .. لكن الرجل مش راضى يقرص على الذهر شوية:74_74:

عصام رشوان 15-03-2010 14:03

اقتباس:

المشاركة الأصلية كتبت بواسطة أبو الوفا (المشاركة 258404)
أكيد ياعمونا مختلللله .. لكن الرجل مش راضى يقرص على الذهر شوية:74_74:

استاذنا الجميل ابو الوفا و الله نورت الدستور
:teeth_smile:
شكلك حريف طاولة كبير
بس مش الزهر اللى عايز يتقرص يا عمونا
اللى عايزين يتقرصوا هما اللى سودوا لنا الدهر

AH_ALGAMAL 18-03-2010 16:26

اقتباس:

المشاركة الأصلية كتبت بواسطة عصام رشوان (المشاركة 258402)
اشاركك تخوفك من اللى ممكن يحصل يا استاذ احمد و ربنا يسترها
و كنا هنبقى مطمئنين لو ان التعديل المطلوب فى الدستور حصل
لكن اسمح لى يا استاذنا
رايك فى الحكومة الحالية ممكن توضحه اكتر
و هل تقصد انها مختلفة و لا كلمة الحق هى اللى طلعت
:teeth_smile:

:teeth_smile: :teeth_smile: :teeth_smile:


لا .. شوف ربنا .. حكم .. انا كان قصدى اكتب مختلفة .. بس طلعت .. مختلة .. /// ههههههه

تدبير ربانى :teeth_smile: :teeth_smile:

الظاهر ان انا عندى مشكلة مع حرف الخاء
----

لا .. بس انا فرحان ان حضرتك معايا فى حتة الخوف على مستقبل مصر بعد حسنى ..

والخوف عندى من حاجتين انة يتم اختيار شخص مناسب اولا ..

ثانيا : كيف سيسير هذا الشخص

الحكاية تبدو سهلة ..

لكن الراجل هيفلسع من هنا .. وهتبقى كوسة وضياع و فووووووووووضى وتدافع وكلو هيخاق فى بعضة ..

حاجات كتير كمان معنديش صبر انى اقعد اكتبها

------

اما بخصوص الحكومة هى فعلا مش وحشة كما يتصورها الكثير بل الكل


--

تقبل تحياتى




عصام رشوان 09-07-2011 07:02

الف خسارة ... كل المداخلات اللى اتكتبت بعد الثورة فى توبك الدستور اختفت
انا حزين جدا على كل مداخلات الاعضاء و رؤيتهم و تحليلهم لاحداث ثورة يناير العظيمة
وخصوصا توبك ثورة الحرية اللى كان مرجع حقيقى لاحداث الثورة من قبل انطلاق شرارتها الاولى حتى الان


وبمناسبة ما نشهده من محاولات تمييع الثورة و الالتفاف حول مطالبها الاساسية
ياريت نسمع شاعر مصرى كبير شايف انه ( لسة النظام مسقطش )




http://www.youtube.com/watch?v=NVuqPJnQeiU

كلمات قصيدة لسه النظام ما سقطش - عبدالرحمن الابنودي


أول كلامى أهنى الشعب أبو الثوار
اللى خلق ثورته تحت الرصاص والنار
اللى فرض كلمته ع الحاكم الجبار
ساقهم طابور للعدالة للندالة عقاب
فضح جميع اللصوص ورا شيخهم الكداب
طلع حاميها حراميها طلع نصاب
الملعونين لا شماتة ف كل لوح وكتاب
و ع العدالة البطيئة لينا ألف عتاب
فساد بيلضم رئيس بوزير على نواب
اترصوا كما سور حجب عن مصر أى نهار
سرقوا دوا المرضانين سرقوا حليب الطفل
القصد سرقوا الوطن ورموا لنا إحنا التفل
سلبوا الوطن نضرته فاكريننا حزمة هبل
فجأة الوطن بص شاف ن البدن عارى
وإنه سلعة ما بين بايع وبين شارى
تعبت شعوبنا توارى الشكوى وتجارى
غير تدعى ع المجرمين وتشهد البارى
والطفل حتى ان ضحك فالضحكة طيارى
باعوا البلد حته حته ووزعوا الباقى
وفجأة صوت الوطن على ودش القفل
يادى الجثث يوم ما على سطح الفساد عاموا
والشعب ينعى ولاده ويبكى أيامه
ولا حد طاله عقاب و لا فيه كبير لامه
بين الكبير والعصابة سيبها مستورة
فى يومها ساب من غرق راح شجع الكورة
بلدنا فى حداد وشفنا الست مستورة
اليأس صبغ الحياة روح مصر مكسورة
حاصروها من كل ناحية ضلموا الصورة
باعوا الوطن فى النهار بدون ما يخبوا
وسلموا للعدو المفتاح وأختامه
ابن البلد شاف بلاده حفلة من موتى
وشاف مصانع أبوه حته ورا حته
طبخوا وحطوها كلتها فى طبق فته
شاف مصر مصر العزيزة تنام على الأرصفه
وتخوض حروبها الجديدة لأجل ست أرغفة
كل اقتصادها اتنهب لبس طاقية خفا
والجهل قال للمرض العب عليه الشفا
وإذا جبنا سيرة الوطن يتمقلتوا الرايقين
أما المجالس فكانت حفلة للعته
هربت فلوس مصر خارج مصر فى أوروبا
حمى مالنا منا و سف و سفت النخبة
وان قلنا جعنا ما فيش غير جملته الخايبه
أجيب لكو منين ساعتها يسقفوا اللؤما
طيارة مخصوص بتنقل صاحب العصمة
يا خويا كتر السفر من غير ولا مهمة
أتاريه يسافر يا سيدى يسجل البصمة
والناس فى تعاستها بتدور على اللقمة
واللقمة سافرت أوروربا هناك لقى أهله
واحنا ف بلدنا استوينا وعشنا كالغربا
عجبتنا ضلتها واستهترنا بالحكام
صدقنا أوهامنا والأيام بقت أعوام
واللى ملخلخ ثبت وتق رباط و حزام
عملنا ايه للفقارى لما هرب العيش
من تانى رجع الفقير يلبسها فل وخيش
قلنا وهل صحى قولنا نومة الدراويش
حققنا بالصوت فلان يسقط و غيره يعيش
إيه تعمل الكلمة ف أبو سلاح و شرطة وجيش
والحلم كداب ياخدنا لفوق يسيبنا لتحت
قوللى فى سوق الحقيقة بقينا نسوى كام
مين دول يا أهل الوطن طلعوا منين قولوا
ما خلوا شىء للوطن حتى طبق فوله
وعلى أنين أهلنا هل مره سمعوا له
باعوا تراث الجدود فراعين على إسلام
وإن يسألوهم يردوا كل حاجه تمام
ليهم جيوش فى الدعاية وخبرا فى الإعلام
نهبوها ثروات كبار ما تكفيهاش أحلام
الطيبين الجمال حراميه ده اسمه كلام
ونخروا تحت الوطن حفرة ورا حفرة
ونصبنا شاهد كبير ونمنا فى طوله
وف لحظة فعلا ليق بينا نفضنا الهم
ولا همنا م الرصاص ولا من بحور الدم
الثورة ملت الميدان والكيف فى حجم الكم
ملايين فى أوركسترا جوه الميدان تعزف
هتاف كإنه رياح مجنونة وبتكشف
الست شايلة ابنها وسط الجموع تهتف
والصوت كإنه بيشرب دم من ينزف
هل شعبنا ده اللى كان من لحظه متكتف
آه يا بلادى الجميلة لما تبقى انتى
ملايين راششها الوطن على أرضه كيف تتلم
دى ثورة و لا الشروق غمر ميادينها
أعلام دى والا اشرعة لصوارى سفاينها
وشوف من امتى انتهت و لسه سامعينها
ياه ع الجنون اللى خلى الرقصة جماعية
ملايين فى قلب الميدان والدنيا حريه
صابرين على مرها فى الطايبه والنيه
من غير أساتذة البشر جمعتهم النيه
يتوحد الصوت بروق تضوى مدوية
الثورة سهلة فأرجوك لم الغازك
إحنا اللى مالكينها مش إنتو اللى مالكينها
زحفت جيوش الشباب يا مرحبا يا مصر
زأرتى فى الكون زئيرك شق بطن العصر
ملايين بتهتف وبتزلزل حيطان القصر
وآه يا بلدى العجيبة قولى جيتى منين
إنتى دى والا مش انتى لقيتى صوتك فين
فى كل وجه ابتسامة نصر حى مبين
والغنوة تصدح وتصبح خلق بالملاييين
ميدان صرخ فى البلاد ردت عليه ميادين
مصر اشرأبت وعبت صدرها ثورة
عرفت فى لحظة زمن إزاى تعود للأصل
وجوه أضائت وجوه مسودة كالدخان
وبالخصوص اللصوص حرامية الأوطان
من باعوا كنز البلد لعدوها الشيطان
سلبوا الفقير لقمته سوا فى المدن فى الريف
وكتفونا سنين وحليلهم التكتيف
مصر الضمير للأمم نزلوا عليه تجريف
وكنا وسخين لكن هم شريف و نظيف
وكنا شهدا الوطندلوقتى شهدا رغيف
أما حموله يا بنت الإيه يا ست الكل
وازاى فى طلعة ميدان اتهردم الطغيان
الثورة قطر النجاه داخل فى مواعيده
على الهتاف بالشعار لم كفوا ترديده
والخادم المنحنى المذلول نفض سيده
إتشققت أرض مصر الحرة يا خيي
طولت إيدين الغلابة تشاشى وتحيي
للشعب صوت لما ينوى يدوى بيدوى
فلتعلنوا الفرحة وتظاظوا كده زيي
اللى مجرد سيرتهم تئذى وتعيي
باعوا الوطن فى العلن جبنا الوطن تانى
آدى الوطن فى الميدان ويدنا ف إيده
لولا إن مصر دى ما بتضيعش كان ضعنا
إزاى لحبة لصوص نخينا وخضعنا
وإزاى دارينا الإهانه تحت تواضعنا
كإننا ماحناش احنا والتاريخ كداب
والدنيا تنظر إلينا بكل لاستغراب
على صبرنا المفترى ع الحاكم الدحلاب
وإحنا لا بنسألوا ولا لازمنا جواب
عارفين عيوبنا وأصل القصة والأسباب
عشناها فى اللنتظار ومن انتظار لانتظار
وف يوم لقينا النهار وسط الميدان معنا
لكن اللى ما عرفش مصر يقول كده واكتر
تبان هزيلة قتيلة يوماتى تتدحدر
ما يعرفوش ان خلف الغيم بلد يقدر
يضرب بكفه يفتح ألف باب للغد
يطلع ربيعه فى قلب البرد أو فى الشرد
ملايين ما يتحسبوا لا بالجوز ولا بالفرد
فجأة من الشوك تطل عليك عيون الورد
فجأة ويعلا الغنا يملا الفضا والأرض
ومصر هيه لكن هتقول ماهيش هيه
لولا ف عينيها الهرم والسد والأزهر
كام ألف طاغى فى أفريقيا نهب شعبه
يلهف مصادر حياته ويدعى حبه
الشعب يشقى وهوه وأسرته يعبوا
يرشى الصحافة وساكن وشه فى الشاشة
هوه ووراه شلته شاكوش وكماشة
يقول لده إنت بيه ويقول لده باشا
يحن على أمته يرعى الفقير. حاشا
على كتفه كيلة نجوم وهو أومباشى
وبلحم أطفال بلاده الغضه يتعشى
ولا حد فى شعبه كله غلط فى يوم حبه
أما إذا شعبه قام وقبض عليه باليد
فالمال – بدون بصمته – ما يصرفوهشى حد
طب لو عمى واتبكم من كل خرم اتسد
من كل ده نابك إيه يا شعب غير الفلس
وتعمل إيه ببصمته بالصوت ما دام اتخرس
حكايه طبعا عجيبة واسألوا اللى اتقرص
شفنا كتير الأسود فى لحظة صاروا بسس
وتضيع أمانى الشعوب فى أى مستقبل
والبنك يلهف لا خدنا ولا الحرامى خد
(17)
إحنا اللى قالوا علينا مرضى بمكاننا
لو صح عزم البشر لنردها جنه
دى ثورة شوفوا احنا فين وفين يا ناس كنا
ما يهمناش الفلوس ولا هربوها لفين
لو كنا واخدينها جد نردها ف شهرين
خانوا الوطن الخيانة قبلة الخاينين
ديابة بنيبان طوال عصابة الملاعين
لابسين بدل غالية بس تدارى إيه أو مين
ولو التباطؤ تواطؤ إحنا مش نايمين
قتلوا شبابنا بلا رحمة لكن بكرة
دم الشهيد راح يكون الزيت لمكننا
تار الشهيد اللى ضحى فى رقابيكم
دمه ما زال فوق رصيف غاسلينه بإيديكم
اللى اترمى ف بوابات الموت يحميكم
إوعوا فى هوجة الكلام دم الشهيد تنسوه
ويسرقوه منكم ياما التاريخ سرقوه
ماهيش حكاية صور ولا غنا تغنوه
ولا فى هيصة الفرح ممكن عقولكو تتوه
أمه اللى بتنوح عليه وتقول ضنايا هاتوه
لو هيه شايفاكوا قربتوا من احلامه
ما كانتش تحزن حتلقاه حى فى عينيكم
لو عن سقوط النظام لسه النظام ما سقطش
إيه الفروق بين زمان والوقت ما تفرقش
لخمونا فى الريم ..ومين فى بحرهم ما غرقش
ما كانش قصد الشباب كام إسم أو أعداد
يعنى الرئيس والمدام والشلة والأولاد
لأ يوم ما هتف الجميع يسقط بكل عناد
ورفعوا راية الميلاد فى قلب لاستشهاد
كان المراد هدم كون كله خداع وفساد
يزيلوا بنيان قديم ويقيموا صرح جديد
لسه القديم زى ما هو ف وشنا ما وقعش
نفس الوجوه القدام لسه محاصرانا
متربصة بالأمل وبدم شهدانا
وبيلعبوا ف كل حين ميت لعبه تعبانه
ما هو اللى خد ع الخداع يحيا يموت غادر
ثورتنا إعجاز وتعجيزها من النادر
لا حيطفوا نارها ولا صوت بحرها الهادر
وانا زى شعبى الأصيل الملهم الصابر
على قد ما بابان هزبل على قد مانا قادر
شايل فى صدرى الوطن و ف قلبى مفتاحه
الثورة ما همدش لسه صوتها جوانا
وفجأة تطلع أيادى سودا من بينا
تغير الطعم واللون تقفل الجنه
فى عز تفاؤلنا تطفى النور فى فرحتنا
تشقنا ألف فرقة بألف وش ووش
صوتها نحيب لا لغربة تزعق تزوم وتوش
فاكريننا لسه جداد على اكتشاف الغش
ومدبرين إن فرحة شعبنا ما تعيش
وبشاعة الوش ترعب مصر مصر تكش
ياعم فارقنا شوف لك بيت يكون طابخ
لسه ما جاش الفرح دى ليلة الحنة
الثورة مش حكر لا ملكك ولا ملكى
ملك اللى يومها سند صدره على السونكى
واللى الرصاصة شالت عينه ولم يبكى
ملك الشهيد اللى فدا غيره بنيران ورصاص
رسم خريطة الوطن بالدم وبإخلاص
والا انتوا صدقتوا ما ماتوا وراحوا خلاص
ورجعتوا تاخدوا الجمل بما حمل يا ناس
تتقلبوا ع الثورة حالا تقلبوا الإحساس
يكفى تآمر ولعب زمان من تانى
مانا كنت على نيتى صحيتوا ليه شكى
وجاى تفرق ما بيننا تشقنا نصين
وتقول مسيحى ومسلم إنت عايش فين
زين لك الجهل تقسم شعبنا شعبين
إسمع يا صاحبى واقولهالك بعلو الصوت
إسمعها منى وقول قال بكرة لما أموت
أهى مصر دى يونس اللى عاش فى بطن الحوت
لا تموت ولا من يغير فيها قلب وصوت
وفر حاجاتك بضاعتك فينا مش هتفوت
ياللى مخبى الأفاعى تحت باطاتك
من كتر ماحنا اتقرصنا تعبت التعابين
أما اللى فتحوا السجون بيقصدوا الترويع
هم اللى خانوا الوطن والقصد مصر تضيع
طلقوهم الأفاقين وعصابة التطبيع
فيه بكرة يوم جاى بخساير وبمكاسب
نقعد فى ضل الوطن يومها ونتحاسب
والشعب دايما فى معركة الحقوق غال
أما اللى سلب الحياة ومازال بيتكالب
وقصده يرهبنا تانى بمنطقه الخايب
الثورة شايفاه وساعة الحسم يا اخواننا
الثورة لا تحابى مين ولا تقبل الترقيع
والا اللى طالع علينا من الشقوق طاشى
كما عش نمل اتفلت عينيه ما شايفاشى
وكاره الدنيا وانا كارهنى ع الماشى
دلوقت طالع يكفر كل زول صالح
يكره حلا الدنيا يعشق طعمها المالح
قال يعنى إحنا الأونطة وحضرته الفالح
وفى عداوته لدود يكره ما يتصالح
عامل على الجنة شغل ورزق ومصالح
نهاز فرص رافع الراية لفوق خالص
نسى إنه كان ضدنا فى الثورة وماجاشى
الثورة كالزحلفة ولاكنها ثورة
كإنها لعبة ولعبناها فى محاورة ..
كسبنا دورة وغيرنا كسبوا ميت دورة
وان جيتو للجد قدم الثورة مشلولة
الثورة لازمها ثورة أقوى من الأولى
ده احنا ضميرهم وضميرهم بيفهم الفولة
هدية بنقدموها لأمنا الغولة
تعبنا رحنا نشوف ناس غيرنا مسئولة
دم الشهيد اللى هز الدنيا تحت وفوق
بعناه بحبة كلام ما يستروش عورة
لاهو انت فاكر الزمن تانى يعود للخلف
لا هو انت فاكرها ترجع أو تفوت الصف
جربتوا أولادها ما بين قتل وما بين خطف
شايله حمول التاريخ على كتفها اللى ما كل
والشعب شفته بعينيك فى الصبر مالوش حل
تفتكره مات بين إيديك وتقول ياريت ولعل
ويذلوا فيه اللئام أبدأ ما يوم انذل
إنتوا شربتوا العسل وهوه شرب الخل
عاوزين تخونوه خونوه أنا بس بأحذر
دى مصر يابا دى مصر اللى ما حواهاش وصف
واللعب داير كما هوه كإنه مافيش
ليلة ميلاد اللهب ليلة نزول الجيش
لسه الأباطره اللى فوق دايسين على الحرافيش
لسه الضمير متقسم وبره غير جوه
واللعب داير يا صاحبى زى ما هوه
الباطل اللى ضعف قوى وزاد قوة
لسه عيونه مراقبانى أنا وهوه
واخدنى على مركبه يرمينى فى النوه
الثورة فين زى ما تكون فى الشموس ساحت
والغدر زاحف على إبن البلد بشويش
إفتح لهم باب سجونك يسقط السجان
واطلق شباب خدتهم فى الضهر م الميدان
وافلح فى سجن اللى خان عندك فلان وفلان
من يقلع الزرع من حوضه يموت فى الإيد
قول للى سرقوا الأمل وسرقوا لبس العيد
تانى السجون والحديد فادكم بايه الحديد
هل وقف الثورة والا عطل المواعيد
نكسر القيد ونصحى نلاقى نفس القيد
عاوزين سياسة جريئة وواضحة زى الشمس
معانا فى الثورة والا نغير العنوان
والا اللى كانوا دلاديل فى ديول لاسياد
جايين يطفوا الفرح ويقتلوا الأمجاد
لشباب دفعوا التمن طوابير لاستشهاد
لاهو انتو بالأجر جايين تقتلوا الثورة
هيه دى شىء يتقتل يا هبل بمؤامرة
والا دى نيران فى بوص تطفوها بالأجرة
مين الغبى اللى جمعكوا وسوق الفكرة
لازم تخونوا الوطن وتقتلوا بكره
عصابات خيانة الوطن ولاءها لسيادها
واحنا الولاء للوطن فى الحزن والأعياد
شوف الجحافل تعافر قصدها ترجع
من بعد فشل الدخان والمية والمدفع
ويا بلطجى يا عواطلى أطلبوا ندفع
مش مال أبوهم ده مال أهلى ومال أهلك
نهبوا سنين أهلنا وأهلنا تهلك .
قالوا عليهم فلول كداب مين قالك
لأ جيش ومتنظمين لابدين وناويين لك
بيناموا بعدك ويصحوا يرتبوا قبلك
دول عندهم مال وأتباع عندهم خبرة
يمكن فى سوق الخساسة الخبرة يوم تنفع
ياللى حاكمنى ما صدقت انى صدقتك
يومها احتميت بى وانا اتداريت فى دبابتك
وفرحت غنيت هتفت وطرت وكتبتك
الثورة دى ثورتى سنابلها من خيرى
وانت فى ساعة الحوار تخلطنى مع غيرى
ريحك مصره أتوه فى السرب عن طيرى
جايين سوا تسرقوا ميدانى وتحريرى
وبيك بغيرك هقول يا مركبى سيرى
شعللنا إحنا الوطن وغيرنا بيطفوه
زنادى صدقنى مش محتاج لسبابتك
ضاعت معالم قصيدة لسه ما اتكتبتش
وأغانى لون الصباح البكر ما اتغنتش
وسكك لبكره فى ضل الثورة ما اتسلكتش
ليه عندى إحساس رهيب بايديكو فى جيوبى
دخلت أصلى وجيت ما لقيتش مركوبى
تتجاهلوا حسناتى تتعاملوا مع عيوبى
وكأنما الثورة .أكبر ذنب فى ذنوبى
وأنا ثورتى وجهتى فى شروقى وغروبى
دى رجعتنى شروق وبروق وصحبة ورد
لكن ورودها على أعوادها ما اتقطفتش

سامحينى يا ام الشهيد ما جبتلوش حقه
إبنك عريسنا اندفن ورصاصته فى حلقه
والرب عارف وشايف ما جرى لخلقه
إبنك شهيدى خلق عيدى ورحل صامت
وزمايله واصلوا لحد الغمة ما غارت
وجات حكومة ورا حكومة تانى وتالت
وضب أموره الرهيبة المجرم الفالت .
واحنا نصرخ بضعف يشمت الشامت
ما فضلش غير صوت وليدك فى الفضا الواسع
صرخ فى وش الظلام ساعة الرحيل شقه
إخضر تانى الشجر يومها كإنه ربيع
وفى قلوب الغلابة اتفجرت ينابيع
واللى اشترى بكرة بالدم استحاله يبيع
والثورة أبدا ما خلفت يوم مواعيدها
صوت مصر فى نبضها والنيل فى وريدها
وواقفة بتزغرت اللى رجع لها عيدها
ثورة مواعدة القدر والشعب مواعدها
فازاى وحاة النبى قوللى حتخمدها
جدودنا ماتوا فداها جيل يسلم جيل
تواريخ حقيقية مهما عافرت مش هتضيع
بان اللى بان والأدان ما كانش برانى
تعبنا عجن وخبيز فى الكانى والمانى
يا مصر قومى استردى ثورتك تانى
تايه ما عارف حبيبى مين من خصمى
دول أجبرونى أفرط حتى فى إسمى
لو كنت فعلا نويت تحميها قوم احمى
دخانة الشك سودا وعالية وبتعمى
فمين يطفى ليلاتى الضى فى حلمى
إن كنت خايف حقيقى زينا على مصر
إبعد عن اللى بيهدم وإحضن البانى
هل كنت عايز انقلاب واحنا عملنولك
رجعنا شرعيتك وهتفنا لوصولك
ما فضلش غير الميدان عاوز نسيبهولك
أظننا عرفنا سكة مصر وطريقها
من بعد طول العطش بل الأمل ريقها
كان الشهيد رمزها بريئها وبريقها
لو بحركم طامى عامى ما يغرقها
فازاى تفرقها يا عشمان بتفريقها
إوعى تقلب فى أشعارى بعيون الشك
لأه إعتبر ده جواب وأنا كتبتولك
وانت اللى دافعت عنى ف عركة التغيير
بكره حتقتلنى بإيديك فى ميدان التحرير
كشر بأنيابك السودا بلا محاذير
رافع نداك للجهاد ويفط آيات الرب
لكن وقلبك عتم مافيهش شىء يتحب
ناوى على قتلنا خصومك ولاد الكلب
عارفك ما تكرهش فى الكون قد كلمة شعب
وقد مصر اللى ياما ف عرفكم تتسب
قاريك وحافضك أنا وانت قارينى كمان
نكنس دروب الوطن تفرشها بالمسامير
إن كنتوا فاكريننا راح نسكت ما عادش سكوت
ما عادش حيلتنا فيكى يا مصر غير الصوت .
والا انتو ما تعرفوش إن ف سكوتنا الموت
إبقى ميزان عدل إلا العدل يا مولاى
إن مال قلبه معاه قوم اعدله وياى
دى ثورة مش لعبه تمشى على هواك وهوا
إحنا منعنا سؤال الليه وفين وازاى
ولو نسينا فى يوم ضميرنا مش نساى
خليك خميلة مظلة ع الجميع بالعدل
أحسن صريح الكلام والا أحسن المسكوت
إحنا حماة الوطن فى السرا والضرا
واللى يحابى الفساد راح ينطرد بره
الثورة حالفه لتحكم فى بلد حره
ومهما كان اللى بيطبطب على الفاسدين
الثورة مالهاش عينين اتنين لها ملايين
وما دام ضمير الوطن عينكوا مؤتمنين
إوعوا تسيبوا مصيره فى يد ناس تانيين
وإوعوا تستهونوا بغضبة الثايرين
هموا معانا نعدى فوق جسور الود
ومن مرارة اللى فات نخلق جمال بكره
ويا شعبى ياللى انت طالع م الضلام للنور
اصحى لكل اللى متحنجل وراك بيدور
دى ثورتك جايه لجلن تجبر المكسور
حقق فى كل الكلام اللى بيتقالك
ما هى الحقيقة وشوش إتعب لها تبان لك
وابعد عن اللى باعوك من قبل أحسن لك
تحت الوشوش فيه وشوش أصحابها ناويين لك
عاوز الحياة تبتسم بتقوللى إنصحنى
أجمل نصيحة أقدمها اسمها الدستور
ياشعبى ياللى انت طالع م الضلام للنور


عصام رشوان 27-12-2011 11:49

وجهة نظر فى الدستور الجديد


http://shorouknews.com/uploadedimage...l-fattah.1.jpg
معتز بالله عبد الفتاح



أفضل دستور هو الذى يقوم على حوار مجتمعى حقيقى مبنى على اجتهادات الجميع. من يصوغ الدستور فى صورته النهائية هو الطرف الذى قرر المصريون اختياره لهذه المهمة ولكن هذا لا يمنع اجتهاد المجتهدين. والأمر ليس بعيدا، مع الفارق الهائل فى التشبيه، من حق كل صاحب خبرة فى مجال كرة القدم أن يقدم وجهة نظره بشأن التشكيل الأمثل وخطة المباراة القادمة، لكن القرار النهائى للجهاز الفنى الرسمى الذى ينبغى أن يكون من الحكمة والحرص على الصالح العام بأن يستمع لوجهات النظر المختلفة عسى أن يكون بينها ما هو أنفع.



المهم أن أى دستور يحدد نقاطا خمسا رئيسية وهى: الهوية: سواء هوية الدولة أو هوية المجتمع. والحقوق والحريات الأساسية للأفراد، ومراكز الثقل فى عملية صنع القرار السياسى: الصلاحيات وطرق المساءلة. وتحديد حجم الثابت والمتغير فى الدستور من قبيل تحديد المواد غير القابلة للتعديل (مثلا الدستوران البرازيلى والألمانى وضعا مواد معينة تحت بند أنها غير قابلة للتعديل على الإطلاق أو أن تعدل فقط بأغلبية استثنائية للغاية، مثل مواد الحقوق والحريات وطبيعة العلاقة بين السلطة الفيدرالية والولايات)، وكذلك تحديد المواد التى يضع فيها الدستور المبدأ العام ثم يحيل للقوانين التفاصيل. ولعل هذه النقطة الأخيرة هى التى تفسر لماذا يوجد دستور شديد القصر مثل الدستور الأمريكى ودستور شديد الطول مثل الدستور الهندى (أطول الدساتير المكتوبة)، ولماذا يوجد دولة مثل بريطانيا لا يوجد فيها دستور مكتوب أصلا مع اعتبار أن أى قانون يمرره مجلس العموم وكأنه تعديل على النظم الأساسية المستقرة. وأخيرا يوجد فى معظم دساتير العالم باب أخير بعنوان: «أحكام الفترة الانتقالية» للحديث عن إدارة الملفات العاجلة فى مرحلة ما بعد إقرار الدستور مباشرة. ومن هذه النقاط هو الشق الخاص بـ: هل يعاد انتخاب برلمان جديد أم يستمر البرلمان فى ممارسة دوره، فيظل نفس البرلمانيون ولكن بعد فترة انتقالية قصيرة يمارسون أدوارا جديدة أو أدوارا قديمة فى ضوء قواعد الدستور الجديد؟.



والحقيقة أننى، سمحت لنفسى، مع بعض زملائى فى مركز دراسات «بيت الحكمة» أن ننظر فى 20 دستورا حديثا فضلا عن عدد من الدساتير التقليدية، ووصلت إلى قناعة أن دستور 1971 فى الكثير من أبوابه الأولى، ومع تنقيحات قليلة جدا، ومع مراجعة شبه تامة لأبوابه من الخامس إلى السابع، يمكن أن يكون أساسا معقولا جدا للتحول بمصر من دولة رئاسية فرعونية إلى دولة ديمقراطية مدنية حديثة تحترم الشريعة والشرعية فى غير تنافر. ومع ذلك هناك قضايا أرى أنها لا بد أن تناقش بحذر شديد، مثل:



أولا، المادة الثانية من الدستور، وإضافة النص المتفق عليه لضمان حقوق غير المسلمين فى قوانينهم الشخصية وحرية العبادة. ثانيا، قضية الخمسين بالمائة عمالا وفلاحين (ومن ثم موضوع السماح بتكوين أحزاب على أساس فئوى)، ثالثا، مجلس الشورى (الباب السابع فى الدستور بدءا من المادة 194)، رابعا، موقع رئيس الوزراء من عملية صنع القرار وهل هو «رئيس سكرتارية رئيس الدولة» مثلما كان الأمر عليه فى دستور 1971 أم هو رئيس الحكومة على نمط النظام شبه الرئاسى فى فرنسا، فيسحب الكثير من صلاحيات رئيس الجمهورية. خامسا، قضية محاكمة الوزراء والذى أعتقد أن دستور 1954 قد عالجها بحكمة فى مادتيه 120 و121. سادسا، فكرة إنشاء مجلس اقتصادى واجتماعى، على نمط العديد من الدول الفرانكوفونية. سابعا، تنظيم استدعاء رئيس الجمهورية لوحدات من القوات المسلحة للقيام بمهام شرطية. ثامنا، قضية مجانية التعليم (المادة 20). تاسعا، تشكيل وصلاحيات مجلس الأمن القومى وعلاقته بالمجلس الأعلى للقوات المسلحة.

عصام رشوان 16-01-2012 08:12

http://www.youtube.com/watch?v=2sqpKoLlD8o
العاشرة مساءا منى الشاذلي حوار مع اعضاء بيت الحكمة حول آليات وضع الدستور جزء 1

عصام رشوان 16-01-2012 08:17

العاشرة مساءا منى الشاذلي حوار مع اعضاء بيت الحكمة حول اليات وضع الدستور جزء 2


http://www.youtube.com/watch?v=b0QHA5dQyzA

AYMANDYAB 16-01-2012 09:21

اقتباس:

المشاركة الأصلية كتبت بواسطة عصام رشوان (المشاركة 416641)
وجهة نظر فى الدستور الجديد


http://shorouknews.com/uploadedimage...l-fattah.1.jpg
معتز بالله عبد الفتاح




والحقيقة أننى، سمحت لنفسى، مع بعض زملائى فى مركز دراسات «بيت الحكمة» أن ننظر فى 20 دستورا حديثا فضلا عن عدد من الدساتير التقليدية، ووصلت إلى قناعة أن دستور 1971 فى الكثير من أبوابه الأولى، ومع تنقيحات قليلة جدا، ومع مراجعة شبه تامة لأبوابه من الخامس إلى السابع، يمكن أن يكون أساسا معقولا جدا للتحول بمصر من دولة رئاسية فرعونية إلى دولة ديمقراطية مدنية حديثة تحترم الشريعة والشرعية فى غير تنافر. ومع ذلك هناك قضايا أرى أنها لا بد أن تناقش بحذر شديد، مثل:

أولا، المادة الثانية من الدستور، وإضافة النص المتفق عليه لضمان حقوق غير المسلمين فى قوانينهم الشخصية وحرية العبادة.

شاهدت حلقة كاملة لمعتز عبد الفتاح تحدث فيها باسهاب عن هذا الموضوع وذكر نصا بأن لا خلاف على المادة الثانية بالدستور وانه لا يجوز التغيير فيها مطلقا لأنها تفتح باب للفتنة وللمشاكل لا يمكن اغلاقه

الأن يفتح الباب للعبث بها وتغييرها - حتى لو بحذر

المقابل من النواب الإسلاميين عناد بديهي ورفض مطلق

هو عايز يحل ولا عايز يعقد :n (24):

ولا بيت الحكمه ليه رأي مختلف عن رأيه ومضطر انه يجاريهم

اعتقد انه بيخسر كتير لو فضل يتغير مره مع مصرنا ومره مع بيت الحكمه والله اعلم إيه الجديد؟؟

المعتز بالله عبد الفتاح وجه حضاري لمصر المثقفه الواعية ويكاد يحصل على اتفاق وتوافق على شخصيته المتزنه وياريت يفهم الكلام ده وينتبه لخطواته جيدا

كفاية خسرنا البرادعي الله يمسيه بالخير :n (40):


عصام رشوان 16-01-2012 09:56

اقتباس:

المشاركة الأصلية كتبت بواسطة AYMANDYAB (المشاركة 421695)
شاهدت حلقة كاملة لمعتز عبد الفتاح تحدث فيها باسهاب عن هذا الموضوع وذكر نصا بأن لا خلاف على المادة الثانية بالدستور وانه لا يجوز التغيير فيها مطلقا لأنها تفتح باب للفتنة وللمشاكل لا يمكن اغلاقه

الأن يفتح الباب للعبث بها وتغييرها - حتى لو بحذر

المقابل من النواب الإسلاميين عناد بديهي ورفض مطلق

هو عايز يحل ولا عايز يعقد :n (24):

ولا بيت الحكمه ليه رأي مختلف عن رأيه ومضطر انه يجاريهم

اعتقد انه بيخسر كتير لو فضل يتغير مره مع مصرنا ومره مع بيت الحكمه والله اعلم إيه الجديد؟؟

المعتز بالله عبد الفتاح وجه حضاري لمصر المثقفه الواعية ويكاد يحصل على اتفاق وتوافق على شخصيته المتزنه وياريت يفهم الكلام ده وينتبه لخطواته جيدا

كفاية خسرنا البرادعي الله يمسيه بالخير :n (40):


البرادعى وطار
أخبى منك معتز فين ؟


:n (2):

عصام رشوان 19-01-2012 01:22

" لا لدستور تحت هيمنة المجلس العسكرى "





عصام رشوان

عصام رشوان 22-01-2012 07:31

مؤسسة “بيت الحكمة ” للدراسات الاستراتيجية


الدستور … نسخة أولية مقترحة


نحن مواطني مصر وجماهير شعبها
في كل بقعةٍ من أراضيها، في صعيدها وسينائها، في دلتاها وواديها، في واحاتها وصحاريها، في مدنها وقراها، داخل مصر وخارجها، في الحقول والمصانع، في مواطن العلم وأماكن العمل، وفي مواقع الدفاع عن الوطن، في كل موقع يقف فيه المصري مدافعاً عن الكرامة والعدالة وحقوق الإنسان، في مصر الشامخة منذ فجر التاريخ وهي تؤمن برسالات ربها ورسله وتُشع الحضارة وتُلهم الثقافة وترعى الإبداع، آمان في القرآن وبركة في الإنجيل، القلب من أمتها العربية والرائدة في عالمها الإسلامي، الواعية بانتمائها الإفريقي، المتفاعلة مع حضارات العالم وثقافاته.
نحن مواطني مصر وجماهير شعبها الذي بدأ في ثورة 25 يناير 2011 مهمة تحرير المواطن والوطن وأعلن الحرية والكرامة تحت شعار: “عيش، حرية، عدالة اجتماعية.”
باسم الله وتوفيقه نتعهد بالقيم التالية ونتعاهد على تحقيق الأهداف المرتبطة بها


اضغط هنا لتحميل النسخة الأولية المقترحة للدستور


http://how-foundation.org/wp-content...ution18Jan.pdf

اسماعيلاوي ليالي الانس 23-01-2012 19:59

اقتباس:

المشاركة الأصلية كتبت بواسطة عصام رشوان (المشاركة 422919)
مؤسسة “بيت الحكمة ” للدراسات الاستراتيجية

الدستور … نسخة أولية مقترحة

نحن مواطني مصر وجماهير شعبها
في كل بقعةٍ من أراضيها، في صعيدها وسينائها، في دلتاها وواديها، في واحاتها وصحاريها، في مدنها وقراها، داخل مصر وخارجها، في الحقول والمصانع، في مواطن العلم وأماكن العمل، وفي مواقع الدفاع عن الوطن، في كل موقع يقف فيه المصري مدافعاً عن الكرامة والعدالة وحقوق الإنسان، في مصر الشامخة منذ فجر التاريخ وهي تؤمن برسالات ربها ورسله وتُشع الحضارة وتُلهم الثقافة وترعى الإبداع، آمان في القرآن وبركة في الإنجيل، القلب من أمتها العربية والرائدة في عالمها الإسلامي، الواعية بانتمائها الإفريقي، المتفاعلة مع حضارات العالم وثقافاته.
نحن مواطني مصر وجماهير شعبها الذي بدأ في ثورة 25 يناير 2011 مهمة تحرير المواطن والوطن وأعلن الحرية والكرامة تحت شعار: “عيش، حرية، عدالة اجتماعية.”
باسم الله وتوفيقه نتعهد بالقيم التالية ونتعاهد على تحقيق الأهداف المرتبطة بها

اضغط هنا لتحميل النسخة الأولية المقترحة للدستور

http://how-foundation.org/wp-content...ution18jan.pdf


ده عاوز روقان يا استاذ عصام

بدايته طيبة ، ولكن لابد من قرأته بتمعن وهدوء

لك كل الشكر والتحية علي هذا المجهود الجميل


الساعة الآن: 05:34

Powered by vBulletin ®

Security byi.s.s.w