منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   الحوار العام General Discussion (http://www.ismaily-sc.com/vb/forumdisplay.php?f=2)
-   -   مصر تغرق فى الظلام السبت المقبل لمدة ساعة (http://www.ismaily-sc.com/vb/showthread.php?t=9755)

محمدحنيدق 23-03-2010 13:44

مصر تغرق فى الظلام السبت المقبل لمدة ساعة
 
تشارك مصر للعام الثانى على التوالى فى مبادرة «ساعة الأرض» العالمية بإطفاء الأضواء لمدة ساعة لتشارك بذلك 92 دولة حول العالم مقابل 88 دولة شاركت فى ذات المبادرة العام الماضى بهدف حماية الكوكب من ظاهرة الاحتباس الحرارى وتحجيم الانبعاثات الحرارية، ومشاركة المجتمع الدولى فى مكافحة ظاهرة التغيرات المناخية.

وصرح المهندس ماجد جورج وزير الدولة لشئون البيئة بأن الوزارة ستشارك فى المبادرة العالمية لصندوق صون الطبيعة حول ساعة الأرض بإطفاء الأنوار لمدة ساعة للسنة الثانية على التوالى يوم السبت الموافق 27 مارس الحالى من الساعة 8.30 إلى 9.30 مساء للمساهمة فى ترشيد استهلاك الطاقة وإقناع الدول الكبرى بأهمية مراجعة سياستها لتقليل الانبعاثات من المشروعات الصناعية.

وخاطب جورج جميع الوزراء والمحافظين للمشاركة فى هذه الدعوة العالمية، وحض المواطنين فى أنحاء الجمهورية على المشاركة للمساهمة فى ترشيد الطاقة واكتساب سلوكيات بيئية إيجابية يمكن اتباعها فى المستقبل، كما أصدر توجيهات داخل وزارة البيئة بالالتزام بترشيد استخدامات الطاقة.

وكان مركز التحكم الإقليمى سجل انخفاضا فى أحمال استهلاك الكهرباء على مستوى القاهرة الكبرى بمقدار ‏50‏ ميجاوات من قدرات التوليد خلال مشاركة مصر فى حملة ساعة الأرض العالمية 2009 بما يوازى الطاقة الكهربائية المنتجة من محطة كهربائية صغيرة.

وشارك فى الحملة العام الماضى عدد كبير من المواطنين بتخفيض الإضاءة بنسبة‏ 50%‏ بمنازلهم‏،‏ وقامت محافظة القاهرة بتخفيض‏ 50%‏ من الإضاءة فى عدد من المحاور الرئيسية وطريق المطار، وطريق النصر، ومصر ــ الإسماعيلية، وكورنيش النيل، وشارع رمسيس، والمبانى العامة، ومديريات الخدمات، والاكتفاء بأضواء الشموع‏، بالإضافة إلى إطفاء الأنوار ببرج القاهرة، وقلعة محمد على، ومعبدالأقصر، والأهرامات، وأبو الهول وبعض الفنادق الكبرى.

يشار إلى أن حملة ساعة الأرض انطلقت لأول مرة عام 2007 تحت رعاية الصندوق العالمى لحماية الطبيعة من مدينة سيدنى الأسترالية حيث استخدمت المطاعم شموعا للإضاءة وأطفئت الأنوار فى المنازل والمبانى والمعالم السياحية البارزة.

محمود السويسى 23-03-2010 13:48

يا فرحتى ؟؟؟؟؟؟؟؟؟؟؟؟؟؟؟؟؟؟

mimmo_express 23-03-2010 13:59

ألف مبروك .. لقد سعدت بهذا الخبر

محسن مسعود 23-03-2010 14:56

أظن أسعد واحد بهذا الخبر هو محافظ الأسماعيلية
لأنه سابق عصره وبيقطع الكهرباء عن شوارع المحافظة
يوميا بدعوى ترشيد الأستهلاك

aboshady 23-03-2010 15:32

ماهي مصر عايشه في ظلام فعلا من 29 سنه

من 1981

bebaaaa 23-03-2010 15:41

يعنى محافظات مصر كلها هينقطع عنها الكهرباء ولا القاهره وبس

محمود السويسى 23-03-2010 15:43

اقتباس:

المشاركة الأصلية كتبت بواسطة bebaaaa (المشاركة 263377)
يعنى محافظات مصر كلها هينقطع عنها الكهرباء ولا القاهره وبس

كله يا حبيبه الا الاهلى بس

emadon 23-03-2010 15:57

كيف يعالج مرض عمروه 365 يوم بساعة واحده فقط

يعالجوا مشكلة التدخين الاول

ULTRAS_ISC 23-03-2010 16:03

مش طافي

mousastel_2009 23-03-2010 16:09

المشروع عملاق والحمدلله اشتركت فيه منذ العام الماضى فعلا ظاهرة الاحتباس الحرارى التى سيعيشها العالم قريبا هى كارثه بكل المقاييس فحوالى 75% من الكره الارضيه يحتوى على مياه ونسبة اليابسه تقدر بحوالى 15%فقط والعشره المتبقيه هى فى القطبين الجنوبى والشمالى واماكن اخرى مغمورة بالثلوج فلو ذاد الاحتباس الحرارى اكثر من ذلك فسيذوب الجليد ويغمر الارض لاقدر الله فعلا فما من الكون من ايه الا وتدل على انه الواحد لا اله الا الله

asash 23-03-2010 17:50

على كده اسماعيليه
هتنور النور الساعه دي
اكمنها طافياه السنه كلها

بس انا ايز اعرف النور الابيض
اللي ركبوه للعمدان جابوه منين
ده مبيبينش اي حاجه خالص
دول لو طفوا النور هيبقى ارحم
ده اللمبه الموفره نورها اجمد منه

فين اسماعيليه زمان
كان كل شوارعها منوره بالنور الاصفر
وكانت نضيفه ومفيهاش زباله
وكلن في اهتمام بمظهر المدينه
قول الزمان ارجع يازمان

misara_legend 23-03-2010 17:55

اقتباس:

المشاركة الأصلية كتبت بواسطة asash (المشاركة 263490)
على كده اسماعيليه
هتنور النور الساعه دي
اكمنها طافياه السنه كلها

بس انا ايز اعرف النور الابيض
اللي ركبوه للعمدان جابوه منين
ده مبيبينش اي حاجه خالص
دول لو طفوا النور هيبقى ارحم
ده اللمبه الموفره نورها اجمد منه

فين اسماعيليه زمان
كان كل شوارعها منوره بالنور الاصفر
وكانت نضيفه ومفيهاش زباله
وكلن في اهتمام بمظهر المدينه
قول الزمان ارجع يازمان

والله عاوز اقول الكلمة دى
ايه حكايه العمدان اللى بيركبولها لمبات بيضه الموفره دى
بتنور فى العمود بس وتحتها عتمه

المحافظ بتاعنا هيركبلنا شمع بعد كده



الساعة الآن: 17:46

Powered by vBulletin ®

Security byi.s.s.w