منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   مجلة الأصفريكا ِAl Asfrica Magazine (http://www.ismaily-sc.com/vb/forumdisplay.php?f=74)
-   -   ليالي الملوخية بإشراف الجمعية العمومية (http://www.ismaily-sc.com/vb/showthread.php?t=8151)

shehataalmasry 11-01-2010 08:59

اقتباس:

المشاركة الأصلية كتبت بواسطة darwishing (المشاركة 220292)
ما تنسوووش ... تحملوا .. كليب



ليالي الملوخية


حمل من






و نكمل و نشوف البرامج الانتخابية البطيخية


دكتورنا الكبير \ عاطف

كنا شهود علي هذة الليالي

لكن ملوخيتنا كانت بالجمبري وسلم لي علي ميكروباصات ابوصوير وكنت اود رأيتها ضمن كليب الملوخية

darwishing 11-01-2010 11:22

اقتباس:

المشاركة الأصلية كتبت بواسطة ali hassan (المشاركة 220368)
صحيح انا نسيت..اين قناة الاسماعيلى الرياضية..الراجل لما سمعته وهو بيتكلم على هذه القناة..وانه وضع البرامج الخاصة..ومواعيدها..وكل ماهو متعلق بها..وانها جاهزة على البث..اه منك انك..ومن كلامك المعسول..اه

ده كلامه .. مهبب .. مش معسول و الا كان العسل اسود

darwishing 11-01-2010 11:26

اقتباس:

المشاركة الأصلية كتبت بواسطة sstito (المشاركة 220398)
يا دكتور عاطف
حملت كليب الملوخيه بتاعك
والملوخيه ادلقت عليا


يا ما قلت لك .. و اكدت عليك .. تحميل كليب الملوخية في جردل .. لزوم الحالة نفسها

darwishing 11-01-2010 12:02

اقتباس:

المشاركة الأصلية كتبت بواسطة lionr (المشاركة 220415)
اولا : هذا رد استثنائى لانى واخد قرار بعدم المشاركة فى المنتدى

ثانيا: بخصوص الموضوع :-
- هل يمكن للمدرس ان ينظر الى اجابة اول سؤال ونصف فقط للطالب والامتحان من اربعة اسئلة ويعطى الدرجة او التقدير للطالب دون النظر لباقى الاجوبة لباقى الاسئلة؟

- البرنامج الانتخابى "هو مجموعة من الافكار التى يقترحها المرشح كحل لمجوعة من المشاكل او للرقى بالمكان موضع الترشيح".
والسؤال هنا هل يتم تقييم الشخص بناءا على مقترحاته؟!!!! فمن الظلم عدم النظر للبيئة المحيطة والظروف الراهنة و الامكانيات المتاحة. فالتقييم يجب ان يكون مبنيا على محاولة تنفيذ المقترح فى ضوء الامكانيات المتاحة والظروف والبيئة المحيطة وليس على المقترح نفسه.

- هل يوجد فى العالم من قدم برنامج انتخابى جيد ونفذه بالكامل ؟!!!! وخصوصا لمنصب تطوعى ؟!!

اقتباس:

المشاركة الأصلية كتبت بواسطة ali hassan (المشاركة 220429)
هل يوجد فى العالم من قدم برنامج انتخابى جيد ونفذه بالكامل ؟!!!! وخصوصا لمنصب تطوعى ..اوباما..مر عام على تولية الرئاسة..وقام بااحداث تغيرات جذرية..فى السياسة الامريكية..خاصا فى الداخلية..فى عام واحد فقط..فى ظل معارضة الجمهورين له..لكن بيحب بلده ..هل هذا الاستاذ بيحب نادية..وبلده ويعمل من اجل الصالح العام..او يعمل للمجد الشخصى..على حسن/نيويورك


الاخ العزيز ليون

كلماتك جميلة و منطقية جدا و رد الاستاذ علي حسن يضيف بعدا جديدا للمداخلة

لكن بشكل عام .. اية برامج انتخابية عادة ما تحمل وعودا من المرشحين لتحسين الاحوال من منطلق المعرفة ( العامة ) بابعاد مشكلات الكيان نفسه و بيتم مداعبة خيالات و اهتمامات من ينتمي لهذا الكيان بحل المشاكل التي تؤرق و تصعب الامور حول الميان نفسه و في نفس الوقت لكسب ارضية من المستقلين بعد ضمان اصوات المؤيدين و اصوات المستقلين عادة بتكون الفيصل بعدما كان لك مرشح مؤيدين ( عمياني ) مضمون اصواتهم و من هنا البرامج الانتخابية بتكو لجمع اصوات خارج التكتلات بشكل اقناعي او لنقل عن طريق الامل في المرشح نفسه

و المراجع لاي برنامج انتخابي ستجده انه يتأرجح بين نقاط القوة و نقاط الضعف لكي يلملم كافة الخيوط في يده في كل ما يمس المهتمين بالكيان بشكل مدروس من واقع يعيش فيه اصحاب الكيان

و من هنا .. بتطبيق ما سبق علي برنامج المهندس نصر ابو الحسن ..لابد ان نعرف انه شخص بالغ راشد يعلم ما قاله بشكل علمي مدروس من واقع انه كان علي صلة بالنادي الاسماعيلي ( و بشكل مباشر ) من ابريل عام 2005 و في وجود الكتور صلاح عبد الغني رحمة الله عليه و عاش يتابع و يخطط تواجده في الاسماعيلي بداية من ذلك التاريخ و استغل الاصوات التي تم عملها منذ ذلك الوقت و عاش مأساة الكومي و فضائحه

بمعني اجمالي ان عند المهندس ابو الحسن .. العلم النافي للجهالة لمعرفة ما يوعد به او عن ماذا يتحدث .. و لم يصدر عنه ما قاله الا من خلال معرفة دقيقة بمشاكل النادي و المطلوب منه بالتحديد
و انه لم يكن في كوكب ثاني غير الارض .. ليتحدث عن جهل او غباء فيما تحدث عنه

و للحقيقة ... يجب ان نقسم البرنامج الانتخابي بشكل عملي من خلال بنوده من بين قصير المدي و بعيد المدي و من بين حتمية التنفيذ الفوري و من بين اتخاذ خطوات للتنفيذ و من بين تدخل عوامل خارحية فليس كل مفاتيح اللعبة في يده و من بين استحالة تنفيذ الةعد اصلا في ظل تأثيرات خارجية خارجة عن متناول يده

و تبقي النقطة الاخيرة ... في كيفية تقييم المستقبل من خلال تحليل الاداء الحالي نفسه و الادوات المتاحة في يد ابو الحسن و الادوات التي هو ضدها من الاصل و لا يعترف بها

العمليةالتقييمة صعبة جدا جدا .. و تختلف عن تقييم عضو مجلس الادارة المستشار الكيلاني ..مثلا ..فالاوراق نقول انه مجلس ديمقراطي في اتخاذ القرار ... لكن علي ارض الواقع .. المجلس ديكتاتوري تماما و كل الامور في يد رئيس المجلس .. سواء بقوة منه .. او ضعف من الاعضاء انفسهم

لذلك تقييم رئيس المجلس .. سيكون مختلفا تماما عن تقييم عضو مجلس الادارة

darwishing 11-01-2010 12:06

اقتباس:

المشاركة الأصلية كتبت بواسطة shehataalmasry (المشاركة 220579)
دكتورنا الكبير \ عاطف

كنا شهود علي هذة الليالي

لكن ملوخيتنا كانت بالجمبري وسلم لي علي ميكروباصات ابوصوير وكنت اود رأيتها ضمن كليب الملوخية

استاذنا الغالي لطفي شحاتة

كنا شهود علي تواجد ليالي الملوخية القرديحي دي .. و لو راجعنا المسلسل من اوله .. احنا مش نادمنين علي الشرعية .. لانها كانت الطريق لابعاد الكومي و العنزي عن النادي علي الاقل

لكن بعد ابو الحسن ... من ابو الحسن الي الكومي .. يا قلبي .. احزن و ابكي بالدموع

darwishing 11-01-2010 12:15

اقتباس:

المشاركة الأصلية كتبت بواسطة جمال ثروت (المشاركة 220430)
هذا ما أراه من منهج حقيقى يسير عليه الإسماعيلى بعد الشرعية


نظراً لسوء محتوى برامج ووعود أعضاء مجلس الإدارة ورئيسها المنتخبون والخاص بالإسماعيلى وبعد تسليم مهامهم الإدارية ، فكروا جميعاً فى تطوير محتواها للأفضل ويكون سهل فى تطبيقه ومريح لهم جميعاً ، وهو بيع لاعبى الإسماعيلى الأساسيين كلهم ، وتبديلهم بلاعبين كسر ورديف الأندية فهم أرخص وبورنيش أصفر بهتان على حس أنهم لاعيبة الإسماعيلى الجدد ندهنهم ونوضبهم ونلمعهم ونحط عليهم شوية ناشئين ونضحك بيهم على الناس !!! وكانت النتيجة ذهب من ذهب من الاعبين وتبقى من تبقى منهم على النحو التالى :

ذهب كل من : محمد فضل ــ مصطفى كريم ــ شريف عبد الفضيل ــ هانى سعيد ــ إبراهيم سعيد ــ سيد معوض ــ ومعظم التعاقدات الصيفية السابقة منهم بمقابل رخيص ومنهم هدايا ومنهم بدون مقابل ــ ومجموعة من الناشئين هدايا .

وتبقى : محمد حمص ــ عمر جمال ــ عبد الله السعيد ــ أحمد سمير فرج ــ عبد الله الشحات .

والآن التفكير فى بيع كل من : الحضرى ــ وصبحى لتدفئة خزينة النادى من جديد حتى تأتى فترة التعاقدات الصيفية وساعتها يحلها المولى عز وجل ــ وحمص من أجل دفع مستحقات عبد حسنى عبد ربه ــ وأخيراً عبد الله السعيد لزيادة التدفئة . يا حول الله وبعد كده ها نلعب بمين تانى إن شاء الله ؟ ده إحنا داخلين على ثلاث بطولات من نار !!!


هذا هو المنهج أو برنامج قيادات الإسماعيلى الحالى والذى يصرون عليه وغصب عن الجميع ، ومن الطبيعى جداً أن تثور الإسماعيلاوية على هذا الوضع الكئيب والسىء جداً ، لأنه ببساطه شديدة هذا يعتبر هدم وبهتان للإسماعيلى وتحويله فيما بعد بهذا المنطق الحلزونى لنادى درجة ثالثة ، ولاعاد سيركاً ولا برازيل عرباً ولا حتى مركز شباب كفر البطيخ ، إلحقوا يا اسماعيلاوية الدراويش من يد العابثين به ، مع وافر تحياتى وتقديرى لكل إسماعيلاوى غيور على ناديه .


يا دكتورنا العزيز جمال

الموضوع ببساطة كفاءة و ادارة و علم ... و بالنهاية قدرة شخصية بمعرفة الفرد لقدراته و عدم الغرور و التعالي .... و ديكتاتورية جاهلة بشكل يصعب معه اتخاذ قرار واحد صحيح
بخلاف عدم القدرة الشخصية لادارة شئون النادي من مواقف يصغب انها تحدث في ظل وجود جيش جرار من الاداريين و خاصة ما حدث بخصوص مستحقات شركة السياحة .. ان ما حدث بموضوع الحجز .. يوضح مدي اهتراء و جهل ادارة المهندس نصر ابو الحسن
و تضع تلك الواقعة ..امام اعين من يريد الفهم ..اما من كان يصر علي عكس ذلك فهو فاقد البصر و البصيرة

AYMANDYAB 11-01-2010 12:26

اقتباس:

المشاركة الأصلية كتبت بواسطة darwishing (المشاركة 220604)

http://www.ismaily-sc.com/vb/newstyl...t-top-left.gifاقتباسhttp://www.ismaily-sc.com/vb/newstyl...-top-right.gifhttp://www.ismaily-sc.com/vb/newstyl...ot-by-left.gifالمشاركة الأصلية كتبت بواسطة lionrhttp://www.ismaily-sc.com/vb/newstyl...t-by-right.gifhttp://www.ismaily-sc.com/vb/newstyl...p-right-10.gifاولا : هذا رد استثنائى لانى واخد قرار بعدم المشاركة فى المنتدى
http://www.ismaily-sc.com/vb/newstyl...t-bot-left.gifhttp://www.ismaily-sc.com/vb/newstyl...-bot-right.gif
http://www.ismaily-sc.com/vb/newstyl...t-top-left.gifاقتباسhttp://www.ismaily-sc.com/vb/newstyl...-top-right.gifhttp://www.ismaily-sc.com/vb/newstyl...ot-by-left.gifالمشاركة الأصلية كتبت بواسطة ali hassanhttp://www.ismaily-sc.com/vb/newstyl...t-by-right.gifhttp://www.ismaily-sc.com/vb/newstyl...p-right-10.gifhttp://www.ismaily-sc.com/vb/newstyl...t-bot-left.gifhttp://www.ismaily-sc.com/vb/newstyl...-bot-right.gif

الاخ العزيز ليون

كلماتك جميلة و منطقية جدا و رد الاستاذ علي حسن يضيف بعدا جديدا للمداخلة





طيب موش تسأل الراجل الأول هو زعلان ليه وموش عايز يشارك:49_49:

darwishing 11-01-2010 13:45

نخش في التقيل و السمين و اي حاجة اخرها سين او شين

رئيسنا المحبوب الاول شرعيا منذ يوليو 2005

و من بعد الكومي كمان و كمان




الأسم : نصر محمد أبو الحسن صالح

حاصل علي بكاليوروس هندسة دفعة 1980 و من مواليد 5\11\1957

و حصل المهندس نصر ابو الحسن علي 1120 صوتا

بينما حصل اقرب منافسيه الدكتور / رأفت عبد العظيم علي 612 صوت
و باقي المرشحين
المهندس محمد رحيل 512 صوت
والاستاذ / اشرف العاصى 69 صوت
والاستاذه علا عابد 5 اصوات
من مجموع الاصوت الكلية 2609
الصحيح منها 2348 والباطل منها 261 صوت

يعني حصل علي حوالي ضعف عدد اقرب منافسيه و هو الدكتور رأفت عبد العظيم

و اتصور ان هذا يرجع الي

التكتل الانتخابي لمدينة ابو صوير الموجود و بقوة من فتة رئاسة الدكتور صلاح عبد الغني عام 2005

تعاطف اصحاب التكتل العثماني لضمان ولاء ابو الحسن و مقابل التنسيق بتواجد البعض منهم و الثقة في المساعدة فيما لو نجح في الانتخابات

تواجد شعور بعدم الراحة لتواجد التيار ( العماري ) ممثلا في الدكتور رافت عبد العظيم و تخوف الجماهير من الاسلوب الذي اتبعه الدكتور عمارة نفسه في اقرب فترة تولي فيها ادارة النادي 2006

البرنامج الانتخابي للمهندس نصر ابو الحسن ..ظهر منمقا و طيبا للغاية و خاطب قطاع المستقلين بعناية ليس لمجرد وعود جيده فحسب انما تحدث عن الهيلكة الادارية و التنظيمية بشكل يوضح الامل في معالجة اسوء ما في النادي الاسماعيلي


الرغبة في تواجد وجود جديدة لقيادة النادي , بعيدا عن التابوهات المحفوظة و المكررة و التي تولت قيادة النادي من قبل و لم تحرز نجاحات انما اضافت الي اوجاع النادي

عدم وضوح قيادات الجمعية العمومية مثل الكابتن علي غيط و مدام سمية صفوت في ذلك الوقت - و عدم الانحياز الي طرف ما و فضلوا انتظار ما ستسفر عنه الانتخابات بعدما جاهدوا طويلا للابقاء علي وجود الانتخابات من الاصل .. حتي ان الاجتماعات او اللقاءات التناظرية بين المرشحين , تم رفضها من قبل الجهات الامنية

حتي المواقع الالكترونية التزمت الحيادية و ظهر اكثر الاعضاء الذين لهم حق التصويت و خصوصا من خارج الاسماعيلية - يعتمدون علي مجهوداتهم الشخصية في الاختيار دون تنسيق مسبق

حتي جمعية الدرويش بما فيها من مجموعة مثقفة واعية لكنها لجأت الي الحيادية السلبية لتواجد رئيسها المحاسب مجدي مجاهد مرشحا علي منصب العضوية و لكنه لم يوفق و حصل علي 392 صوتا فقط بالرغم من تواجد قناعة من جمهور المستقلين بمجاهد ..لكن هذا يثبت ان الحيادية في الانتخابات لا تعطي نتيجة جيدة باي حال نت الاحوال

لذلك كان تفوق م. ابو الحسن علي د. رأفت عبد العظيم - بضعف عدد الاصوات و هو شئ يحتاج تفسير - حاولت ان احدد بعض النقاط السابقة ... بالرغم من تواجد الدكتور عبد المنعم عمارة بالخيمة الانتخابية في 1-8-2008 بكل حضوره الأخاذ و اناقته المعهوده و جمال حديثه .. لكنه لم يستطع اجتذاب اصوات الناخبين المستقلين نحو الدكتور رافت عبد العظيم

ياتي في المقابل المظهر الاقل من العادي الذي بدا فيه م. ابو الحسن حديثا و هنداما - بل نستطيع القول ان اكثر من 80% من الناخبين لم يكونوا يعرفونه شكلا او هيئة .. لكنه يؤكد رغبة جمهور الناخبين في البحث عن وجود وجوه جديدة

بكل اختصار كان فوز م. نصر ابو الحسن بضعف عدد اصوات منافسيه هي ظاهرة اتصور اني قدمت بعض اسباب حدوثها

و لا يمكن باي حال من الاحوال ان نهمل موضوع انسحاب المهندس ابراعيم عثمان من ترشيح نفسه .. هو من اوجد الفرصة للمهندس ابو الحسن من التواجد علي مسرح الاحداث من بداية الامر

...............

المهم فاز المهندس نصر ابو الحسن بمنصب رئيس النادي في 1\8\2008

فما حدث بعدها فيما يخص الالتزام ببرنامجه الانتخابي

okka 12-01-2010 00:22

اصراحة توبيك جميل جدا

بس يا دكتور انت اعطيت سيد صديق 10 % ودا كتير عليه جدا جدا

دا آخره 10 % تحت الصفر

دا الواحد حتي ماسمعش صوته من يوم ما نجح

darwishing 12-01-2010 01:59

و علشان فقط نتذكر ما حدث في 30 و 31 يوليو 2008 و التعب اللي عانه اعضاء الجمعية العمومية


نتذكر معا

تحت الخيمة الانتخابية ... عيدك يا اسماعيلية

درجة الحرارة تحت أشعة الشمس الحارقة تتعدي الأربعين درجة وسط زيادة عالية جدا في نسبة الرطوبة و تنظيم – غير سليم – بعدم وجود مظلات ضد الشمس امام لجان الانتخابات – طوابير طويلة - تسير في بطئ السلحفاة - في ذروة ارتفاع درجة الحرارة و الشمس عامودية تماما ... جو ساخن رهيب في وسط سحب من الاتربة المثارة من تحركات الناخبين – مع شدة و حزم واضح من السادة المستشارين المشرفين علي العملية الانتخابية انعكست علي اللحظات المطلوبة لعملية التصويت لكل منتخب – أن يأخذ عشرات الدقائق و ازدادت السلحفاة كسلا و حركة بطيئة اقترب من النوم ساعة القيلولة

اوراق الدعاية الكارتونية – اصبحت هي الحامي من الشمس و الحرارة و الاختراعات في تحويل تلك الاوراق الي طرابيش و طراطير و مظلات و لو مجرد مسكها باليد و كان اكثر المرشحين فائدة للاتقاء من الشمس هو الاستاذ اشرف العاصي .. صاحب افضل اسلوب دعائي – كتيبات و سي ديهات بغلاف فاخر و اوراق اية فور – كرتونية – لاقت اقبال من كل الناخبين لتحويلها مظلة او مروحة و الكل سعيد بالدعاية و منهم انا بالتأكيد
حولت ورقة الي مظلة فوق الدماغ السايح ... لكن شلتها بسرعة – علشان - ابوعماد – عايز يصورني بطربوش دعائي

برضه كان هناك أفضل مقطوعة دعائية هو الاستاذ اشرف الجمل - حرص الجميع علي الاحتفاظ بها و أدي صورة منها

انا برضه جمعت شوية منها... و اهي نخرمها – و نعلقها في العربية ... بصراحة تستاهل - فكرة حلوة و تنفيذها رائع

و كمان ..كان هناك معني للوفاء و الاسماعلاوية الاصيلة لاستخدام احد المرشحين صورة للكابتن محمد حازم - رحمة الله عليه - في مطبوعات الدعاية الانتخابية .. حرص الجميع علي الاحتفاظ بها .. و طبعا منهم .. العبد لله

نرجع للحرارة و اللهيب و السيشوار الجوي

حرارة - سونا – فرن بلدي – فرن منزلي من غير عملية عزل – الاخوة السمنانين – اخر انبساط من السونا و داعبت احد السادة اصحاب الاوزان و قلت له : اظن انت عايز يكون فية اعادة للانتخابات - علشان السونا دي

الجو ولعة نار - و مفيش مروحة توحد ربنا في السرادق – الحزين كمان – كله قاعد يهوي بأي حاجة

لكن مش مشكلة .. كله علشان الدراويش يهون و االي شفناه من التعيين – يخلي التعب – راحة و يجعل من الشمس و كل ما سبق .... تكييف شغال علي أخره .. و لسه معمول له صيانة و مشحون بالفريون كمان

برضه كل ده مش مهم

لكن كان هناك أمام اللجنة 11 – اللي كان فيها العبد لله – طابور طويل بطئ عامل زي طوابير الرغيف أبو شلن المدعوم

كان واقف شاب ... في العشرينات ... و معه ابنته ... الأمورة صاحبة الثلاث اعوم تقريا – نحيلة بعض الشئ و لكن في منتهي الجمال و النشاط ... ترتدي بلوزة حمالات صفراء – موضه يعني و جيب زرقاء و الشوز كمان اصفر في ازرق- حتي – توكة الشعر - اصفر في ازرق .. اسماعلاوية جدا جدا

مفيش جزء في جسمها الا عرقان و مرهق جدا من الشمس .. و لكن و لا هيه ..هنا ... ماسكة ورقة و قلم .. و عامله نفسها بتكتب ورق الترشيح بكل جدية

اشفقت عليها جدا .. و كل الواقفين .. انها تدخل الي داخل الكشك ..في الظل ... مفيش فايدة

و لا هي .. هنا .. برضه ... عايزة ... تقف مع والدها الشاب الاسماعلاوي الجميل ... في الطابور

جلدها الرقيق ... صعب يتحمل الشمس و أشعتها الحارقة ..يحاول والدها ان يضع فوقها احدي اوراق دعايات المرشحين للظل و الحماية

تحركها المستديم و نشاطها الطفولي .. لم يمكنه بذلك ..حاولت مساعدة والدها ... مفيش فايدة

حاولت اخلي والدها يدخل الي اول الصف - رحمة بالاسماعلاوية الصغيرة ... رفض و قال يمكن ما يرضوش

روحت انا استأذن اول واحد بالصف – رفض ... فاكرني انا اللي عايز ادخل في الصف.. رفض بكشرية و حرص طبعا

المستشار ... مكشر افندي – قال لي ... بلاش وقفة خارج الصف - حاولت اشرح له .. ما سمعشي و قال لي : روح مكانك ... لأعمل لك .... محضر

اخر ما حاولت ان اخلي الأمورة الاسماعلاوية الصغيرة ان وقفت بجانبها .حتي تقف – هي – في ظلي

سألتها .بتحبي الاسماعيلي ... قات لي بكل قوة... ( اه )... بشوية كسوف كتير و ارهاق اكتر

كانت – أمورة الدراويش - فاكهة كل الواقفين في الطابور .. اللي كانوا يطلقون النكات و الفشات في جو من الدعابة و راحة البال بشكل يظهر اننا واقفين في احدي حدائق هولندا عند ابو شادي


و يا خسارة من وضع نفسه في كادر العند و الفلسفة و الطنطنة ... في انه منع نفسه ... من حضور عيد كل الاسماعلاوية

اول ما اعلنوا عن اكتمال انعقاد الجمعية كنت التصفيق و التهليل و رأئيت دموع في عيون البعض و الهتاف بسقوط و رفض الميزانية .. كان شرف و مشاركة من اناس مسئولين بعيدا عن الفلسفة الغير مفيدة

لكن .... ايه الناس دي .... مش ممكن ... الحب ده و الاخلاق دي ... الاسماعيلي بيعمل كده ..ممكن طبعا اكتر من كده

كل اللي اعرفهم بصراحة شفتهم فرحت برؤياهم جدا ... و كان يوم عيد لكل الاسماعلاوية


الاستاذ اشرف ابو سيف – كائن اسماعلاوي الشكل و التكوين و الصبة كلها – دقق في نني عيونه العسلية ..حتلاقي فانلة الاسماعيلي ... جوة جوة عينيه ... سيب الدنيا دائما و دور علي فور ايفر

الاستاذ اشرف ثروت – نص وزنه ... عقل ... و النص التاني دم خفيف - عايز تتكلم معاه ..لازم تجيب ورقة و قلم ... لان تعليقاته و خفة دمها ... محتاجة تتسجل ... و دققوا فيها بعد كده و كان موجود الدكتور جمال ثروت الهادئ.. لكن صاحب خزينة الطلقات التي لا تنضب ابدا ... مستمع و محلل جيد و انتظر مقالاته عن هذا اليوم التاريخي في الاسماعيلية

الاستاذ لطفي شحاتة – نصيحة لوجه الله تعالي ... ما تنزلوش الاسماعيلية – الا ..لما يكون فيها ..أبو شحاتة ... رجولة و عقل و كرم و اخلاق .. مفيش كده ... اسماعلاوي بشكل مركز و حلو ... لدرجة المستحيل ... العالم حوله ..له لون واحد .... هو الاصفر

الاستاذ هشام الكسار الشهير بالمذيع هوشا ... العلامة التجارية للاسماعلاوية ... نجم فوق الوصف في كل حاجة – تحليل و ربط الاحداث و توقع غير مسبوق - مشهور عند الجميع و محاور جيد في الجلسات ... لكنه قارئ جيد للي حيحصل ... لكنه لا يعرف اليأس – بل يعرف ان الاسماعيلي لابد من ان ينجح باي طريقة و هو الامل الذي يعمل من أجله ... الاستاذ هشام الكسار ... عايز توبك خاص ... للكلام عنه

الاستاذ محمد سليمان ... رجولة و عقل واضح .. شخصية تشرف كل الاسماعلاوية - عرق كمية من العرق ..كل نقطة فيها مكتوب عليها بحبك يا اسماعيلي .. شخصية تحب تتكلم معاها

شاب دمياطي .. حضر اول يوم للجمعية ... و سافر و رجع تاني في رحلة حب اسماعلاوية كل متر فيها بيمثل حب و انتماء عجيب و غريب

محمد مختار .. اسماعلاويته صعبة و عايز يخدم بعيونه و قلبه و ضميره .. بكل صراحة شاب يفرح ة معاه والده الاستاذ مختار عرفات .... تفكيره بيسبق الوقت و الزمن ... بيجيب دايما من الأخر ... و دي مشكلة حلوة

الاستاذ سعيد الرودي ... تفتخر جماهير الاسماعلاوية بوجود هذا المحترم المحب لكل ما يمت للنادي بصلة و اظن انه بيحب كل واحد اسمه اسماعيل ... كمان

الدينامو الرشيق الجميل ابو عماد المسمي احمد حامد - ساكن و متربع في قلب كل من يعرفه ... لا يهدأ و لا يكل و لا يمل من العمل ... يمكنه البقاء بلا نوم من اجل اتمام ما يفيد النادي ... بكل اختصار ..حلو في كل حاجة يا ابو عماد

ما اقدرشي انسي الاستاذ امجد مرعي – اسماعلاوي ليالي الانس – رئيس غرفة العمليات علي بعد الاف الكيلومترات – نجومية في العطاء و المتابعة و انت في قلب الحدث ساعة بساعة ... استاذ بكل معني الكلمة

الاستاذ عمرو سيف ..لا يمكن ..لا يمكن ... لا يمكن ... في الانتخابات .. و عقله و قلبه ... و كل ذة في كيانه ... الاسماعيلي ... مش مهم الانتخابات او مين حينجح ... المهم مين المدير الفني و ابراهيم سعيد حيشرفنا ويعوض غياب هاني سعيد .... المهم عنده الفريق و النادي .... درس في الحب و العشق لدرجة مش مهم أي حاجة بس الفريق يكسب

الدكتور الواثق خفيف الدم : فتحي نافع ... بس انت أسأل و هو يحيب لك ..ديون الكومي الارض علي فشفوش .... و كل عائلة نافع عنوان واضح للاسماعلاوية المثقفين المحترمين و هي ماركة مسجلة لكل جماهير الدراويش

الاستاذ احمد عبد الكريم ... عقل ايه و جمال ايه .. زعلان ان ما لوش صوت .. و لكنه ناسي انه صاحب الفرح بكلماته و اخلاقة اللي ما لوش حدود الا الادب و اللياقة و الاناقة في الكلمات ... محترم بجد

الكاتن علي غيط .. انصحه بتغيير اسمه في البطاقة ... الي ... اسماعلاوي – كتلة من العقل و التفكير و النشاط ... عايزين عشرة من علي غيط ... و نبقي احسن نادي في العالم .. بجد و بدون اية مبالغة ...انت كنت فين يا كابتن علي .. من زمان

و اوعوا تنسوا ... العملاق ا. سيد حسن ..الاعلامي التوقعي المحرج ... كل الملام بيخلص عندما يتحدث و لا تملك الا ان تسمع .. مشغول لشوشته لكن الاسماعيلي اولا واخيرا و لو لقيت حاجة مش فاهمها .. أسال بس و حتلاقي الاجابات و التحليل صحيح

الاستاذ محمد جنيد الرايق الشهير بفيدل كاسترو ... وصل بعد منتصف الليل ن دبي و لكن في الصباح جاء الي السونا و الحرارة و الزحام ... مش مهم ... بس عايزين الحق ... شخصية اسطورية و معاه ولده الجميل الالتراسي الجامد

و بمناسبة الالتراسيين .. شاهدت ملوك الخدع و الشماريخ – شيتوس - الرهيب ... و ملك الكليبات .. ريكاردو - حب لدرجة غريبة للفريق و الجماهير بقيادة شادي جولد بوي ... الكوماندا المهم و كمان عبد الله كومانوز .... كوماندوز اسم علي مسمي - اسماعلاوي جدا و كان حريص علي اكتمال و اجتماع الجمعية العمومية – اكتر مني - و عايز معلومة عن الاسماعيلي – اسأل و هو يجاوب علي طول .. و من قلبه كمان و معاهم محمد النحلة ابو ابتسامة حلوة هادئة و وائل ابراهيم شاب في منتهي الروعة و الدرويشية ..شباب الجيل القادم وراهم مسئوليات صعبة

الجميل الروش سالم القاضي ... قدامه كتير قوي يعطيه للاسماعيلي و الجماهير ... شاب و لا كل الشباب ... بصراحة في منتهي الروعة .. مجلس النادي محتاجة قريبا جدا جدا

الشابين علي طه و شريف عادل ... مش ممكن الشغل و المجهود – علامة كاملة ... امتياز مع مرتبة الشرف و تحرك تحت قيادة ابو عماد الجنرال – مع الفارق .. سرعة و نشاط ... و اونلانية بلا حدود و نشاط .. بصراحة حاجة تفرح و كبير دايما يا اونلاين

الاستاذ مجدي مجاهد ... نموذج مشرف للسادة المترشحين .. صابور هادئ – تعب كثير و لم يحالف التوفيق و لم يهتز لانه لم يكن يبحث عن مقعد و خلاص و البركة في المجلس الجديد
و معه الرائع الجميل العقيد ايمن عبد الجواد ..جاءت لهما الفرصة الذهبية بعدم دخولهم المجلس ... ان يكونوا للنادي افضل من خارج المجلس ... و الحركة بحرية و قوة بعيدا عن بروتوكيلية المجالس و ارتباطتها

الاستاذ محمد شاهين .. عايز برنامج كمبيوتر محترم اوريجنال مع الباص وورد .... هو ده ده الاستاذ محمد شاهين الشهير بمحمد كمال ... منظم لدرجة الروعة و بشوش لدرجة لا يحتاج أذن للدخول الي القلوب بكل بساطة

لكنه الاسماعيلي يستاهل بكل صراحة و الشرعية هي المطلب الاول

الاستاذ احمد شلبي .... تفكيره يسبق كلماته .. هادئ محلل جيد ذهب الي القاهرة و عاد للحضور اليوم الثاني من الانتخابات في رحلة طويلة .. علشان حاجة واحدة ... اسمها الاسماعيلي و كفاية قوي علشان اسمه الاسماعيلي


الهادئ الرائع ابو عبد الله - يوسف - صاحب الابتسامة الجميلة و القبول الرباني و العشق الصامت زي حب بنت الجيران .. كفاية يشوف النادي من بعيد و كم سعدت بلقاءه و ذكرياته الاسماعلاوية الجميلة

بكل اختصار .. كل من تواجد تحت خيمة الانتخابات ... و في اليومين - علي عيني و علي رأسي .. تعبه و مجهوده و عرقه و تحمله لكل الظروف الجوية .. و الادارية ... لكن كله يهون من اجل الدراويش


بكل صراحة – اللي يكون في عونكم يا مجلس يا جديد – لو زعلتم الناس الحلوة دي

........................

كتبتها بعد انتهاء اجتماع الجمعية العمومية .. في 1-8-2008

و اذكركم بيها .... بخصوص السطر الاخير فقط

و نفتكر مع بعض شوية صور بكرة

عصام رشوان 12-01-2010 02:46

اقتباس:

المشاركة الأصلية كتبت بواسطة darwishing (المشاركة 219985)
الاخوة الاعزاء
مستشكرين علي تفاعلكم الحلو جدن

و منورين توبك .. الملوخية
ندخل بقي في .. تحليل .. ليالي الملوخية باشراف الجمعية العمومية
نبدأ بمين .. يا حلوين و يا منورين
طبعا مفيش غير الكابتن حبيبنا كلنا ... مع ان الفاكهة تيجي بعد السم
نبدأ بالشقلوب .... يمكن تنفع المرة دي
و خلي الدسم ابو الدسم .... اخر واحد علشان هوشا ... يبقي بعيد عن التوبك
اصل هوشا بيحب ابو الدسم و زي الفريك .. في قلبه مفيش شريك
كل واحد من نتاج - ليالي الملوخية - حنحلله تمامن
نبدأ بالفاكهة
علي بركة الله ... ( بسم الله .. الله أكبر )

حلال

:teeth_smile::teeth_smile::teeth_smile:

darwishing 12-01-2010 11:04

اقتباس:

المشاركة الأصلية كتبت بواسطة okka (المشاركة 220935)
اصراحة توبيك جميل جدا

بس يا دكتور انت اعطيت سيد صديق 10 % ودا كتير عليه جدا جدا

دا آخره 10 % تحت الصفر

دا الواحد حتي ماسمعش صوته من يوم ما نجح

بصراحة يا اوكا .. الاستاذ سيد صديق يعتبر العنصر الممكن توظيفه بشكل جيد و صاحب خبرة ادارية معقولة في المجلس .. لكن بالنهاية اهتمامه بالجماهير عند حضور المباريات و ده من اصل برنامج الانتخابي , يستحق العشرة في المية


الساعة الآن: 09:53

Powered by vBulletin ®

Security byi.s.s.w