منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   الحوار العام General Discussion (http://www.ismaily-sc.com/vb/forumdisplay.php?f=2)
-   -   أه يا بلد ولا أعرفك ولا تعرفينى (http://www.ismaily-sc.com/vb/showthread.php?t=19152)

عبد الحميد بدوى 03-01-2012 14:44

أه يا بلد ولا أعرفك ولا تعرفينى
 
اه يا بلد مافيش حاجة بينك وبيني

ولا أعرفك ولاتعرفيني

كل المشكلة انك ساكنة في نن عيني

كل مابهرب منك كل ما ابعد عنك

بالاقي نفسي في حضنك

وعينك في عيني

كل أما باجي أقول بحبك

ألاقيكي بتصديني

اه يا بلد نفسي أغني وأنت بس اللي تسمعيني

ملامحي من ملامحك وطينك من طيني

نفسي أتكحل وأقفل عليكي عيني

نفسي أجيلك وتجيلي

أكتبك قصيدة ألاقيكي بتبكيني

أحترت معاكي وحيرتيني

نفسى ألاقيكى وتلاقينى

مش عارف لية حاسس بغربة

نفسى تططبى عليا وتضمينى

نفسى مرة وحدة تسمعينى

اه يابلد مفيش حاجة بينك وبينى

ولا أعرفك ولا تعرفينى

كل المشكلة أنك ساكنة نن عينى

كل ما بهرب منك بلاقى نفسى فى حضنك

وعينك فى عينى

الشاعر
عبد الحميد بدوى

محمد نافع 04-01-2012 01:33

المره دى احسن

انا شايف تقدم فى المستوى الفنى

عبد الحميد بدوى 04-01-2012 09:12

ههههههههههههههههههههههههههههه لا ياراجل يعنى مفيش بيض

DaraweeshMySoul 04-01-2012 11:52

اقتباس:

المشاركة الأصلية كتبت بواسطة عبد الحميد بدوى (المشاركة 419086)
ههههههههههههههههههههههههههههه لا ياراجل يعنى مفيش بيض

يعني استاذ محمد بيجاملك و بيطيب خاطرك بكلمتين من ورا قلبه و كمان مش عاجبك و بتتريق طب اهو

http://i01.i.aliimg.com/photo/v0/11877577/Eggs.jpg

عبد الحميد بدوى 04-01-2012 12:16

لا أكتب حتى أنال اعجباكم فكلماتى ليست مخدة من ريش نعام أنا صوت العاجزين عن الكلام

DaraweeshMySoul 04-01-2012 18:02

اقتباس:

المشاركة الأصلية كتبت بواسطة عبد الحميد بدوى (المشاركة 419112)
لا أكتب حتى أنال اعجباكم فكلماتى ليست مخدة من ريش نعام أنا صوت العاجزين عن الكلام

ماشي يا عمنا من بعد تريقتك الاخيرة على مداخلة مهندس محمد ح اقف لك على الواحدة .... ده غير هبوط مستوى كتاباتك و اللي الكل عبر لك عن امتعاضه من ضعفها الشديد فده كله كوم و الاخطاء الاملائية و النحوية كوم تاني اللي هي اقل حاجة يستوجب من ارباع الشعراء يكونوا ملمين بيها


من الاخر ح افوت لك كل حاجة من نظم شعر ضعيف و عدم الالمام باصوله و انعدام الموهبة بس مش ح اقدر افوت الفضائح اللغوية اللي بتكتبها ده حتى تعليقاتك اللي بتكون بس في توبكاتك العجيبة و بتكون من كلمتين ثلاثة بيكون فيها بلاوي

و على سبيل المثال و ليس الحصر اللي ح يبدأ من تحفتك القادمة اللي ح تتحفنا بيها


"اعجباكم" دي تطلع ايه ان شاء الله في اي قاموس لقيتها مكتوبة كدة بسلامتك ... تتكتب " اعجابكم "

اتلقى وعدك يا حلو ح احلب لك الكتابات بتاعتك كلمة كلمة لغاية ما تجيب دم .... و يا ويل اللي بيقع تحت ايدي في النحو و الصرف

عبد الحميد بدوى 04-01-2012 19:09

المهم انك فهمت ماذا اقصد ليس أشعر الشعراء اعرفهم بأمور اللغة ولكن ارهفهم قلبا وحسا

عبد الحميد بدوى 04-01-2012 19:25

http://www.youtube.com/watch?v=MUnND...source=message اعتذار رسمى من روتانا على الهواء مباشر للشاعر عبد الحميد بدوى بعد ما قالوا قصيدة من قصائدى على انها للشاعر أحمد فؤاد نجم


الساعة الآن: 20:11

Powered by vBulletin ®

Security byi.s.s.w