اصحاب ذاكره السمك يمتنعون

كتب:daraweesh

كتب مصطفي صاصا …ولما قولنا ده عنده شعره ساعه تروح وشاعه تيجى الناس زعلت مننا
فى ميركاتو الشتاء المطبلتيه هللوا بالصفقات وقولنا هايطلعوا اسلحه فاسده الناس زعلت وانت بتهدم وتهد
مابين ميركاتو الشتاء والصيف وتغيير المدربين زى ما بنغير الشربات حذرنا وقولنا ممكن نلبس فى الحيط وصدقت توقعاتنا وباعترافه انه تسرع ومشى وراء المديا الناس زعلت وربنا نجانا من الهبوط بفضل الله وجمهورنا العاشق
فى ميركاتو الصيف كل الناس فرحت ولن انكر اننى منهم ولكنى لم انساق وراء تيار الشكر والثناء الى ان يثبت عكس ما اتخوف منه
طلع مع سعدون الكوراى قال كلمه ان انا الاسماعيلى وهاخد بطوله نصبوه ملك على الاسماعيليه وحامى حما الكيان
طلع وقال مفيش بيع احد اعضاء المجلس ان لم اغلبهم اقسموا بالطرق انه لا نيه لبيع اى فرد من القوام الاساسى
امبارح مع مهيب قال بودى وباهر مش عاوزين يقعدوا ومعنديش مشكله فى بيعهم ونظام تهييج الجمهور على لاعب ده سيناريو محروق واتقرى 100 مره
النهارد ماسوره الشكر والمدح قفلت وانقلبت لماسوره ذم وتهديد ووعيد من نفس الاشخاص اللى كانوا بيشكروا
فيه حاجه غلط فى عقليات البعض من الجمهور ولكن اصحاب المبدا اللذى لم ولن يتغير هم من يكال لهم التهامات بالعماله والتبعيه لابو سوالف وغيره
انا خايف وهافضل خايف طول ما الشعره مش ثابته فى مكانها ورزينه وبتفكر صح ازى تبنى وتوفر موارد
اسف للاطاله