Connect with us

أخبار الدراويش

بالفيديو : نائب رئيس اللجنة المؤقتة للنادي الاسماعيلي

كتب:Tamer El-Sayed

▪️بعتذر لجمهور الاسماعيلي عن الكارثة اللي حصلت اللي التاريخ مش هيمحيها.
▪️مع كامل احترامي وتقديري لنادي نجوم المستقبل المحترم أن حققوا نتيجه كبيرة هتتكتب في تاريخهم أنهم يكسبوا النادي الاسماعيلي في اسماعيلية.
▪️دا أمر بالنسبة ليا مشجع اسمعلاوي قبل ما اكون مسئول أمر كارث فكامل اعتذاري ومجلس الإدارة برئاسة اللواء ابو بكر الحديدي لكل مشجعي النادي الاسماعيلي في كل مكان.
▪️علي قدر الموقف بيكون القرار عملنا اجتماع طارئ واستدعينا الجهاز الفني وكابتن حمزة الجمل تحديداً ناقشناه في الامور وهو أيضاً تقدم باعتذار لمجلس الإدارة وللجمهور دا نزل علي الموقع الرسمي.
▪️اتخذنا قرار مثلما يكون في إثابة العقاب علي قدر الموقف الصعب اللي اتحطينا فيه النهارده وكان خصم 20% من عقود اللاعبين الذين شاركوا في المباراة.
▪️كرة القدم مكسب وخسارة مش هكسب علي طول ومش هخسر علي طول.
▪️مع كامل احترامي وتقديري لكل جماهير الاسماعيلي وان ما حدث اليوم هو كارثة حقيقية بالنسبة لنا كمشجعين للنادي الاسماعيلي
▪️نقطة ومن اول السطر صفحة ولابد تطوي عندنا مباراة قوية جداً مع نادي المقاولون العرب.
▪️احنا بنسعي بالخير وبنسعي بكل جهد لعودة النادي الاسماعيلي لمكانته الطبيعية سواء مجلس إدارة أو جهاز فني او لاعبين.
▪️كان لابد من وضع قرار حازم يرضينا كمشجعين ويرضي جمهور النادي الاسماعيلي لان النهاردة كان في حزن داخل كل بيت في اسماعيلية.
▪️الكارثة تتمثل في اننا بنلعب مباراة في اسماعيلية وبلعب في دوري ممتاز وبلاعب فريق في الدرجة الثالثة انا لا اقلل من الخصم لكن انا بتكلم علي حجمي كنادي اسماعيلي علي الكارثة الحقيقة اللي واقع فيها كنادي اسماعيلي أن اخسر علي ملعبي بأداء باهت وتقريباً مرحتش علي الجون تقديري للموقف أنه كارثة.
▪️انا عاوز اقفل صفحة المباراة خلاص عندنا 6 مباريات في الدوري هما اللي هيحسنوا شكلكم قدام جمهور النادي الاسماعيلي بنساعدكم علي قد ما نقدر لان كل الناس شايلة ايديها من النادي الاسماعيلي.
▪️مجلس الإدارة برئاسة اللواء ابو بكر بنحاول علي قد ما نقدر نوفر المناخ المناسب في ظروف صعبة وأزمات مالية في كل أندية مصر والاسماعيلي أولهم ولكن علي قد ما بنقدر لم نقصر.
▪️خلاص ننسي الصفحة دي وإن شاء الله يقدروا يحققوا نجاح المباراة القادمة وينسونا الموقف الكئيب اللي في اسماعيلية النهاردة.

990 المشاهدات

بقلم الدراويش