اهم تصريحات يحي الكومي مع علي مساء اون تايم

كتب:daraweesh

 مع الكابتن مدحت شلبي  .. حيث كانت اهم التصريحات للمهندس يحيي الكومي

-انا جيت لقيت محدش بيدخل النادي ،، انا فتحت النادي للكل
 – للاسف جينا لقينا مديونات كتير ومفيش فلوس في النادي خالص
– انا جبت ١١ لاعب ف يناير وحاولنا نجتهد ، ومعظم لاعبين انتقالات يناير ف اي حته بيبقي كسر
 -موريل دفعنا فيه ٣٠٠الف دولار
– التعاقدات كلفت النادي في حدود من ٣٠ ل ٤٠ مليون
-النادي استفاد منهم ٣ او ٤ لاعيبه ، زي الحلواني وحسن ياسين وموريل حلو بس مابيلعبش وبن خماسه حلو
– احنا هنرفع ع اللاعيبه ال هربت قضايا عشان هم فسخو التعاقد من طرفهم
– مستحقاتهم ادفعت وهم مرتبين انهم يمشو من بدري ورفضو استلام مستحقاتهم وماضيين علي كده ،، هم زهقو عشان مابيلعبوش
– عرفت ان حمزه الجمل بيلعبهم ورا الجول وده ماينفعش بردو ، ورأيي انهم كانو لازم يخدو فرصه
– في أفكار وشكل تاني خالص ف التعاقدات ف الموسم الجديد ان شاء الله
– الوكلاء ال شوفناهم ف يناير ماشوفتش وشهم تاني
– السوشيال ميديا مأثره جداا ، وهي ال مشت ايهاب جلال من المنتخب مش الاساس في قراراتنا بس اكيد لازم ناخد بيها
– مين يتحمل يخسر ٣ مباريات متتاليه ، عشان كده قلت اي مدرب هيخسر ٣ ماتشات هيمشي
– معظم السوشيال ميديا بتتكلم ف اشاعات ومش مؤثرين خالص وشوية عيال وانا مش متابعهم خالص ،، ويقولو ال يقولوه
– كابتن حمد ف الاول قالي حسني ده حبيبي وعادي ولما اتفقت مع حسني ، كابتن حمد قالي لا مش موافق ك مدير كوره ،، بس حمزه الجمل وافق عادي
– ٦٠٠ . ٧٠٠ الف مرتبات الجهاز الفني ومفيش منهم متطوع وده شغلهم
– كان ف لجنة كوره ولجنة تعاقدات ومعاهم مدرب في يناير وهم ساهمو بشكل كبير في تعاقدات يناير
– في لاعيبة ف القطاع كويسه جداا ، وعملنا اختبارات ومضينا مع ١٠ لاعيبه صغيره
– فريق الامل تشكيل من القطاع ومع لاعيبه تحت السن ف الفريق الاول هتلعب مع الفريق الاول مباريات وهنختار ال هنحتاجهم
– عيب لما عصام عبد الفتاح يطلع يقول ان الكوره دي مش ضربة جزاء
– مش محتاج اكتر من الاعتراف بالخطأ ومعاقبة الحكم محتاج رد وطالما انت مش محترمني مش هحترمك
– اطالب بعدم اسناد اي مباراة للاسماعيلي للحكم امين عمر بسبب خطأ ف المباراة
– وارد ان اطلب حكام اجانب لو ماتش حاسم ( ع النوته )
– عملنا اجتماع تكتل الانديه الشعبيه ( الاتحاد والمصري والمحله ) للتفاوض مع الشركة الراعية وناخد حقنا
– بقترح ان الشركة الراعية تعطي ٥٠٪ من الفلوس تتقسم بالتساوي ع الأندية والباقي عل الانديه التانيه بحسب الشعبيه
– فقرة من ١ ل ١٠
مستوي الاسماعيلي ٥ من ١٠
اداره الرابطه ٦ من ١٠
مستوي القطاع ٧ من ١٠
قرار الاتحاد بخبير تحكيمي اجنبي ٩ من ١٠
اداره اتحاد الكرة للعبه ٦ من ١٠
مستوي الدوري قوي
قرار اني جبت براون ٥ من ١٠
– بحيي:  جمهور الاسماعيلي واعذرونا لو اخطأنا والقادم افضل ان شاء الله وادونا فرصه وفي استثمارات قادمه ان شاءالله

اما الكابتن حمزة الجمل قال 
-إحنا جبنا ٨ نقط من ٦ ماتشات ..
-احنا عدينا مرحلة صعبة ..
-انا راضي عن الفترة الماضية ..
-الحمدلله قدرنا نعمل نتايج كويسة..
-بقول لجمهور السوشيال ميديا اللي هما قلة .. – – – – -محدش يقول لاعبوا فلان ولا علان .. انا ادرى -بحالة اللعيبة وادرى بالاختيارات.
– احنا خسرنا من بطل الدوري .. خسرنا من نادي عظيم .