تصريحات ايهاب جلال عن فترته مع الاسماعيلي

كتب:daraweesh

اهم تصريحات المدير الفني السابق للنادي الاسماعيلي مع الكابتن احمد شوبير

_ وضع النادى الإسماعيلى وحب الجمهور هو من جعلنى أقبل تدريب الإسماعيلى فى هذه الظروف

_ إشترطت كتابة أسماء اللجنه الفنيه فى عقدى مع النادى

_ الإسماعيلى دلوقتى فيه لعيبه كويسه ومن أحسن اللعيبه فى مصر

_ لما دخلت النادى الإسماعيلى السنه اللى فاتت ملقتش حاجه من إسم النادى الإسماعيلى

_ كل الشكر للفريق محمد فريق حجازى واللجنه الفنيه هم السبب فى بقاء الإسماعيلى الموسم الماضى

_ جمهور الإسماعيلى بيحب ناديه اكتر من اى نادى تانى

_ انا روحت النادى الإسماعيلى لمده محدده وهدف محدد واتفاجأت بخصم النقط ومن وقتها بدأت أقلق

_ مشوفتش محاولات جاده لحل مشكلة النجوم وساعتها قررت انى مستعجلش فى التجديد

_ بعد ما جيت بأسبوعبن طلبت التجديد لفخر الدين بن يوسف وفخر مضى مع بيراميدز بعد ماتش الإسماعيلى وبيراميدز

_مكنتش عاوز اروح بيراميدز لأنى كنت خايف جمهور الإسماعيلى يفهم انى سبت الإسماعيلى علشان اروح

_ خدت قرار بالرحيل عن الإسماعيلى قبل الدورى ما يخلص بشهر

_ عقد آرى بابل كان فيه شبهه فى 200 ألف دولار منعرفش مين كان بياخدهم ولا بتوع إيه واللاعب كان مجبر عليهم

_ سعيد جداً فى أى وقت بتواجدى فى النادى الإسماعيلى

_ قلقان جداً على النادى الإسماعيلى بسبب الديون وخصم النقاط

_ هناك تفاوت كبير بين لاعبى الإسماعيلى فى العقود لعيبه مهمه بتاخد أقل 4 و5 مرات من لعيبه مش مهمه

_ اللعيبه كانت بتمضى على بياض ويتفاجأوا بحاجات غير اللى متفقين عليها

_ مستغرب من استدعاء حمزه الجمل من عمان وبعد الإتفاق معه ابلغوه بعدم التعاقد معاه

_ قلقان جداً على الإسماعيلى وبتمنى لهم التوفيق