تصريحات عمارة .. تفضح منهج الكومي

كتب:daraweesh

واهم ما ذكره الدكتور عبد المنعم عمارة
انا كنت وزير شباب ورياضه مش هينفع ابقي رئيس اتحاد ولا رئيس نادي واروح اخبط علي باب وزير . ومستحيل خلاص امسك حاجه تاني
يحيي الكومي انا شخصياً تعبت معاه لانه شخصية عنيده ومابيسمعش الكلام
احنا قلناله كتير ياعم انا كنت وزير رياضة وعندي خبره وكان معايا علي ابو جريشه علي طول بنكلمه وهو بردو مابيسمعش الكلام
الحاجة الاولي
في نادي اجتماعي مصروف عليه اكتر من ٣٠٠ مليون جنيه والقطط بتجري فيه دلوقتي
قلنا لبنك هيئة قناة السويس اعملولنا العضويات بالتقسيط علي ٦ سنين ووافقو
رجعنا قلنا ليحيي الكومي ابعت ال راجل طلبه منك .. فين وفين ومناهده ومطارده مني شخصيا ومعملش حاجه ف الاخر
بعد ٤ ايام كلمته وقلته هتعمل الطلب ولا لا ؟
قالي تمام وبعت الورقه بعد مناهده .. كلمت مدير البنك والبنك ده انا ال انشأته
قام الراجل باعت له موافقة وكله تمام ونتفاجئ ان في مماطله من النادي لتنفيذ بعض الطلبات التانيه لحد ماالموضوع انتهي علي مفيش
يحيي الكومي كان بيقطع العلاقات مع الكل .. راح اشتكي المحافظ لرئيس الوزراء ، واشتكي وزير الرياضة لرئيس الوزراء واشتكي رئيس هيئة قناة السويس.. ف الكل مكانش حابب يتعاون معاه
الحاجة التانية
عرفت ان ف مشكله مع بريزنتيشن كلمت النائب احمد دياب ( الاسمعلاوي ابا عن جد ) قالي لا مش هتعاون معاه تاني ( وعيب اقول الكلمه ال قالها ع الناس دي )
المهم كلمت الشركة قالولي خلاص هنتفق علي ٣٠ مليون جنيه هنبعتله ٧ وكل شهر هنبعت ٣ مليون جنيه
الحاجة الثالثة
كلمتله الفريق أسامه ربيع وهو شخصية رائعة وبيحب الاسماعيلي جداا وكان جنبي يحيي الكومي .. كان الرد انه تمام هبعت فلوس حاضر
تاني يوم لقيته بيكلمني بيقولي انا بعت ٣ مليون بس .. انا كنت هبعت ٥ بس عشان اشتكاني للدوله ف انا هبعت
٣ مليون بس
الحاجة الرابعة
حمزه الجمل بعد ماخرج الفريق من كبوته المفروض انه كان يكمل.. استحااااله استحاله وقفل دماغه انه مش هيكمل .. وتدخلنا انا وعلي ابو جريشه والكومي قافل دماغه انه مش هيكمل في النادي مش عارف ليه كان مصمم كده
وفي حاجات كتييير جدااا عشان كده في تقرير كبير مكتوب فيه للدولة بحل مجلس الإدارة واحالته للنيابه العامه
لازم الناس تعرف ان دي اقاله مش استقاله