تصريحات يحيي الكومي في برنامج الماتش

كتب:daraweesh

يحيي الكومى خلال برنامج الماتش قائلاً : 
_”واجهنا ضغوطات كبيرة في بداية الموسم و كانت قضية اللاعب لسعد الجزيرى و كان يوجد تعاقد مع شركة برزنتيشن و حصلنا على مبلغ 10 مليون جنيه في بداية الموسم .”
_”ما يقال إن اللعيبه لم يحصلوا على مستحقاتهم كذب اللعيبه حصلوا على مبالغ ما يقارب 60 مليون جنيه بمقدار 75٪ من عقودهم .”
“حصل مشاكل بسبب نسبة مشاركة اللاعبين ال25٪ و كان لازم أعطى فلوس للعيبه الجديدة و ده كان سبب زعل اللعيبه القديمة .”
” عيب لما الناس اللى موجودين تشكك في المجلس السابق إحنا اشتغالنا لكن مكنش في نصيب ننجح إحنا بنحب نساعد كل الناس .
” إساءة الجمهور كانت القشه التى قسمت ظهر البعير لكن كان في ناس كتير بتحاربنا .”
” أتصلت بوزير الشباب والرياضة عشان أقدم استقالة مجلس الإدارة بسبب خساره الفريق المتكررة . “
” محمد شيحه كان بيقول أنا هعمل كذا و اجيب صفقات و عندى برنامج هقدر أقدم شغل كويس هو فين الكلام ده ؟؟
طالعين يقولوا أن مفيش أكل في النادي انا سايب شيك في النادي بمبلغ 2 و نص مليون جنيه .”
” اللجنه الحاليه صدقت على العقد الجديد اللى أنا عملته للاعب عبد الرحمن مجدي بمبلغ 5 مليون جنيه “
” أنا كنت بعتبر اللاعب عبد الرحمن مجدي زى ابنى بس اكيد حصل كلام بينا خلنى أفقد اعصابي و مفيش عرض رسمى من المصرى بمبلغ 2 مليون دولار زى ما قالوا كان كله كلام و مفيش أى عرض رسمى أتقدم للاعب و أتحدى أى حد يطلع يقول عكس الكلام ده “
” إحنا لبسنا اللاعب محمد بن خماسه أنه لاعب عنده أصابه مزمنه و رفع علينا قضيه “
“كان هدفي أبيع عبد الرحمن مجدي بأعلى سعر و كلمت صحفي أنه يكتب في جريدة أن في عرض امارتى للاعب عشان أسخن الجمهور “
” السمساره ورطوتنا في صفقات كسر و لعيبه بمبالغ كبيرة و في لعيبه رفعت قضايا بسبب المستحقات المتأخرة ليهم لكن
الإسماعيلى عمره ما هينزل الدرجة الثانية بسبب حماس شعب الأسماعيلية و اللعيبه هتتحسن في الفترة المقبلة .”
‘ إحنا متعاقدين مع اللعيبه الأجانب و سعر الدولار 15 جنيه مصري ‘
‘ حسنى عبدربه كان موجود في التعاقد مع لاعبين الجديدة و إختيار اللاعبين بواسطة الجهاز الموجود وقتها :
“جاريدو كان رافض مشاركة بعض اللاعبين الأجانب منهم ياو أنور و بعد كده اللاعب شارك و تألق مع الفريق .”
” كنت بطلب من حمزه الجمل مشاركه اللاعبين الأجانب كارميلو و ديجو و كان بيرفض لضعف مستواهم و في هى وجهات نظر ‘
“جاريدو كان بيحصل على مبلغ مالي 45 ألف دولار و كانت علاقتي بيه كويسه جدا “
” التوأم حسام حسن و إبراهيم حسن رفضوا تدريب النادى الإسماعيلي و اتفقوا مع النادي المصرى “
 كان في مشاكل كتير بين أعضاء مجلس الإدارة و كان كل واحد برأى و كان كل واحد مش باصص أنى انا اللى بدفع 
“محمد شيحه علاقتى بيه كويسه جدا و أنا أعرفه من 2006 و بالمناسبه كنت بقول عليه ‘شيطان المدينة ‘ .”
” تشفير الدورى المصرى هو الحل لإيجاد موارد للفرق الشعبية و كل فريق هيدخل ليه مبلغ كبير و الأهلى و الزمالك ياخدوا نسبه و باقي الفرق نسبه بالتساوي “