خالد زين نائب رئيس الإسماعيلي: لن نبيع أي لاعب من الفريق داخل مصر

كتب:reporter

ولدينا شروط للاحتراف الخارجي

المهندس يحيي رجل أعمال شاطر جداً وهايل فـ المفاوضات والتعاقدات.
إتفقنا في المجلس أنه لا بيع لأي لاعب من الإسماعيلي داخل مصر ، والإحتراف الخارجي بشروط انه لازم يبقي مفيد للاعب والنادي ولابد أن يكون له البديل ، وأن يكون اللاعب البديل علي أكمل وجه.
عبدالرحمن مجدي وباهر محدش هيعوضهم.
عبدالرحمن مجدي لاعب عالي جداً وكان هيروح أياكس فـ معايشه ، وكان محطوط فيه رقم مفيش حد في مصر يقدر يسده لولا إصابته.
تصريحات المهندس يحيي إتفهمت جماهيرياً غلط ، مفيش بيع لأي لاعب يحتاجه النادي إلا بالشروط اللي أنا قولتها فـ الأول.

إحنا مانستحملش نشوف لاعبتنا في فريق في مصر ، لأن إحنا النادي الإسماعيلي نادي كبير.
أهم ملف دلوقتي هو تنمية الموارد اللي متخليناش نضطر نبيع لاعيبتنا وأولادنا.
زمان كان الأهلي والزمالك والإسماعيلي ، بعد دخول بعض الشركات والأندية قلب موازين الكوره ، بس الإسماعيلي سيظل الإسم والتاريخ الكبير.
كابتن حمص جاله عروض كبيره جداً وهو لاعب من أهلي وزمالك ، بس هوا فضل الإسماعيلي وكمل مع الإسماعيلي.
كابتن حسني رمز من رموز النادي ولاعب كبير.
جمهور الإسماعيلي جمهور عظيم.
الفتره دي القوة الشرائيه زادت جداً ، لكن الإسماعيلي له تاريخه وأسمه بيخلي اللاعيية تفضل الاسماعيلي عن أندية أخري.
نادي الإسماعيلي هو نادي الوطنية الحقيقي بمواقفة الوطنية المعروفة للكل والتاريخ لا ينكر ذلك.
بشكر الجماهير العظيمة للنادي وإن شاء الله القادم أفضل.

https://fb.watch/c-w7cEVuZO/