غبي منه فيه … و حيفضل زيهم غبي و أغبي منهم

كتب:daraweesh

طبعا غلطان و غبي كمان….. دي حتكون إجابة فلان ما .. لو سألته هو ليه الناظر باع نجوم جيل 2000 و نجوم جيل 2002
و لو قلت لهذا الفلان ..أن الناظر كان عنده أسباب علشان يبيع و يفرط في النجوم وقتها من الأسباب دي هي …………… و …………………..و ………………و ……………..
مش حيسيبك الفلان ’’ تكمل الأسباب و بعصبية حيرد عليك و يقول … اللي يبيع نجوم الفريق اللي جاب دوري و كاس .. يبقي غبي .. أكيد غبي ..مهما كانت الأسباب
ترجع و تقول له.. يعني اللوم علي الناظر – مش اللوم علي الشاطر أو النحاس أو بركات
ساعتها الفلان حيفكر شوية و يهرش في قرعته .. و يقول متردد.. طبعا لا اللوم علي الناظر و علي اللعيبة الخونة إللي كانوا عايزين يتباعوا علشان يروحوا الأهلي
هنا بقي .. نستغل حالة التردد اللي الفلان فيها و نعود و نسأله … طيب الشاطر و النحاس و بركات … مش اتباعوا للأهلي … يعني اللي غلطان هو الناظر اللي باع اللاعبين و لم يجدد لهم قبل قرب انتهاء تعاقدهم
صاحبنا الفلان – سكت و بَلمْ… قلت أجيب القاضية بقي و سالت الفلان: يعني بتقول الناظر غلطان و اللعيبه غلطانه و الأهلي غلطان …. طب ليه عايز تبيع عبد الرحمن مجدي ..و بتكتب تقارير لبيعهم و التخلص منهم
صاحبنا الفلان , بلغ ريقه و أتعدل في جلسته و قال : و هو أنت عايز تجيب عبد الرحمن مجدي و باهر المحمدي .. إلي النجوم بركات و الشاطر و النحاس , اللي جابوا للاسماعيلي دوري 2002 و كاس 2000- عبد الرحمن مجدي و باهر ليهم كام سنة في الاسماعيلي حققوا بطولة أيه و معاهم الفريق كان حيهبط للدرجة الثانية و لعيبة ….. و …. لا مؤاخذة .دول بيعهم أحسن الفلوس اللي تيجي من بيعهم أفضل منهم
عجبني صاحبنا لأنه عارف تاريخ .. حتى و لو بيوظفه لمزاجه .. و كان لازم أساله : مين اللي كان مع الشاطر و النحاس و بركات, علشان يحققوا دوري و كاس في سنتين .. كان معاهم أساطير لم تتكرر زي محمد صلاح أبو جريشة و جون اوتاكا و البرازي و حمام ابراهيم و أيمن رمضان .. حتى الإضافات كانت مؤثرة إلي اعلي .مثل خميس جعفر و بسيوني و عمرو فهيم و غيرهم من أصحاب الأرقام القياسية تهديفيا و الشباك العذراء أو الكلين شيت .. عارف كان الصاعدين مين في وقتها …كان محمد حمص و حسني عبد ربه و احمد فتحي و محمد محسن أبو جريشة و محمد عبد الله و غيرهم … كانت مجموعة لابد أن تحصل علي دوري و كاس بفضل الله تعالي
و أواصل الكلام مع الفلان …. المجموعة دي كان ممكن تضاعف عدد البطولات للاسماعيلي .. لكن التفريط فيهم كان إجرام و جريمة
و رأيت بوادر صمت و وجوم و لذلك كان علي أن أسال الفلان سؤال صعب : عارف مين إتباع بعد الدوري 2002 و حتى حدوث زلزال الهزيمة من الأهلي و رحيل الناظر و فرقته المباركة تم رحيل من النجوم السوبر فقط .. كل من
عبد القادر البرازي ورضا سيكا والنيجيري جون اوتاكا و محمد بركات و محمد صلاح أبو جريشة وأيمن رمضان وسعد عبد الباقي و عماد النحاس و إسلام الشاطر ومحمد يونس وعطية صابر وحمام إبراهيم وخميس جعفر وعبد الحميد بسيوني . يعني سبب الزلزال هو بيع أو الاستغناء عن نجوم اللاعبين ..و لا شئ قبله و لا بعده
شايف الأسماء دي .. كانت مع و حول,, الشاطر و بركات و النحاس
لكن مين كان مع عبد الرحمن مجدي و باهر المحمدي .. أقول لك بعض الأسماء و إلا آنت عارف
صاحبنا فلان … بدأ يفهم شوية
قلت له : حاقول لك بس أسماء الأفارقة … يمكن تضحك لو عرفت انك يمكن ناسي أسمائهم ..شوف يا سيدي : المالى موسي كمارا والغاني توماس ابي والنيجيري اوكيكي افولابي والتونسي لاسعد الجزيري والكاميروني كريستوفر ماندوجا والتنزاني يحيي زايد والنيجيري مارشال اودا والغاني باتريك كادو و والغيني بيساو بيكيتي سيلفا والتنزاني يحيي زايد و الانجولي اري بابل و الجزائري رضوان الشريفي و التونسي مروان الصحراوي و الزامبي جاستن شونجا والبوليفي كارميلو الجاراناز و الغاني سايكو كونتيه و الايفواري چيان موريل بوي و الارجنتيني دييغو فيرناندو دوريجاراي..كام دول في كام موسم ..خلي بالك أنا باتكلم من سنة 2017 و الأفارقة فقط و السيئين فقط 18 لاعب
ده طبعا غير لاعبين نص و نص أجانب مثل الغاني توريك جبرين والنيجيري ايمانويل بناهينى و معهم الغاني ريتشارد بافور والكولومبي دييجو كالديرون والناميبي بينسون شيلونجو و العراقي همام طارق والتونسي فخر الدين بن يوسف.و يمكن نسيت احد من الأفارقة ليكون عددهم 25 في خمس مواسم بمعدل خمسة لكل موسم !!
طيب عارف كام مدرب من بعد الفرنسي سبستيان ديسابر ..دربوا فرق الاسماعيلي من منتصف موسم 2017/2018 .. إلي اليوم في 2022 ..عارف كام مدرب ؟؟؟ … 17 مدرب في خمس سنوات .. بمعدل 3 مدرب و نص لكل موسم !!!!
عايز عبد الرحمن مجدي و إلا باهر .. يلعب ازاي و إلا يركز ازاي
و رئيس النادي قال له بالحرف عند تجديد تعاقده مع النادي : حتصرف الشيك الأول في أول نوفمبر و قبل الشيك الثاني في أول فبراير ,,حتكون متباع …. و لما احد اللاعبين عايز يجدد بمبلغ زي عبد الرحمن مجدي قال له رئيس النادي : و ألاقي لك بيعه زيه أزاي !!!!!
هل تعلم يا فلان أن عبد الرحمن مجدي و باهر لمحمدي حني الساعة الثانية عشر مساء يوم 10 أكتوبر .كانوا واثقين أنهم خارج الاسماعيلي بنسبة 100%
ركز آنت يا عم فلان الفلاني الله يخليك .. هل لو كنت زيهم .. يبقي عندك بقرش تعريفة تركيز
اعتدل الفلان في جلسته وقال : بس ده برضه مش مبرر أن عبد الرحمن مجدي و باهر المحمدي بيقدموا مستوي لا يتانسب مع ما يحصلون عليه من أموال
قلت : متفق معاك أن اللاعبان لا يستحقا ما هو المفترض يحصلوا عليه ( كلها شيكات بدون رصيد ) .. لكن بالحقيقة أن باهر و مجدي و غيرهم ينطبق عليهم نفس الحال ، أنهم يحصلون علي أكثر ما يستحقون و هو علامة علي سوء الإدارة
و وقتها تمطع الفلان و انتفخت أوداجه و قال طيب .. ليه مدرب المنتخب البرتغالي أهمل استدعاء عبد الرحمن مجدي .. مش ده دليل أن عبد الرحمن مجدي فعلا مستواه نازل و بيتــ…… في لعبه
قلت له : ما تكمل السؤال و تم استدعاء باهر المحمدي اللي مش عاجبك برضه .. السر هنا في عبد الرحمن مجدي مكانه فيه 3 لاعبين أفضل منه و منهم العالمي محمد صلاح و طاهر محمد طاهر و زيزو الزمالك قبله .. و بالفعل عبد الرحمن مستواه نازل و حينزل كمان لان مفيش استقرار و أقول لك كمان علي مفاجأة .. عبد الرحمن بيحاول يضغط علي وكيله أن لا يحاول فسخ تعاقده مع الاسماعيلي
هنا قام و هاج و ماج فلان : خلاص يروح في ستين داهية و يا ريت الكومي يبيعه و الفلوس اللي تيجي منه أحسن منه دول أصلا لعيبه و لاد كذا و كذا و كذا ………………………
شاورت لفلان بالهدوء و قلت له : أهدئ و فكر بعقلك و بذكاء كمان .. هما عايزينك تقول الشوية دول و تشعللها و تشتم في اللاعب و اللي جابوه …. و في الأخر يمشي اللاعب و ياخد ملايين زيادة و السمسار المشعللاتي ياخد ملايين زيادة و الاسماعيلي .. يفضل زي ما هو عشة فراخ للتسمين و البيع .. أما أنت يا فلان حتفضل غبي منه فيه … و حتفضل زي كل الأغبياء اللي قبلك . بتقع في خطط و تخطيط السماسرة زي البطة الخضير .. و يتنفذ المخطط بواسطتك و بمزاجك و تفضل محلك سر. و زي ما قلت لك حتفضل غبي زيهم.و أغبي منهم كمان .. لان زمان كان فيه تعمية و شغل متغطي لتنفيذ مخططات ما .. اما الان … الشعل واضح للجميع و لا يقع فيه الا الغبي و الغبي جدا 

نتوقف هنا بالحديث مع فلان .. بسبب ما شاهدته من ملامح الشماتة من بعض الفلانيين .. في عدم استدعاء عبد الرحمن مجدي للمنتخب … و لكن اقول لهم … العقل زينه و هناك من خلع عقله . و مشي حافي !