مالناش بطولات

كتب:Tamer El-Sayed

قصيدة ملناش بطولات بقلم الشاعر احمد ابراهيم
ودولابنا صحيح ناقصه جوايز
لكن قوانين اسماعيليه
ليها حسبه قديمه وابديه
بتقول ان المكسب نيه
والمتعه أهم من الفايز
بين التشجيع و مابين عايز
جمهور ماينامش ٣ تيام
بيحضر روحه لماتش مهم
مهما ان شيلنا في حياتنا الهم
بنقول النادي يا عم – أهم
اهتفله غنايا و أشعاري
صوت الجمهور لحن كناري
جمهور واعي – مثقف – قاري
راسم احلامه علي التشجيع
لو ضاع الصوت النادي يضيع
بيع مهما تبيع
حب النادي مالهوش اوراق
احنا الجمهور و احنا التواريخ و احنا الانشاء
واحنا اللي نقول و احنا اللي نشاء
احنا الارقام و احنا الاسماء
احنا الآختام و احنا الآوراق
الصمت الداء و الدوا هتافات
احنا الجمهور و احنا القيادات
احنا الحكام و احنا القرارات
احنا بفطرتنا اتربينا
نهتف دراويش مهما بكينا
ونعلي في حسك ي مدينه
ونشجع نادي مالوش بطولات
احنا البطولات .