هو نفس المخ الجملي … ايمن او جاريدو 

كتب:daraweesh

طبعا الكل هايص و فرحان و انا معاهم – و لوبنسبة ما – بظهور اللاعب الغاني التوجولي الكومي ياوو انوور … و الكل نسي اننا 3 نقاط من 18 و الكل نسي ان لسة الاسماعيلي .. حتي لو كان كسب الاسماعيلي كنا مازلنا في مكاننا المركز 16 … لان اقرب واحد لنا اكثر من 3 نقاط فارق … و لو حتي اننا قربنا من ربع الموسم و لسه امامنا بحر الظلمات و خلفنا بيراميدز ثم انبي ثم المصري ثم الزمالك !!!!!!!!!

و اللي حيطلع و يقول لك ..انا قلت و انا طرزن و من زمان قلت ياوو انور هو خليفة اوتاكا و جون اويري  و محمود المليجي … و  ينسي سعادة الخبير ان الليلة لسه كحلي لو مشينا  بنظرية .. مش قلت  ليكوا انوووور انووور

و برضه اللي حيطلع يقول لك ايمن الجمل عمل اللي عليه لانه تولي تدريب الفريق من يومين فقط .. مع ان ايمن الجمل من شهر و زيادة…. و ده مش توقع – لكن معلومة …  بيتحضر الجمل لتولي تدريب الفريق و  كمان قبل ما يتم تعيينة رسميا في 13  نوفمبر 2022 ..و بلاش نضحك علي بعض – دي خطة الكومي كوميكاه مع دولارات جاريدو 

 صحيح ضاع مننا هدفين بفضل الفار التابع لمستقبل فيوتشر وطن .. منهم علي الاقل الهدف الثاني ..و كرة في القائم – شفا – من الموهوب عبد الرحمن مجدي بالدقيقة 87 و الكبير كبير ..حتي لو رفع قضية علي الكومي !

 لكن هيه فرصه .. علشان اتباع بحبك يا كومي و اتباع – الشيخان – يهللوا للصفقات الجديدة و البطاقة المؤقتة !!!

اومال بتقول .. المخ الجملي ليه ….. اقول لكم 

اتصور  ان اي مدرب – بيفهم كورة او كتشنة 1%  و شاهد محمد الشامي في الدقيقتين 26 و 30 من مباراة سيراميكا و الاسماعيلي و اضاع الشامي هدفين لا يضيعا من لاعب كي جي وان  و ظهر انه مش هنا خالص مالص  … لا يمكن ان يدفع بمحمد الشامي اساسي بالمباراة اللاحقة اليوم امام فيوتشر و خاصة الدفع به بجانب باسم مرسي المكهرب ..و لذلك ضاع هجوم الاسماعيلي علي الاطلاق و لم ينصلح الحال الا بخروج محمد الشامي بالدقيقة 62 ..و نزول احمد مدبولي  و لقينا ياوو انور واحد تاني خالص …. يبقي مخ المدرب  كان جملي و الا … لا .. هذه واحدة 

الثانية .. من الدقيقة 14 ..و بعد راسية من ياوو انور ..طار لها الحارس جنش و عمل لها منظر …. انهارت كل خطوط الاسماعيلي حتي نهاية الشوط الاول و تلاعب الوادي لاعب فيوتشر بخط الوسط و الدفاع كله و سدد فوق العارضة و 4 ركنيات و ضغط من فيوتشر من منتصف الملعب ..و لو استلم لاعب الاسماعيلي الكرة  فلابد ان تكون الكرة الثانية من نصيب لاعبي فيوتشر …. و مع ضغط فيوتشر بكل خطوطه و التقدم … حصل ثلاث انفرادات  للاسماعيلي من كرا مرتدة  … باسم مرسي – ياوز انور – محمد الشامي … و ضاعوا ليؤكدوا ان الحال صعب للغاية .. و مع مرور 30 دقيقة هي الاسوء للاسماعيلي و ختمها المتألق  محمد هاشم في انقاذ هدف 1000%  و من بعده باهر المحمدي انقاذ رائع و تغطية حريفة .. اين كان المدير الفني للاسماعيلي … لا احد يعرف 

 الثالثة  تشكيل خط الوسط للاسماعيلي يظهر عمر الوحش و محمد حسن و عماد حمدي-  ان المدير الفني ايمن الجمل – خائفة من مستكة ما ..و المستكة مش موجودة و قاعد في قطر بقناة الكاس ! … و لكن كما قلنا في ثانيا ان من الدقيقة 14 حتي الدقيقة 47 ..كان الله في عون الجماهير منذ معرفتهم بالتشكل و الثلاثة معا وحش و حمدي و حسن  .. لم يكن ينقصهم الا  محمد مخلوف … علشان نعترض علي طريقة و صوت اسكندرانية  من الانفوشي … بجد 

 رابعا  .. رغم المستوي المحترم لقلبي الدفاع باهر المحمدي و محمد هاشم و يعتبرا افضل قلبي دفاع بالوقت الحالي .. لكن الاطراف في منتهي الاهتزاز و التردد و افتقاد الثقة و لابد ان يبحث المدير الفني عن علاج تلك النقطة و منه لله اللي جاب صفقات الدفاع كلها – من نقاذ لمحسن للكل الكليلة و كمان باع الجوكر المحترم محمد عادل  … لكن من حيصلح المدير الفني المؤقت و الا المجهول القادم 

 عموما كل ذلك لا يقلل من احقية الاسماعيلي من الفوز و ان الفار اضاع لنا هدفين ..منهم هدف صحيح .. لكن التقصير من جهتنا  و الدليل اننا  لا ننسي متش المحلة و الاسماعيلي ..تم الغاء 3 اهداف له ولكنه احرز هدفين و فاز باللقاء  من كفاءة الشغل في منطقة المناورات و نهاية الفرص عن طريق عقلاء  و ليس لاعبين متكهربين شعانيين  ..و هو شئ كان ضائع تماما الي ما قبل نهاية المباراة ب 28 دقيقة فقط و هو وقت خروج الشامي و نزول احمد مدبولي…… و زاد التركيز بنزول عبد الرحمن مجدي د 71 و الذي كان يخطف الثلاث نقاط  بتمريرة ببطن القدم في المرمي .. الحظ عاند و ارتطمت بقائم جنش فيوتشر 

 امامنا وقت و اتصور انه وقت طويل حتي نبتسم .. و ربنا تعالي هو الستار ذو الفضل الكريم 

 و انتهي الكلام خارج المقرر