Connect with us

عيون إس سي

الظعماء السبعة

كتب:daraweesh

بعد ان قدمنا للانتاج الفني الرائعة الخالدة

رد كلــــــــــــــــبي

أفعص

هنا

و بعدها قدم رائعة الشباب الجندية العسكرية المهلبية

جعلـــــوني مظلمــــا

أخبط

هنا

ثم قدمت الشركة تحفتها الشعبية الرائعة

تلاتين يوم في الادارة و السجن

أفعص

هنا

تعود شركة اونلاين للانتاج الفني لتقدم فيلهما القوي المفتري

الظعماء السبعة

المقتبس من الفيلم الكلاسيكي العالمي

العظماء السبعة

The Magnificent Seven

directed by
John Sturges

انتاج 1960 من افللام الويسترن الامريكاني الشهير

من بطولة اساطير السينما العالمية

Charles Bronson, James Coburn, Steve McQueen, Yul Brynner, Robert Vaughn, Horst Buchholz, Brad Dexter

و كان اسمائهم في الفيلم

Vin, Bernardo O’Reilly, Britt, Chris Adams, Lee, Chico, Harry Luck

لكن عندنا ما شاء الله

الظعماء السبعة

فلاح كان فايت بيغني من جنب السور
شامل راكن و طالع بعد شوية
كامل فلتة زمانه
شبانة سن الفيل
شعبان وسع طريق
بيومي ما اعطلكشي
حمدان سيبها و تعالي خدها بكرة

فيلم الظعماء السبعة

انتاج 2008 من افللام الايسترن الاسماعلاوي الشهير

طيب العظماء السبعة بقالهم حوالي خمسين سنة .. و لسه الناس و الجماهير فاكراهم و حفظاهم بكل خير

لكن الظعماء السبعة .. فين … و هما لسه .. ما ربعانووش… يعني ما فاتش عليهم اربعين يوم

و محدش سامع لهم خبر

من الشطارة و الفهلوة المصرية العالمية عملوا ( مصروا ) فيلم اسمه شمس الزناتي عن نفس الفيلم و كان الشؤيؤ اسمه المارشال برعي

الزناتي و برعي و مارشال … ما يركبوش مع بعض ابدا ابدا …و كان واحد من الابطال اسمه جعيدي و التاني الطفاش و كمان سامبو

يعني شخرموا الفيلم خالص

اومال لو ارادوا ان يأمريكوها _ نسبة الي امريكا طبعا .. فيلم الظعماء السبعة .. بتوعنا .. كانوا عملوا فيلم

Meet your Meat

و اخراج المخرج الكبير حجما : ساطوريسكي بقتيكيوس .. لأول مرة معا

العجيب ان العظماء السبعة في خلال ساعتين تسوية الهوايل و خلوا المايلة معدولة و العاذبة اتجوزت و المتجوزة اتطلقت و في الاخر مات منهم شوية علشان الفيلم يبقي تراجيدي

لكن الظعماء السبعة بقيادة المعلم الكبير شامورا ياكوها مفيسو … الكل بقوا عوانس في عصره مفيش جديد و لا حتي قديم …. ملل

ابيض يا ورد ي .. يا وردي ابيض يا وردي

لا مدير فني للعصابة ..جابوا …. و لا اضافات او تعاقدات للعصابة … عملوا .. و لا جددوا للحرامية الموجودين … حتي اللي جددوا لهم … حيسرقونا بالشرط الجزائي

كل واحد من الظعماء السبعة..المغاوير … حاسس انه الكاو بوي الرائع : يول براينر و ماسك لي مسدس جبس من بتوع شكوكو بقزازة … و قاعد ,.,, تشووووو .. ,.,, تشووووو… . تشوووووو … ( ده صوت الرصاص و لا مؤاخذة ) و تشووووو تشووووو

و التاني عامل فيها سيد دلنجر و جامع حواليه سيد ساكسونيا و ابراهيم جودباي .. المرتزقة الكونسبشن

و الثالث داخل في دماغه انه علي كابوني و نفسه يبدأ بعملية البصل الطلياني الاول و هدد بكل وضوح … يا تسحب الفلة … يا تكسر القلة … و السنجة في الرنجة و كل عام و انتم بخير

و الرابع و الخامس و السادس … يا زايد في الحلاوة عن اهل حينا .ما تبطل الشقاوة و تعال .. تعال عندنا
نازل تنفيض في المدفع الغلبان و خلاص انا ارتحت بعد ما برسيللي بيض لي غسيلي

و الاخير جناب الكوماندا المهم .. حيغير اسمه الي جناب اللوكاندة المهم برضه .. اهي تنفع في موسم العمرة و اللي موجود … يسد و خلاص

مش ممكن بصراحة – الظعماء السبعة .. كل واحد فيهم بيقول يالا نفسي و انا و من بعدي الطوفاش .. بالشين مش باللام

يعني يا عم .. يا جامد … معني .. الطوفاش

ما يردش … هو كده و خلاص .. هو سمعها كده .. انا و من بعدي الطوفاش

يا عم يا ظعيم … الله يهديك و ادبح لك …. كوكو

مفيش فايدة

انا الظعيم و عايش فيها دور عادل امام

كل ظعيم من السبعة … ماسك في خناق الستة الباقيين و حالف ليوديهم القسم و يضرب نفسه بموس عليهم و في الاخر يعزمهم علي عيش و حلاوة

و احداث اخر اجتماع – بين الظعماء السبعة – كان بخصوص السؤال الهام و المصيري و الجدلي

النهاردة ايه في أيام الاسبوع

كان اجتماعا قويا و حماسيا بشكل غير مسبوق و شهد خلافا حادا و اشتغلوا يا مواقع الاحباب و الاعداء

و تم تسريب احداث الاجتماع من تحت عقب الباب حتي تم انزال الخبر بالتفاصيل

حصريا و شخصيا و نهاريا و ليليا .. احنا بس اللي هما – علمنا .. ان الاجتماع الذي انتهي منذ دقائق مع – دودة … تم مناقشة فيه نقاط كثيرة حنقول لكم عليها بعدين … لكن المهم – حصريا – ان كان فيه سؤال جماهيري هام
هو

النهاردة ايه في أيام الاسبوع

و كانت اراء السادة الظعماء كالتالي

اول الظعماء السبعة قال : النهاردة السبت

و اختلف السيد ثاني الظعماء و قال : النهاردة الاحد

تعجب السيد ثالث الظعماء من المماطلة و التعصب و قال : … لا …. النهاردة الاتنين

رابع الظعماء معجبوش الحال و هو شايف نفسه شوية و قال : مش ممكن … النهاردة الثلاث

خامس الظعماء مش حيعديها كده بالساهل … و قال : يا جماعة مش ممكن النهاردة الاربع

الراجل سادس الظعماء . انعقد حاجبيه و اكفهرت ملامحه و زط و نط و فط و قال : النهاردة الخميس يعني الخميس

سابع الظعماء – في كل هدوء و أستموزج قال و قال و قال : النهاردة الجمعة علشان انا لسه رايح عند طنط

و لقد انفض الاجتماع لعدم الاتفاق علي ان النهاردة ايه في ايام الاسبوع و تركها للاجتماع القادم للتقرير بخصوص هذا القرار الهام

العظماء السبعة .. اتفقوا علي قضية – أي قضية – و مات شوية منهم … علشان القضية – الله يرحمك يا يول براينر انت و اخوانك العظماء السبعة

اما الظعماء السبعة … مش عارفين يتفقوا علي أي حاجة

غير حاجة واحدة بس انهم ما يتفقوش علي حاجة ابدا

بس نصيحة … للظعماء السبعة

اقعدوا مع بعض .. و اتفاهموا بالراحة كده …. او حتي بالعقل

احسن لكم .. و الا الجمعية الاستهلاكية حتوقف عنكم الزيت و الصابون و البلح الابريمي

و لفد أظعر من أنظر … بضم النون

و الا

الخوف بقي كله .. ان يكون هناك فيلم قريب اسمه

Seven Samurai

يعني يتحولوا الي الساموراي السبعة … و ينتحروا … زي … الطريقة اليابانية .. الهاراكيري

و الا

الجمعية الاستثنائية جاية .. جاية بعد شوية …. جايبه…. لعب و حاجات … واك … واك

The End

بقلم الدراويش